མིའི་རང་གཤིས

སྐྱེས་བུ་ཞིག་སྐྱེས་ཏེ་ལོ་དྲུག་ཅུ་རེ་ལྔ་འཚོ་ཞིང་འདས་སོ། འོན་ཀྱང་ཁོ་བོ་དུས་རབས་ ༡༩༠༠ སྔོན་དུ་གང་དུ་ཡོད་པ་དང་ ༡༩༦༥ རྗེས་སུ་གང་དུ་ཡོད་སྲིད། ཚན་རིག་དངོས་གཞི་ནི་འདི་དག་གི་སྐོར་ལ་ཅི་ཡང་མི་ཤེས། འདི་ནི་འཚོ་བ་དང་འཆི་བའི་སྐོར་གྱི་དོན་ཚན་ཡོངས་ཀྱི་སྤྱི་སྒྲོམ་རེད།

ང་ཚོས་རྟག་བདེན་གྱི་ཚུལ་དུ་བརྗོད་ཆོག “མི་ནི་ཁོའི་དུས་ཚོད་རྫོགས་པས་འཆི་བ་ཡིན་ཞིང་། འཆི་བའི་མི་གཤིས་ལ་སང་ཉིན་ཟེར་བ་གཏན་ནས་མེད།”

ཉིན་རེ་ནི་དུས་ཚོད་ཀྱི་རླབས་ཤིག་ཡིན་ལ། ཟླ་རེ་ནི་དུས་ཚོད་ཀྱི་རླབས་གཞན་ཞིག་ཡིན། ལོ་རེ་ཡང་དུས་ཚོད་ཀྱི་རླབས་གཞན་ཞིག་ཡིན། རླབས་འདི་དག་ཡོངས་རྫོགས་མཉམ་དུ་སྦྲེལ་ནས་གནས་པ་ནི་འཚོ་བའི་རླབས་ཆེན་པོ་དེ་ཡིན།

དུས་ཚོད་ནི་ཟླུམ་པོ་ཡིན་ཞིང་མི་གཤིས་ཀྱི་འཚོ་བ་ནི་གུག་གུག་གི་ཐིག་ཁེབས་ཤིག་ཡིན།

མི་གཤིས་ཀྱི་འཚོ་བ་ནི་རང་གི་དུས་ཚོད་ནང་འཚར་ལོངས་ཡོང་ཞིང་། རང་གི་དུས་ཚོད་ནང་སྐྱེས་པ་དང་རང་གི་དུས་ཚོད་ནང་འཆི་བ་ཡིན། ནམ་ཡང་རང་གི་དུས་ཚོད་ལས་བརྒལ་ནས་གནས་མི་སྲིད།

དུས་ཚོད་ཀྱི་སྐོར་འདི་ནི་མཁས་པ་མང་པོས་ཞིབ་འཇུག་བྱས་པའི་གནད་དོན་ཞིག་ཡིན། བློ་དོགས་གཏན་ནས་མེད་པར་དུས་ཚོད་ནི་བཞི་པའི་ཚད་ཡིན།

ཡུཀ་ལིཌ་ཀྱི་ས་ཁམས་རིག་པ་ནི་ཚད་གསུམ་གྱི་འཇིག་རྟེན་ལ་ཁོ་ནར་འཇུག་ཐུབ་མོད། འོན་ཀྱང་འཇིག་རྟེན་འདིར་ཚད་བདུན་ཡོད་ཅིང་བཞི་པ་ནི་དུས་ཚོད་ཡིན།

མིའི་བློ་ངོར་གཏན་གནས་ཟེར་བ་དེ་དུས་ཚོད་དྲང་ཐིག་ཐོག་རིང་དུ་གཏོང་བ་ཞིག་ཏུ་འཆར་བ་ཡིན། འདི་ལས་ནོར་འཁྲུལ་ཆེ་བ་ཞིག་མེད་དེ། གཏན་གནས་ནི་ལྔ་པའི་ཚད་ཡིན།

གནས་ཡུན་གྱི་སྐར་མ་རེ་རེ་བཞིན་དུས་ཚོད་ནང་འབྱུང་ཞིང་ནམ་ཡང་ཡང་བསྐྱར་ཡོང་གི་རེད།

འཆི་བ་དང་འཚོ་བ་ནི་མཐའ་གཉིས་འཕྲད་པ་ཞིག་རེད། མི་ཞིག་འཆི་བའི་ཆེད་དུ་མི་ཚེ་ཞིག་མཇུག་སྒྲིལ་བ་ཡིན་མོད། འོན་ཀྱང་གཞན་ཞིག་འགོ་ཚུགས་ཀྱི་རེད། དུས་ཚོད་ཅིག་མཇུག་སྒྲིལ་ཞིང་གཞན་ཞིག་འགོ་ཚུགས་ཀྱི་རེད། འཆི་བ་ནི་ནམ་ཡང་ཕྱིར་ལོག་པའི་རང་བཞིན་དང་འབྲེལ་བ་དམ་ཟབ་ཡོད།

