འཕྲུལ་ཆས་ཀྱི་སྲོག་ཆགས

ང་ཚོས་ནམ་ཡང་ང་ཚོའི་འཚོ་བའི་སྐབས་སུ་ཡང་ཡང་ལྡོག་པའི་ཁྲིམས་ལ་ངོས་ལེན་མི་བྱེད་ཐབས་མེད།

ངེས་པར་དུ་ང་ཚོའི་འཚོ་བའི་ཉིན་རེ་རེའི་ནང་དོན་རྐྱེན་དང་། རྣམ་ཤེས་ཀྱི་གནས་བབས། ཚིག་དང་། འདོད་པ། བསམ་བློ། འདུན་པ་སོགས་ཡང་ཡང་འབྱུང་བཞིན་ཡོད།

གལ་ཏེ་རང་ཉིད་ལ་བརྟག་ཞིབ་མ་བྱས་ཚེ་ཉིན་རེའི་ཡང་ཡང་ལྡོག་པའི་བྱ་བ་འདི་ལ་ཚོར་བ་མེད་པ་ནི་ཧ་ཅང་གསལ་པོ་རེད།

རང་ཉིད་ལ་བརྟག་ཞིབ་བྱེད་པར་དོ་སྣང་མེད་མཁན་ནི་དངོས་ཡོད་ཀྱི་རྩ་བའི་འགྱུར་བ་ཞིག་སྒྲུབ་པར་འདོད་མཁན་མིན་པ་གསལ་པོ་རེད།

དེ་ལས་ཀྱང་སྡུག་པ་ནི་མི་ཁ་ཤས་ཀྱིས་རང་ཉིད་ལ་ལས་ཀ་མ་བྱས་པར་འགྱུར་བ་ཞིག་བཏང་འདོད་ཡོད།

ང་ཚོས་མི་རེ་ངོ་རེར་སེམས་ཀྱི་དགའ་སྐྱིད་ངོ་མར་ཐོབ་པའི་ཐོབ་ཐང་ཡོད་པ་ལ་ཁས་མི་ལེན་པ་མིན་མོད། ཡིན་ནའང་གལ་ཏེ་རང་ཉིད་ལ་ལས་ཀ་མ་བྱས་ཚེ་དགའ་སྐྱིད་ནི་མི་སྲིད་པ་ལས་ཀྱང་ལྷག་པ་ཞིག་ཡིན་པ་ངེས་པར་དུ་བདེན་པར་སྨྲ།

དོན་དངོས་སུ་ཉིན་རེར་འབྱུང་བའི་དོན་རྐྱེན་སྣ་ཚོགས་ལ་ཁྱོད་ཀྱི་རྣམ་འགྱུར་ཇི་ལྟར་འགྱུར་བ་བཏང་ཐུབ་ཚེ་ནང་སེམས་ཀྱི་འགྱུར་བ་ཞིག་ཀྱང་བཏང་ཐུབ།

འོན་ཀྱང་ང་ཚོས་འཚོ་བའི་ལག་ལེན་གྱི་དོན་རྐྱེན་ལ་ང་ཚོའི་རྣམ་འགྱུར་ཇི་ལྟར་འགྱུར་བ་གཏོང་དགོས་མིན་ནི་ཤེས་མི་ཐུབ། གལ་ཏེ་རང་ཉིད་ལ་ནན་ཏན་གྱིས་ལས་ཀ་མ་བྱས་ཚེ།

ང་ཚོས་བསམ་བློ་གཏོང་སྟངས་བསྒྱུར་དགོས་ལ། སྣང་མེད་ཉུང་ཙམ་བྱེད་དགོས། ནན་ཏན་མང་ཙམ་བྱེད་དགོས་ལ། འཚོ་བ་དོན་དངོས་དང་ལག་ལེན་དོན་སྙིང་ཅན་ཞིག་ཏུ་བསྒྱུར་དགོས།

འོན་ཀྱང་གལ་ཏེ་ང་ཚོ་དེ་ལྟར་མུ་མཐུད་གནས་ཏེ་ཉིན་རེ་བཞིན་གྱི་བྱ་སྤྱོད་སྔར་ལྟར་བྱས་ཚེ། ནོར་འཁྲུལ་སྔར་ལྟར་བསྐྱར་ཟློས་བྱས། སྣང་མེད་སྔར་ལྟར་བྱས་ན། འགྱུར་བའི་གོ་སྐབས་ག་ཚོད་ཡོད་རུང་མེད་པར་བཏང་བ་དང་མཚུངས།

