ཀླད་པ་གསུམ་

དེང་རབས་ཀྱི་སེམས་ཁམས་རིག་པའི་གསར་བརྗེ་རིང་ལུགས་ཀྱིས་རྟག་ཏུ་མི་ཞེས་པའི་མིང་འདོགས་བྱས་པའི་སྲོག་ཆགས་ཀྱི་འཕྲུལ་འཁོར་རྩ་བ་གསུམ་གྱི་ལྟེ་བ་ཅན་ནམ་རྣམ་ཤེས་གསུམ་གྱི་ལྟེ་བར་གནས་ཟེར།

ཀླད་པ་དང་པོ་ནི་མགོ་བོའི་ནང་དུ་བཅུག་ཡོད། ཀླད་པ་གཉིས་པ་དེ་ངོ་མར་སྒལ་ཚིགས་དང་དེའི་སྙིང་པའི་རྩ་དང་རྩ་ཕྲན་ཡོངས་དང་འབྲེལ་བ་ཡོད། ཀླད་པ་གསུམ་པ་དེ་ངེས་ཅན་གྱི་གནས་སུ་གནས་མེད་ལ་དབང་པོ་ངེས་ཅན་ཞིག་ཀྱང་མ་ཡིན། དོན་དངོས་སུ་ཀླད་པ་གསུམ་པ་ནི་སྙིང་པོ་མེད་པའི་རྩ་ཕྲན་གྱི་དྲ་བ་དང་སྤྱིར་ན་མིའི་ལུས་ཀྱི་རྩ་ཕྲན་གྱི་ལྟེ་བ་ངེས་ཅན་ཐམས་ཅད་ཀྱིས་གྲུབ་ཡོད།

ཀླད་པ་དང་པོ་ནི་བསམ་བློའི་ལྟེ་བ་ཡིན། ཀླད་པ་གཉིས་པ་ནི་འགུལ་སྐྱོད་ཀྱི་ལྟེ་བ་ཡིན་ཞིང་། སྤྱིར་ན་འགུལ་སྐྱོད་ཀྱི་ལྟེ་བ་ཞེས་འབོད། ཀླད་པ་གསུམ་པ་ནི་ཚོར་བའི་ལྟེ་བ་ཡིན།

ལག་ལེན་དུ་ཀླད་པའི་བསམ་བློར་ལོག་སྤྱོད་བྱས་ཚེ་བློ་རིག་གི་ནུས་པ་ཆེས་ཆེར་འགྲོ་བ་ར་སྤྲོད་གསལ་པོ་བྱུང་ཡོད། དེས་ན་དོགས་པ་མེད་པར་སྨྱོན་ཁང་ནི་བློ་རིག་གི་རོ་ཁང་ངོ་མ་ཡིན་ཞེས་བརྗོད་ན་འོས་ཤིང་འཚམས།

འགྲིག་མཐུན་དང་དོ་མཉམ་གྱི་ལུས་རྩལ་ནི་འགུལ་སྐྱོད་ཀྱི་ཀླད་པར་ཕན་ཐོགས་ཡོད་མོད། འོན་ཀྱང་ལུས་རྩལ་ལ་ལོག་སྤྱོད་བྱས་ན་འགུལ་སྐྱོད་ཀྱི་ནུས་ཤུགས་ཆེས་ཆེར་འགྲོ་ཞིང་མཇུག་འབྲས་ནི་སྡུག་ཏུ་འགྲོ་སྲིད། འགུལ་སྐྱོད་ཀྱི་ཀླད་པ་ཤི་བའི་མི་ཡོད་ཅེས་བརྗོད་ན་རྣམ་རྟོག་མིན། ཤི་བོ་དེ་དག་ནི་ལུས་ཕྱེད་ཀྱི་དབང་རྨས་དང་། ལུས་སྨད་ཀྱི་དབང་རྨས། རིམ་བཞིན་དབང་རྨས་འགྲོ་བའི་ནད་ལ་སོགས་པར་གྲགས།