འདིས་ཅི་ཞིག་བརྗོད་དགོས་སམ་ཞེ་ན། ང་ཚོ་འཆི་བའི་རྗེས་སུ་འཇིག་རྟེན་འདིར་ཡང་བསྐྱར་འཁོར་ནས་གནས་ཡུན་གྱི་ཟློས་གར་དེ་བསྐྱར་ཟློས་བྱེད་དགོས་པ་ཡིན། འོན་ཀྱང་མི་གཤིས་ནི་འཆི་བ་དང་མཉམ་དུ་འཇིག་པ་ཡིན་ན། དེ་འཁོར་མཁན་དེ་སུ་ཡིན་ནམ། ཡང་ན་ཅི་ཞིག་ཡིན།

ད་ནས་བཟུང་ནམ་ཡིན་ཡང་ངེས་པར་དུ་གསལ་བཤད་བྱེད་དགོས་པ་ནི། ང་ཟེར་བ་དེ་འཆི་བའི་རྗེས་སུ་མུ་མཐུད་གནས་ཤིང་། ང་ཟེར་བ་དེ་འཁོར་མཁན་དང་ང་ཟེར་བ་དེ་མིག་ཆུའི་ལུང་པ་འདིར་ཡང་བསྐྱར་འཁོར་མཁན་དེ་ཡིན།

ང་ཚོའི་ཀློག་པ་པོ་རྣམས་ཀྱིས་ཕྱིར་ལོག་པའི་ཆོས་ཉིད་དང་དེང་རབས་ཀྱི་ལྷ་སྤྱོད་རིག་པས་སློབ་ཁྲིད་བྱེད་པའི་སྐྱེ་བ་སྔ་ཕྱི་ལེན་པའི་རྣམ་གྲངས་གཉིས་ནོར་འཁྲུལ་མི་འབྱུང་བ་གལ་ཆེ།

སྐྱེ་བ་སྔ་ཕྱི་ལེན་པའི་རྣམ་གྲངས་ཀྱི་འབྱུང་ཁུངས་ནི་ཀིར་ཤི་ཎའི་ཆོས་ལུགས་ཡིན་ཞིང་། དེ་ནི་ཝེད་ཀའི་རིགས་ཀྱི་ཧིན་རྡུའི་ཆོས་ལུགས་ཤིག་ཡིན། ཡིན་ནའང་བསྒྱུར་བཅོས་བྱེད་མཁན་དག་གིས་བཅོས་སྒྲིག་དང་རྫུན་བཟོ་བྱས་ཡོད།

ཀིར་ཤི་ཎའི་བརྟུལ་ཞུགས་དག་མ་དངོས་གཞིའི་ནང་དུ། དཔའ་བོ་དག་དང་། འགོ་ཁྲིད་དག་དང་། དམ་པའི་ངོ་བོ་ཉིད་དབང་འབྱོར་ཟིན་པ་དག་ཁོ་ནས་སྐྱེ་བ་སྔ་ཕྱི་ལེན་གྱི་ཡོད།

ང་ཚོ་མང་པོ་ཞིག་ཕྱིར་འཁོར་ཞིང་ཡང་བསྐྱར་འཁོར་ཡང་འདི་ནི་སྐྱེ་བ་སྔ་ཕྱི་ལེན་པ་ཞིག་མིན། མང་ཚོགས་རྣམས་དང་མི་ཚོགས་མང་པོ་ཕྱིར་འཁོར་ཡང་དེ་ནི་སྐྱེ་བ་སྔ་ཕྱི་ལེན་པ་ཞིག་མིན།

དངོས་པོ་དང་སྣང་ཚུལ་རྣམས་ཕྱིར་ལོག་པའི་བསམ་ཚུལ་དང་ནམ་ཡང་ཡང་བསྐྱར་འབྱུང་བའི་བསམ་ཚུལ་དེ་དུས་ཡུན་རིང་པོ་ཞིག་མིན་ལ། ང་ཚོས་དེ་ཕི་ཐ་གོ་རས་ཀྱི་མཁྱེན་རབ་དང་ཧིན་རྡུའི་སྔ་མོའི་འཇིག་རྟེན་གྱི་འབྱུང་ཚུལ་གྱི་ནང་ནས་རྙེད་ཐུབ།

བི་ར་ཧ་མའི་ཉིན་མཚན་གཏན་དུ་ཕྱིར་འཁོར་བ་དེ་དང་ཀལ་པའི་བསྐྱར་ཟློས་མཚམས་མེད་དེ་དག་ནི་གཏན་དུ་ཕི་ཐ་གོ་རས་ཀྱི་མཁྱེན་རབ་དང་ཕྱིར་ལོག་པའི་ཆོས་ཉིད་ནམ་ཡང་ཡང་བསྐྱར་འབྱུང་བ་དང་འབྲེལ་བ་དམ་ཟབ་ཏུ་ཡོད།