གལ་ཏེ་ཁྱོད་ཀྱིས་དོན་དངོས་སུ་རང་ཉིད་ངོ་ཤེས་པར་འདོད་ན། འཚོ་བའི་ཉིན་རེའི་དོན་རྐྱེན་སྣ་ཚོགས་ལ་ཁྱོད་ཀྱི་བྱ་སྤྱོད་ལ་བརྟག་ཞིབ་བྱེད་པར་འགོ་འཛུགས་དགོས།

འདི་ནི་ཉིན་རེར་ཁྱོད་རང་ལ་ཞིབ་འཇུག་བྱེད་མི་དགོས་ཞེས་བརྗོད་འདོད་མེད་ལ། བརྗོད་འདོད་པ་ནི་ཉིན་དང་པོར་བརྟག་ཞིབ་བྱེད་དགོས་པ་ཁོ་ན་རེད།

བྱ་བ་ཚང་མའི་ནང་འགོ་འཛུགས་ས་ཞིག་དགོས་ལ། ང་ཚོའི་འཚོ་བའི་ཉིན་གང་རུང་གི་བྱ་སྤྱོད་ལ་བརྟག་ཞིབ་བྱེད་པར་འགོ་འཛུགས་པ་ནི་འགོ་འཛུགས་ཡག་པོ་ཞིག་རེད།

ཁང་མིག་དང་། ཁྱིམ་ཚང་། ཟ་ཁང་། ཁང་པ་དང་། སྲང་ལམ། ལས་ཀ་སོགས་ཆ་ཤས་ཆུང་ཚགས་སྣ་ཚོགས་ཚང་མར་རང་ཉིད་ཀྱི་རྣམ་འགྱུར་རང་འགུལ་ཅན་ལ་བརྟག་ཞིབ་བྱེད་དགོས། ཁྱོད་ཀྱིས་བཤད་པ་དང་། ཚོར་བ། བསམ་བློ་གཏོང་བ་བཅས་ནི་འོས་ཤོས་དེ་རེད།

གལ་ཆེ་ཤོས་ནི་རྗེས་སུ་ཁྱོད་ཀྱིས་རྣམ་འགྱུར་དེ་དག་ཇི་ལྟར་འགྱུར་བ་གཏོང་ཐུབ་མིན་ལ་བལྟ་རྒྱུ་དེ་རེད། འོན་ཀྱང་ང་ཚོས་རང་ཉིད་མི་བཟང་པོ་ཞིག་དང་། ནམ་ཡང་རྣམ་འགྱུར་རང་དབང་མེད་པ་དང་ནོར་འཁྲུལ་ཅན་ཞིག་ཏུ་མི་འགྱུར་བ་བསམ་ཚེ་ནམ་ཡང་འགྱུར་བ་གཏོང་མི་ཐུབ།

དང་པོར་ང་ཚོ་མི་མ་ཤེས་ཀྱི་འཕྲུལ་འཁོར་དང་། གསང་བའི་སྐྱེས་བུ་དང་། ཡིད་དབང་འཕྲོག་མཁན་གྱིས་ཚོད་འཛིན་བྱས་པའི་ལག་མགོ་ཙམ་ཡིན་པ་རྟོགས་དགོས།

ང་ཚོའི་མི་ཚང་མའི་ནང་མི་མང་པོ་ཞིག་འཚོ་སྡོད་བྱེད་བཞིན་ཡོད། ང་ཚོ་ནམ་ཡང་གཅིག་པ་མིན། སྐབས་རེ་ང་ཚོའི་ནང་ནས་བློ་ཆུང་ཆུང་ཞིག་དང་། སྐབས་རེ་ཁོང་ཁྲོ་ལངས་མཁན་ཞིག་དང་། དུས་སྐབས་གཞན་དུ་ཁྱད་མཚར་ཅན་ཞིག་དང་། བཟང་བོ། རྗེས་སུ་རྙོག་གྲ་བཟོ་མཁན་དང་སྐུར་འདེབས་བྱེད་མཁན་དང་། དེའི་རྗེས་སུ་དམ་པ་ཞིག་དང་། དེའི་རྗེས་སུ་རྫུན་བཤད་མཁན་སོགས་ཡོང་གི་རེད།

