རྟོགས་པ་དང་དྲན་པ

དྲན་ཐོར་འཁོད་པའི་བོད་ཡིག དྲན་པ་ནི་ང་ཚོས་མཐོང་ཐོས་བྱས་པ་དང་། ང་ཚོས་ཀློག་པ་དང་། མི་གཞན་གྱིས་ང་ཚོར་བཤད་པ་དང་། ང་ཚོར་བྱུང་བ་སོགས་སེམས་ནང་བསགས་འཇོག་བྱེད་པའི་ཐབས་ཤིག་རེད། དགེ་རྒན་དང་དགེ་རྒན་མ་ཚོས་ཁོ་ཚོའི་སློབ་མ་ཚོས་ཁོ་ཚོའི་གཏམ་དང་ཚིག་གྲོན། སློབ་དེབ་ནང་འཁོད་པའི་ཡི་གེ་དང་ལེའུ་ཧྲིལ་བོ། ལས་འགན་མང་པོའི་ནང་ཚེག་དང་ཚེག་འཕྲེང་ཚུན་ཆད་བློར་འཛིན་པར་འདོད། རྒྱུགས་སྤྲོད་པ་ནི་ང་ཚོར་བཤད་པ་དང་། ང་ཚོས་འཕྲུལ་འཁོར་ལྟར་ཀློག་པ་དང་། ངག་ཐོག་ཏུ་དྲན་པ་དང་། བྱིའུ་ཚང་དང་ཤོ་ཀ་ལྟར་གང་བློར་བསགས་པ་རྣམས་བསྐྱར་ཟློས་བྱེད་པ་ལ་ཟེར། མི་རབས་གསར་པ་ཚོས་རླུང་འཕྲིན་འཕྲུལ་འཁོར་ནང་བཅུག་པའི་སྒྲ་ཐག་བསྐྱར་ཟློས་བྱེད་པ་ལྟར་དྲན་པའི་ནང་བཅུག་པ་ཐམས་ཅད་བསྐྱར་ཟློས་བྱས་པས་གོ་བ་གཏིང་ཟབ་མོ་ལེན་ཐུབ་པ་མཚོན་མི་ཐུབ། དྲན་པ་ནི་གོ་བ་ལེན་པ་མིན་ལ། གོ་བ་མ་ལོན་པར་དྲན་པ་ལ་དོན་སྙིང་མེད། དྲན་པ་ནི་འདས་སོང་གི་ཆ་ཤས་ཡིན་ལ། དེ་ནི་ཤི་ཟིན་པ་ཞིག་དང་སྲོག་མེད་པ་ཞིག་རེད། སློབ་གྲྭ་དང་མཐོ་སློབ། གཙུག་ལག་སློབ་གྲྭ་ཆེ་མོའི་སློབ་མ་ཚང་མས་གོ་བ་ཟབ་མོའི་དོན་སྙིང་ངོ་མ་དེ་རྟོགས་དགོས་པ་ནི་ཧ་ཅང་གལ་ཆེ་བ་དང་དུས་བབ་དང་མཐུན་པ་ཞིག་རེད། གོ་བ་ལེན་པ་ནི་མྱུར་མགྱོགས་དང་ཐད་ཀར་ཡིན་ལ། ང་ཚོས་ཚོར་ཤུགས་དྲག་པོས་མྱོང་བ་དང་། གཏིང་ཟབ་མོའི་ངང་མྱོང་སྟེ་སེམས་ཀྱི་འགུལ་ཤུགས་སུ་འགྱུར་དགོས་པ་ཞིག་རེད། དྲན་པ་དང་བསྐྱར་དྲན་ནི་ཤི་བ་ཞིག་ཡིན་ལ། འདས་སོང་དང་འབྲེལ་བ་ཡོད་པ་དང་། སྟབས་མ་ལེགས་པ་ཞིག་ལ་དཔེ་མཚོན་དང་སྙན་གྲགས། བསམ་བློ་དང་རྣམ་པར་དཔྱོད་པ་དང་འདྲ་བར་ང་ཚོས་འཕྲུལ་འཁོར་ལྟར་འདྲ་བཟོ་བྱེད་འདོད་པ་དང་དྲན་མེད་ངང་འགྲོ་འདོད་པ་ཞིག་ཏུ་འགྱུར། བདེན་པའི་གོ་བ་དང་གོ་བ་ཟབ་མོའི་ནང་། གཏིང་ཟབ་མོའི་གོ་བ་ནང་བསམ་བློའི་གནོན་ཤུགས་ཁོ་ན་ཡོད་ལ། ནང་སེམས་ནས་སྐྱེས་པའི་གནོན་ཤུགས་རྒྱུན་ཆད་མེད་པ་ཞིག་ཡོད་པ་དེ་ཙམ་རེད། ངོ་མའི་གོ་བ་ནི་རང་བཞིན་གྱིས་འབྱུང་བ་དང་སྟབས་བདེ་བ། འདེམས་ཀ་བྱེད་པའི་ཡིད་མུག་པའི་བརྒྱུད་རིམ་ལས་རང་དབང་ཅན་དང་། ཐག་གཅོད་དཀའ་བའི་རིགས་མེད་པའི་རྣམ་པ་གཙང་མ་ཞིག་ཏུ་མངོན་པར་གྱུར། བྱ་སྤྱོད་ཀྱི་གསང་བའི་འགུལ་ཤུགས་སུ་འགྱུར་བའི་གོ་བ་ནི་ཧ་ལས་པ་དང་ཡ་མཚན་ཅན། ཡར་རྒྱས་གཏོང་བ་དང་ངོ་བོའི་སྟེང་ནས་གཟི་བརྗིད་ལྡན་པ་ཞིག་རེད། ང་ཚོས་ཀློག་པ་དང་རེ་འདོད་བྱེད་པའི་མིག་དཔེ། སློབ་སྟོན་བྱས་པའི་སྤྱོད་ལམ་གྱི་ཚད་གཞི། དྲན་པའི་ནང་བསགས་པའི་ཉམས་མྱོང་སོགས་དྲན་ཐོའི་སྟེང་བརྟེན་པའི་བྱ་སྤྱོད་ནི་རྩིས་རྒྱག་པ་ཞིག་ཡིན་ལ། ཡིད་མུག་པའི་གདམ་ག་ལ་བརྟེན་པ་དང་། གཉིས་ཕྱོགས་ལ་དབྱེ་བ་དང་འདེམས་ཀ་བྱེད་པའི་རྣམ་པ་ཞིག་ཡིན་པས་དེ་ནི་ནོར་འཁྲུལ་དང་སྡུག་བསྔལ་ལ་ཁྲིད་ངེས། བྱ་སྤྱོད་དྲན་པ་དང་མཐུན་པར་བསྒྱུར་བ་དང་དྲན་པའི་ནང་བསགས་པའི་དྲན་རྟེན་དང་མཐུན་པར་བསྒྱུར་བ་ལ་འབད་པ་བྱེད་པ་ནི་རང་བཞིན་མིན་པའི་རྫུན་མ་ཞིག་ཡིན་པ་དང་རང་བཞིན་མེད་པས་ནོར་འཁྲུལ་དང་སྡུག་བསྔལ་ཁོ་ནར་ཁྲིད་སྲིད། རྒྱུགས་སྤྲོད་པ་དང་ལོ་རིམ་འཕར་བ་དེ་ནི་བློ་རིག་དང་དྲན་ཤུགས་ཡོད་པའི་མི་སྡུག་ཅག་སུ་ཞིག་གིས་ཀྱང་བྱེད་ཐུབ། སྦྱངས་ཟིན་པའི་བསླབ་ཚན་རྣམས་དང་ང་ཚོ་རྒྱུགས་ལེན་