གོ་ཏ་མ་སྟེ་སངས་རྒྱས་ཀྱིས་རྟག་ཏུ་ཕྱིར་འཁོར་བའི་རྣམ་གྲངས་དང་བརྒྱུད་རིམ་གྱི་འཁོར་ལོ་རྣམས་ཤེས་རབ་ཀྱིས་བསླབས་མོད། འོན་ཀྱང་ཁོང་གི་རྗེས་འཇུག་པ་རྣམས་ཀྱིས་རྣམ་གྲངས་དེ་ལ་བཅོས་སྒྲིག་མང་པོ་བྱས་ཡོད།

ཕྱིར་འཁོར་བ་ཡོད་ཚད་ལ་མི་གཤིས་གསར་པ་ཞིག་བཟོ་བའི་ནང་དོན་ངེས་པར་དུ་འདུས་ཤིང་། དེ་ནི་བྱིས་པའི་དུས་ཀྱི་ལོ་བདུན་པའི་ནང་ཆགས་པ་ཡིན།

ཁྱིམ་ཚང་གི་ཁོར་ཡུག་དང་། སྲང་ལམ་གྱི་འཚོ་བ། སློབ་གྲྭ་བཅས་ཀྱིས་མི་གཤིས་ལ་ཐོག་མའི་ཁྱད་ཆོས་ཀྱི་མདངས་སྟེར།

རྒན་རབས་པ་ཚོས་སྟོན་པའི་དཔེ་མཚོན་ནི་བྱིས་པའི་མི་གཤིས་ལ་ཐག་གཅོད་རང་བཞིན་ཅན་ཡིན།

བྱིས་པས་བསླབ་བྱ་ལས་དཔེ་མཚོན་བརྒྱུད་མང་བ་སྦྱོང་གི་རེད། འཚོ་བ་སྐྱེལ་སྟངས་ནོར་བ་དང་། དཔེ་མཚོན་དོན་མེད་དང་། རྒན་རབས་པའི་གོམས་སྲོལ་ཉམས་རྒུད་དག་གིས་བྱིས་པའི་མི་གཤིས་ལ་ང་ཚོ་འཚོ་བཞིན་པའི་དུས་རབས་ཀྱི་ཐུན་མོང་མ་ཡིན་པའི་མདངས་དེ་སྟེར་གྱི་རེད།

དེང་རབས་ཀྱི་དུས་འདིར་མནའ་ཚིག་དང་འགལ་འཛོལ་བྱེད་པ་ནི་ཞོག་ཁོག་དང་ཙོང་ལས་ཀྱང་རྒྱུན་ལྡན་དུ་གྱུར་འདུག་ལ། དེ་ནི་རིགས་པ་དང་མཐུན་པ་ཞིག་ཡིན་པས་ཁྱིམ་ཚང་ནང་ན་སྐྱོ་གར་གྱི་རྣམ་པ་འབྱུང་བཞིན་ཡོད།

དུས་ཚོད་འདི་དག་ནང་ན་ཕྲུ་གུ་མང་པོས་ཕ་ཚབ་དང་མ་ཚབ་ཀྱི་ལྕག་ཚན་དང་དབྱུག་པ་རྣམས་སྡུག་བསྔལ་དང་འཁོན་འཛིན་གྱིས་ཁེངས་བཞིན་སྲན་དགོས་པ་ཡིན། བྱིས་པའི་མི་གཤིས་ནི་སྡུག་བསྔལ་དང་འཁོན་སེམས། ཞེ་སྡང་བཅས་ཀྱི་སྒྲོམ་གཞིའི་ནང་འཚར་ལོངས་ཡོང་གི་ཡོད་པ་ནི་གསལ་པོ་རེད།

དམངས་ཁྲོད་དུ་ཁྱད་གསོད་ཀྱི་གཏམ་ཞིག་ལ། “མི་གཞན་གྱི་བུ་ནི་གང་དུ་སོང་རུང་དྲི་ངན་ཁ་བ་འདུག” ཅེས་ཟེར། ངེས་པར་དུ་འདིར་ཡང་དམིགས་བསལ་ཡོད་མོད། འོན་ཀྱང་དེ་དག་ནི་ལག་པའི་མཛུབ་མོ་རྣམས་ཀྱི་ཐོག་ནས་བགྲངས་ཆོག་ལ། ད་དུང་མཛུབ་མོ་ལྷག་མ་ཡོད།

ཕ་མ་གཉིས་ཕན་ཚུན་ཕྲག་དོག་གི་གནད་དོན་གྱིས་རྩོད་པ་རྒྱག་པ་དང་། སྡུག་བསྔལ་གྱིས་མནར་བའི་མ་ཡུམ་མམ། ཡང་ན་བཟའ་ཟླ་གཉའ་གནོན་ཐེབས་པ་དང་། བརླག་པ། རེ་མེད་དུ་གྱུར་པ་བཅས་ཀྱི་ངུ་འབོད་དང་སྐྱོ་ངལ་གྱིས་བྱིས་པའི་མི་གཤིས་ནང་བརྗེད་དུ་མེད་པའི་སྡུག་བསྔལ་ཟབ་མོ་དང་སེམས་སྡུག་གི་རྨ་ཁ་ཞིག་བཞག་གི་རེད། དེ་ནི་མི་ཚེ་ཧྲིལ་བོའི་རིང་གཏན་ནས་བརྗེད་མི་སྲིད།

