ཐུགས་འདུན

“ལས་འགན་ཆེན་པོ་“ནི་ཐོག་མར་ཡིད་ཆེས་བློས་འགེལ་གྱི་ལས་དོན་དང་བློས་བསླངས་ཀྱི་སྡུག་བསྔལ་ལ་བརྟེན་ནས་རང་ཉིད་ཀྱིས་རང་ཉིད་བསྐྲུན་པ་ཞིག་ཡིན།

“ལས་འགན་ཆེན་པོ་“ནི་རང་ཉིད་ནང་ནས་དབང་འཛིན་པ་དང་། དཀོན་མཆོག་གི་ནང་དུ་ང་ཚོའི་རང་དབང་ངོ་མ་བཙན་བཟུང་བྱེད་པ་དེ་ཡིན།

གལ་སྲིད་ང་ཚོས་དོན་དམ་པར་འདོད་པ་ཡིན་ན། དབང་ཆ་ཡོངས་སུ་རྫོགས་པའི་བཅིངས་འགྲོལ་ཐོབ་ཆེད། ང་ཚོས་ནང་ནས་འཚོ་བའི་“ང་“དེ་དག་ཡོད་ཚད་འཕྲལ་དུ་མེད་པར་བཟོ་དགོས།

ནི་ཀོ་ལ་སི་ཕེ་ལེ་མལ་དང་རེ་མུན་དོ་ལུ་ལི་ཨོ་གཉིས་ནི་ཕྱུག་མེད་ཡིན་པས་རང་གི་བསམ་པ་བཅིངས་འགྲོལ་བཏང་ནས་ཡ་མཚན་ཆེ་བའི་སེམས་ཁམས་ཀྱི་བྱ་བ་མང་པོ་ཞིག་ལེགས་གྲུབ་བྱུང་ཡོད།

ཨ་གྷི་རི་པ་ནི་ནམ་ཡང་“ལས་འགན་ཆེན་པོ་“ཡི་ཆ་ཤས་སྔ་མ་ལས་མ་ལྷག་པར་སྡུག་བསྔལ་དང་མནར་གཅོད་མྱོང་ནས་རང་ཉིད་བདག་ཏུ་བཟུང་བ་དང་རང་བཙན་བརྟན་པོ་བཟོ་བའི་དམིགས་ཡུལ་གྱིས་རང་གི་“ང་“ཡི་རྣམ་པ་མེད་པར་བཟོ་བའི་འཐབ་རྩོད་བྱས་ཏེ་འཆི་ཁར་སླེབས་སོ།

དབང་ཆ་ཡོངས་སུ་རྫོགས་པའི་བཅིངས་འགྲོལ་གྱིས་མཁས་པར་མེ་དང་རླུང་། ཆུ་དང་ས་བཅས་ལ་དབང་བའི་སྟོབས་ཤུགས་བདེན་པར་བྱེད་པར་ངེས་སོ།

དེང་རབས་ཀྱི་སེམས་ཁམས་རིག་པའི་སློབ་ཕྲུག་མང་པོ་ཞིག་ལ་ང་ཚོས་གོང་གི་ཚིག་ཁྲིགས་ནང་དབང་ཆའི་བཅིངས་འགྲོལ་སྐོར་བཤད་པ་ནི་བརྗོད་མི་ཤེས་པ་ཞིག་ཏུ་སྣང་སྲིད་མོད། འོན་ཀྱང་བཀའ་དམ་པའི་ནང་དུ་ང་ཚོས་མོ་ཤེ་ཡི་སྐོར་ལ་ཡ་མཚན་ཆེ་བའི་གཏམ་རྒྱུད་མང་པོ་གླེང་གི་ཡོད།