དགོས་པ་རྣམས་ལ་གོ་བ་ལེན་པ་ནི་ཧ་ཅང་མི་འདྲ་བ་ཞིག་ཡིན་ལ། དྲན་པ་དང་འབྲེལ་བ་གང་ཡང་མེད་པར་རིག་པ་ངོ་མ་དང་འབྲེལ་བ་ཡོད་པ་དེ་ནི་ཤེས་ཡོན་ཅན་དང་ནོར་འཁྲུལ་མི་འབྱུང་བ་ཞིག་རེད། མི་ཚེའི་བྱ་སྤྱོད་ཐམས་ཅད་བསམ་བློ་དང་གཞུང་ལུགས། དྲན་པའི་མཛོད་ཁང་ནང་བསགས་པའི་དྲན་པ་རིགས་སྣ་ཚོགས་ལ་བརྟེན་ནས་གཞི་འཛིན་འདོད་པའི་མི་རྣམས་ནི་རྒྱུན་དུ་འགྲན་བསྡུར་བྱེད་པ་དང་འགྲན་བསྡུར་བྱེད་ས་དེར་ཕྲག་དོག་ཀྱང་ཡོད། མི་དེ་ཚོས་རང་ཉིད་དང་ཁྱིམ་མི། ཕྲུ་གུ་ཚོ་ཁྱིམ་མཚེས་ཀྱི་ཕྲུ་གུ་དང་མི་དང་བསྡུར་བ་དང་ཁྱིམ་ཚང་དང་ཅ་དངོས་གྱོན་ཆས་ཡོད་ཚད་ཁྱིམ་མཚེས་དང་ཉེ་འཁོར་གྱི་མི་ཚང་གི་ཅ་དངོས་དང་བསྡུར། བསམ་བློ་དང་ཕྲུ་གུའི་རིག་པ་མི་གཞན་གྱི་བསམ་བློ་དང་མི་གཞན་གྱི་རིག་པ་དང་བསྡུར་ཏེ་ཕྲག་དོག་བྱེད་པ་དེ་ནི་བྱ་སྤྱོད་ཀྱི་གསང་བའི་འགུལ་ཤུགས་སུ་འགྱུར། འཛམ་གླིང་གི་བདེ་མེད་ཆེད་སྤྱི་ཚོགས་ཀྱི་ལམ་སྲོལ་ཡོངས་རྫོགས་ཕྲག་དོག་དང་ཐོབ་འདོད་ཀྱི་བསམ་པའི་སྟེང་བརྟེན་ཡོད། ཚང་མས་ཚང་མར་ཕྲག་དོག་བྱེད་པ་དང་ང་ཚོས་བསམ་བློ་དང་དངོས་པོ། མི་ལ་ཕྲག་དོག་བྱེད་པ་དང་དངུལ་དང་བསམ་བློ་གསར་པ། དྲན་པའི་ནང་བསགས་པའི་བསམ་བློ་གསར་པ། ང་ཚོའི་འགྲོ་བ་མི་ལ་མིག་འཁྲུལ་བཟོ་བའི་ཅ་དངོས་གསར་པ་སོགས་ཐོབ་འདོད་བྱེད། བདེན་པ་དང་ཁྲིམས་མཐུན། ངོ་མའི་གོ་བ་ནང་བརྩེ་དུང་ངོ་མ་ཡོད་པ་ལས་དྲན་པའི་ཚིག་བཤད་ཙམ་མིན། དྲན་པའི་ནང་གནས་འཇོག་བྱེད་པའི་དངོས་པོ་རྣམས་མྱུར་དུ་བརྗེད་དུ་འགྲོ་བ་ནི་དྲན་པ་བློ་མི་བདེ་བས་རེད། སློབ་མ་ཚོས་དྲན་པའི་མཛོད་ཁང་ནང་དཔེ་མཚོན་དང་གཞུང་ལུགས། ཚིག་ཧྲིལ་