མཛེས་སྡུག་གི་ཚོར་བ། གསང་སྔགས། དགའ་བདེ། རོལ་མོ་མཐོ་རིམ་བཅས་ནི་ཚོར་བའི་ལྟེ་བ་གོང་འཕེལ་གཏོང་བར་མཁོ་མོད། འོན་ཀྱང་ཀླད་པ་དེར་ལོག་སྤྱོད་བྱས་ཚེ་ཕན་མེད་ཀྱི་གཏོང་ཕོད་དང་ཚོར་བའི་ནུས་ཤུགས་འཕྲོ་བརླག་ཏུ་འགྲོ། ཚོར་བའི་ཀླད་པར་ལོག་སྤྱོད་བྱེད་མཁན་ནི་དེང་རབས་ཀྱི་སྒྱུ་རྩལ་གྱི་ཚོར་བའི་རང་བཞིན་ཅན་གྱི་རྫུན་མའི་སྒྱུ་རྩལ་མཁན་དང་། རོག་གི་དད་མོས་ཅན། ཚོར་བ་དྲག་པོའི་ནད་ཅན་གྱི་ཆགས་སྲེད་ལ་སོགས་པ་ཡིན།

ཡིད་ལམ་དུ་མི་ཤོང་བ་འདྲ་ཡང་། མི་རེ་ངོ་རེའི་ནང་དུ་འཆི་བ་ནི་གསུམ་ཆ་གསུམ་གྱི་ཚུལ་དུ་འབྱུང་བཞིན་ཡོད། ནད་རིགས་གང་ཞིག་ཡིན་རུང་ཀླད་པ་གསུམ་གང་རུང་ཞིག་ལ་རྨང་གཞི་ཡོད་པ་གཏན་འཁེལ་ཟིན་ཡོད།

རྟག་བརྟན་གྱི་བཅའ་ཁྲིམས་ཆེན་མོས་ཤེས་རིག་ཅན་གྱི་སྲོག་ཆགས་ཀྱི་ཀླད་པ་གསུམ་རེའི་ནང་དུ་མཁོ་གལ་ཆེ་བའི་རིན་ཐང་གི་མ་རྩ་ངེས་ཅན་ཞིག་བཞག་ཡོད། མ་རྩ་དེ་གྲོན་ཆུང་བྱས་ན་དངོས་ཡོད་ཀྱི་ཚེ་ཚད་རིང་དུ་གཏོང་བ་མཚོན་ཞིང་། མ་རྩ་དེ་འཕྲོ་བརླག་ཏུ་བཏང་ཚེ་འཆི་བ་ཐོན་པ་མཚོན།

དུས་རབས་ཀྱི་མཚན་མོའི་འཇིགས་སྐྲག་ནས་ད་ལྟའི་བར་དུ་འབྱུང་བའི་གནའ་བོའི་སྲོལ་རྒྱུན་གྱིས་ཞི་བདེའི་རྒྱ་མཚོར་གནས་པའི་གནའ་བོའི་གླིང་ཆེན་མོའི་ནང་དུ་མིའི་ཚེ་ཚད་ཀྱི་ཆ་སྙོམས་ནི་དུས་རབས་བཅུ་གཉིས་ནས་བཅོ་ལྔའི་བར་དུ་ཡོད་ཅེས་བརྗོད།

དུས་རབས་མང་པོའི་འཕོ་འགྱུར་དང་དུས་རབས་ཡོངས་ཀྱི་བརྒྱུད་རིམ་ནང་ཀླད་པ་གསུམ་ལ་ནོར་འཁྲུལ་གྱི་སྤྱོད་སྟངས་བྱས་པས་རིམ་བཞིན་ཚེ་ཚད་ཐུང་དུ་བཏང་།

ཉི་འོད་ཀྱིས་ཁྱབ་པའི་རྒྱལ་ཁབ་ཀེམ་དུ་རྒྱལ་པོ་ཕ་རོ་གནས་པའི་ཨེ་ཅིབ་རྙིང་པའི་ནང་དུ་མིའི་ཚེ་ཚད་ཀྱི་ཆ་སྙོམས་ནི་ད་དུང་ལོ་བརྒྱ་དང་བཞི་བཅུ་ཙམ་ཟིན་གྱི་ཡོད།

ད་ལྟ་རླངས་སྣུམ་དང་སེལ་ལུའུ་ལའི་དུས་རབས་འདིར། འཚོ་བ་དང་གྱེན་ལོག་གི་རོག་གི་དུས་རབས་འདིར་འགན་བཅོལ་བའི་སྡེ་ཚན་ཁ་ཤས་ཀྱིས་བཤད་པ་ལྟར་མིའི་ཚེ་ཚད་ཀྱི་ཆ་སྙོམས་ནི་ལོ་ལྔ་བཅུ་ཙམ་ལས་མེད།

