ལས་སྐལ་

སྤྱིར་བཏང་ནད་ཀྱིས་རྐང་ལག་བེད་མེད་དུ་གྱུར་བ་ཚོར་མ་གཏོགས་མི་ཞིག་ཡིན་ཕྱིན་འཚོ་བའི་ནང་ཕན་ཐོགས་ཅི་ཞིག་ཡོང་དགོས་ཤིང་། དཀའ་ངལ་ཆེ་ཤོས་ནི་མི་རེ་ངོ་རེས་ཕན་ཐོགས་ཅི་ཞིག་ཡོང་ངེས་པ་དེ་ཤེས་དགོས་པ་དེ་རེད།

འཇིག་རྟེན་འདིར་དོན་དངོས་སུ་གལ་ཆེ་བ་ཞིག་ཡོད་ན། ང་ཚོས་རང་ཉིད་རང་གིས་ངོ་ཤེས་དགོས་པ་དེ་རེད། རང་ཉིད་ངོ་ཤེས་མཁན་ཧ་ཅང་ཉུང་ཉུང་ཡིན་ལ། ཡིད་ཆེས་དཀའ་མོད། འོན་ཀྱང་འཚོ་བའི་ནང་ཆེད་ལས་ཀྱི་འདུན་པ་མཐོར་འདེགས་ཐུབ་མཁན་གྱི་མི་ཞིག་རྙེད་དཀའ།

མི་ཞིག་གནས་སྟངས་གང་འདྲ་ཞིག་གི་འོག་ཏུ་འཚོ་གནས་བྱེད་དགོས་མིན་ལ་ངེས་ཤེས་རྙེད་པ་ན། ཁོ་རང་གི་ཆེད་ལས་དེ་བླ་མེད་ཀྱི་ལྟ་གྲུབ་དང་ཆོས་ལུགས་ཤིག་ཏུ་འགྱུར་ཞིང་། དོན་དངོས་དང་ཐོབ་ཐང་གི་ཆ་ནས་བལྟས་ནའང་འགྲོ་བ་མི་རིགས་ཀྱི་ཕྱིར་ཞབས་ཞུ་སྒྲུབ་མཁན་ཞིག་ཏུ་འགྱུར་ངེས།

རང་ཉིད་ཀྱི་ཆེད་ལས་སམ་རང་གིས་རང་ཉིད་ཀྱི་ཆེད་ལས་རྙེད་མཁན་ཞིག་ཡིན་ན། འགྱུར་བ་ཆེན་པོ་ཞིག་འགྲོ་ངེས། ཁོ་ཚོས་ད་མི་ཚེའི་ནང་ལམ་ལྷོང་ཡོང་རྒྱུར་མི་བསམ་ཞིང་། དངུལ་དང་མིང་གྲགས་ལ་དེ་ཙམ་དོ་སྣང་མེད། དེ་དུས་ཁོ་ཚོའི་དགའ་སྤྲོ་ནི་རང་གི་ནང་སེམས་ཀྱི་འབོད་སྐུལ་ཞིག་ལ་ལན་སློག་པའི་དགའ་སྤྲོ་དེ་ཡིན་ལ། འབོད་སྐུལ་དེ་ནི་རང་གི་སྙིང་སྟོབས་ཟབ་མོ་ཞིག་ནས་ཡོང་བ་དང་གང་ཡིན་མི་ཤེས་པའི་གནས་སྟངས་ཤིག་རེད།

དེའི་ནང་ནས་ཡིད་དབང་འཕྲོག་ཤོས་ནི་ཆེད་ལས་ཀྱི་འདུན་པར་རང་ཉིད་དང་འབྲེལ་བ་མེད་པ་དེ་རེད། གང་ཡིན་ཟེར་ན། ཧ་ལས་དགོས་པ་ཞིག་ལ་རང་ཉིད་ཀྱིས་རང་གི་ཆེད་ལས་ལ་སྡང་བར་བྱེད་དེ། རང་ཉིད་ཀྱིས་དངུལ་གྱི་འོང་འབབ་མང་པོ་དང་གོ་གནས་མཐོན་པོ། མིང་གྲགས་སོགས་ལ་རེ་བ་རྒྱག་གི་ཡོད།

ཆེད་ལས་ཀྱི་འདུན་པ་ནི་རང་གི་ནང་སེམས་ཀྱི་སྙིང་སྟོབས་དང་འབྲེལ་བ་ཡོད་པ་ཞིག་དང་། དེ་ནི་ཧ་ཅང་ནང་ཟབ་པ་ཞིག་དང་བླ་ན་མེད་པ་ཞིག་རེད།