པོ་བཅུག་ཀྱང་དེ་དག་དོན་དངོས་ཀྱི་འཚོ་བའི་ནང་ཕན་ཐོགས་མེད་པ་ནི་མཐར་དྲན་པ་ནས་རྗེས་ཤུལ་ཅི་ཡང་མེད་པར་བརླག་འགྲོ། མི་རྣམས་ཀྱིས་ཀློག་པ་ཙམ་དང་འཕྲུལ་འཁོར་ལྟར་ཀློག་པ་དང་གཞུང་ལུགས་དག་དྲན་པའི་མཛོད་ནང་བསགས་ནས་དགའ་བ་རྣམས་ཀྱིས་བསམ་བློ་འགོག་པ་དང་བློ་ཕམ་པའི་ངང་གནོད་སྐྱེལ་བར་བྱེད། ང་ཚོས་གོ་བ་གཏིང་ཟབ་ལ་བརྟེན་པའི་དོན་ཟབ་དང་འདུ་ཤེས་ཀྱི་སྟེང་ནས་སློབ་སྦྱོང་བྱེད་པར་སྐྱོན་བརྗོད་མི་བྱེད་ལ། ང་ཚོས་དུས་ཚོད་ལས་ཡོལ་བའི་སློབ་སྟོན་གྱི་ཐབས་རྙིང་པར་ཁག་དམོད་ཁོ་ན་བྱེད། སློབ་སྦྱོང་གི་ལམ་སྲོལ་དང་བློར་འཛིན་པ་སོགས་ལ་ཁག་དམོད་བྱེད། གོ་བ་ངོ་མ་ཡོད་སར་དྲན་པ་མེད་ཀྱང་འགྲིག ང་ཚོས་སློབ་སྦྱོང་བྱེད་དགོས་ལ། ཕན་ཐོགས་ཡོད་པའི་དེབ་དང་དགེ་རྒན་དགོས་པ། སློབ་གྲྭ་དང་མཐོ་སློབ། གཙུག་ལག་སློབ་གྲྭ་ཆེན་མོ་དགོས། གུ་རུ་དང་དམ་པ་དང་སེམས་ཀྱི་ལམ་སྟོན་པ་སོགས་དགོས་མོད། འོན་ཀྱང་བསླབ་བྱ་རྣམས་ཆ་ཚང་ལ་གོ་བ་ལེན་དགོས་པ་ལས་བློ་མི་བདེ་བའི་དྲན་པའི་མཛོད་ཁང་ནང་མི་འཇོག་དགོས། ང་ཚོས་དྲན་པའི་ནང་བསགས་པའི་དྲན་པ་དང་རང་ཉིད་ཀྱིས་འབྱུང་འདོད་ཀྱང་འབྱུང་མི་ཐུབ་པའི་མིག་དཔེ་སོགས་དང་བསྡུར་བའི་བློ་མི་དགའ་བ་དེ་མེད་བར་ང་ཚོ་རང་དབང་ཅན་ཞིག་ཏུ་ནམ་ཡང་འགྱུར་མི་ཐུབ། ང་ཚོས་བསླབ་བྱ་རྣམས་ལ་གོ་བ་བདེན་པ་ལོན་ཚེ་དྲན་པའི་ནང་དྲན་མི་དགོས་ལ་མིག་དཔེར་ཡང་བསྒྱུར་མི་དགོས། ང་ཚོ་ད་ལྟ་འདིར་ཡོད་པ་དང་ཕྱིས་སུ་བྱེད་འདོད་པའི་དབར་བསྡུར་བ་དང་ལག་ལེན་གྱི་འཚོ་བ་དེ་ང་ཚོས་སྒྲིག་འདོད་པའི་མིག་དཔེ་དང་བསྡུར་བ་ཡོད་སར་བརྩེ་དུང་ངོ་མ་ཞིག་ཡོང་མི་སྲིད། བསྡུར་བ་ཐམས་ཅད་ནི་སྐྱུག་བྲོ་བ་དང་བསྡུར་བ་ཐམས་ཅད་ཀྱིས་འཇིགས་སྣང་དང་ཕྲག་དོག