སྤོབས་པ་དང་རྫུན་སྨྲ་བ་ནམ་ཡང་བྱེད་མཁན་གྱི་སོ་ཝི་ཏི་མནའ་འབྲེལ་གྱི་མར་ཁེ་སི་རིང་ལུགས་པ་ལེ་ཉི་རིང་ལུགས་པ་ཚོས་ཚེ་ཚད་རིང་དུ་གཏོང་བར་ཐུན་མོང་མ་ཡིན་པའི་དྭངས་སྙིགས་ཤིག་གསར་གཏོད་བྱས་ཟེར་བ་ཙམ་རེད་འདུག འོན་ཀྱང་ཀི་རུ་ཤུ་ཅེ་རྒན་ལགས་ཀྱིས་ད་དུང་ལོ་བརྒྱད་ཅུ་ཡང་ཟིན་མེད་པས་རྐང་པ་གཅིག་འདེགས་པར་རྐང་པ་གཅིག་གི་ཆོག་མཆན་ཞུ་དགོས་ཀྱི་ཡོད།

ཨེ་ཤི་ཡའི་ལྟེ་བའི་ནང་ན་གཞོན་དུས་དྲན་མི་ཐུབ་པའི་རྒན་རྒོན་གྱིས་གྲུབ་པའི་ཆོས་ལུགས་ཀྱི་སྤྱི་ཚོགས་ཤིག་ཡོད། རྒན་རྒོན་དེ་དག་གི་ཆ་སྙོམས་ཀྱི་ཚེ་ཚད་ནི་ལོ་བཞི་བརྒྱ་ནས་ལྔ་བརྒྱའི་བར་དུ་ཡོད།

ཨེ་ཤི་ཡའི་གྲྭ་བ་དེ་ཚོའི་ཚེ་ཚད་རིང་བའི་གསང་བ་ཡོངས་རྫོགས་ནི་ཀླད་པ་གསུམ་ལ་བེད་སྤྱོད་གཏོང་བའི་ཐབས་མཁས་ཀྱི་ནང་ན་ཡོད།

ཀླད་པ་གསུམ་གྱི་ནུས་པ་དོ་མཉམ་དང་འགྲིག་མཐུན་ཡིན་པ་ནི་མཁོ་གལ་ཆེ་བའི་རིན་ཐང་ལ་གྲོན་ཆུང་བྱེད་པ་མཚོན་ཞིང་། རིམ་བཞིན་འབྲས་བུར་ཚེ་ཚད་རིང་དུ་གཏོང་བ་མཚོན།

འཇིག་རྟེན་གྱི་བཅའ་ཁྲིམས་ཤིག་ཡོད་པ་དེ་ནི་འབྱུང་ཁུངས་མང་པོའི་འདར་འགུལ་འདྲ་མཚུངས་བཟོ་བ་ཞེས་པར་གྲགས། དགོན་པ་དེའི་གྲྭ་བ་ཚོས་ཀླད་པ་གསུམ་བེད་སྤྱོད་གཏོང་བའི་ཐབས་ལམ་བརྒྱུད་ནས་བཅའ་ཁྲིམས་དེ་བེད་སྤྱོད་གཏོང་ཤེས།

དུས་ཚོད་དང་མི་མཐུན་པའི་སློབ་གསོ་ནི་སློབ་མ་ཕོ་མོ་གཉིས་ཀར་ཀླད་པའི་བསམ་བློར་ལོག་སྤྱོད་བྱེད་པར་སྣེ་འཁྲིད་བྱེད་ཅིང་དེའི་མཇུག་འབྲས་ནི་སེམས་ནད་ཚན་རིག་གིས་ཤེས་ཟིན་པ་རེད།

ཀླད་པ་གསུམ་ལ་རིག་པ་བཀྲ་བའི་སྒོ་ནས་གོང་འཕེལ་གཏོང་བ་ནི་གཞི་རྩའི་སློབ་གསོ་ཡིན། གནའ་བོའི་བྷེ་བྷི་ལོ་ནི་དང་། གྷི་རི་སི། རྒྱ་གར། པར་ཤི་ཡ། ཨེ་ཅིབ་ལ་སོགས་པའི་གསང་བའི་སློབ་གྲྭའི་ནང་དུ་སློབ་མ་ཕོ་མོ་གཉིས་ཀར་གདམས་ངག་དང་། ཞབས་བྲོ། རོལ་མོ་ལ་སོགས་པ་རིག་པ་བཀྲ་བའི་སྒོ་ནས་ཟུང་འབྲེལ་བྱས་ཏེ་ཀླད་པ་གསུམ་ལ་ཐད་ཀའི་ཆ་འཕྲིན་ཡོངས་རྫོགས་ཐོབ།

