བདེན་པ

ཆུང་དུས་ནས་བཟུང་དང་གཞོན་ནུའི་དུས་ནས་བཟུང་ང་ཚོའི་སྡུག་བསྔལ་གྱི་འཚོ་བ་ནི་བསམ་བློའི་འཁྱོག་འགྲོས་དང་། ནང་མིའི་ནང་གི་སྡུག་བསྔལ་དྲག་པོ། ཁྱིམ་དང་སློབ་གྲྭའི་ནང་གི་འགལ་རྐྱེན་སོགས་མང་པོ་ཞིག་གིས་འགོ་བཙུགས་པ་རེད།

ཆུང་དུས་ནས་བཟུང་དང་གཞོན་ནུའི་དུས་སུ་དམིགས་བསལ་ཉུང་ཤས་ཤིག་མ་གཏོགས་གནད་དོན་འདི་དག་གིས་ང་ཚོར་དངོས་གནས་གཏིང་ཟབ་པའི་ཤུགས་རྐྱེན་ཐེབས་ཐུབ་ཀྱི་མེད་པ་ནི་གསལ་པོ་རེད། འོན་ཀྱང་ང་ཚོ་མི་རྒན་པ་ཆགས་དུས་དྲི་བ་དག་འགོ་ཚུགས་ཀྱི་རེད། ང་སུ་ཡིན། ང་གང་ནས་ཡོང་། ང་ཅིའི་ཕྱིར་སྡུག་བསྔལ་མྱོང་དགོས། འཚོ་བ་འདིའི་དམིགས་ཡུལ་གང་ཡིན། སོགས་སོགས་སོགས་།

ཚང་མས་འཚོ་བའི་ལམ་བུའི་ནང་དུ་དྲི་བ་འདི་དག་དྲིས་མྱོང་ཡོད། ཚང་མས་ཐེངས་ཤིག་ལ་དྲི་ཞིབ་དང་ཞིབ་འཇུག་བྱེད་འདོད་སྐྱེས་མྱོང་ཡོད། ང་ཚོས་ཁོང་ཁྲོ་དང་། མི་དགའ་བ། འཐབ་རྩོད། སྡུག་བསྔལ་དེ་འདྲ་མང་པོའི་“རྒྱུ་མཚན་“ཤེས་འདོད་སྐྱེས་མྱོང་ཡོད། འོན་ཀྱང་བསོད་ནམས་མེད་པ་ཞིག་ལ་ང་ཚོ་ནམ་ཡང་གཞུང་ལུགས་རེ་དང་། བསམ་ཚུལ་རེ། ཡིད་ཆེས་རེ་སྟེ། ཁྱིམ་མཚེས་ཀྱིས་བཤད་པ་དང་རྒན་འཁོགས་རལ་རལ་ཞིག་གིས་ལན་བརྒྱབ་པ་སོགས་ཀྱི་ནང་དུ་བསྡད་དེ་མཇུག་བསྡུ་གི་རེད།

ང་ཚོས་དྲང་བདེན་གྱི་དྭངས་གཙང་དང་སེམས་ཀྱི་ཞི་བདེ་བོར་བརླག་བཏང་ཡོད་སྟབས། ང་ཚོ་དངོས་སུ་བདེན་པ་དྲང་པོར་ཉམས་སུ་མྱོང་ཐུབ་ཀྱི་མེད། ང་ཚོ་གཞན་གྱིས་བཤད་པར་རག་ལས་ཀྱི་ཡོད་ལ་ང་ཚོ་ལམ་ནོར་བའི་ཐོག་ཏུ་འགྲོ་བཞིན་ཡོད་པ་ནི་གསལ་པོ་རེད།

མ་རྩ་རིང་ལུགས་ཀྱི་སྤྱི་ཚོགས་ཀྱིས་དཀོན་མཆོག་ལ་མི་དད་མཁན་དང་། དཀོན་མཆོག་ལ་ཡིད་ཆེས་མེད་མཁན་ཚོར་རྩ་བ་ནས་སྐྱོན་བརྗོད་བྱེད་ཀྱི་རེད།