ཁང་པ་གསར་པ་དང་ཡིད་དུ་འོང་བ་རྣམས་ཀྱི་ནང་ན་སྙིང་རྗེ་མེད་པའི་བུད་མེད་རྣམས་ཀྱིས་ཁོ་མོའི་གཡོག་མོ་རྣམས་མཛེས་སྡུག་ཁང་དུ་འགྲོ་བའམ། ཡང་ན་གདོང་ལ་ཚོན་བྱུག་དུས་སྡུག་པོ་བཟོ་ཡི་རེད། བུད་མེད་དེ་དག་གི་སྙིང་རྗེ་མེད་པའི་རང་གཤིས་ལ་གནོད་སྐྱོན་ཚབས་ཆེན་ཐེབས་ཡོད།

བྱིས་པས་མཐོང་བའི་གནད་དོན་ངན་པ་དེ་དག་ཡོད་ཚད་ཀྱིས་སེམས་ཀྱི་གཏིང་ནས་རྨས་སྐྱོན་བཟོས་པ་ཡིན་ཏེ། ཁོ་རང་གི་ཨ་མ་ང་རྒྱལ་ཅན་དང་སྙིང་རྗེ་མེད་མཁན་གྱི་ཕྱོགས་སུ་ལངས་ཀྱང་རུང་། ཡང་ན་གཡོག་མོ་སྐྱོ་བའི་རྣམ་འགྱུར་སྟོན་མཁན་དང་ཁྱད་གསོད་ཐེབས་པའི་ཕྱོགས་སུ་ལངས་ཀྱང་རུང་མཐའ་མཇུག་གི་འབྲས་བུ་ནི་བྱིས་པའི་མི་གཤིས་ལ་གནོད་སྐྱོན་ཚབས་ཆེན་ཡོང་སྲིད།

བརྙན་འཕྲིན་གསར་གཏོད་བྱས་པ་ནས་བཟུང་ཁྱིམ་ཚང་གི་གཅིག་གྱུར་རང་བཞིན་དེ་བོར་ཟིན། དུས་ཚོད་གཞན་དག་ནང་མི་ཞིག་སྲང་ལམ་ནས་ཡོང་དུས་ཁོའི་བཟའ་ཟླས་དགའ་ཚོར་ཆེན་པོས་བསུ་བ་བྱེད་ཀྱི་ཡོད་མོད། དེང་སང་བུད་མེད་དེས་ཁྱོ་གའི་རྗེས་སུ་སྒོ་རྩར་དགའ་བསུ་བྱེད་པར་མི་འགྲོ་སྟེ། ཁོ་མོ་བརྙན་འཕྲིན་ལ་བལྟས་ནས་བྲེལ་བ་ཆེན་པོ་ཡོད།

དེང་རབས་ཀྱི་ཁྱིམ་ཚང་ནང་དུ་ཕ་མ་དང་བུ་ཕྲུག་རྣམས་བརྙན་འཕྲིན་གྱི་འཆར་སྒྲོམ་མདུན་དུ་རང་དབང་མེད་པའི་འཕྲུལ་འཁོར་ཞིག་དང་འདྲ།

ད་ལྟ་ཁྱོ་གས་བུད་མེད་དང་མཉམ་དུ་ཉིན་དེའི་དཀའ་ངལ་དང་ལས་ཀ་སོགས་ཀྱི་སྐོར་ལ་གང་ཡང་གྲོས་བསྡུར་བྱེད་མི་ཐུབ། རྒྱུ་མཚན་ནི་ཁོ་མོ་གཉིད་མོ་ཐེབས་པ་དང་འདྲ་བར་ཁ་སང་གི་གློག་བརྙན་དང་ཨལ་ཀ་པོན་གྱི་སྐྱོ་གར་རྣམ། རླབས་གསར་གྱི་ཞབས་བྲོ་མཐའ་མ་སོགས་ལ་བལྟས་བསྡད་ཡོད།

ཁྱིམ་ཚང་གསར་པ་རིགས་འདི་འདྲའི་ནང་འཚར་ལོངས་བྱུང་བའི་ཕྲུ་གུ་རྣམས་ཀྱིས་རང་གི་ལམ་ཁ་དེད་པའི་སྐྱོ་གར་གྱི་རྣམ་པ་དེ་དག་བརྙན་འཕྲིན་གྱི་འཆར་སྒྲོམ་ནང་མཐོང་བ་བཞིན་རང་གི་ལམ་ཁ་དེད་པའི་ཆེད་དུ་སྒྱེད་མདུང་དང་མེ་མདའ། འཕྲུལ་མདའ་སོགས་ཀྱི་རྩེད་ཆས་ཁོ་ནའི་སྐོར་བསམ་བློ་གཏོང་གི་རེད།