ཆེད་ལས་ཀྱི་འདུན་པས་མི་རྣམས་སྡུག་བསྔལ་ཚད་མེད་མྱོང་དགོས་བྱུང་ན་ཡང་བློ་ཁོག་ཆེན་པོས་དོན་དངོས་དང་མཐུན་པའི་བརྩོན་འགྲུས་ལ་བརྟེན་ནས་སྤྲོ་སྣང་མེད་པའི་ཐབས་ཤེས་དྲག་པོ་མང་པོ་ལག་བསྟར་བྱེད་དུ་འཇུག་ཅིང་། དེར་བརྟེན་རང་ཉིད་ཀྱིས་དངོས་ཡོད་ཀྱི་ཆེད་ལས་ལ་སྡང་བ་དེ་རྒྱུན་ལྡན་ཞིག་རེད།

ཆེད་ལས་ཀྱི་འདུན་པས་ང་ཚོ་དོན་དངོས་སུ་དཔའ་བོའི་ལམ་ཁ་ངོ་མའི་ཐོག་ཏུ་འཁྲིད་ཅིང་། གནོད་འཚེ་དང་། རྒྱབ་གཏོར། སྙན་འཛུགས་སོགས་བཟོད་བསྲན་བྱེད་དགོས་བྱུང་ན་ཡང་།

ཉིན་ཞིག་མི་ཞིག་གིས་དོན་དངོས་གནས་ཚུལ་ལྟར་ང་ནི་སུ་ཡིན་པ་དང་ངའི་ཆེད་ལས་ངོ་མ་གང་ཡིན་མཁྱེན་ཞེས་བཤད་ཐུབ་ན། སྐད་ཅིག་དེ་ནས་བཟུང་ཁོ་རང་བདེན་དྲང་དང་བྱམས་བརྩེའི་ཐོག་ནས་འཚོ་བ་རོལ་འགོ་ཚུགས་ངེས། མི་འདི་འདྲ་ཞིག་རང་གི་ལས་ཀའི་ནང་འཚོ་ཞིང་། ཁོ་རང་གི་ལས་ཀ་ཁོ་རང་གི་ནང་དུ་འཚོ་ངེས།

དོན་དངོས་སུ་བཤད་ན་མི་འདི་འདྲ་ཞིག་གིས་དོན་དངོས་ཀྱི་སྙིང་ནས་བདེན་པ་བཤད་ཐུབ་མཁན་ཧ་ཅང་ཉུང་ཉུང་རེད། དེ་ལྟར་བཤད་མཁན་དེ་དག་ནི་ཆེད་ལས་ཀྱི་འདུན་པ་ཕུལ་དུ་བྱུང་བ་དེ་དག་རེད།

ང་ཚོས་རང་གི་ཆེད་ལས་ངོ་མ་རྙེད་པ་ནི་ཐེ་ཚོམ་མེད་པར་སྤྱི་ཚོགས་ཀྱི་དཀའ་ངལ་ཚབས་ཆེ་ཤོས་ཡིན་ཞིང་། སྤྱི་ཚོགས་ཀྱི་དཀའ་ངལ་ཡོད་ཚད་ཀྱི་རྩ་བར་གནས་པའི་དཀའ་ངལ་དེ་རེད།

རང་ཉིད་ཀྱི་ཆེད་ལས་ངོ་མ་རྙེད་པའམ་དེ་ཤེས་རྟོགས་བྱུང་བ་ནི་གཏེར་རྙེད་པ་དང་མཚུངས།

མི་སེར་ཞིག་གིས་བདེན་དོན་དང་མཐུན་ཞིང་ཐེ་ཚོམ་མེད་པའི་ངང་རང་གི་ལས་རིགས་ངོ་མ་རྙེད་དུས། བྱ་བ་དེ་བྱས་པ་ཙམ་གྱིས་ཁོ་རང་གི་ཚབ་བྱེད་མཁན་མེད་པ་ཞིག་ཏུ་ཆགས་ངེས།

ང་ཚོའི་ཆེད་ལས་ནི་འཚོ་བའི་ནང་ང་ཚོས་འཁྱོག་བཞིན་པའི་གོ་གནས་དང་ཡོངས་སུ་མཐུན་དུས། ང་ཚོས་དེ་དུས་ལས་ཀ་དེ་བླ་མེད་ཀྱི་ལྟ་གྲུབ་ཅིག་དང་འདྲ་བར་སྤྱོད་ཅིང་། ཧམ་སེམས་དང་དབང་ཤུགས་ཀྱི་རེ་བ་མེད།

དེ་ནས་ལས་ཀས་ཧམ་སེམས་དང་སྐྱོ་སྣང་སྐྱེ་རུ་མ་འཇུག་པར་ལས་རིགས་བརྗེ་རྒྱུའི་འདུན་པ་སྐྱེ་རུ་མི་འཇུག་ལ། ཐ་ན་སྡུག་བསྔལ་མྱོང་དགོས་བྱུང་ན་ཡང་བཟོད་བསྲན་གྱིས་ངང་ནས་དཀའ་སྡུག་ཁྱད་དུ་བསད་དེ་དགའ་སྤྲོ་ངོ་མ་ཞིག་སྟེར་ངེས།

ལག་ལེན་དངོས་ཀྱི་ནང་ང་ཚོས་གོ་གནས་དེ་མི་རང་གི་ཆེད་ལས་དང་མི་མཐུན་དུས། ཁོ་རང་གིས་མང་ཙམ་ཞིག་བསམ་གྱི་ཡོད།

