དོན་དངོས་ཀྱི་ཉམས་མྱོང་

དེལ་ཕུས་ལྷ་ཁང་གི་འདྲ་སྐུ་གཟབ་འདྲ་ཅན་གྱི་སྒོ་འགྲམ་དུ། རྡོ་རྐོས་ཀྱིས་བཟོས་པའི་སྒྲ་སྙན་ཞིག་འདི་ལྟར་བྲིས་འདུག “ཁྱེད་རང་ལ་རྒྱུས་མེད་ན། རང་ཉིད་ལ་ངོས་ཟིན་དང་། དེ་ནས་ཁྱེད་རང་གིས་འཇིག་རྟེན་དང་ལྷ་རྣམས་ཤེས་པར་འགྱུར།”

བསམ་གཏན་གྱི་རིག་པ་འདི་ནི་གནའ་བོའི་གྷི་རིག་གི་བླ་མེད་དབང་པོ་རྣམས་ཀྱི་གཞི་རྩ་རྡོ་རིང་གི་རྩ་བར་བརྟེན་ཡོད།

གལ་ཏེ་ང་ཚོས་བསམ་གཏན་ཡང་དག་པ་ཞིག་འཛུགས་དགོས་ན། ང་ཚོས་རང་ཉིད་ཀྱི་སེམས་ཀྱི་རིམ་པ་ཚང་མར་གོ་བ་ལེན་དགོས།

བསམ་གཏན་གྱི་རྩ་བ་ཡང་དག་པ་ཞིག་བཙུགས་ན་དོན་དངོས་སུ་ང་ཚོ་ཧམ་སེམས་དང་། ང་རྒྱལ། འཇིགས་སྣང་། སྡང་སེམས། སེམས་ཀྱི་ནུས་པར་འདོད་རྔམས། གྲུབ་འབྲས་ལ་སྙེག་པ་སོགས་ལས་རང་དབང་ཐོབ་པ་ཞིག་རེད།

བསམ་གཏན་གྱི་རྡོ་རིང་གི་རྩ་བ་བཙུགས་ཚར་རྗེས་སེམས་ཁམས་ཀྱི་ཞི་ཞིང་གཏིང་ཟབ་ལ་འགྱུར་བར་གསལ་པོར་མཐོང་ཐུབ།

བློ་གྲོས་ཀྱི་དབང་དུ་བྱས་ན། རང་ཉིད་ལ་ངོས་མ་ཟིན་པར་དོན་དངོས་ལ་ཉམས་སུ་མྱོང་འདོད་པ་ནི་གཏན་ནས་མི་འགྲིག

དེ་བས་སེམས་ཀྱི་ས་ཁྱོན་ཚང་མར་གནད་དོན་རེ་རེ་བཞིན་སེམས་ཁམས་སུ་འབྱུང་བའི་འདོད་པ་དང་། དྲན་པ། སྐྱོན་ཆ་སོགས་ལ་གོ་བ་ལེན་རྒྱུ་ནི་ཧ་ཅང་གལ་ཆེ།

བསམ་གཏན་ཉམས་ལེན་བྱེད་སྐབས་སེམས་ཀྱི་ངོས་སུ་ང་ཚོའི་སྐྱོན་ཆ་དང་། དགའ་སྐྱིད། སྡུག་བསྔལ། དྲན་པ་མང་པོ། ཕྱི་ནང་གཉིས་ཀ་ནས་འབྱུང་བའི་སེམས་འགུལ། འདོད་རྔམས། ཞེན་ཆགས། འཁོན་འཛིན། སྡང་སེམས་སོགས་མང་པོ་ཞིག་མཐོང་ཐུབ།

སུ་ཞིག་གིས་བསམ་གཏན་གྱི་རྡོ་རིང་གི་རྩ་བ་འཛུགས་འདོད་ན་རང་གི་རྟོགས་པ་ཡི་དགེ་མཚན་དང་མི་དགེ་བའི་ཕྱོགས་ལ་དོ་སྣང་ཆེན་པོ་བྱས་ཏེ་རིམ་པ་ཡོངས་སུ་གོ་བ་ལེན་དགོས། དེ་ཡང་རྟོག་བཟོའི་རིམ་པ་ཙམ་མ་ཡིན་པར་སེམས་ཀྱི་འོག་འོག་ཏུ་ཆུད་པའི་རིམ་པ་དང་། དྲན་མེད་ཀྱི་རིམ་པ་སོགས་ཀྱི་སེམས་ཀྱི་རིམ་པ་མང་པོར་ངོས་ཟིན་དགོས།