བརྙན་འཕྲིན་གྱི་གསར་གཏོད་ངོ་མཚར་ཅན་འདི་གཏོར་བཤིག་གི་དམིགས་ཡུལ་ལ་བེད་སྤྱོད་བཏང་བ་ནི་ཧ་ཅང་ཕངས་སེམས་སྐྱེ་དགོས་པ་ཞིག་རེད། གལ་ཏེ་མིའི་རིགས་ཀྱིས་གསར་གཏོད་འདི་རང་ཉིད་ལ་གུས་ཞབས་བྱེད་པའི་ཐབས་ལམ་ཞིག་གི་ཐོག་ནས་རང་བྱུང་ཚན་རིག་སྦྱོང་བ་དང་དངོས་ཡོད་ཀྱི་རོལ་རྩེད་ཀྱི་སྒྱུ་རྩལ་སློབ་ཁྲིད་བྱེད་པ་དང་མི་རྣམས་ལ་བསླབ་བྱ་རླབས་ཆེན་སྟེར་བའི་ཆེད་དུ་བེད་སྤྱོད་བཏང་པ་ཡིན་ན། གསར་གཏོད་འདི་ནི་མིའི་རིགས་ཀྱི་ཆེད་དུ་བྱིན་རླབས་ཤིག་ཏུ་འགྱུར་སྲིད་ལ། དེ་ནི་མིའི་རང་གཤིས་གོང་སྤེལ་གྱི་ཆེད་དུ་བེད་སྤྱོད་བཏང་ཆོག

བྱིས་པའི་མི་གཤིས་དེ་རིམ་པ་མེད་པའི་རོལ་མོ་དང་མི་མཐུན་པ། སྤྱིར་བཏང་གི་རོལ་མོའི་སྟེང་ནས་གསོ་སྐྱོང་བྱེད་པ་ནི་རྣམ་པ་ཀུན་ནས་དོན་མེད་རེད། བྱིས་པའི་མི་གཤིས་དེ་རྐུན་ཇག་དང་ཉེན་རྟོག་པའི་སྒྲུང་དང་བག་མེད་ཀྱི་རྣམ་པ་དང་འདོད་ལོག་གི་རྣམ་པ། གཞན་གྱིས་བཟའ་ཟླ་བརྐུས་པའི་ཟློས་གར། འདོད་སྲེད་སོགས་ཀྱི་སྟེང་ནས་གསོ་སྐྱོང་བྱེད་པ་ནི་བླུན་པོ་ཡིན།

འགྲོ་སྟངས་འདི་འདྲ་ཞིག་གི་འབྲས་བུ་ནི་ང་ཚོས་ངན་ལང་གཤིས་སུ་འཛིན་མཁན་དང་། དུས་མ་ཡིན་པར་མི་གསོད་མཁན་སོགས་ཀྱི་ནང་ནས་མཐོང་ཐུབ།

ཨ་མ་ཚོས་རང་གི་བུ་ཕྲུག་ལ་ལྕག་ཚན་གཞུ་བ་དང་། ཁྱུག་ཚ་རྒྱག་པ། ཚིག་ངན་དང་སྡུག་པོ་བེད་སྤྱོད་བྱེད་པའི་སྟེང་ནས་སྨད་ར་གཏོང་བ་ནི་ཧ་ཅང་བློ་ཕམ་སྐྱེ་དགོས་པ་ཞིག་རེད། སྤྱོད་ལམ་འདི་འདྲ་ཞིག་གི་འབྲས་བུ་ནི་འཁོན་སེམས་དང་། ཞེ་སྡང་། བྱམས་བརྩེའི་བརླག་པ་སོགས་རེད།

ལག་ལེན་དངོས་ཀྱི་ནང་ང་ཚོས་ཁྱུག་ཚ་དང་ལྕག་ཚན་འོག་འཚར་ལོངས་བྱུང་བའི་བྱིས་པ་རྣམས་སྤྱིར་བཏང་གི་མི་ཞིག་ཏུ་གྱུར་པ་དང་། རྩིང་སྤྱོད་ཀྱིས་ཁེངས་པ། གུས་ཞབས་དང་ཡི་རང་གི་ཚོར་སྣང་མེད་པའི་མི་ཞིག་ཏུ་འགྱུར་བ་མཐོང་ཡོད།

ཁྱིམ་ཚང་ནང་དངོས་ཡོད་ཀྱི་དོ་མཉམ་ཞིག་འཛུགས་པའི་དགོས་མཁོ་དེ་ཧ་གོ་བ་ནི་ཛ་དྲག་ཆེན་པོ་རེད།

ཞི་དུལ་དང་གདུག་རྩུབ་གཉིས་ཀྱི་དྲང་བདེན་གྱི་ལྗིད་ཚད་གཉིས་ཕན་ཚུན་དོ་མཉམ་ཡོང་དགོས་པ་དེ་ཤེས་པ་ནི་ཧ་ཅང་གལ་ཆེ།