རང་ཉིད་ཀྱི་འཁོར་ལོའི་ནང་མང་ཙམ་ཟེར་བ་དེ་རེད། དངུལ་མང་ཙམ་དང་མིང་གྲགས་མང་ཙམ། འཆར་འགོད་མང་ཙམ་སོགས་དེ་ལྟར་རེད། སྤྱིར་བཏང་བཤད་ན། མི་དེ་གཡོ་སྒྱུ་ཅན་དང་གཞན་ལ་བཤུ་གཞོག་བྱེད་མཁན། སྙིང་རྗེ་མེད་པ། བརྩི་མེད་རྡོག་རོལ། སོགས་སུ་འགྱུར་འགྲོ་ངེས།

གལ་ཏེ་ང་ཚོས་ལས་བྱེད་ཚོར་ཞིབ་འཇུག་བྱས་ན། འཚོ་བའི་ནང་གོ་གནས་དེ་སྒེར་གྱི་ཆེད་ལས་དང་མཐུན་པ་ཧ་ཅང་ཉུང་ཉུང་ཡིན་པ་བདེན་དཔང་བྱེད་ཐུབ།

གལ་ཏེ་ང་ཚོས་ཞིབ་མོར་བརྟག་དཔྱད་བྱས་ན། ངལ་རྩོལ་མཁན་གྱི་ལས་རིགས་འདྲ་མིན་ནང་ལས་རིགས་དེ་མི་རང་གི་ཆེད་ལས་དང་འབྲེལ་བ་དེ་ཧ་ཅང་དཀོན་པ་ཞིག་ཡིན་པ་ར་སྤྲོད་ཐུབ།

ང་ཚོས་དོ་སྣང་ཆེན་པོས་གོ་སྐབས་ཡོད་པའི་རིགས་རྣམས་ལ་བརྟག་དཔྱད་བྱེད་དུས། འཛམ་གླིང་གི་ཤར་ཕྱོགས་སམ་ནུབ་ཕྱོགས་གང་དུ་ཡོད་ཀྱང་ཆེད་ལས་ཀྱི་འདུན་པ་དེ་མེད་པ་ར་སྤྲོད་ཐུབ། ད་ལྟ་གྲགས་ཅན་ཟེར་བའི་ཕྲུ་གུ་ཚོས་མཚོན་ཆ་བེད་སྤྱོད་བྱེད་ཅིང་རོགས་མེད་ཀྱི་བུད་མེད་ལ་བཙན་གཡེམ་བྱེད་པ་སོགས་ཀྱིས་སྐྱོ་སྣང་སེལ་གྱི་ཡོད། འཚོ་བའི་ནང་རང་གི་གོ་གནས་མ་རྙེད་པར་སྣང་བ་འཚོལ་ཏེ་རྒྱུ་མེད་ཀྱི་ངོ་ལོག་ཏུ་འགྱུར་གྱི་ཡོད།

འཛམ་གླིང་གི་དཔལ་འབྱོར་ཉམས་རྒུད་ཀྱི་སྐབས་སུ་མི་རྣམས་ཀྱི་གནས་སྟངས་ཧ་ཅང་འཇིགས་སུ་རུང་བ་ཞིག་རེད།

གོ་གནས་རང་གི་ཆེད་ལས་དང་མི་འཚམ་པས་སུ་ཡང་རང་གི་ལས་ཀའི་ཐོག་སྤྲོ་སྣང་མེད་ལ། ལས་ཀའི་འཚོལ་ཞུ་ཡིག་མང་པོ་འབབ་བཞིན་ཡོད། གང་ཡིན་ཟེར་ན། སུ་གཅིག་ཀྱང་བཀྲེས་ལྟོགས་ཀྱིས་ཤི་འདོད་མེད་མོད། ཡིན་ནའང་འཚོལ་ཞུ་དེ་ཚོས་རང་གི་ཆེད་ལས་ཀྱི་དམིགས་ཡུལ་མཚོན་གྱི་མེད།

ཁ་ལོ་བ་མང་པོ་ཞིག་སྨན་པ་དང་བཟོ་བཀོད་པ་བྱེད་འོས། ཁྲིམས་རྩོད་པ་མང་པོ་བློན་ཆེན་བྱེད་འོས་ཤིང་བློན་ཆེན་མང་པོ་ལྷམ་བཟོ་བྱེད་འོས། ལྷམ་འདག་མཁན་མང་པོ་བློན་ཆེན་བྱེད་འོས་ཤིང་བློན་ཆེན་མང་པོ་ལྷམ་འདག་མཁན་བྱེད་འོས་པ་སོགས་ཡོད།