ཕི་ལོན་གྱི་བཤད་པ་ལྟར་ན། མོ་ཤེ་ནི་ནེལ་གཙང་པོའི་འགྲམ་གྱི་ཕ་ར་ཨོན་གྱི་ཡུལ་དུ་སློབ་སྦྱོང་ཐོབ་པའི་མི་ཞིག་ཡིན་ཞིང་། ཨོ་སི་རི་སི་ཡི་བླ་མ་དང་། ཕ་ར་ཨོན་གྱི་གཅེན་གཅུང་ཡིན་ལ། ཨི་སི་སི་ཀ་བ་དང་ཨོ་སི་རི་སི་ང་ཚོའི་ཕ་གསང་བ་ཞིག་གི་ཀ་བ་གཉིས་ཀྱི་བར་ནས་སློབ་སྦྱོང་བྱས་སོ།

མོ་ཤེ་ནི་ཀེ་ལོ་ཌེ་ཨ་ཡི་སྔགས་པ་ཆེན་པོ་ཨབ་ར་ཧམ་དང་། རྩི་འཇོག་ཆེན་པོ་བྱེད་འོས་པའི་ཨི་སཱག་གི་གདུང་རྒྱུད་ཡིན།

མོ་ཤེ་ནི་བསམ་པའི་གློག་སྟོབས་བཅིངས་འགྲོལ་བཏང་མཁན་དེ་ཡིན་ལ། ཁོང་ལ་ཡ་མཚན་གྱི་ལེགས་སྐྱེས་ཡོད་པ་ནི་ལྷ་དང་མི་གཉིས་ཀྱིས་ཤེས་ཀྱི་རེད། དེ་ལྟར་འཁོད་ཡོད།

དམ་པའི་ཡི་གེས་ཧི་བྷི་རོའི་དམག་དཔོན་དེའི་སྐོར་བཤད་པ་ཚང་མ་ནི་རྨད་དུ་བྱུང་བ་དང་སྟོབས་ཤུགས་ཆེ་བ་ཞིག་ཡིན།

མོ་ཤེས་རང་གི་དབྱུག་པ་སྦྲུལ་དུ་བསྒྱུར་བ་དང་། རང་གི་ཕྱག་གཅིག་ནད་ཀྱིས་མནར་བའི་ཕྱག་ཏུ་བསྒྱུར། དེ་ནས་སླར་ཡང་དེར་ཚེ་སྲོག་སྦྱིན།

ཚེར་མའི་སྡོང་པོ་འབར་བའི་བརྟག་དཔྱད་དེས་ཁོང་གི་སྟོབས་ཤུགས་གསལ་པོར་བཏང་བས་མི་ཚོས་ཧ་གོ་ནས་པུས་མོ་བཙུགས་ཏེ་ཕྱག་འཚལ་ལོ།

མོ་ཤེས་ནི་དབྱུག་པ་ངོ་མཚར་ཅན་ཞིག་བེད་སྤྱོད་བྱེད་པ་དེ་ནི་རྒྱལ་པོའི་དབང་ཚད་དང་། ཚེ་སྲོག་དང་འཆི་བའི་གསང་བ་ཆེན་པོ་ནང་སློབ་སྦྱོང་བྱས་པའི་བླ་མའི་དབང་ཚད་ཀྱི་མཚོན་རྟགས་ཡིན།

ཕ་ར་ཨོན་གྱི་མདུན་དུ་མོ་ཤེས་ནེལ་གཙང་པོའི་ཆུ་ཁྲག་ཏུ་བསྒྱུར་བ་དང་། ཉ་ཚང་མ་ཤི་ཞིང་གཙང་པོ་དམ་པ་དེ་འབག་བཙོག་ཏུ་གྱུར། ཨི་ཇིབ་པ་ཚོས་དེ་ལས་ཆུ་འཐུང་མི་ཐུབ་པ་དང་ནེལ་གྱི་ཞིང་ཆུ་ཚང་མ་ཁྲག་གིས་ཁེངས།