ཕ་ནི་གདུག་རྩུབ་ཀྱི་མཚོན་བྱེད་དང་མ་ནི་ཞི་དུལ་གྱི་མཚོན་བྱེད་ཡིན། ཕ་ནི་ཤེས་རབ་ཀྱི་རྣམ་པ་དང་མ་ནི་བྱམས་བརྩེའི་མཚོན་རྟགས་ཡིན།

ཤེས་རབ་དང་བྱམས་བརྩེ་དང་གདུག་རྩུབ་དང་ཞི་དུལ་བཅས་འཇིག་རྟེན་གྱི་དོ་མཉམ་གཉིས་ཀྱི་སྟེང་དུ་ཕན་ཚུན་དོ་མཉམ་ཡོང་བ་བྱེད་ཀྱི་རེད།

ཕ་མ་ཚོས་ཁྱིམ་ཚང་ལ་ཕན་ཐོགས་པའི་ཆེད་དུ་ཕན་ཚུན་དོ་མཉམ་ཡོང་བ་བྱེད་དགོས།

ཁྱིམ་ཚང་གི་ཕ་མ་ཚང་མས་བྱིས་པའི་བློ་ངོར་བསམ་པའི་རྟག་བརྟན་གྱི་རིན་ཐང་རྣམས་འདེབས་པའི་དགོས་མཁོ་ཤེས་པ་ནི་ཛ་དྲག་དང་མཁོ་གལ་ཆེ།

དེང་རབས་ཀྱི་བྱིས་པ་རྣམས་ལ་ཡི་རང་གི་ཚོར་སྣང་མེད་པ་ནི་ཧ་ཅང་བློ་ཕམ་སྐྱེ་དགོས་པ་ཞིག་རེད། དེ་ནི་ཇག་རྐུན་དང་ཉེན་རྟོག་པའི་སྒྲུང་དང་། བརྙན་འཕྲིན་དང་གློག་བརྙན་སོགས་ཀྱིས་བྱིས་པའི་བློ་ངོ་ཉམས་རྒུད་དུ་བཏང་བའི་རྐྱེན་གྱིས་རེད།

གྷི་ནོསི་ཊིཀ་གི་འགུལ་སྐྱོད་ཀྱི་སེམས་ཁམས་རིག་པ་གསར་བརྗེ་ཅན་གྱིས་གསལ་ཞིང་གནད་ལ་འཁེལ་བའི་སྒོ་ནས་རང་བདག་དང་ངོ་བོའི་བར་གྱི་ཁྱད་པར་རྩ་བ་ནས་འབྱེད་ཀྱི་རེད།

འཚོ་བའི་ལོ་དང་པོ་གསུམ་བཞི་ཙམ་གྱི་རིང་བྱིས་པའི་ནང་ངོ་བོའི་མཛེས་སྡུག་ཁོ་ན་མངོན་པ་ཡིན། སྐབས་དེར་བྱིས་པ་ནི་རྣམ་པ་ཡོངས་ནས་ཞི་ཞིང་དུལ་ལ་མཛེས་པ་ཡོད།

རང་བདག་གིས་བྱིས་པའི་རང་གཤིས་ལ་ཚོད་འཛིན་བྱེད་འགོ་བཙུགས་དུས་ངོ་བོའི་མཛེས་སྡུག་དེ་དག་ཡོད་ཚད་རིམ་བཞིན་མེད་པར་འགྱུར་ཞིང་། དེའི་ཚབ་ཏུ་མི་ཡོངས་ལ་ཡོད་པའི་སེམས་ཁམས་ཀྱི་སྐྱོན་ཆ་རྣམས་ཐོན་ཡོང་གི་རེད།

ང་ཚོས་རང་བདག་དང་ངོ་བོའི་བར་ཁྱད་པར་འབྱེད་དགོས་པ་བཞིན་རང་གཤིས་དང་ངོ་བོའི་བར་ཡང་ཁྱད་པར་འབྱེད་དགོས།

མི་ནི་ངོ་བོའི་སྟེང་ནས་སྐྱེས་པ་ཡིན་མོད། འོན་ཀྱང་རང་གཤིས་ཀྱི་སྟེང་ནས་སྐྱེས་པ་ཞིག་མིན། རང་གཤིས་ནི་ངེས་པར་དུ་བཟོ་སྐྲུན་བྱེད་དགོས་པ་ཞིག་རེད།

རང་གཤིས་དང་ངོ་བོ་གཉིས་འཆམ་མཐུན་དང་དོ་མཉམ་གྱི་སྒོ་ནས་འཚར་ལོངས་ཡོང་དགོས།

ལག་ལེན་དངོས་ཀྱི་ནང་རང་གཤིས་ནི་ངོ་བོའི་འགྲོ་སོང་གཏོང་བའི་སྟེང་ནས་ཚད་ལས་བརྒལ་ཏེ་འཚར་ལོངས་ཡོང་དུས་འབྲས་བུ་ནི་གཡོ་སྒྱུ་ཅན་དུ་འགྱུར་ཡོང་གི་རེད།

