རིག་གཞུང་ཚད་གཞི།

འཚོ་བའི་ཁྲོད་དུ་མི་སོ་སོར་རང་གི་ལྟ་ཚུལ་དང་བསམ་བློའི་རྙིང་ཞེན་ཡོད་ལ། གསར་པ་ལ་སྒོ་མི་ཕྱེ་བ་འདི་ནི་བསྙོན་དུ་མེད་པ་དང་རྩོད་མེད་དང་འགྱུར་མེད་རེད།

བློ་རིག་ཅན་གྱི་མིའི་སེམས་ནི་ཉམས་རྒུད་དུ་སོང་བ་དང་། སྐྱོན་ཆག་བྱུང་ཞིང་ཕྱིར་འཁོར་བའི་གནས་སུ་ལྷུང་ཡོད།

དེང་སང་མིའི་རིགས་ཀྱི་རྟོགས་པ་ནི་ནུས་མེད་དང་དོན་མེད་ཀྱི་འཕྲུལ་ཆས་རྙིང་པ་དང་འདྲ་ཞིང་། རང་ངོས་ནས་སྙིང་སྟོབས་ཀྱི་འགྱུར་ལྡོག་ཅི་ཡང་བྱེད་མི་ཐུབ།

སེམས་ལ་སྟུག་ཚད་མེད་ཅིང་དུས་ཚོད་དང་མི་མཐུན་པའི་སྒྲིག་གཞི་མང་པོའི་ནང་དུ་ཚུད་ཡོད།

མི་ཚང་མར་རང་གི་ལྟ་ཚུལ་དང་གཏན་འཇགས་ཀྱི་སྒྲིག་གཞི་ངེས་ཅན་ཞིག་ཡོད་པ་དེའི་ནང་དུ་རྒྱུན་ཆད་མེད་པར་བྱ་བ་སྒྲུབ་པ་དང་ལན་སློག་པ་རེད།

གནད་དོན་འདི་དག་གི་ནང་ནས་ཆེས་ཚབས་ཆེ་བ་ནི་ལྟ་ཚུལ་ས་ཡ་མང་པོ་ཡོད་པ་དེ་ནི་སྒྲིག་གཞི་རུལ་སུངས་དང་དོན་མེད་ཅན་ས་ཡ་མང་པོ་ཡོད་པ་དང་མཚུངས་སོ། །

གང་ལྟར་མི་རྣམས་ནོར་འཁྲུལ་བྱུང་བ་ཚོར་མི་སྲིད། མགོ་བོ་རེ་རེ་ནི་འཇིག་རྟེན་རེ་རེ་ཡིན་པས། བསམ་པའི་གསེབ་ཏུ་གཡོ་སྒྱུ་དང་བཟོད་མེད་ཀྱི་གླེན་རྟོལ་མང་པོ་ཡོད་པ་ལ་ཐེ་ཚོམ་མེད།

འོན་ཀྱང་མང་ཚོགས་ཀྱི་བསམ་ཚུལ་དོག་པོ་དེ་ཚོས་རང་ཉིད་ཀྱི་བློ་གྲོས་བཀག་སྡོམ་བྱས་པ་རྨི་ལམ་དུ་ཡང་མི་ཚོར།

དེང་སང་ཀ་རང་གི་ཀླད་པ་ལྟ་བུ་ཡོད་པའི་མི་འདི་དག་གིས་རང་ཉིད་ལ་ལེགས་པར་བསམ་ཞིང་། རང་དབང་ལྟ་བུ་དང་ཤེས་རབ་ཅན་དུ་རློམ་ལ། ལྟ་ཚུལ་ཡངས་པོ་ཞིག་ཡོད་པར་འདོད།

མཁས་པར་རློམ་པའི་བླུན་པོ་དེ་ཚོ་ནི་དཀའ་ངལ་ཆེ་ཤོས་ཡིན་ཏེ། དོན་དངོས་སུ་ཐེངས་འདིར་སོ་ཀྲ་རེ་ཐིས་བཤད་པ་ལྟར་བརྗོད་ན། “ཁོ་ཚོས་མི་ཤེས་པ་ཙམ་མ་ཟད། ཁོ་ཚོས་མི་ཤེས་པ་ཡང་མི་ཤེས”།