Marxist-Leninist སྤྱི་ཚོགས་ཀྱིས་དཀོན་མཆོག་ལ་ཡིད་ཆེས་ཡོད་མཁན་ཚོར་སྐྱོན་བརྗོད་བྱེད་ཀྱི་རེད། ཡིན་ནའང་གཏིང་ཞིག་ལ་བལྟས་ན་གཉིས་ཀ་གཅིག་པ་རེད། བསམ་ཚུལ་གྱི་གནད་དོན་ཞིག་དང་། མི་རྣམས་ཀྱི་མོས་པ་དང་། སེམས་ཀྱི་འཆར་སྣང་གི་གནད་དོན་རེད། ཡིད་ཆེས་དང་ཡིད་ཆེས་མེད་པ། ཐེ་ཚོམ་ཡོད་པ་གང་རུང་གིས་བདེན་པ་མྱོང་བ་མཚོན་གྱི་མེད།

སེམས་ཀྱིས་ཡིད་ཆེས་དང་། ཐེ་ཚོམ། བསམ་ཚུལ་བཤད། ཚོད་དཔག་བྱེད་པའི་དགོས་པ་ཡོད་ཀྱང་། དེ་ནི་བདེན་པ་ཉམས་སུ་མྱོང་བ་མིན།

ང་ཚོས་ཉི་མར་ཡིད་ཆེས་བྱེད་པའི་དགོས་པ་དང་ཡིད་ཆེས་མི་བྱེད་པའི་དགོས་པ་དང་ཐ་ན་ཐེ་ཚོམ་ཡང་བྱེད་ཆོག་གི་རེད། འོན་ཀྱང་སྐར་མ་རྒྱལ་པོས་འོད་སྣང་སྤྲོད་མུས་དང་། འཚོ་བ་ཡོད་ཚད་ལ་སྲོག་སྦྱིན་མུས་ཡིན་པ་དང་། ང་ཚོའི་བསམ་ཚུལ་ལ་དེ་ལ་དོན་སྙིང་གང་ཡང་མེད།

ལྐོག་གྱུར་གྱི་ཡིད་ཆེས་དང་། ཡིད་ཆེས་མེད་པ། ཐེ་ཚོམ་གྱི་འོག་ཏུ་བཟང་སྤྱོད་རྫུན་མའི་ཚུགས་ཀ་མང་པོ་ཞིག་དང་། གུས་ཞབས་རྫུན་མའི་འདུ་ཤེས་ནོར་འཁྲུལ་མང་པོ་ཞིག་སྦས་ཡོད་པ་དང་དེའི་གྲིབ་མའི་འོག་ཏུ་ང་ཞེས་པ་སྟོབས་ཤུགས་ཆེན་པོར་འཚར་ལོངས་འབྱུང་གི་རེད།

མ་རྩ་རིང་ལུགས་རིགས་ཀྱི་སྤྱི་ཚོགས་དང་དམར་ཤོའི་རིགས་ཀྱི་སྤྱི་ཚོགས་གཉིས་ཀར་རང་རང་གི་ཐབས་དང་རང་གི་མོས་པ་དང་། སྔོན་འཛིན་དང་གཞུང་ལུགས་ལ་གཞིགས་པའི་བཟང་སྤྱོད་ཀྱི་རྣམ་པ་དམིགས་བསལ་རེ་ཡོད། མ་རྩ་རིང་ལུགས་ཀྱི་སྡེ་ཚན་ནང་ལ་བཟང་སྤྱོད་ཅིག་ཡིན་པ་དེ་དམར་ཤོའི་རིང་ལུགས་ཀྱི་སྡེ་ཚན་ནང་ལ་བཟང་སྤྱོད་མིན་པ་རེད། དེ་ལས་ལྡོག་པ་རེད།

བཟང་སྤྱོད་ནི་གོམས་སྲོལ་དང་། གནས་ས། དུས་ཚོད་ལ་རག་ལས་ཀྱི་རེད། རྒྱལ་ཁབ་གཅིག་ལ་བཟང་སྤྱོད་ཅིག་ཡིན་པ་དེ་རྒྱལ་ཁབ་གཞན་ཞིག་ལ་བཟང་སྤྱོད་མིན་པ་རེད། དུས་ཚོད་གཅིག་ལ་བཟང་སྤྱོད་ཡིན་པ་དེ་དུས་ཚོད་གཞན་ཞིག་ལ་བཟང་སྤྱོད་མིན་པ་རེད། བཟང་སྤྱོད་ལ་ངོ་བོའི་རིན་ཐང་གང་ཡང་མེད། གཏིང་ནས་དབྱེ་ཞིབ་བྱས་ཚེ་བརྒྱ་ཆ་བརྒྱ་ཐམ་པ་བླུན་པོ་རེད།

