རྔམ་བརྗིད་སྐས་འཛེགས།

ངེས་པར་དུ་ང་ཚོས་འགྱུར་བ་ངོ་མ་ཞིག་ལ་དོན་གཉེར་བྱེད་དགོས་ཏེ། འཚོ་བ་སྐྱུག་བྲོ་ཞིང་། འཕྲུལ་ཆས་ལྟ་བུའི་སུན་སྣང་འབའ་ཞིག་ཏུ་གྱུར་བའི་འཚོ་བ་འདི་ལས་ཐར་དགོས། ཐོག་མར་ང་ཚོས་གསལ་པོར་ཤེས་དགོས་པ་ནི། ང་ཚོ་ཚང་མ་ཡིན་ཏེ། དཔོན་རིགས་ཡིན་ནའང་རུང་། བཟོ་པ་ཡིན་ནའང་རུང་། འབྱོར་ཕྱུག་ཅན་ཡིན་ནའང་རུང་། འབྱོར་འབྲིང་ཡིན་ནའང་རུང་། ཕྱུག་པོ་ཡིན་ནའང་རུང་། དབུལ་ཕོངས་ཡིན་ནའང་རུང་། དོན་དངོས་སུ་སེམས་ཅན་གྱི་གནས་སྐབས་འདི་དང་འདི་ན་གནས་ཡོད།

ཆང་འཐུང་མཁན་གྱི་སེམས་ཅན་གྱི་གནས་སྐབས་དང་ཆང་མི་འཐུང་མཁན་གྱི་གནས་སྐབས་མི་འདྲ་བ་དང་། འཚོང་མ་དང་བུ་མོའི་གནས་སྐབས་ཀྱང་མི་འདྲ། ང་ཚོས་འདི་འདྲ་ཞིག་བཤད་པ་ནི་བསྙོན་དུ་མེད་ཅིང་ཁ་གཏད་དུ་ལངས་མི་ཐུབ། ང་ཚོས་ལེའུ་འདིའི་ཆ་ཤས་སུ་སླེབས་དུས། གཤམ་ནས་གོང་དུ་བསྲིངས་ཤིང་། གྱེན་དུ་བསྒྲེངས་ཏེ་སྐས་རིམ་མང་པོ་ཡོད་པའི་སྐས་ཤིག་བསམ་བློར་བཏང་ན་གྱོང་གུད་མེད།

གང་ལྟར་ཡང་ང་ཚོ་སྐས་རིམ་འདི་དག་གི་ནང་གི་གང་རུང་ཞིག་ཏུ་གནས་ཡོད། ང་ཚོ་ལས་སྡུག་པ་ཡོད་པའི་མི་རྣམས་སྐས་རིམ་འོག་ན་ཡོད་ལ། ང་ཚོ་ལས་ལེགས་པའི་མི་རྣམས་སྐས་རིམ་གོང་ན་ཡོད། གྱེན་དུ་བསྲིངས་པའི་ཁྱད་མཚར་ཅན་འདི་དང་། སྐས་རིམ་ངོ་མཚར་ཅན་འདིའི་ནང་ང་ཚོས་སེམས་ཅན་གྱི་གནས་སྐབས་ཚང་མ་རྙེད་ཐུབ་པ་ནི་གསལ་པོ་རེད། མི་རེ་རེ་ནི་མི་འདྲ་བ་ཞིག་ཡིན་ཞིང་དེར་ཁ་གཏད་དུ་ལངས་མཁན་སུ་ཡང་མེད།

སོམ་ཉི་མེད་པར་ང་ཚོས་ད་ལྟ་གདོང་པ་མི་སྡུག་པ་དང་ཡག་པོའི་སྐོར་བཤད་ཀྱི་མེད། དེ་བཞིན་ལོ་ཚོད་ཀྱི་སྐོར་ཡང་མིན། གཞོན་ནུ་དང་རྒན་པོ་ཡོད་ལ། རྒས་འཁོགས་ཤི་ལ་ཁད་དང་ཕྲུ་གུ་གསར་དུ་སྐྱེས་པ་ཡང་ཡོད། དུས་ཚོད་དང་ལོ་ཚོད་ཀྱི་སྐོར། སྐྱེ་བ་དང་འཚར་ལོངས་བྱེད་པ། འཕེལ་རྒྱས་སུ་འགྲོ་བ། གཉེན་སྒྲིག་པ། འཕེལ་བ། རྒས་འཁོགས་དང་ཤི་བ་ནི་འཕྲེད་དུ་བསྲིངས་པ་ཁོ་ནའི་ཁྱད་ཆོས་རེད།