མོ་ཤེས་དེ་ལས་མང་བ་བྱས་ཏེ་ཆེ་ཆེ་ཐལ་ཐལ་དང་གདུག་རྩུབ་ཆེ་བའི་སྦལ་པ་བྱེ་བ་མང་པོ་ཞིག་གཙང་པོ་ནས་ཐོན་ཏེ་ཁང་པའི་ནང་འཛུལ་བར་བཟོས། དེ་ནས་རང་དབང་དང་བདག་དབང་ཡོད་པའི་བསམ་པའི་བརྡ་སྟོན་བྱེད་པ་དེའི་འོག་སྦལ་པ་འཇིགས་སུ་རུང་བ་དེ་དག་མེད་པར་གྱུར་སོང་།

ཡིན་ནའང་ཕ་ར་ཨོན་གྱིས་ཨི་སི་རལ་པ་ཚོར་རང་དབང་མ་སྤྲད་སྟབས། མོ་ཤེས་ངོ་མཚར་ཅན་གྱི་བྱ་བ་གསར་པ་བྱས་ཏེ། ས་གཞི་དྲི་ངན་གྱིས་བཀང་བ་དང་སྐྱུག་བྲོ་ཞིང་མི་གཙང་བའི་སྦྲང་ནག་ཚོགས་བྱེ་བ་མང་པོ་ཞིག་ཐོན་པར་བཟོས། དེ་ནས་ཁོང་གིས་རང་བཞིན་གྱིས་འགོག་ཐབས་མེད་པའི་སྒོ་ནས་དེ་དག་བཀག་བསྡོམས་བྱས།

ཁོང་གིས་འཇིགས་སུ་རུང་བའི་གཉན་ནད་བཀྲམ་པས་ཡ་ཧུ་དཱ་པ་མ་གཏོགས་ཕྱུགས་ཟོག་ཚང་མ་ཤི་སོང་།

དམ་པའི་ཡི་གེས་བཤད་པ་ལྟར་ན། ཁོང་གིས་མེ་ཐབ་ཀྱི་ཐལ་བ་བླངས་ཏེ་མཁའ་དབྱིངས་སུ་གཏོར་བ་དེ་ཨི་ཇིབ་པ་ཚོའི་སྟེང་དུ་ལྷུང་སྟེ་ཁོང་ཚོར་པགས་པའི་ནད་དང་རྨ་གསར་པ་ཐོན་པར་བཟོས།

མོ་ཤེས་རང་གི་གྲགས་ཅན་གྱི་དབྱུག་པ་ངོ་མཚར་ཅན་བརྐྱངས་ཏེ་ནམ་མཁའི་འབྲུག་ཆར་བསྡིགས་མེད་དུ་བབས་ཏེ་གཏོར་བཅོམ་དང་མི་གསོད་པར་བྱས། དེ་ནས་མེ་འོད་འཕྲོ་བའི་གློག་དམར་བརྒྱབ་སྟེ་འཇིགས་སུ་རུང་བའི་སྒྲ་དང་ཆར་པ་ཤུགས་དྲག་བབས་པ་དེ་ནས་རྣམ་འགྱུར་གྱིས་ཞི་བདེ་སླར་གསོ་བྱས།

ཡིན་ནའང་ཕ་ར་ཨོན་ནི་སྔར་བཞིན་མཁྲེགས་བཟུང་བྱས་སྟབས། མོ་ཤེས་རང་གི་དབྱུག་པ་ངོ་མཚར་ཅན་གྱིས་ཤུགས་དྲག་བརྡེག་པས་རྩྭ་སྲན་གྱི་སྤྲིན་པ་བཀྲམ་པ་དང་། དེ་ནས་མུན་ནག་འཐིབ་པར་གྱུར། དབྱུག་པ་ཡིས་བརྡེག་པ་གཞན་ཞིག་གིས་སྔོན་མའི་གོ་རིམ་བསྐྱར་གསོ་བྱས།

གནའ་བོའི་དམ་པའི་གསུང་རབ་ཀྱི་ཟློས་གར་དེའི་མཇུག་འབྲས་ཚང་མ་ནི་ཧ་ཅང་གྲགས་ཆེན་པོ་ཡིན། ཡེ་ཧོ་ཝ་ཡིས་ཐེ་བྱུས་བྱས་ཏེ་ཨི་ཇིབ་པ་ཚོའི་བུ་ཆེ་བ་ཚང་མ་བསད་པ་དང་ཕ་ར་ཨོན་ལ་ཧི་བྷི་རོ་པ་གཏོང་རྒྱུ་ལས་ཐབས་གཞན་མེད་པར་བཟོས།