ང་ཚོ་རེ་རེའི་ནང་ཚང་མ་འདྲ་མིན་གྱི་མི་དང་ཡིད་དབང་འཕྲོག་མཁན་གྱི་རིགས་ཚང་མ་ཡོད། ང་ཚོའི་མི་གཤིས་ནི་ལག་མགོ་ཙམ་ཡིན་ལ། ཁ་བརྡ་བྱེད་པའི་གཟུགས་དང་། འཕྲུལ་ཆས་ཤིག་རེད།

ཉིན་གྱི་ཆ་ཤས་ཅུང་ཙམ་ཞིག་ལ་རྣམ་རྟོག་དང་ལྡན་པའི་སྒོ་ནས་འགོ་འཛུགས་དགོས། ཉིན་རེའི་སྐར་མ་ཐུང་ངུ་རིང་ཡིན་རུང་འཕྲུལ་འཁོར་ཙམ་མིན་པར་བཞག་དགོས། འདིས་ང་ཚོའི་འཚོ་བའི་ཐག་གཅོད་ལ་ཤུགས་རྐྱེན་ཐེབས་ཀྱི་རེད།

ང་ཚོས་རང་ཉིད་ལ་ཞིབ་འཇུག་བྱས་ཏེ་ཡིད་དབང་འཕྲོག་མཁན་འདི་དང་དེ་སྒྲུབ་འདོད་བྱེད་མི་འདོད་ཚེ། འཕྲུལ་འཁོར་མིན་པར་འགོ་འཛུགས་པ་གསལ་པོ་རེད།

རང་འགུལ་གྱིས་འཕྲུལ་འཁོར་མིན་པ་ཞིག་ཏུ་གནས་ཐུབ་ཚེ་སྐར་ཆ་གཅིག་གིས་ཀྱང་གནས་སྟངས་མི་སྡུག་པ་མང་པོ་ཞིག་རྩ་བ་ནས་བསྒྱུར་ཐུབ།

བསོད་ནམས་མེད་པ་ནི་ང་ཚོས་ཉིན་རེར་རང་བཞིན་འགྱུར་མེད་ཀྱི་འཚོ་བ་ཞིག་དང་། རྒྱུན་གཏན་དང་། དོན་མེད་ཀྱི་འཚོ་བ་ཞིག་སྐྱེལ་གྱི་ཡོད། ང་ཚོས་དོན་རྐྱེན་བསྐྱར་ཟློས་བྱེད་ཀྱི་ཡོད། ང་ཚོའི་གོམས་གཤིས་སྔར་བཞིན་རེད། ང་ཚོས་ནམ་ཡང་བསྒྱུར་འདོད་མེད། འདི་ནི་ང་ཚོའི་འཚོ་བ་སྡུག་ཅག་གི་མེ་འཁོར་བསྐྱོད་སའི་རང་བཞིན་འགྱུར་མེད་ཀྱི་ལམ་ཁ་རེད། འོན་ཀྱང་ང་ཚོས་རང་ཉིད་ལ་ཡག་ཤོས་དེ་བསམ་བློ་གཏོང་གི་ཡོད།

ག་ས་གང་དུ་རྫུན་སྒྲུང་བཤད་མཁན་མང་པོ་ཡོད་ལ། ཁོ་ཚོས་རང་ཉིད་ལྷ་ཡིན་བསམ་གྱི་ཡོད། རང་བཞིན་འགྱུར་མེད་ཀྱི་སྲོག་ཆགས་དང་། རྒྱུན་གཏན་དང་། ས་གཞིའི་འདམ་རྫབ་ཀྱི་མི་སྣ་དང་། ཡིད་དབང་འཕྲོག་མཁན་སྣ་ཚོགས་ཀྱིས་བསྐྱོད་བཅུག་པའི་ལག་མགོ་ཐབས་རྡུག་ཅན་དང་། མི་དེ་འདྲ་རང་ཉིད་ལ་ལས་ཀ་བྱེད་འདོད་མེད།