ལོ་མང་པོའི་ལྟ་ཞིབ་དང་ཉམས་མྱོང་གིས་ང་ཚོར་གལ་ཏེ་ངོ་བོ་ནི་རང་གཤིས་ཀྱི་འཆམ་མཐུན་གོང་སྤེལ་ལ་དོ་སྣང་རྩ་བ་ནས་མེད་པར་ཡོངས་སུ་འཚར་ལོངས་བྱུང་པ་ཡིན་ན། འབྲས་བུ་ནི་བློ་རིག་མེད་པའི་གསང་བ་སྨྲ་མཁན་དུ་འགྱུར་ཞིང་། རང་གཤིས་མེད་ལ། སྙིང་རྗེ་དང་ལྡན་མོད། འོན་ཀྱང་མ་འཚམ་པར་གནས་ཤིང་། ནུས་མེད་དུ་འགྱུར་ཡོང་བ་ཤེས་སུ་བཅུག་ཡོད།

རང་གཤིས་དང་ངོ་བོ་འཆམ་མཐུན་ངང་འཚར་ལོངས་ཡོང་བ་དེས་མི་ཕོ་མོ་གཉིས་ལ་རྣམ་དཔྱོད་ཅན་གྱི་འབྲས་བུ་སྟེར་ཡོང་གི་རེད།

ངོ་བོའི་ནང་ང་ཚོར་རང་ལ་ཡོད་པའི་དངོས་པོ་ཡོད་ཚད་ཡོད་ཅིང་། རང་གཤིས་ནང་ང་ཚོར་གཡར་བ་ཡོད་ཚད་ཡོད།

ངོ་བོའི་ནང་ང་ཚོར་རང་སྐྱེས་ཀྱི་ཡོན་ཏན་ཡོད་ཅིང་རང་གཤིས་ནང་ང་ཚོར་རྒན་རབས་པའི་དཔེ་མཚོན་དང་ཁྱིམ་ཚང་དང་སློབ་གྲྭ། སྲང་ལམ་གྱི་ནང་སྦྱངས་པ་རྣམས་ཡོད།

བྱིས་པས་ངོ་བོའི་ཆེད་དུ་བཟའ་བཅའ་དང་རང་གཤིས་ཀྱི་ཆེད་དུ་བཟའ་བཅའ་ལེན་པ་ནི་ཛ་དྲག་ཅན་ཡིན།

ངོ་བོ་ནི་ཞི་དུལ་དང་ཚད་མེད་པའི་བྱམས་བརྩེ་སེམས་དང་། རོལ་མོ་དང་མེ་ཏོག མཛེས་སྡུག་དང་འཆམ་མཐུན་སོགས་ཀྱི་སྟེང་ནས་གསོ་སྐྱོང་བྱེད་དགོས།

རང་གཤིས་ནི་རྒན་རབས་པའི་དཔེ་མཚོན་བཟང་པོ་དང་སློབ་གྲྭའི་སློབ་ཁྲིད་བཟང་པོའི་སྟེང་ནས་གསོ་སྐྱོང་བྱེད་དགོས།

སྔོན་ལ་ཕྲུ་གུ་ཁྱིམ་ཚང་གི་ནང་ནས་བརྒྱུད་རྗེས་ཕྲུ་གུ་རྣམས་ལོ་བདུན་སྟེང་སློབ་གྲྭ་ཐོག་མའི་ནང་ཞུགས་པ་ནི་ཧ་ཅང་གལ་ཆེ།

བྱིས་པ་རྣམས་ཀྱིས་ཐོག་མའི་ཡི་གེ་རྩེད་རིགས་རྩེ་བའི་སྒོ་ནས་སྦྱོང་དགོས་པ་དང་དེ་འདྲ་བྱས་ན་སློབ་སྦྱོང་ནི་ཁོ་ཚོའི་ཆེད་དུ་ཡིད་དུ་འོང་ཞིང་ཞིམ་མངར་ལྡན་པ་དང་སྐྱིད་པོ་ཡོང་གི་རེད།

སློབ་གསོའི་རྨང་གཞིས་བྱིས་པའི་སློབ་གྲྭ་ནས་རང་གཤིས་ཀྱི་ཆ་ཤས་གསུམ་སྟེ་བསམ་བློ་གཏོང་བ་དང་། འགུལ་སྐྱོད། བྱ་སྤྱོད་བཅས་ལ་དམིགས་བསལ་གྱི་ཐོག་ནས་ལྟ་རྟོག་བྱེད་དགོས་པ་སློབ་ཁྲིད་བྱེད་ཀྱི་རེད། དེ་ལྟར་བྱིས་པའི་རང་གཤིས་འཆམ་མཐུན་དང་དོ་མཉམ་གྱི་སྒོ་ནས་འཚར་ལོངས་ཡོང་གི་རེད།