“སྐས་རིམ་ངོ་མཚར་ཅན་“ཏེ། གྱེན་དུ་བསྲིངས་པའི་དུས་ཚོད་ཀྱི་འདུ་ཤེས་ནང་མི་འཇུག སྐས་ཀྱི་རིམ་པ་དེ་དག་གི་ནང་ང་ཚོས་“སེམས་ཅན་གྱི་གནས་སྐབས་“རྙེད་ཐུབ་བོ། །མི་རྣམས་ཀྱི་རེ་བ་འཕྲུལ་ཆས་ལྟ་བུ་དེས་ཅི་ཡང་མི་ཕན། ཁོ་ཚོས་དུས་ཚོད་དང་བསྟུན་ནས་དོན་དག་ཡག་ཏུ་འགྲོ་བར་འདོད་དེ། ང་ཚོའི་ཕ་མེས་ཚོས་ཀྱང་དེ་ལྟར་བསམས། དོན་དངོས་སུ་དངོས་པོ་དེ་དག་གིས་ལྡོག་ཕྱོགས་སུ་བསྟན་ཟིན།

“སེམས་ཅན་གྱི་གནས་སྐབས་“ནི་གལ་ཆེ་བ་དེ་ཡིན་ཞིང་དེ་ནི་གྱེན་དུ་བསྲིངས་པ་རེད། ང་ཚོ་སྐས་རིམ་གཅིག་གི་སྟེང་དུ་ཡོད་ཀྱང་སྐས་རིམ་གཞན་ཞིག་ཏུ་འཛེག་ཐུབ། ང་ཚོས་སྐད་ཆ་བཤད་བཞིན་པའི་“སྐས་རིམ་ངོ་མཚར་ཅན་“དེ་ནི་“སེམས་ཅན་གྱི་གནས་སྐབས་“མི་འདྲ་བ་རྣམས་དང་འབྲེལ་བ་ཡོད་ཅིང་། དུས་ཚོད་ཐིག་གི་རྣམ་པ་དང་འབྲེལ་བ་གང་ཡང་མེད། མཐོ་བའི་“སེམས་ཅན་གྱི་གནས་སྐབས་“ནི་དུས་ཡུན་ཐུང་ཐུང་ཞིག་གི་ནང་ང་ཚོའི་སྟེང་དུ་ཡོད།

དེ་ནི་རྒྱང་རིང་གི་འབྱུང་འགྱུར་འཕྲེད་དུ་བསྲིངས་པ་ཞིག་ཏུ་མེད་དེ། འདིར་དང་ད་ལྟ། ང་ཚོའི་ནང་དུ་ཡོད་དེ། གྱེན་དུ་བསྲིངས་པའི་ནང་དུ་ཡོད། དེ་ནི་མངོན་གསལ་དོད་པོ་ཡིན་ཞིང་གང་ཟག་སུ་ཡང་རྟོགས་ཐུབ་སྟེ། ཐིག་གཉིས་ཏེ་འཕྲེད་དང་གྱེན་དུ་བསྲིངས་པ་གཉིས་ནི་སྐབས་དང་སྐབས་སུ་ང་ཚོའི་སེམས་ཁམས་ཀྱི་ནང་དུ་འཛོམས་ཏེ་རྒྱ་གྲམ་ཞིག་གྲུབ་ཡོད།

མི་གཤིས་ནི་འཕྲེད་དུ་བསྲིངས་པའི་འཚོ་བའི་ཐིག་གི་ནང་འཚར་ལོངས་དང་རྙོག་འཛིངས་མེད་པར་འགྲོ་བ་རེད། དེ་ནི་རང་གི་དུས་ཚོད་ཐིག་གི་ནང་སྐྱེ་ཞིང་འཆི་སྟེ། མི་རྟག་པ་ཡིན། ཤི་བའི་མི་གཤིས་ཀྱི་ཆེད་དུ་སང་ཉིན་ཟེར་བ་ཞིག་མེད་དེ། དེ་ནི་སེམས་ཅན་མིན། སེམས་ཅན་གྱི་གནས་སྐབས་ཏེ། སེམས་ཅན་དེ་དུས་ཚོད་ཀྱི་མིན་ཞིང་། འཕྲེད་དུ་བསྲིངས་པའི་ཐིག་དང་འབྲེལ་བ་གང་ཡང་མེད་དེ། དེ་ནི་ང་ཚོའི་ནང་དུ་ཡོད། ད་ལྟ་གྱེན་དུ་བསྲིངས་པའི་ནང་དུ་ཡོད།

གསལ་པོར་རང་གི་སེམས་ཅན་རང་གི་ཕྱི་རོལ་དུ་འཚོལ་ན་དོན་མེད་དུ་འགྱུར། འོག་ཏུ་འཇོག་པ་ལྟར་མི་ལེགས་པ་ཞིག་མེད་དེ། མིང་དང་གོ་གནས། གོང་འཕེལ་སོགས་ནི་དངོས་པོའི་འཇིག་རྟེན་ཕྱི་རོལ་དུ་ཡོད་ལ། གང་ལྟར་ཡང་གནས་ཚད་དངོས་མའི་སྟེང་ནས་འབྱུང་བ་དང་། སེམས་ཅན་གྱི་བསྐྱར་ཞིབ་དང་། “སེམས་ཅན་གྱི་གནས་སྐབས་“ཀྱི་ནང་གོང་མའི་སྐས་རིམ་ཞིག་ཏུ་འགྲོ་མི་སྲིད།