མི་རྣམས་རང་གི་གོ་གནས་དང་མི་མཐུན་པར་རང་གི་ཆེད་ལས་ངོ་མ་དང་འབྲེལ་བ་མེད་པའི་ལས་ཀ་བྱེད་དགོས་བྱུང་བས། སྤྱི་ཚོགས་ཀྱི་འཕྲུལ་འཁོར་ཡང་ཞན་པོ་ཡོང་གི་ཡོད། དེ་ནི་སྒྲིག་གཞི་དེ་དང་མི་འཚམ་པའི་ལྷུ་ལག་བེད་སྤྱོད་བྱས་པའི་འཕྲུལ་འཁོར་ཞིག་དང་འདྲ་ཞིང་། མཇུག་འབྲས་ནི་གོད་ཆགས་དང་། ལམ་ལྷོང་མི་ཡོང་བ། དོན་མེད་དུ་འགྱུར་བ་སོགས་ཡོང་ངེས།

ལག་ལེན་དངོས་ཀྱི་ནང་ང་ཚོས་ནམ་ཡིན་ཡང་ར་སྤྲོད་བྱེད་ཐུབ་པ་ནི། མི་ཞིག་ལ་ལམ་སྟོན་དང་ཆོས་ལུགས་དགེ་རྒན། ཆབ་སྲིད་ཀྱི་དབུ་ཁྲིད་དམ་ཡང་ན་སྙིང་སྟོབས་ལྡན་པའི་ཚོགས་པ་དང་ཚན་རིག་ལྟ་གྲུབ། རྩོམ་རིག་དང་སྤྱི་ཚོགས་ཕན་བདེའི་ལས་དོན་སོགས་ཀྱི་འགོ་འདྲེན་བྱེད་པའི་ཆེད་ལས་ཀྱི་འདུན་པ་མེད་དུས། ཁོ་རང་གིས་མང་ཙམ་ཞིག་བསམ་གྱི་ཡོད་ལ། གསང་བའི་དམིགས་ཡུལ་སྟོན་མི་འདོད་པའི་འཆར་གཞི་མང་པོ་བཟོ་བའི་ལས་ལ་འཇུག་ངེས།

གསལ་པོ་བཤད་ན། གོ་གནས་དེ་སྒེར་གྱི་ཆེད་ལས་དང་མི་མཐུན་དུས་མཇུག་འབྲས་ནི་བཤུ་གཞོག་ཡིན།

ང་ཚོས་འཚོ་བའི་ནང་དངོས་པོར་དོ་སྣང་ཤུགས་ཆེན་པོ་བྱེད་པའི་དུས་རབས་འདི་འདྲ་ཞིག་ཏུ། དགེ་རྒན་གྱི་གོ་གནས་ནི་ཆེད་ལས་དེའི་ཐོག་ཆེད་ལས་ཀྱི་འདུན་པ་མེད་པའི་ཚོང་པ་མང་པོས་བདག་བཟུང་བྱེད་བཞིན་ཡོད། དེའི་མཇུག་འབྲས་ནི་གཞན་ལ་བཤུ་གཞོག་དང་སྙིང་རྗེ་མེད་པ། བྱམས་བརྩེ་དངོས་མེད་པ་སོགས་ཡིན།

མི་མང་པོ་ཞིག་གིས་གཙོ་བོ་སྨན་པ་དང་ཁྲིམས་རྩོད་པ། ཡང་ན་བཟོ་བཀོད་པའི་སྡེ་ཚན་ནང་སློབ་སྦྱོང་གི་རིན་པ་སྤྲོད་ཆེད་དངུལ་བསག་པའི་དམིགས་ཡུལ་འཁྱེར་ཏེ་སློབ་སྦྱོང་བྱེད་ཀྱི་ཡོད། དེ་མིན་བྱེད་རྒྱུ་མེད་པའི་རྐྱེན་གྱིས་དགེ་རྒན་བྱེད་མཁན་ཡང་ཡོད། འདི་འདྲའི་བསམ་བློའི་གཡོ་འོག་ཏུ་ཚུད་མཁན་ནི་སློབ་མ་ཚོ་རེད།

དེང་སང་ཆེད་ལས་ཀྱི་དགེ་རྒན་ངོ་མ་ཞིག་རྙེད་དཀའ་ལ། དེ་ནི་སློབ་གྲྭ་དང་མཐོ་སློབ། གཙུག་ལག་སློབ་གྲྭ་ཆེན་མོའི་སློབ་མ་ཚོས་ཐོབ་པའི་སྐལ་བ་ཆེ་ཤོས་དེ་ཡིན།

དགེ་རྒན་གྱི་ཆེད་ལས་ནི་སྙིང་རྗེ་ཆེན་པོས་གེ་བི་རི་ལ་མིས་ཀྲལ་གྱིས་བརྩམས་པའི་དགེ་རྒན་གྱི་སྨོན་ལམ་ནང་གསལ་པོར་བསྟན་ཡོད། ཞིང་སྡེའི་དགེ་རྒན་ཞིག་གིས་གསང་བའི་དགེ་རྒན་ལ་བླ་མེད་ཀྱི་བསམ་པས་གུས་ཞབས་བྱེད་བཞིན་ཡོད།