གཞི་རྩའི་ཤེས་ཡོན་གྱིས་བཟང་སྤྱོད་སློབ་ཀྱི་མེད། གཞི་རྩའི་ཤེས་ཡོན་གྱིས་རིག་གནས་གསར་བརྗེ་རིང་ལུགས་ཀྱི་བཟང་སྤྱོད་སློབ་ཀྱི་རེད་ལ་དེ་ནི་མི་རབས་གསར་པ་ཚོར་མཁོ་གལ་ཆེ་བ་དེ་རེད།

དུས་རབས་ཀྱི་འཇིགས་སུ་རུང་བའི་མུན་ནག་ནས་བཟུང་དུས་རབས་ཚང་མའི་ནང་དུ་བདེན་པ་འཚོལ་ཆེད་འཇིག་རྟེན་དང་ཁ་བྲལ་བའི་མི་ནམ་ཡང་ཡོད་པ་རེད།

བདེན་པ་འཚོལ་ཆེད་འཇིག་རྟེན་དང་ཁ་བྲལ་བ་ནི་དོན་མེད་རེད། རྒྱུ་མཚན་ནི་བདེན་པ་འཇིག་རྟེན་གྱི་ནང་དུ་དང་མི་ཡི་ནང་དུ་ད་ལྟ་དང་འདི་ནས་གནས་ཡོད་པ་རེད།

བདེན་པ་ནི་སྐད་ཅིག་སྐད་ཅིག་ལ་མི་ཤེས་པ་དེ་རེད། ང་ཚོས་འཇིག་རྟེན་དང་ཁ་བྲལ་བ་དང་། ང་ཚོའི་མི་རིགས་དོར་ནས་དེ་རྙེད་ཐུབ་ཀྱི་མ་རེད།

བདེན་པ་ཚང་མ་བདེན་པའི་ཕྱེད་ཀ་ཡིན་པ་དང་བདེན་པ་ཚང་མ་ནོར་འཁྲུལ་གྱི་ཕྱེད་ཀ་རེད་ཟེར་བ་ནི་དོན་མེད་རེད།

བདེན་པ་ནི་རྩ་བའི་རང་བཞིན་རེད་ལ་ཡོད་དམ་མེད་ཡིན། ནམ་ཡང་ཕྱེད་ཀ་ཡིན་མི་སྲིད། ནམ་ཡང་ནོར་འཁྲུལ་གྱི་ཕྱེད་ཀ་ཡིན་མི་སྲིད།

བདེན་པ་ནི་དུས་ཚོད་ཀྱི་ཡིན་པ་དང་དུས་ཚོད་གཅིག་ལ་ཡིན་པ་དེ་དུས་ཚོད་གཞན་ཞིག་ལ་མིན་པ་རེད་ཟེར་བ་ནི་དོན་མེད་རེད།

བདེན་པ་ལ་དུས་ཚོད་དང་འབྲེལ་བ་གང་ཡང་མེད། བདེན་པ་ནི་དུས་མེད། ང་ཞེས་པ་ནི་དུས་ཚོད་ཡིན་སྟབས་བདེན་པ་ཤེས་ཐུབ་ཀྱི་མ་རེད།

ཆོས་འགྱུར་དང་དུས་ཚོད་ཀྱི་བདེན་པ། འབྲེལ་ཡོད་ཀྱི་བདེན་པ་ཡོད་པར་བསམ་པ་ནི་དོན་མེད་རེད། མི་རྣམས་ཀྱིས་འདུ་ཤེས་དང་བསམ་ཚུལ་དག་བདེན་པ་དང་ནོར་འཁྲུལ་བྱེད་ཀྱི་རེད།

བདེན་པ་ལ་བསམ་ཚུལ་དང་བདེན་པ་སྤྱི་སྲོལ་ཟེར་བ་དག་དང་འབྲེལ་བ་གང་ཡང་མེད། རྒྱུ་མཚན་ནི་དེ་དག་ནི་སེམས་ཀྱི་འཆར་སྣང་དོན་མེད་རྐྱང་རྐྱང་རེད།

བདེན་པ་ནི་སྐད་ཅིག་སྐད་ཅིག་ལ་མི་ཤེས་པ་དེ་ཡིན་པ་དང་སེམས་ཁམས་ཀྱི་ང་ཞེས་པ་མེད་པའི་སྐབས་སུ་དངོས་སུ་ཉམས་སུ་མྱོང་ཐུབ་པ་རེད།