ང་རྒྱལ་སོགས་འཁྱེར་ཡོང་། ང་ཚོས་འདོད་པ་འགྲུབ་མི་ཐུབ་པའི་འཇིགས་སྣང་དང་གཞན་གྱི་ཡར་རྒྱས་ལ་ཕྲག་དོག རང་ཉིད་གཞན་ལས་ཁྱད་དུ་འཕགས་པར་སེམས་པའི་ང་རྒྱལ། ང་ཚོ་ཡོད་པའི་ལག་ལེན་གྱི་འཚོ་བའི་ནང་གལ་ཆེ་བ་ནི་ང་ཚོ་མི་སྡུག་ཅག་དང་ཕྲག་དོག་ཅན། གཞན་སེམས་ཅན། ཧམ་སེམས་ཅན་སོགས་ཡིན་ཡང་དམ་པ་ཡིན་ཁུལ་མི་བྱེད་པ་དང་དེ་ནི་ཐོག་མའི་གནས་ནས་འགོ་བཙུགས་ཏེ་ང་ཚོ་ངོ་མ་ཡིན་པའི་རང་ཉིད་ལ་གོ་བ་ལེན་པ་ལས་བྱེད་འདོད་པའམ་དེ་ཡིན་ཁུལ་བྱེད་པ་མིན། ང་ཚོས་ངོ་མ་དང་དོན་དངོས་ཀྱི་སྟེང་ནས་ད་ལྟ་འདིར་ཡོད་པའི་གནས་སྟངས་ལ་མ་བལྟས་ན་ངའི་བསམ་བློ་དང་རང་ཉིད་བཤིག་མི་ཐུབ། གལ་ཏེ་ང་ཚོས་ངོ་མར་གོ་བ་ལེན་འདོད་ན་ང་ཚོའི་དགེ་རྒན་དང་བླ་མ། ཆོས་དཔོན་དང་ལམ་སྟོན་པ་སོགས་ལ་ཉན་དགོས། དེང་སང་གི་གཞོན་སྐྱེས་ཚོས་ཕ་མ་དང་དགེ་རྒན། ལམ་སྟོན་པ་སོགས་ལ་གུས་བཀུར་བྱེད་པའི་བསམ་པ་བརླག་ཡོད། གལ་ཏེ་ང་ཚོས་ཕ་མ་དང་དགེ་རྒན། ལམ་སྟོན་པ་རྣམས་ལ་གུས་བཀུར་མི་ཤེས་ན་བསླབ་བྱ་ལ་གོ་བ་ལེན་མི་ཐུབ། གོ་བ་མེད་པར་བློར་བཟུང་བའི་དྲན་པ་འཕྲུལ་འཁོར་ལྟར་བྱེད་པ་ཙམ་གྱིས་སེམས་དང་སྙིང་བརྗེ་འགྱུར་བྱེད་དེ་ཕྲག་དོག་དང་འཇིགས་སྣང་། ང་རྒྱལ་སོགས་སྐྱེད་པར་བྱེད། གལ་ཏེ་ང་ཚོས་འདུ་ཤེས་དང་གཏིང་ཟབ་མོའི་སྒོ་ནས་ཉན་ཤེས་ཚེ་ང་ཚོའི་ནང་ནས་ནུས་སྟོབས་ཡ་མཚན་ཅན་ཞིག་འབྱུང་སྟེ་གོ་བ་ཧ་ཅང་ཡག་པོ་དང་རང་བཞིན་ཅན། སྟབས་བདེ་བ་སོགས་ཀྱི་སྒོ་ནས་འཕྲུལ་འཁོར་གྱི་བརྒྱུད་རིམ་མེད་པ་ཞིག་དང་དྲན་པ་དགོས་མེད་དུ་གྱུར་བའི་གོ་བ་ཞིག་འབྱུང་། གལ་ཏེ་སློབ་མའི་ཀླད་པ་དྲན་ཤུགས་ཀྱི་དཀའ་ངལ་ལས་བཏོན་ཐུབ་ཚེ་སློབ་འབྲིང་གི་སློབ་མ་ཚོར་རྡུལ་ཕྲན་གྱི་གྲུབ་སྟངས་དང་རྫས་འགྱུར་རེའུ་མིག་སོགས་སློབ་ཐུབ་པ་མ་ཟད་མཐོ་རིམ་སློབ་མར་འབྲེལ་ཡོད་དང་རྡུལ་ཚད་ཀྱི་རྣམ་གཞག་སྟོན་ཐུབ། ང་ཚོས་སློབ་འབྲིང་གི་དགེ་རྒན་འགའ་ཞིག་དང་མཉམ་དུ་བསྡད་དེ་བགྲོ་གླེང་བྱས་པའི་རྗེས་སུ་དེ་ཚོས་དུས་ཚོད་ལས་ཡོལ་བའི་སློབ་སྟོན་ལ་དད་མོས་ཤུགས་དྲག་བྱེད་པ་ཤེས་བྱུང་། དེ་ཚོས་སློབ་མ་ཚོས་གོ་བ་མི་ལེན་ཡང་ཐམས་ཅད་བློར་འཛིན་འདོད་བྱེད། མཚམས་རེར་དེ་ཚོས་བློར་འཛིན་པ་ལས་གོ་བ་ལེན་པ་དགའ་བ་དང་ལེན་མོད། འོན་ཀྱང་དེ་ཚོས་དངོས་ལུགས་རིག་པ་དང་རྫས་འགྱུར་རིག་པ། རྩིས་རིག་སོགས་ཀྱི་ཚུལ་རྣམས་དྲན་པའི་ནང་འཇོག་དགོས་ཟེར། གོ་དོན་འདི་ནོར་བ་ནི་གསལ་པོ་རེད་ལ། དེ་ནི་དངོས་ལུགས་རིག་པ་དང་རྫས་འགྱུར་རིག་པ། རྩིས་རིག་གི་ཚུལ་རྣམས་ཤེས་རིག་གི་གོ་རིམ་ཐོག་ནས་མ་ཟད་བསམ་བློའི་གོ་རིམ་གཞན་དག་གི་སྟེང་ནས་ཀྱང་གོ་བ་ལོན་པ་ཡིན་ཏེ་དྲན་མེད་ཀྱི་རྟོགས་པ་དང་བག་ཆགས་ཀྱི་རྟོགས་པ་སོགས་སོ། ། དྲན་པའི་ནང་འཇོག་མི་དགོས་པར་ང་ཚོའི་བསམ་པའི་ཆ་ཤས་སུ་འགྱུར་ཏེ་འཚོ་བའི་གནས་སྟངས་ཀྱིས་བླང་དོར་བྱེད་དགོས་སྐབས་ཀྱི་ཤེས་རིག་ལྟར་མངོན་སྲིད། ཤེས་རིག་ཆ་ཚང་འདི་ནི་ང་ཚོར་མཁྱེན་པ་ཐམས་ཅད་ལ་ཐོགས་པ་མེད་པའི་རྣམ་པ་དང་དམིགས་ཡུལ་ལ་འདུ་ཤེས་ཀྱིས་སྟེང་ནས་མངོན་དུ་འགྱུར་བའི་ཐབས་ལམ་སྟེར་ཡོང་། བསམ་བློའི་གོ་རིམ་ཚང་མའི་ཐོག་ནས་གོ་བ་གཏིང་ཟབ་མོ་ལེན་པ་ནི་རང་གི་ནང་ལ་བསམ་བློ་གཏོང་བའི་བསམ་གཏན་ལ་བརྟེན་ནས་ཁོ་ན་ལེན་ཐུབ།