རིན་ཐང་ཅན་དེ་དག་གི་གཏིང་ལ་སློབ་སྦྱོང་བྱེད་པ་ནི་དོན་དངོས་སུ་རང་ཉིད་ལ་ངོས་ཟིན་པ་ཞིག་རེད།

སེམས་ཀྱི་ངོས་སུ་འཆར་བའི་གློག་བརྙན་ཚང་མར་ཐོག་མཐའ་གཉིས་ཡོད། གཟུགས་དང་། འདོད་པ། ཞེན་ཆགས། ཧམ་སེམས། དྲན་པ་སོགས་ཀྱི་འཁྲབ་སྟོན་མཇུག་སྒྲིལ་རྗེས་སེམས་ཁམས་ཞི་ཞིང་གཏིང་ཟབ་ཏུ་འགྱུར་ཏེ་བསམ་བློ་གང་ཡང་མེད་པའི་སྟོང་བར་གནས།

དེང་སང་གི་སེམས་ཁམས་རིག་པ་སློབ་སྦྱོང་བྱེད་མཁན་ཚོས་འོད་གསལ་གྱི་སྟོང་བ་དེ་ཉམས་སུ་མྱོང་དགོས། སྟོང་བ་ཞིག་རང་གི་སེམས་ནང་དུ་འཇུག་པ་ནི་སྒྱུར་བཅོས་ཀྱི་ཆ་ཤས་ཤིག་ཚོར་བར་བྱེད་ཅིང་དེ་ནི་དོན་དངོས་ཡིན།

སེམས་ཁམས་ཞི་བ་དང་། དྲག་ཤུགས་ཀྱིས་ཞི་བར་བཏང་བའི་སེམས་ཁམས་གཉིས་ལ་དབྱེ་བ་ཕྱེས་ཤིག

སེམས་ཁམས་ཁ་ཁུ་སིམ་མེར་གནས་པ་དང་། བཙན་ཤེད་ཀྱིས་ཁ་ཁུ་སིམ་མེར་བཟོས་པ་གཉིས་ལ་དབྱེ་བ་ཕྱེས་ཤིག

རྒྱུ་མཚན་རིག་པའི་འགྲོ་སྟངས་གང་ཞིག་གི་སྒོ་ནས་ང་ཚོས་གོ་བ་ལེན་དགོས་པ་ནི། སེམས་ཁམས་དྲག་ཤུགས་ཀྱིས་ཞི་བར་བཏང་ཚེ་གཏིང་དང་རིམ་པ་གཞན་དག་ནས་ཞི་བར་གནས་མེད་ཅིང་རང་དབང་བརྩོན་ལེན་བྱེད་ཀྱིན་ཡོད།

དབྱེ་ཞིབ་ཀྱི་འགྲོ་སྟངས་ཐད་ནས་ང་ཚོས་གོ་བ་ལེན་དགོས་པ་ནི། སེམས་ཁམས་བཙན་ཤེད་ཀྱིས་ཁ་ཁུ་སིམ་མེར་བཟོས་ཚེ་གཏིང་ནས་ཁ་ཁུ་སིམ་མེར་གནས་མེད་ཅིང་ཡིད་ཆད་ཀྱིས་སྐད་འབོད་རྒྱག་གིན་ཡོད།

སེམས་ཁམས་ཀྱི་དངོས་ཡོད་གནས་སྟངས་ཀྱི་ཞི་ཞིང་ཁུ་སིམ་ཡོང་བ་ནི་བྱིན་རླབས་ཤིག་དང་སྐྱིད་སྣང་ཞིག་དང་འདྲ་བར་རང་ཉིད་ཀྱི་འཚོ་བ་དེ་བློ་གྲོས་ཀྱི་ངོས་སུ་འཁྲབ་སྟོན་ཟིན་རྗེས་ང་ཚོར་འབྱུང་།