རྗེས་སུ་མོ་ཤེས་རང་གི་དབྱུག་པ་ངོ་མཚར་ཅན་བེད་སྤྱོད་བྱས་ཏེ་རྒྱ་མཚོ་དམར་པོའི་ཆུ་བགོས་ནས་སྐམ་སའི་ཐོག་ནས་བརྒལ་སོང་།

ཨི་ཇིབ་ཀྱི་དམག་མི་ཚོ་དེར་མཆོངས་ཏེ་ཨི་སི་རལ་པ་ཚོར་རྗེས་འདེད་བྱེད་སྐབས་མོ་ཤེས་ཀྱིས་རྣམ་འགྱུར་ཞིག་བྱས་པས་ཆུ་སླར་བསྡོམས་ནས་རྗེས་འདེད་བྱེད་མཁན་དེ་དག་ཆུའི་ནང་བཅུག་སོང་།

དེ་དག་ཚང་མ་ཀློག་སྐབས་མི་མང་པོ་ཞིག་གིས་མོ་ཤེ་ཡི་སྟོབས་ཤུགས་དང་འདྲ་བ་དགོས་ཟེར་མོད། འོན་ཀྱང་བསམ་པ་ནི་ང་ཚོའི་སེམས་ཁམས་ཀྱི་རྣམ་པ་མི་འདྲ་བའི་ནང་དུ་གནས་བའི་“ང་“ཚང་མ་གཅིག་མཇུག་གཉིས་མཐུད་ཀྱིས་བསྡམས་ཡོད་སྟབས་དེ་ནི་མི་སྲིད་པ་ཞིག་ཡིན།

“ང་རང་ཉིད་“ཀྱི་ནང་བཅུམ་པའི་ངོ་བོ་ནི་ཨ་ལ་ཌེན་གྱི་སྒྲོན་མེའི་ལྷ་ཡི་བློ་རིག་དང་འདྲ་བར་རང་དབང་འདོད་ཀྱི་ཡོད། ལྷ་དེ་རང་དབང་ཡིན་ན་ངོ་མཚར་གྱི་བྱ་བ་སྒྲུབ་ཐུབ།

ངོ་བོ་ནི་“བསམ་པ་རིག་པ་“སྟེ་ངན་སྐྱོན་ཞིག་ལ་ང་ཚོའི་ཆ་རྐྱེན་རང་བཞིན་གྱིས་གནོན་ཤུགས་སྤྲོད་ཀྱི་ཡོད།

བསམ་པ་རང་དབང་ཐོབ་སྐབས་འདྲེས་སམ་ཡང་ན་ཕྱོགས་གཅིག་ཏུ་བསྡུས་པ་དེས་འཛམ་གླིང་ཡོངས་ཀྱི་བསམ་པ་དང་མཉམ་དུ་འདྲེས་ཏེ་དབང་ཆ་ཆེ་བར་འགྱུར་གྱི་རེད།

མི་སྒེར་གྱི་བསམ་པ་འཛམ་གླིང་ཡོངས་ཀྱི་བསམ་པ་དང་མཉམ་དུ་འདྲེས་སྐབས་མོ་ཤེ་ཡི་ངོ་མཚར་ཚང་མ་སྒྲུབ་ཐུབ།

བྱ་སྤྱོད་རིགས་གསུམ་ཡོད་དེ། ཀ) བྱ་བ་དེ་དག་ནི་གནོད་འཚེའི་ཁྲིམས་དང་འབྲེལ་བ་ཡོད། ཁ) བྱ་བ་དེ་དག་ནི་ཡང་བསྐྱར་འབྱུང་བའི་ཁྲིམས་དང་འབྲེལ་བ་ཡོད་པ་དེ་ནི་འཚོ་བའི་ནང་དུ་ག་དུས་ཡིན་ཡང་ཡང་བསྐྱར་འབྱུང་གི་རེད། ག) བྱ་བ་དེ་དག་ནི་བསམ་པ་རིག་པས་ཐག་གཅོད་བྱས་པ་ཞིག་རེད།