བློ་རིག་གི་གཡོ་སྒྱུ་ཅན་དེ་ཚོས་སྔོན་ཆད་ཀྱི་སྒྲིག་གཞི་རྙིང་པ་དེ་དག་ལ་བརྟེན་ནས། རང་ཉིད་ཀྱི་བཀག་སྡོམ་དབང་གིས་དྲག་པོའི་སྒོ་ནས་འཕེལ་འགྱུར་འགྲོ་ཞིང་། རང་གི་ལྕགས་ཀྱི་སྒྲིག་གཞིའི་ནང་དུ་གཏན་ནས་འཚམ་པ་མེད་པའི་དོན་དག་ཅིག་དང་ལེན་བྱེད་པར་མི་འདོད།

ཤེས་རབ་ཅན་དུ་རློམ་པའི་མཁས་པ་དེ་ཚོས་རྒྱུ་མཚན་གང་རུང་ཞིག་གིས་རྐྱེན་པས་རང་གི་ཐབས་ལམ་རྙིང་པ་དེ་ལས་འགོངས་ཚེ། དོན་དག་དེ་ནི་བརྒྱ་ཆ་བརྒྱ་ཐམ་པ་དོན་མེད་ཡིན་པར་བསམ་མོ། །དེ་ལྟར་བསམ་ཚུལ་དཀའ་ངལ་ཅན་གྱི་མི་དབུལ་པོ་དེ་ཚོས་རང་ཉིད་ལ་མགོ་སྐོར་མི་བདེ་བ་ཞིག་གཏོང་གིན་ཡོད།

དུས་རབས་འདིའི་རྫུན་མའི་མཁས་པ་དེ་ཚོས་རང་ཉིད་མཁས་པོར་རློམ་ཞིང་། རང་གི་དུས་ཚོད་ཀྱིས་ཟོས་པའི་སྒྲིག་གཞི་ལས་ཁ་བྲལ་བའི་སྙིང་སྟོབས་ཅན་དེ་དག་ལ་སྡང་མིག་གིས་ལྟ་ཞིང་། ཆེས་སྡུག་ཤོས་ནི་ཁོ་ཚོས་རང་ཉིད་ཀྱི་གླེན་རྟོལ་གྱི་དངོས་ཡོད་གནས་སྟངས་དེ་དག་རྨི་ལམ་དུ་ཡང་མི་ཚོར་རོ། །

སེམས་ཀྱི་རྙིང་ཞེན་གྱི་བློ་རིག་དམན་པ་དེ་ནི་དངོས་ཡོད་དང་སེམས་ལས་འདས་པའི་དོན་དག་ཐད་དཔང་རྟགས་འདོན་དགོས་པའི་བར་དུ་སྤྲོད་པའི་ཆ་རྐྱེན་ཡང་སྒྲུབ་པ་རེད།

རྟོགས་པ་ཞན་ཞིང་བཟོད་སྒོམ་མེད་པའི་མི་དེ་ཚོས་དངོས་ཡོད་ཀྱི་ཉམས་མྱོང་ནི་ང་རྒྱལ་མེད་དུས་མ་གཏོགས་མི་འབྱུང་བར་རྟོགས་འདོད་མེད།

ནང་སེམས་མ་ཕྱེ་བར་ང་ཚོའི་ནང་དུ་ཚེ་སྲོག་གི་གསང་བ་དང་འཆི་བ་ངོས་འཛིན་བྱེད་མི་ཐུབ་པ་ནི་བསྙོན་མེད་རེད།

ལེའུ་འདིའི་ནང་སེམས་ཀྱི་བདག་པོ་བླ་ན་མེད་པ་ཙམ་གྱིས་བདེན་པ་ཤེས་ཐུབ་པའི་སྐོར་བསྐྱར་ཟློས་བྱས་ན་མི་འགྲིག་པ་མེད།