སེམས་ཁམས་རང་བཞིན་གྱིས་ཞི་ཞིང་། སེམས་ཁམས་ཁུ་སིམ་པའི་སྐབས་སུ་འོད་གསལ་གྱི་སྟོང་བ་དེ་འཇུག་གིན་ཡོད།

སྟོང་བ་དེ་བཤད་ཁག་པོ་རེད། གཏན་འབེབས་དང་ངོ་སྤྲོད་བྱེད་དཀའ། ང་ཚོས་དེའི་སྐོར་གྱི་བསམ་ཚུལ་གང་ཞིག་བཏོན་རུང་གནད་འགག་གི་སྟེང་ནས་ནོར་སྲིད།

སྟོང་བ་དེ་བརྗོད་དཀའ་ཞིང་ཚིག་གིས་མཚོན་ཐབས་མེད། འདི་ནི་མིའི་སྐད་ཡིག་གིས་ཐོག་མར་ཡོད་པའི་དངོས་པོ་དང་། བསམ་བློ། ཚོར་སྣང་མཚོན་ཐུབ་ཀྱང་མེད་པའི་འབྱུང་འགྱུར་དང་། དངོས་པོ། ཚོར་སྣང་སོགས་གསལ་པོར་བརྗོད་མི་ཐུབ།

གནས་ཡོད་ཀྱི་དབྱིབས་ཀྱིས་ཚད་འཛིན་པའི་སྐད་ཡིག་གི་སྒྲོམ་ནང་སྟོང་བའི་སྐོར་བགྲོ་གླེང་བྱེད་པ་ནི་དོན་དངོས་སུ་བླུན་པོ་དང་ནོར་འཁྲུལ་ཞིག་རེད།

“སྟོང་བ་ནི་མེད་པ་ཡིན་ཞིང་གནས་པ་ནི་སྟོང་བ་མིན།”

“དབྱིབས་ནི་སྟོང་བ་དང་མི་འདྲ་ཞིང་། སྟོང་བ་ནི་དབྱིབས་དང་མི་འདྲ།”

“དབྱིབས་ནི་སྟོང་བ་དང་། སྟོང་བ་ནི་དབྱིབས་ཡིན་ཞིང་། དངོས་པོ་ཡོད་པ་ནི་སྟོང་བའི་རྐྱེན་གྱིས་ཡིན།”

“སྟོང་བ་དང་གནས་པ་གཉིས་ཕན་ཚུན་གསབ་ཅིང་འགལ་འདུ་མིན། སྟོང་བ་དང་གནས་པ་གཉིས་ཕན་ཚུན་འདུས་ཤིང་འཁྱུད་ཡོད།”

“ཚོར་བ་དྲག་པོ་ཡོད་པའི་སེམས་ཅན་ཚོས་དངོས་པོ་ཞིག་མཐོང་ཚེ་དེའི་གནས་པའི་རྣམ་པ་ཙམ་མཐོང་ཞིང་སྟོང་བའི་རྣམ་པ་མི་མཐོང་།”

“འོད་གསལ་ཐོབ་པའི་སེམས་ཅན་ཚང་མས་དངོས་པོ་གང་ཡང་རུང་བའི་གནས་པ་དང་། སྟོང་བའི་རྣམ་པ་མཉམ་དུ་མཐོང་ཐུབ།”

“སྟོང་བ་ནི་དངོས་པོ་རང་བཞིན་མེད་ཅིང་། མི་སྒེར་གྱི་རང་བཞིན་མེད་པའི་མིང་ཙམ་ཞིག་ཡིན་ཞིང་། དེ་ནི་ཆགས་སྡང་དང་རང་དབང་མེད་པའི་རྟགས་མཚན་ཞིག་རེད།”

སློབ་དཔོན་རྣམས་དང་སློབ་གྲྭ་དང་མཐོ་སློབ་ཀྱི་དགེ་རྒན་རྣམས་ཀྱིས་ངེས་པར་དུ་གསར་བརྗེའི་སེམས་ཁམས་རིག་པ་ལ་སློབ་སྦྱོང་གཏིང་ཟབ་བྱེད་དགོས་ཤིང་། དེ་ནས་རང་གི་སློབ་ཕྲུག་རྣམས་ལ་དོན་དངོས་ཉམས་སུ་མྱོང་བའི་ལམ་ལ་སློབ་སྟོན་བྱེད་དགོས།

དོན་དངོས་ཉམས་སུ་མྱོང་བ་ནི་བསམ་བློ་མཇུག་སྒྲིལ་བའི་སྐབས་སུ་མ་གཏོགས་ཐོབ་མི་སྲིད།

སྟོང་བ་ཞིག་འཇུག་པ་ནི་ང་ཚོས་དག་པའི་དོན་དངོས་ཀྱི་འོད་གསལ་དེ་ཉམས་སུ་མྱོང་བར་ཕན་ཐོགས་ཡོད།

རང་བཞིན་དང་ཁ་དོག་མེད་པའི་དངོས་པོ་དེའི་ནང་གི་ཤེས་ཡོན་ནི་བདེན་དོན་དང་བྱམས་བརྩེའི་ཡོན་ཏན་ཡིན།

སྟོང་བའི་རང་བཞིན་གྱིས་བཟོས་པའི་ཁྱེད་ཀྱི་རིག་པ་ནི་མེད་པ་སྟོང་བར་མི་བལྟ་བར་བར་ཆད་མེད་ཅིང་འོད་ཆེམ་ཆེམ་དུ་འཚེར་བ། ཁྱབ་ཁྱབ་ཆེ་ཞིང་སྐྱིད་པའི་རིག་པ་དེ་ཉིད་རྣམ་ཤེས་ཀྱི་བདག་ཉིད་དང་སངས་རྒྱས་ཀྱི་ཤེས་རབ་ཡོངས་སུ་རྫོགས་པ་ཡིན།

ཁྱེད་ཀྱི་རྣམ་ཤེས་སྟོང་བ་དང་། འོད་ཆེམ་ཆེམ་དུ་འཚེར་བའི་རིག་པ་གཉིས་ནི་དབྱེར་མེད་ཡིན། དེ་གཉིས་འདུས་པ་ནི་ཆོས་ཀྱི་སྐུ་སྟེ། འོད་གསལ་གྱི་རྫོགས་པའི་གནས་སྐབས་དེ་ཡིན།

ཁྱེད་ཀྱི་རྣམ་ཤེས་འོད་ཆེམ་ཆེམ་དུ་འཚེར་ཞིང་སྟོང་བ་དང་། འོད་ཀྱི་ལུས་ཆེན་པོ་ལས་དབྱེར་མེད་དེ་ནི་སྐྱེ་འཆི་མེད་པའི་འོད་དེ་ནི་འོད་དཔག་མེད་སངས་རྒྱས་ཡིན།

ཤེས་ཡོན་དེ་འདྲ་ཡོད་ན་འགྲིག རང་གི་རིག་པ་སྟོང་བ་ནི་སངས་རྒྱས་ཀྱི་གནས་སྟངས་ཡིན་པར་ངོས་ཟིན་ཞིང་དེ་ནི་རང་གི་རྣམ་ཤེས་ཡིན་པར་ངོས་འཛིན་བྱས་ན། དེ་ནི་སངས་རྒྱས་ཀྱི་བླ་ན་མེད་པའི་སེམས་ནང་རྒྱུན་མཐུད་པ་ཞིག་ཡིན།

བསམ་གཏན་སྐབས་རང་གི་རིག་པ་གཡེང་བ་མེད་པར་སྲུང་ཞིང་། ཁྱེད་རང་བསམ་གཏན་ལ་གནས་ཡོད་པ་བརྗེད་དགོས། ང་ཚོས་བསམ་གཏན་ལ་གནས་ཡོད་པའི་བསམ་བློ་དེ་མ་བཏང་ན་བསམ་བློ་དེས་བསམ་གཏན་ལ་འཁྲུག་ཆ་སློང་བར་འགྱུར། ཁྱེད་ཀྱི་སེམས་དོན་དངོས་ཉམས་སུ་མྱོང་བར་སྟོང་བར་གནས་དགོས།