གནའ་བོའི་དུས་ཀྱི་འཁྲབ་སྟོན་ཁང་ནི་སློབ་གྲྭའི་ཆ་ཤས་ཤིག་ཡིན། འཁྲབ་སྟོན་དང་། སྤྲོ་སྣོ། གདུང་སེམས་སྐྱེ་བའི་འཁྲབ་སྟོན་དེ་དག་ནི་ཐུན་མོང་མ་ཡིན་པའི་རྣམ་འགྱུར་དང་། རོལ་མོ། ངག་ཐོག་གི་སློབ་ཁྲིད་ལ་སོགས་པ་དང་ཟུང་དུ་འབྲེལ་བའི་སྒོ་ནས་མི་རེ་ངོ་རེའི་ཀླད་པ་གསུམ་ལ་ཆ་འཕྲིན་སྤྲོད་པར་ཕན་ཐོགས་བྱུང་།

སྐབས་དེར་སློབ་མ་ཚོས་ཀླད་པའི་བསམ་བློར་ལོག་སྤྱོད་མ་བྱས་ཤིང་ཀླད་པ་གསུམ་རིག་པ་བཀྲ་ཞིང་དོ་མཉམ་པའི་སྒོ་ནས་བེད་སྤྱོད་གཏོང་ཤེས།

གྷི་རི་སིའི་ཨི་ལུའི་སི་སིའི་གསང་བའི་ཞབས་བྲོ་དང་། བྷེ་བྷི་ལོ་ནིའི་འཁྲབ་སྟོན། གྷི་རི་སིའི་འཇིམ་བརྙན་དེ་དག་ནི་སློབ་མ་ཕོ་མོ་གཉིས་ཀར་ཤེས་ཡོན་སྤྲོད་པར་ནམ་ཡང་བེད་སྤྱོད་བྱེད་ཀྱི་ཡོད།

ད་ལྟ་རོག་གི་དུས་རབས་ཀྱི་རུལ་སུངས་སུ་སོང་བའི་དུས་འདིར། སློབ་མ་ཕོ་མོ་གཉིས་དཀྲུག་ཤིང་ཐེབས་ཤིང་ཕྱོགས་མེད་དུ་གྱུར་ནས་བསམ་པའི་ལོག་སྤྱོད་ཀྱི་མུན་ནག་གི་ལམ་དུ་འགྲོ་བཞིན་ཡོད།

ད་ལྟ་ཀླད་པ་གསུམ་འགྲིག་མཐུན་ངང་གོང་འཕེལ་གཏོང་བའི་བཟོ་སྐྲུན་གྱི་མ་ལག་ངོ་མ་མེད།

སློབ་གྲྭ་དང་མཐོ་སློབ། གཙུག་ལག་སློབ་གྲྭ་བཅས་ཀྱི་དགེ་རྒན་ཕོ་མོ་ཚོས་སུན་སྣང་སྐྱེ་བའི་སློབ་མ་ཚོའི་ཡིད་ཆེས་མེད་པའི་བློ་ངོར་ཁ་ཕྱོགས་ཙམ་བྱེད་ཀྱི་ཡོད་ལ། ཁོ་ཚོས་སློབ་ཁང་ནས་ཕྱིར་ཐོན་པའི་དུས་ཚོད་ལ་སེམས་འཚབ་ཀྱིས་སྒུག་ཡོད།

སློབ་མའི་ཀླད་པ་གསུམ་ལ་ཆ་འཕྲིན་ཡོངས་རྫོགས་ཁྱེར་བའི་དམིགས་ཡུལ་དང་བཅས་ཏེ་བློ་རིག་དང་། འགུལ་སྐྱོད། ཚོར་བ་བཅས་ཟུང་དུ་སྦྲེལ་ཤེས་པ་ནི་ཛ་དྲག་དང་མེད་དུ་མི་རུང་བ་ཞིག་ཡིན།

ཀླད་པ་གཅིག་ལ་ཆ་འཕྲིན་སྤྲོད་པ་ནི་དོན་མེད་རེད། ཀླད་པ་དང་པོ་ནི་ཤེས་རྟོགས་ཀྱི་གཅིག་པུ་མ་ཡིན། སློབ་མ་ཕོ་མོ་གཉིས་ཀྱི་ཀླད་པའི་བསམ་བློར་ལོག་སྤྱོད་བྱེད་པ་ནི་ནག་ཉེས་ཡིན།