སྤྱིར་བཏང་དུ་བཤད་ན་རང་གི་“ང་“འཆི་བ་ལ་བརྟེན་ནས་རང་གི་བསམ་པ་བཅིངས་གྲོལ་བཏང་མཁན་གྱི་མི་དེ་དག་ཁོ་ནས་རང་གི་རང་དབང་གི་འདོད་པ་ནས་བྱུང་བའི་བྱ་བ་གསར་པ་ཞིག་སྒྲུབ་ཐུབ།

མིའི་བྱ་སྤྱོད་དཀྱུས་མ་ཚང་མ་ནི་ག་དུས་ཡིན་ཡང་ཡང་བསྐྱར་འབྱུང་བའི་ཁྲིམས་ཀྱི་མཇུག་འབྲས་སམ་ཡང་ན་རྐྱེན་རྐྱེན་འཁྲུལ་འཁོར་གྱི་ཐོན་སྐྱེད་ཙམ་རེད།

སུ་ཞིག་ལ་བདེན་པའི་རང་དབང་གི་བསམ་པ་ཡོད་པ་དེས་གནས་སྟངས་གསར་པ་ཞིག་འགོ་འཛུགས་བྱེད་ཐུབ། སུ་ཞིག་ལ་བསམ་པ་དེ་“ང་མང་ཚོགས་“ནང་བསྡམས་པ་དེ་ནི་གནས་སྟངས་ཀྱི་གོད་ཆག་རེད།

དམ་པའི་གསུང་རབ་ཀྱི་ཤོག་ངོས་ཚང་མའི་ནང་དུ་སྔགས་ཆེན་པོ་དང་། ལུང་བསྟན་པ་དང་། ཡ་མཚན་དང་། རྣམ་པ་འགྱུར་བ་དང་། འཆི་བོ་གསོན་པོར་སླར་གསོ་བཅས་རྨད་དུ་བྱུང་བའི་འགྲེལ་བརྗོད་ཅིག་ཡོད་པ་དེ་ནི་དབུགས་རྔུབ་པའམ་ཡང་ན་ཕྱག་བཀྲམ་པ་དང་། སྣ་ཁུག་གི་ཐོག་ཏུ་མིག་བཙུགས་ནས་བལྟ་བ་སོགས་སོ།

དམ་པའི་གསུང་རབ་ནང་དུ་ཕྱག་མཉེ་བ་དང་། སྣུམ་དམ་པ་དང་། བཙན་འཐེན་གྱི་འགྲོས་དང་ནད་པའི་སྟེང་དུ་ཁ་རྗེས་ཙམ་ཞིག་གཏོར་བ་དང་། མི་གཞན་གྱི་བསམ་པ་ཀློག་པ་དང་སྐྱེལ་འདྲེན་དང་། འཆར་སྣང་དང་། ནམ་མཁའི་སྒྲ་སོགས་ང་ཚོའི་རང་དབང་ཐོབ་པ་དང་རང་བཙན་དང་དབང་ཤུགས་ཡོད་པའི་རིག་པ་བསམ་པའི་ངོ་མཚར་རྣམས་ཀྱིས་ཁེངས་ཡོད།

སྔགས་བྱེད་མཁན་དང་བརྡོལ་བསྟན་དང་སྔགས་ནག་བྱེད་མཁན་མང་པོ་ཞིག་ཡོད་པ་ནི་ངན་སྡུག་དང་འདྲ་བར་དེ་དག་ནི་དམ་པ་དང་ལུང་སྟོན་པ་དང་བདེན་པའི་མཐུན་གྲོགས་ཀྱི་མི་མ་ཡིན་ནོ།

