Ar Vro Psikologel

Hep gred eo evel-se, evel m’eus ur vro diavaez enni e vevomp, evel-se ivez en hor c’halon emañ ar vro psikologel.

Ne vez ket ignoriet gant an dud ar gêr pe ar c’horn-bro ma vevont enni, siwazh e c’hoarvez dezho n’ouzer ket pelec’h emaint er vro psikologel.

En ur mare bennak e oar pep hini e pe lec’h emañ, met war dachenn ar psikologiezh ne vez ket memes tra, peurliesañ ne vez ket iota gant an dud pelec’h emaint er vro psikologel.

Evel m’eus er bed fizikel trevoù tud reizh ha desket, evel-se ivez e c’hoarvez er c’horn-bro psikologel eus pep hini ac’hanomp; n’eus ket da douetañ ez eus trevoù klouar ha kaer-meurbet.

Evel m’eus er bed fizikel trevoù pe karterioù gant straedoù dañjerus-kenañ, leun a laeron, evel-se ivez e c’hoarvez er c’horn-bro psikologel eus hor c’halon.

Pep tra a zepant eus ar seurt tud a zo ganeomp; mar deo lonkerien hor mignoned ez aimp d’ar c’hafe, ha mar deo tud diroll ez aimp d’ar fouzhlec’hioù.

En hon bro psikologel hor peus pep hini hor c’homperien, hon EGoioù, ha kas a raio anezhañ d’ar c’horn m’eo ret dezhañ mont hervez e berzhioù psikologel.

Un itron vertuzius hag enorus, gwreg a-zoare, dezhi ur boaz skouerius, o vevañ en ur maner kaer er bed fizikel, a c’hellfe bezañ er fouzhlec’hioù en he bro psikologel, abalamour d’he EGoioù hudur.

Un aotrou enorus, reizh ha gwirion, keodedour a-zoare, a c’hellfe kavout e lec’h er vro psikologel en ur c’hev laeron, abalamour d’e gomperien fall-kenañ, EGoioù al laeroñsi, beuzet don en diouiziegezh.

Un diskennour hag ur pinijenner, ur manac’h marteze o vevañ strish en e gell, en ur manati bennak, a c’hellfe bezañ e lec’h er vro psikologel en ur drev lazherien, pistolennourien, tagaerien, drammourion, abalamour da EGoioù isdousiant pe diouiziek, beuzet don e kornioù teñval e psike.

Evit netra eo bet lavaret deomp ez eus kalz a vertuz er re fall ha kalz a zrougiezh er re vertuzius.

Kalz a sent zo bet kanonizet a vev c’hoazh er fouzhlec’hioù psikologel pe e tiez ar follentez.

Ar pezh a lavarom dre greñvder a c’hellfe lakaat ar bigotien, ar bietestourion, an dud diouiek desket, skouerioù ar furnez, da soursial, met biken ar psikologourien wir.

Daoust ha ma seblant souezhus, e-touez c’hwezh-vat ar bedenn e kuzher ivez ar fallentez, e-touez kadens ar werz e kuzher ivez ar fallentez, dindan bolz sakr ar santualioù doueusañ e vez gwisket ar fallentez gant tunik ar santelezh hag ar ger uhel.

E-touez donderioù don ar sent a vez doujet ar muiañ, e vev EGoioù ar fouzhlec’h, al laeroñsi, ar muntr, h.a.

Komperien isdenel kuzhet e-touez donderioù don an diouiziegezh.

Kalz o deus gouzañvet sant istor evit ar memes abeg; soñjomp eus temptadurioù Sant Anton, an holl vurederezhioù a-enep dezho en deus ranket stourm hor breur Frañsez a Asiz.

Koulskoude, n’o deus ket lavaret pep tra ar sent-se, hag ar braz eus an diskennourien o deus tavet.

Souezhet e vez an den pa soñj e vev diskennourien pinijennerien ha santel-kenañ e trevoù psikologel ar follentez hag al laeroñsi.

Sent int koulskoude, ha ma n’o deus ket dizoloet c’hoazh ar spontajoù-se eus o psike, pa zizoloint anezho e lakaint kilizioù war o c’hig, e yunint, marteze e skoaint warno o-unan, hag e pedint o mamm zoueel KUNDALINI da ziskar eus o psike ar c’homperien fall-se a laka anezho da vezañ en antroioù teñval-se eus o bro psikologel dezho o-unan.

Kalz a zo bet lavaret gant ar relijionoù disheñvel diwar-benn ar vuhez goude ar marv hag an tu all.

Na vezont ket distrujet muioc’h o empenn gant ar re baour diwar-benn ar pezh a zo en tu all, en tu all d’ar bez.

Hep gred e kendalc’h pep hini da vevañ goude ar marv er drev psikologel bepred.

Al laer a gendalc’ho en antroioù al laeron; an hudur er fouzhlec’hioù evel ur fantom a zegas droug; an drougoberer, an droug a gendalc’ho da vevañ e straedoù dañjerus ar gwalleur hag ar gounnar, eno ivez e sked ar bizhier hag e klever tennoù ar pistolennoù.

An esañs e-unan a zo kaer-meurbet, dont a ra eus a-us, eus ar stered, ha siwazh eo bet lakaet e-barzh an holl EGoioù-se hon eus e-barzh.

Dre enebiezh e c’hell an esañs distreiñ war e giz, distreiñ d’ar sav-lec’h orin, distreiñ d’ar stered, met rankout a ra bezañ dieubet da gentañ eus e gomperien fall a laka anezhañ da vezañ e bannlevioù an diroll.

Pa zizoloas Frañsez a Asiz hag Anton a Badua, mistri bras kristenaet, EGoioù an diroll enno o-unan, e c’houzañvjont meurbet hag n’eus ket da douetañ e teujont a-benn, dre labour speredek ha poanioù a-youl vat, da zistrujañ evel poultr kosmik ar strollad elfennoù inhoman-se a veve enno. Hep gred eo kristenet ar Sent-se hag e tistroas d’ar sav-lec’h orin goude bezañ gouzañvet kalz.

Dreist-holl eo ret, urgent ha dic’hortoz, e vefe treuzkaset ar c’hreizenn magnetek hon eus savet en un doare direizh en hor personelezh faos d’an Esañs, evel-se e c’hell an den klok kregiñ gant e veaj eus ar personelezh d’ar stered, o pignat dre ziskiblegezh, pazenn dre bazenn, dre menez ar BEZAÑ.

Keit ma kendalc’ho ar greizenn magnetek da vezañ savet en hor personelezh faos e vevimp er fouzhlec’hioù psikologel vilhañ, memes pa vefemp keodedourien a-zoare er vuhez pleustrek.

Pep hini en deus ur greizenn magnetek a zo dibar dezhañ; d’ar marc’hadour ez eus kreizenn magnetek ar c’henwerzh, ha dre se en em ziskouez er marc’hadoù hag e sach war-zu ar pezh a zo kar dezhañ, prenerien ha marc’hadourien.

D’an den a skiant ez eus kreizenn magnetek ar skiant en e bersonelezh, ha dre se e sach war-zu dezhañ holl draoù ar skiant, levrioù, laboratorioù, h.a.

D’an esoterik ez eus ennañ kreizenn magnetek an esoterisme, ha dre ma teu ar seurt kreizenn-se da vezañ disheñvel diouzh aferioù ar personelezh, hep douetañ e c’hoarvez treuzkas abalamour da se.

Pa vez savet ar greizenn magnetek er skiant-prenet, da lavaret eo, en esañs, e krog distro an den klok d’ar stered.