ང་ལ་རང་གི་སློབ་གྲྭའི་ཐུན་མིན་གྱི་བྱམས་བརྩེ་སྟེར་དང་། མཛེས་སྡུག་གི་ཚ་ཟེར་གྱིས་ཀྱང་ངའི་རྒྱུན་དུ་བྱམས་བརྩེ་འཕྲོག་མི་ཐུབ། དགེ་རྒན་ལགས། ངའི་བརྩེ་སེམས་གཏན་དུ་གནས་ཐུབ་པར་གྱིས་དང་སེམས་ཞུམ་པ་སྐད་ཅིག་ཉིད་དུ་སོང་བར་གྱིས། ད་དུང་ང་ལ་སྡུག་བསྔལ་སྟེར་མཁན་གྱི་གཞན་དབང་དུ་ཚུད་པའི་དྲང་བདེན་གྱི་འདུན་པ་དེ་དང་། ང་ལ་རྨས་སྐྱོན་བཟོས་དུས་ངའི་ནང་ནས་ཡར་འཕྱུར་བའི་ངོ་རྒོལ་གྱི་བསམ་བློ་དམན་པ་དེ་དོར་དུ་ཆུག ང་ལ་མ་གོ་བའི་སྐྱོན་མི་ཕོག་པར་ང་ཚོས་སློབ་སྦྱོང་བྱེད་པའི་བརྗེད་ངེས་ཀྱིས་ང་སྐྱོ་བར་མི་གྱུར།

མ་ལས་ཀྱང་མ་ལྷག་པ་ཞིག་གནང་སྟེ་རང་གི་ཤ་ཁྲག་མིན་པ་དེ་ལའང་བྱམས་བརྩེ་བྱེད་དུ་ཆུག རང་གི་བུ་མོ་ཞིག་ལ་ངའི་རྩོམ་ཡིག་འགྲིག་ཤོས་དེ་བྱེད་རྒྱུའི་ཐབས་དང་། ངའི་མཆུ་ཏོ་མི་བཞད་དུས་ངའི་རྣམ་འགྱུར་ཟབ་ཤོས་དེ་བུད་མེད་དེའི་སྟེང་འཇོག་ཏུ་ཆུག

ཁྱེད་ཀྱི་བསླབ་བྱ་ངའི་དུས་ཚོད་ནང་ལག་ལེན་འཁེལ་ཐུབ་པ་གྱིས་ཏེ་ང་ཉིན་རེའི་དམག་འཐབ་ལ་དོར་མི་ཆུག

སྙིང་སྟོབས་ཀྱི་དོན་གྱིས་དྲངས་པའི་དགེ་རྒན་ཞིག་གིས་བློ་ཡུལ་ལས་འདས་པའི་སེམས་ཁམས་ཀྱི་ཤུགས་རྐྱེན་ག་ཚོད་སྟེར་ཐུབ་མིན་སུས་ཚོད་དཔག་བྱེད་ཐུབ།

སྒེར་གྱི་མི་ཞིག་གིས་འགྲོ་ལམ་གསུམ་གྱི་ཐོག་ནས་རང་གི་ཆེད་ལས་རྙེད་ཀྱི་ཡོད། དང་པོ། རང་ཉིད་ཀྱི་ནུས་པ་དམིགས་བསལ་ཅན་ཞིག་རྙེད་པ། གཉིས་པ། ཛ་དྲག་གི་དགོས་མཁོ་ཞིག་མཐོང་བ། གསུམ་པ། སློབ་མའི་ནུས་པ་ལ་བརྟག་དཔྱད་ཞིབ་འཇུག་བྱས་ཏེ་སློབ་མ་དེའི་ཆེད་ལས་རྙེད་མཁན་གྱི་ཕ་མ་དང་དགེ་རྒན་གྱི་ལམ་སྟོན་དཀོན་པོ་ཞིག་ཡོང་བ།

གནས་སྟངས་ཛ་དྲག་ཅིག་གི་མདུན་དུ་གནས་སྐབས་བྱ་ཐབས་ལག་བསྟར་དགོས་པའི་དུས་སུ་མི་མང་པོ་ཞིག་གིས་རང་གི་ཆེད་ལས་རྙེད་ཐུབ་པ་བྱུང་ཡོད།

དབུས་ཨཕ་རི་ཀའི་ནང་ཧིན་དྷུ་ཚོའི་ཐོབ་ཐང་ལ་རྒོལ་གཏམ་བཏང་བའི་རྐྱེན་གྱིས་གྷན་དྷི་ནི་ཁྲིམས་རྩོད་པ་ཞིག་ཡིན་པར་བརྟེན། ཁོ་རང་རྒྱ་གར་ལ་ཕྱིར་ལོག་བྱེད་པའི་ལམ་འགྲོན་འགྲོ་སོང་མེད་པར་བཟོས་ཏེ་རང་གི་རྒྱལ་ཁབ་ཀྱི་མི་སེར་ཚོའི་ཁེ་དབང་སྲུང་སྐྱོབ་བྱེད་ཆེད་དུ་བསྡད་པ་རེད། དེས་ཁོ་རང་གི་མི་ཚེ་གང་པོའི་ཆེད་ལས་ཀྱི་ལམ་ཁ་བསྟན་པ་རེད།