བདེན་པ་ནི་རྩོད་རྙོག་གི་གནད་དོན་ཞིག་དང་། འདུ་ཤེས། བསམ་ཚུལ་གྱི་གནད་དོན་ཞིག་མ་རེད། བདེན་པ་ནི་ཐད་ཀར་ཉམས་མྱོང་བརྒྱུད་ནས་ཤེས་ཐུབ་པ་ཞིག་རེད།

སེམས་ཀྱིས་བསམ་ཚུལ་བཤད་ཆོག་གི་རེད་ལ་བསམ་ཚུལ་ལ་བདེན་པ་དང་འབྲེལ་བ་གང་ཡང་མེད།

སེམས་ཀྱིས་ནམ་ཡང་བདེན་པ་རྟོགས་ཐུབ་ཀྱི་མ་རེད།

སློབ་གྲྭ་དང་མཐོ་སློབ། གཙུག་ལག་སློབ་ཆེན་གྱི་དགེ་རྒན་ཚོས་བདེན་པ་ཉམས་སུ་མྱོང་དགོས་པ་དང་སློབ་མ་ཚོར་ལམ་སྟོན་དགོས་པ་རེད།

བདེན་པ་ནི་ཐད་ཀའི་ཉམས་མྱོང་གི་གནད་དོན་ཞིག་ཡིན་པ་ལས་གཞུང་ལུགས་དང་བསམ་ཚུལ། འདུ་ཤེས་ཀྱི་གནད་དོན་ཞིག་མ་རེད།

ང་ཚོས་སློབ་སྦྱོང་བྱེད་ཆོག་པ་དང་བྱེད་དགོས། འོན་ཀྱང་གཞུང་ལུགས་དང་འདུ་ཤེས། བསམ་ཚུལ་སོགས་ཚང་མའི་ནང་ལ་དྲང་བདེན་ཡོད་མེད་རང་ཉིད་ཀྱིས་ཐད་ཀར་ཉམས་སུ་མྱོང་རྒྱུ་དེ་དུས་ཚོད་དམ་འཛིན་དགོས་པ་ཞིག་རེད།

ང་ཚོས་སློབ་སྦྱོང་དང་དབྱེ་ཞིབ། དྲི་ཞིབ་བྱེད་དགོས། ཡིན་ནའང་ང་ཚོས་ད་དུང་དུས་འགྱངས་མེད་པར་ང་ཚོས་སློབ་སྦྱོང་བྱེད་པའི་ནང་གི་བདེན་པ་ཉམས་སུ་མྱོང་དགོས།

སེམས་འཁྲུག་ཆ་དོད་པོ་དང་། དཀྲོག་ཤིང་ཆེ་བ། བསམ་ཚུལ་འགལ་ཟླ་དག་གིས་སྡུག་བསྔལ་མྱོང་བཞིན་པའི་སྐབས་སུ་བདེན་པ་ཉམས་སུ་མྱོང་ཐུབ་པ་ནི་མི་སྲིད་པ་ཞིག་རེད།

སེམས་ཞི་འཇམ་ཡིན་དུས་དང་། སེམས་ཁ་བརྡ་མེད་དུས་བདེན་པ་ཉམས་སུ་མྱོང་ཐུབ་པ་རེད།

སློབ་གྲྭ་དང་མཐོ་སློབ། གཙུག་ལག་སློབ་ཆེན་གྱི་དགེ་རྒན་དང་དགེ་མའི་མས་སློབ་ཕྲུག་ཚོར་ནང་སེམས་ཀྱི་བསམ་གཏན་གྱི་ལམ་སྟོན་དགོས།

ནང་སེམས་ཀྱི་བསམ་གཏན་གྱི་ལམ་གྱིས་ང་ཚོ་སེམས་ཀྱི་ཞི་འཇམ་དང་ཁ་བརྡ་མེད་པའི་བར་དུ་ཁྲིད་ཀྱི་རེད།

སེམས་ཁ་བརྡ་མེད་པ་དང་བསམ་བློའི་དབེན་པ། འདོད་པ་མེད་པ། བསམ་ཚུལ་མེད་པ་སོགས་ཡིན་དུས་དང་། སེམས་ཁ་བརྡ་མེད་དུས་ང་ཚོར་བདེན་པ་འབྱུང་གི་རེད།