ནང་སེམས་ནི་སེམས་ཀྱི་བདག་པོའི་འཇིག་རྟེན་གྱི་རིག་པ་ནས་བྱུང་བའི་གནས་ཚུལ་དང་ལྷན་དུ་ལས་ཀ་བྱེད་ཐུབ།

བློ་རིག་གིས་གཏན་ཚིགས་ཀྱི་འགྲོ་ལུགས་བརྒྱུད་དེ་རང་གི་ཁྱབ་ཁོངས་ལས་བརྒལ་བ་དེ་དག་གི་སྐོར་ལ་ཅི་ཡང་ཤེས་མི་ཐུབ།

གཏན་ཚིགས་ཀྱི་འགྲོ་ལུགས་ནང་དོན་གྱི་འདུ་ཤེས་དེ་དག་ཕྱི་དངོས་པོ་ཚོར་ཤེས་ཀྱི་བརྒྱུད་ལམ་ནས་བྱུང་བའི་གནས་ཚུལ་ལ་བརྟེན་ནས་བཟོ་བཅོས་བྱེད་པ་ང་ཚོས་ཤེས་ཟིན།

རང་གི་བློ་རིག་གི་ཐབས་ལམ་དང་སྒྲིག་གཞི་གཏན་འཇགས་ཀྱི་ནང་དུ་བཀག་སྡོམ་བྱས་པའི་མི་དེ་དག་གིས་གསར་བརྗེའི་བསམ་ཚུལ་འདི་དག་ལ་རྒྱུན་དུ་ངོ་རྒོལ་བྱེད་ཀྱིན་ཡོད།

ང་རྒྱལ་རྩ་མེད་དང་གཏན་འཇགས་སུ་བཏང་བ་ཡིས་མ་གཏོགས་རིག་པ་སད་ཐུབ་པ་དང་དོན་དངོས་སུ་ནང་སེམས་ཕྱེ་ཐུབ་པ་མེད།

འོན་ཀྱང་གསར་བརྗེའི་གསལ་བསྒྲགས་འདི་དག་ནི་རྣམ་པའི་གཏན་ཚིགས་ཀྱི་ནང་དུ་འཇུག་མི་ཐུབ་པའི་དབང་གིས་དང་། ཐ་ན་འགལ་འབྲེལ་གྱི་གཏན་ཚིགས་ཀྱི་ནང་དུ་ཡང་འཇུག་མི་ཐུབ་པའི་དབང་གིས། ཕྱིར་འཁོར་བའི་སེམས་ཀྱི་འགུལ་སྐྱོད་ཀྱིས་དྲག་པོའི་ངང་ནས་ངོ་རྒོལ་བྱེད་ཀྱིན་ཡོད།

བློ་རིག་དབུལ་པོ་དེ་ཚོས་རྒྱ་མཚོ་ཤེལ་ཕོར་གྱི་ནང་དུ་འཇུག་འདོད་པ་དང་། སློབ་གྲྭ་ཆེན་མོས་འཇིག་རྟེན་གྱི་ཤེས་རབ་ཡོངས་རྫོགས་ཚོད་འཛིན་ཐུབ་པ་དང་། འཇིག་རྟེན་ཁམས་ཀྱི་ཁྲིམས་ཡོངས་རྫོགས་ཁོ་ཚོའི་སློབ་གསོའི་སྒྲིག་གཞི་རྙིང་པའི་འོག་ཏུ་འཇུག་དགོས་པར་འདོད།

ཤེས་རབ་ཀྱི་དཔེ་མཚོན་དུ་གྱུར་པའི་མི་མཁས་དེ་ཚོས་རང་ཉིད་ཉམས་རྒུད་དུ་སོང་བའི་གནས་སྟངས་དེ་དག་རྨི་ལམ་དུ་ཡང་མི་ཚོར།

མཚམས་རེར་མི་དེ་ཚོས་གསང་བའི་འཇིག་རྟེན་དུ་ཡོང་དུས་སྐད་ཅིག་ཙམ་འོད་སྟོན་ཡང་སྟོན་མོད། འོན་ཀྱང་མྱུར་དུ་འོད་སྟོང་ལྟར་འབར་ཞིང་། བླ་མེད་ཀྱི་བསམ་པའི་ཡོངས་ཁྱབ་ཀྱི་ནང་དུ་མི་སྣང་བར་འགྱུར། བློ་རིག་གིས་ཁོ་ཚོ་མིད་ནས་གཏན་དུ་ཡལ་འགྲོ།