འགྲོ་བ་མི་རིགས་ཀྱི་བདེ་རྩར་བསམ་མཁན་ཆེན་པོ་ཚོས་རང་གི་ཆེད་ལས་དེ་དཀའ་ངལ་གྱི་གནས་སྟངས་འོག་ཏུ་ལག་ཐོག་ཏུ་བྱ་ཐབས་ལག་བསྟར་དགོས་པའི་དུས་སུ་རྙེད་ཡོད། ང་ཚོས་ཨོ་ལི་ཝེ་རི་ཡོ་ ཀུ་རོམ་ཝེལ་དབྱིན་ཇིའི་རང་དབང་གི་ཕ་མ་དང་། བྷི་ནི་ཊོ་ཇུའ་རེས། མེ་སི་ཀོ་གསར་པ་བཟོ་མཁན། ཇོ་སེ་དི་སན་མར་ཊིན་དང་སི་མོན་བྷོ་ལི་ཝར་ལྷོ་ཨ་མེ་རི་ཀའི་རང་བཙན་གྱི་ཕ་མ་སོགས་དྲན་དགོས།

ཡེ་ཤུའམ་ཀི་རི་སི། སངས་རྒྱས་དང་མ་ཧཱ་མི་ད། ཧར་མེས། ཛོ་རོ་ཨ་སི་ཀྲར། ཀོང་ཙེ་དང་ཕུཧི་སོགས་ནི་ལོ་རྒྱུས་ཀྱི་ནང་ཁོ་ཚོས་རང་གི་ཆེད་ལས་ངོ་མ་ཤེས་པ་དང་ནང་སེམས་ནས་བོས་པའི་སྐད་ལ་ཚོར་བ་ཐོབ་མཁན་གྱི་མི་ཞིག་ཡིན།

རྨང་གཞིའི་སློབ་གསོས་སློབ་ཕྲུག་གི་ནུས་པ་གསལ་རྟོགས་བྱེད་པར་ཐབས་ལམ་སྣ་ཚོགས་སྤྱོད་དགོས། དེང་སང་གི་དུས་སུ་དགེ་རྒན་ཚོས་སློབ་ཕྲུག་གི་ཆེད་ལས་ཤེས་རྟོགས་བྱེད་པའི་ཐབས་ལམ་བེད་སྤྱོད་བྱེད་པ་དེ་དག་ནི་མི་སེམས་རྩུབ་པོ་དང་དོན་མེད་དུ་བསྒྱུར་བ། སྙིང་རྗེ་མེད་པ་བཅས་སུ་མཐོང་།

ཆེད་ལས་ཀྱི་དྲི་བ་དེ་དག་ནི་དགེ་རྒན་གྱི་གོ་གནས་བཟུང་བའི་ཚོང་པ་ཚོས་བཟོས་པ་ཞིག་རེད།

རྒྱལ་ཁབ་འགའ་ཞིག་གི་ནང་སློབ་གྲྭ་ཆེན་མོ་དང་ཆེད་ལས་སྡེ་ཚན་ནང་འཛུལ་ཞུགས་མ་བྱས་གོང་སློབ་མ་ཚོར་སེམས་ཁམས་ཀྱི་མནར་གཅོད་འདྲ་མིན་སྤྲོད་ཀྱི་ཡོད། ཁོ་ཚོར་རྩིས་རིག་དང་མི་སེར་གྱི་འགན་དབང་། སྐྱེ་དངོས་རིག་པ་སོགས་ཀྱི་ཐད་ནས་དྲི་བ་འདྲི་ཡི་ཡོད།

ཐབས་ལམ་དེ་དག་ནང་ནས་སྡུག་བསྔལ་ཆེ་ཤོས་ནི་སེམས་ཁམས་ཀྱི་བརྟག་དཔྱད་དང་ཝ་ཡི་ཀུ་ཡི་གྲངས་ཐོ་དེ་རེད།

ལན་གྱི་རིགས་ལ་གཞིགས་ནས་སྐར་གྲངས་སྤྲོད་ཅིང་། དེ་ནས་སློབ་ཕྲུག་དེ་ཉིད་སྡེ་ཚན་གསུམ་གྱི་ནང་ནས་གང་རུང་ཞིག་ལ་བཅུག་པ་རེད། དང་པོ། དངོས་ལུགས་རིག་པ་དང་རྩིས་རིག གཉིས་པ། སྐྱེ་དངོས་ཚན་རིག གསུམ་པ། སྤྱི་ཚོགས་ཚན་རིག

དངོས་ལུགས་རིག་པ་དང་རྩིས་རིག་ནང་བཟོ་བཀོད་པ་དང་ཨར་ལས་པ་ སྐར་དཔྱད་པ། གནམ་གྲུའི་ཁ་ལོ་བ་སོགས་ཐོན་གྱི་ཡོད།