གཞི་རྩའི་སློབ་གསོས་སློབ་མ་ཚོ་འགྲིག་མཐུན་གྱི་གོང་འཕེལ་གྱི་ལམ་དུ་སྣེ་འཁྲིད་བྱེད་དགོས།

སེམས་ཁམས་རིག་པའི་གསར་བརྗེས་ཀླད་པ་གསུམ་ལ་རང་ཚུགས་ཐུབ་ཅིང་ཐ་དད་པའི་རིགས་གསུམ་ཡོད་པ་གསལ་པོར་སྟོན་ཡོད། རིགས་གསུམ་པོ་དེས་གདོང་ཐུག་གི་བརྡ་མི་འདྲ་བ་སློང་གི་ཡོད།

དེས་ང་ཚོར་དོན་དངོས་སུ་རང་བཞིན་དང་མངོན་སྟངས་གང་གི་ཐད་ལའང་ཐུན་མོང་གང་ཡང་མེད་པའི་མི་གཤིས་མི་འདྲ་བ་གསུམ་སྟེར་གྱི་ཡོད།

དེང་རབས་ཀྱི་སེམས་ཁམས་རིག་པའི་གསར་བརྗེས་མི་རེ་ངོ་རེའི་ནང་དུ་སེམས་ཁམས་ཀྱི་ཕྱོགས་མི་འདྲ་བ་གསུམ་ཡོད་པ་སྟོན་གྱི་ཡོད། སེམས་ཀྱི་ངོ་བོའི་ཆ་ཤས་ཤིག་གིས་ང་ཚོས་དངོས་པོ་ཞིག་འདོད་ཅིང་། ཆ་ཤས་གཞན་ཞིག་གིས་ང་ཚོས་ངེས་པར་དུ་ཐ་དད་པའི་དངོས་པོ་ཞིག་འདོད་ཀྱི་ཡོད། ཆ་ཤས་གསུམ་པ་ཞིག་གི་བཀའ་དྲིན་ལ་བརྟེན་ནས་ང་ཚོས་རྦད་དེ་ལྡོག་པའི་བྱ་བ་ཞིག་བྱེད་ཀྱི་ཡོད།

སྡུག་བསྔལ་མཐར་ཐུག་གི་སྐད་ཅིག་མའི་ནང་དུ་དཔེར་ན་བརྩེ་བའི་མི་ཞིག་བོར་བའམ་ཡང་ན་གསང་བའི་གནོད་འཚེ་གཞན་ཞིག་གི་སྐབས་སུ་ཚོར་བའི་མི་གཤིས་དེ་ཡིད་ཆད་ཀྱི་ཚད་དུ་སླེབས་སྐབས་བློ་རིག་གི་མི་གཤིས་ཀྱིས་གནོད་འཚེ་དེ་ཡོངས་ཀྱི་རྒྱུ་མཚན་ཅི་ཡིན་ནམ་ཞེས་དྲི་བ་འདོན་ཞིང་འགུལ་སྐྱོད་ཀྱི་མི་གཤིས་ཀྱིས་རྐྱེན་ངན་དེའི་འཁྲབ་སྟོན་ས་ནས་བྲོས་འགྲོ་འདོད་ཙམ་བྱེད་ཀྱི་ཡོད།

མི་གཤིས་ཐ་དད་ཅིང་མི་འདྲ་བ། ཐེངས་མང་པོར་ཕན་ཚུན་འགལ་འདུ་ཡང་ཡོད་པའི་མི་གཤིས་དེ་གསུམ་ལ་སློབ་གྲྭ་དང་མཐོ་སློབ། གཙུག་ལག་སློབ་གྲྭ་ཡོངས་སུ་ཐུན་མོང་མ་ཡིན་པའི་ཐབས་ལམ་དང་མ་ལག་བེད་སྤྱད་དེ་རིག་པ་བཀྲ་བའི་སྒོ་ནས་གོང་འཕེལ་དང་སློབ་སྦྱོང་སྤྲོད་དགོས།

སེམས་ཁམས་ཀྱི་ལྟ་བ་ནས་བརྗོད་ན་བློ་རིག་གི་མི་གཤིས་ཁོ་ནར་སློབ་གསོ་སྤྲོད་པ་ནི་དོན་མེད་རེད། མི་ཞིག་ལ་གཞི་རྩའི་སློབ་གསོ་དགོས་མཁོ་ཆེ་བའི་མི་གཤིས་གསུམ་ཡོད།