བློ་རིག་གི་ངོས་འཛིན་གྱིས་ནམ་ཡང་སེམས་ཀྱི་གཏིང་ཟབ་པོར་འཇུག་མི་ཐུབ་མོད། གཏན་ཚིགས་ཀྱི་འགྲོ་རིམ་གྱིས་གླེན་པ་རྣམས་འོད་སྟོང་ཆེ་ཞིང་དོན་མེད་ཀྱི་མཇུག་སྡོམ་གང་རུང་ཞིག་གི་ནང་དུ་ཁྲིད་སྲིད།

གཏན་ཚིགས་ཀྱི་འདུ་ཤེས་སྒྲུབ་པའི་ནུས་པས་དངོས་ཡོད་ཀྱི་ཉམས་མྱོང་ལ་གོ་མི་ཆོད།

འགལ་འབྲེལ་གྱི་གཏན་ཚིགས་ཀྱི་རྩེད་མོ་ཡིད་རྟོན་འོས་པ་དེ་ཡིས་རྟག་པར་ཞིབ་འཇུག་པ་རང་ཉིད་ལ་དབང་སྒྱུར་བྱེད་དུ་བཅུག་སྟེ། རྟག་པར་ཞི་མི་དང་རི་བོང་མགོ་འཛིངས་སུ་འགྲོ་རུ་འཇུག

བསམ་ཚུལ་གྱི་བཀྲག་མདངས་ཅན་གྱི་རིམ་པ་དེ་ཡིས་བློ་རིག་གི་གཡོ་སྒྱུ་ཅན་དེ་མགོ་འཐོམས་སུ་འཇུག་ཅིང་། ཁོ་ལ་རང་ཚིམ་པའི་ཚོར་སྣང་དེ་འདྲ་ཞིག་སྟེར་བས། དཔེ་མཛོད་ཁང་གི་ཐལ་རྡུལ་དང་སློབ་གྲྭ་ཆེན་མོའི་སྣག་ཚའི་དྲི་མ་མི་ཁ་བའི་དོན་དག་ཡོངས་རྫོགས་དོར་བར་བྱེད་དོ། །

ཆང་འཐུང་བའི་མྱོས་པ་དེ་ཚོའི་“སྨྱོ་འབོགས་འདར་སྐྱོམ་”ནི་རྟགས་མཚན་ནོར་འཁྲུལ་མེད་པ་ཞིག་ཡིན། འོན་ཀྱང་གཞུང་ལུགས་ཀྱིས་བཟི་བའི་མི་དེ་ཚོའི་རྟགས་མཚན་ནི་སླ་བོར་ཤེས་རབ་དང་མགོ་འཛིངས་སུ་འགྲོ་སྲིད།

ང་ཚོའི་ལེའུའི་སྐབས་འདིར་སླེབས་དུས། གཡོ་སྒྱུ་ཅན་གྱི་བློ་རིག་མཐའ་དག་དེ་ག་དུས་ཚར་བ་དང་སྨྱོ་འབོགས་དེ་ག་དུས་འགོ་ཚུགས་པ་ཤེས་དཀའ་བ་ཞིག་ཡིན།

ང་ཚོས་བློ་རིག་གི་སྒྲིག་གཞི་རུལ་སུངས་དང་རྙིང་པ་དེ་ཚོའི་ནང་དུ་མུ་མཐུད་བཀག་སྡོམ་བྱས་པ་ཡིན་ན། སེམས་ལས་འདས་པ་དང་། དུས་ཚོད་ལས་འདས་པ། དངོས་ཡོད་དེ་དག་གི་ཉམས་མྱོང་ནི་མི་སྲིད་པ་ཞིག་ལས་ལྷག་པ་ཞིག་ཏུ་འགྱུར་རོ། །