སྐྱེ་དངོས་ཚན་རིག་ནང་སྨན་རྫས་བཟོ་མཁན་དང་ནད་གཡོག སྐྱེ་དངོས་རིག་པ་མཁན། སྨན་པ་སོགས་ཐོན་གྱི་ཡོད།

སྤྱི་ཚོགས་ཚན་རིག་ནང་ཁྲིམས་རྩོད་པ་དང་རྩོམ་པ་པོ། མཚན་ཉིད་རིག་པ་དང་ཡི་གེའི་ཐད་སློབ་ཐོན་པ་ཚོང་ལས་ཁང་གི་འགན་འཛིན་སོགས་ཐོན་གྱི་ཡོད།

རྒྱལ་ཁབ་སོ་སོའི་སློབ་སྦྱོང་གི་འཆར་གཞི་མི་འདྲ་བ་ཡོད་ལ། རྒྱལ་ཁབ་ཚང་མའི་ནང་སྡེ་ཚན་གསུམ་པོ་དེ་གནས་མེད་པ་གསལ་པོ་རེད། རྒྱལ་ཁབ་མང་པོའི་ནང་སྡེ་ཚན་གཅིག་མ་གཏོགས་མེད་ཅིང་དེ་ཐོན་རྗེས་སློབ་མ་དེ་མཐོ་སློབ་ཏུ་འགྲོ་དགོས་ཀྱི་ཡོད།

རྒྱལ་ཁབ་འགའ་ཞིག་གི་ནང་སློབ་མའི་ཆེད་ལས་ནུས་པ་ཞིབ་བཤེར་མི་བྱེད་པར་ཁོ་ཚོས་རང་གི་ནང་གི་འདུན་པ་དང་རང་གི་ཆེད་ལས་ཀྱི་བསམ་པར་མ་མཐུན་ཡང་ལས་རིགས་ཤིག་ཐོབ་པའི་རེ་བ་འཁྱེར་ཏེ་སྡེ་ཚན་དེའི་ནང་ཞུགས་ཀྱི་ཡོད།

རྒྱལ་ཁབ་འགའ་ཞིག་གི་ནང་སློབ་མའི་ཆེད་ལས་ཀྱི་ནུས་པ་ཞིབ་བཤེར་བྱེད་ཅིང་རྒྱལ་ཁབ་འགའ་ཞིག་གི་ནང་ཞིབ་བཤེར་མི་བྱེད། སློབ་མ་རྣམས་ལ་ལམ་སྟོན་བྱེད་མི་ཤེས་པར་རང་གི་ནང་གི་ནུས་པ་ལ་ཞིབ་བཤེར་མ་བྱེད་པ་ནི་དོན་མེད་རེད། ཆེད་ལས་ཀྱི་དྲི་བ་དང་སེམས་ཁམས་བརྟག་དཔྱད་ཀྱི་གྲངས་ཐོ་སོགས་ནི་བླུན་པོ་ཡིན།

ཆེད་ལས་ཞིབ་བཤེར་གྱི་ཐབས་ལམ་དེ་དག་གིས་ཕན་ཐོགས་མི་ཡོང་། གང་ཡིན་ཟེར་ན། སེམས་ལ་དཀའ་ངལ་འཕྲད་པའི་དུས་ཚོད་ཡོད་ཅིང་དཀའ་ངལ་གྱི་དུས་སུ་ཞིབ་བཤེར་བྱས་ཚེ། སློབ་མ་ལ་ལམ་ལྷོང་ཡོང་གི་མེད་ལ། ཁ་ཕྱོགས་ཀྱང་ནོར་འགྲོ་ངེས།

དགེ་རྒན་ཚོས་ཤེས་རྟོགས་བྱུང་བ་ལྟར་སློབ་མའི་སེམས་ནི་རྒྱ་མཚོ་དང་འདྲ་སྟེ། མཐོ་དམན་གྱི་རླབས་དང་ལྡན་ཞིང་ཁེ་ཕན་དང་གྱོང་གུད་ཡོད། སྐྱེས་པའི་རྨེན་བུ་དང་བུད་མེད་ཀྱི་རྨེན་བུའི་ནང་སྐྱེ་དངོས་ཀྱི་འགྲོས་འགྱུར་ཞིག་ཡོད། སེམས་ལ་ཡང་སྐྱེ་དངོས་ཀྱི་འགྲོས་འགྱུར་ཞིག་ཡོད།

སུ་ཞིག་གིས་སྐྱེ་དངོས་འགྲོས་འགྱུར་གྱི་ཚན་རིག་ཤེས་འདོད་ན་མཁས་དབང་རོ་ས་ཁུ་རུ་ཛས་བརྩམས་པའི་སྐྱེ་དངོས་འགྲོས་འགྱུར་ཞེས་པའི་བརྩམས་ཆོས་ལ་སློབ་སྦྱོང་བྱེད་དགོས་ལ། མཁས་དབང་ཁོང་ནི་མེག་སི་ཀོ་དམག་དཔུང་གི་སྨན་པ་དང་བྷར་ལིན་སྡེ་ཚན་གྱི་སྨན་པའི་དགེ་རྒན་ཞིག་ཡིན།