སུ་ཞིག་ཀྱང་“དངོས་ཡོད་ཀྱི་འོད་སྣང་“ཐོབ་མི་ཐུབ་པ་དང་འདོད་པའི་སྟོབས་ཤུགས་དང་བསམ་པའི་བླ་མའི་གོ་ས་བཟུང་མི་ཐུབ། གལ་སྲིད་སྔོན་ལ་རང་ཉིད་རྩ་བ་ནས་མ་ཤི་ན་གནས་སྐབས་འདིར་ཐོབ་མི་ཐུབ།

མི་མང་པོ་ཞིག་གིས་ང་ཚོར་རྒྱུན་དུ་འོད་སྣང་མེད་པར་བཤད་པ་དང་སྟོབས་ཤུགས་སློང་བ་དང་ང་ཚོས་ཁོང་ཚོ་སྔགས་པ་ལ་བསྒྱུར་དགོས་པའི་གནད་དོན་དགོས་ཟེར་མོད། འོན་ཀྱང་ཁོང་ཚོས་རང་ཉིད་ལ་བལྟ་ཞིབ་བྱེད་པའམ་ཡང་ན་རང་གི་སྐོར་ཤེས་པའམ་སེམས་ཁམས་ཀྱི་ཕུང་པོ་དེ་དག་དང་བསམ་པ་བསྡམས་བའི་ནང་དུ་གནས་བའི་“ང་“ཡི་རྣམ་པ་བསྣོག་པའི་ཐད་ལ་དོ་སྣང་སྤྲད་མི་འདོད་དོ།

མི་དེ་འདྲ་ནི་ཕམ་ཉེས་འཁེལ་བར་ངེས་སོ། དེ་དག་ནི་དམ་པའི་གང་ཟག་གི་ནུས་པར་ཞེན་ཆགས་ཡོད་ཀྱང་རང་ཉིད་ཤི་བར་འདོད་མི་འདོད་པའི་མི་ཚོ་ཡིན།

ནོར་འཁྲུལ་མེད་པར་བཟོ་བ་ནི་རང་བཞིན་གྱིས་ངོ་མཚར་དང་ཡ་མཚན་ཞིག་ཡིན་པ་དེ་ལ་སེམས་ཁམས་ཀྱི་རང་བལྟ་ཞིབ་ནན་པོ་ཞིག་དགོས་སོ།

བསམ་པའི་སྟོབས་ཤུགས་ངོ་མཚར་ཅན་དེ་རྩ་བ་ནས་བཅིངས་གྲོལ་བཏང་སྐབས་སྟོབས་ཤུགས་བེད་སྤྱོད་བྱེད་ཐུབ་པར་འགྱུར་རོ།

གྱོང་གུད་ཞིག་ལ་མི་རྣམས་ཀྱི་བསམ་པ་ནི་“ང་“རེ་རེའི་ནང་བསྡམས་ཡོད་སྟབས། དེ་ནི་རང་གི་ཆ་རྐྱེན་གྱི་དབང་གིས་བྱེད་རྩིས་བྱེད་པའི་བསམ་པ་མང་པོར་བགོས་ནས་ཡོད་པ་དེ་ནི་མངོན་སུམ་རེད།

རྒྱུ་མཚན་དེ་ལ་བརྟེན་ནས་“ང་“རེ་རེས་རང་གི་རང་མི་ཚོར་བའི་བསམ་པ་དམིགས་བསལ་བ་ཞིག་ཡོད་པ་ནི་གསལ་པོ་རེད།

བསམ་པ་མང་པོ་ཞིག་“ང་“ཡི་ནང་བསྡམས་ཡོད་སྟབས་རྒྱུན་དུ་ཕན་ཚུན་བར་ཐུག་པ་དང་། དེ་ལ་བརྟེན་ནས་ང་ཚོ་ནི་རང་ཚོད་མི་ཐུབ་པ་དང་། ཞན་པ་དང་། སྙིང་རྗེ་བོ་དང་། གནས་སྟངས་ཀྱི་གོད་ཆག་དང་སྟོབས་མེད་དུ་འགྱུར་རོ།