བྱིས་པའི་རང་གཤིས་བཟོ་སྐྲུན་བྱེད་པ་དང་འཚར་ལོངས་གོང་སྤེལ་གཏོང་བའི་གནད་དོན་ནི་ཁྱིམ་ཚང་གི་ཕ་མ་དང་སློབ་གྲྭའི་དགེ་རྒན་རྣམས་ཀྱི་འགན་འཁྲི་ཧ་ཅང་ལྕི་བ་ཞིག་རེད།

མིའི་རང་གཤིས་ཀྱི་སྤུས་ཚད་ནི་སེམས་ཁམས་རིག་པའི་རྒྱུ་ཆ་གང་ཞིག་གི་སྟེང་ནས་བཟོ་སྐྲུན་དང་གསོ་སྐྱོང་བྱས་པ་དེའི་སྟེང་རག་ལས་ཡོད།

རང་གཤིས་དང་ངོ་བོ་དང་རང་བདག་སྟེ་ང་ཟེར་བའི་སྐོར་ལ་སེམས་ཁམས་རིག་པ་སྦྱོང་མཁན་ནང་མགོ་འཁོར་བ་མང་པོ་ཡོད།

ཁ་ཤས་ཀྱིས་རང་གཤིས་དེ་ངོ་བོ་ཡིན་པར་ནོར་འཁྲུལ་བྱེད་ཀྱི་ཡོད་ལ། ཁ་ཤས་ཀྱིས་རང་བདག་སྟེ་ང་ཟེར་བ་དེ་ངོ་བོ་ཡིན་པར་ནོར་འཁྲུལ་བྱེད་ཀྱི་རེད།

སློབ་གྲྭ་གསང་སྤྱོད་རྫུན་མ་དང་གསང་བ་སྨྲ་མཁན་རྫུན་མ་མང་པོ་ཞིག་ལ་རང་གཤིས་མེད་པའི་འཚོ་བ་ནི་རང་གི་སློབ་སྦྱོང་གི་དམིགས་འབེན་ཡིན།

ང་ཚོས་བཤིག་དགོས་པ་ནི་རང་གཤིས་མིན་པ་གསལ་བཤད་བྱེད་པ་ནི་དགོས་ངེས་རེད།

ང་ཚོས་རང་བདག་སྟེ་ངའི་རང་ཉིད་དེ་བཤིག་དགོས་པ་ཤེས་པ་ནི་ཛ་དྲག་ཅན་ཡིན་ལ། དེ་ལ་འཇིག་རྟེན་གྱི་རྡུལ་དུ་གཏོང་དགོས།

རང་གཤིས་ནི་བྱ་སྤྱོད་ཀྱི་འདྲུད་འཐེན་འཁོར་ལོ་ཞིག་ཡིན་ཞིང་། བཟོ་བསྐྲུན་བྱེད་པའི་དགོས་མཁོ་ཡོད་པའི་འདྲུད་འཐེན་འཁོར་ལོ་ཞིག་རེད།

འཇིག་རྟེན་འདིར་ཀ་ལི་གུ་ལ་སྟེ་བློ་ཁ་མི་བདེ་བའི་མི་དག་དང་ཨ་ཊི་ལ་སྟེ་གདུག་རྩུབ་ཅན་གྱི་མི་དང་ཧིཊ་ལར་སོགས་ཡོད། རང་གཤིས་གང་འདྲ་ཞིག་ཡིན་ནའང་རང་བདག་སྟེ་ང་ཟེར་བ་དེ་ཡོངས་སུ་བཤིག་ནས་ཚར་དུས་རྩ་བ་ནས་བསྒྱུར་བཅོས་བྱེད་ཐུབ།

རང་བདག་སྟེ་ང་ཟེར་བ་དེ་མེད་པར་བཟོ་བའི་སྐོར་གྱིས་གསང་བ་སྨྲ་མཁན་རྫུན་མ་མང་པོ་ཞིག་ལ་མགོ་འཁོར་དུ་བཅུག་ཅིང་སུན་སྣང་བཟོས་ཡོད། འདི་དག་ནི་རང་བདག་དེ་ལྷ་ཡིན་པའི་ངེས་ཤེས་འདྲེན་གྱི་ཡོད་ལ། ཁོ་ཚོས་རང་བདག་སྟེ་ང་ཟེར་བ་དེ་རང་ཉིད་དམ་ལྷའི་རྡུལ་ཕྲན་ཡིན་པར་ཡིད་ཆེས་བྱེད་ཀྱི་རེད།

རང་བདག་སྟེ་ང་ཟེར་བ་དེར་ལྷའི་རང་བཞིན་གང་ཡང་མེད་པ་ཧ་གོ་བ་ནི་དགོས་ངེས་དང་ཛ་དྲག་ཆེན་པོ། འགྱངས་མེད་ཅིག་ཡིན།

རང་བདག་སྟེ་ང་ཟེར་བ་དེ་ནི་བྷའི་བྷལ་གྱི་སེ་ཊན་ཡིན་ལ། དྲན་པ་དང་འདོད་