ང་ཚོས་དམ་བཅས་ཏེ་ཞེས་པ་ནི་ཞིབ་བཤེར་གྱི་གནས་སྟངས་དཀའ་བའི་སྐབས་སུ་སེམས་ཚོར་གྱི་དཀའ་ངལ་ཞིག་གིས་སློབ་མ་དེ་དག་གི་ཆེད་ལས་སྔོན་འགྲོའི་ཞིབ་བཤེར་ནང་ལམ་ལྷོང་མི་ཡོང་བར་བྱེད་སྲིད།

ང་ཚོས་བཤད་རྒྱུ་ནི། ལུས་རྩལ་དང་ལམ་ཐག་རིང་པོར་འགྲོ་བ། དཀའ་ལས་ཁག་པའི་ལས་ཀ་སོགས་ཀྱིས་སྐྱེ་བའི་འགུལ་སྐྱོད་ཀྱི་ལྟེ་བར་རྡུལ་ཕྲན་གང་རུང་བེད་སྤྱོད་བྱས་པ་ལས་རིག་པ་འཛོམས་པའི་དཀའ་ངལ་བཟོས་ཏེ་སེམས་ནི་ཡར་ངོའི་དུས་སུ་སླེབས་ཀྱང་སློབ་ཕྲུག་དེར་ཆེད་ལས་སྔོན་འགྲོའི་ཞིབ་བཤེར་སྐབས་ལམ་ལྷོང་མི་ཡོང་བར་བྱེད་སྲིད།

ང་ཚོས་བཤད་རྒྱུ་ནི། རང་བཞིན་གྱི་ཚོར་བས་མཚོན་པའི་སྟོབས་སྙིང་སྟོབས་ལྟེ་བའི་འབྲེལ་བ་སོགས་གང་རུང་ཞིག་གིས་ཆེད་ལས་སྔོན་འགྲོའི་ཞིབ་བཤེར་སྐབས་སློབ་ཕྲུག་ལམ་ལྷོང་མི་ཡོང་བར་བྱེད་སྲིད།

ང་ཚོས་བཤད་རྒྱུ་ནི། འདོད་པའི་དཀའ་ངལ་གང་རུང་ཞིག་གིས་བཀག་འགོག་བྱས་པའི་འདོད་པ་ཉམས་པའི་གནས་སྟངས་ཀྱིས་སེམས་ལ་གནོད་སྐྱོན་གཏོང་སྲིད་པ་དང་། ཆེད་ལས་སྔོན་འགྲོའི་ཞིབ་བཤེར་སྐབས་ལམ་ལྷོང་མི་ཡོང་བར་བྱེད་སྲིད།

རྨང་གཞིའི་སློབ་གསོས་བསླབ་བྱ་ནི་ཆེད་ལས་ཀྱི་ས་བོན་ནི་བློ་རིག་གི་ལྟེ་བར་མ་ཟད་ལུས་ཀྱི་འཕྲུལ་འཁོར་གྱི་སེམས་ཁམས་ཀྱི་ལྟེ་བ་བཞིའི་ནང་ཡང་གནས་ཡོད་པ་བསླབ་ཀྱི་ཡོད།

བློ་རིག་དང་སེམས་ཚོར། འགུལ་སྐྱོད། རང་བཞིན་གྱི་ཚོར་བ། འདོད་པ་སོགས་སེམས་ཁམས་ཀྱི་ལྟེ་བ་ལྔར་བརྟག་དཔྱད་བྱེད་དགོས་པ་གལ་ཆེན་པོ་རེད། བློ་རིག་ཁོ་ནས་ངོས་འཛིན་བྱེད་ཐུབ་བསམ་པ་ནི་དོན་མེད་རེད། སྒེར་གྱི་མི་ཞིག་གི་ཆེད་ལས་ཀྱི་རྣམ་འགྱུར་རྙེད་པའི་དམིགས་ཡུལ་གྱིས་བློ་རིག་ལྟེ་བ་ཁོ་ནར་བརྟག་དཔྱད་བྱས་ན། སྒེར་གྱི་མི་ཞིག་གི་ལམ་བུ་ལ་གནོད་སྐྱོན་ཐེབས་སྲིད་ལ། སྤྱི་ཚོགས་ལའང་གནོད་འཚེ་བཟོ་སྲིད། གང་ཡིན་ཟེར་ན། ཆེད་ལས་ཀྱི་ས་བོན་ནི་བློ་རིག་ལྟེ་བའི་ནང་མ་ཟད་དེ་མིན་པའི་གཞན་པའི་ལྟེ་བ་བཞིའི་ནང་ཡང་འདུས་ཡོད།

སློབ་ཕྲུག་རྣམས་ཀྱི་ཆེད་ལས་ངོ་མ་རྙེད་པར་འགྲོ་ལམ་ཁ་གསལ་ཤོས་གཅིག་པུ་ནི་བརྩ