Bed ar Darempredoù

Bed an darempredoù en deus teir elfenn disheñvel-mat a rankomp sklaeraat en un doare resis.

Da gentañ: Darempredoù hon eus gant ar c’horf planedel. Da lavaret eo gant ar c’horf fizikel.

Da eil: Bevañ a reomp war ar blanedenn Douar hag evel-just hon eus darempredoù gant ar bed diavaez ha gant an aferioù a denn d’imp-ni, familh, aferioù, arc’hant, traoù a denn d’ar vicher, ar c’helenn, ar politikerezh, hag all, hag all, hag all.

Da drede: Darempred an den gantañ e-unan. Evit an darn vrasañ eus an dud n’eo ket pouezus an darempred-se tamm ebet.

Siwazh, n’eo nemet gant an daou seurt darempred kentañ emañ an dud interessiert, o sellout gant diseblanted ouzh an trede seurt.

Boued, yec’hed, arc’hant, aferioù, a zo e gwirionez prederioù pennañ an “Animal Speredek” a vez graet “den” anezhañ dre fazi.

Bremaik: Splann eo ez eo diavaez d’imp-ni ar c’horf fizikel koulz hag aferioù ar bed.

Ar C’horf Planedel (ar c’horf fizikel), a vez klañv a-wechoù, yec’hedus a-wechoù, hag all.

Krediñ a reomp atav bezañ un tamm anaoudegezh eus hor c’horf fizikel, met e gwirionez n’oar skiantourien wellañ ar bed mann diwar-benn ar c’horf kig hag eskern.

N’eus ket da ziskouez ez eo pell-mat ar c’horf fizikel dre e aozadur divent ha kemplezh, en tu all d’hor c’hompren.

Evit a sell ouzh an eil seurt darempredoù, bezañ e vezomp atav oblijet da sentiñ ouzh an degouezhioù; tristet on o welout n’hon eus ket desket c’hoazh krouiñ an degouezhioù en un doare skiantek.

Kalz a dud n’int ket gouest da zegemer netra na den pe da gaout ur gwir berzh er vuhez.

O soñjal enno o-unan diouzh sav-boent al labour isoterik gnositek, e teu da vezañ urgent gouzout gant peseurt eus an tri seurt darempredoù-se emaomp o vankañ.

Gallout a ra degouezhout ez eo fall hor darempredoù gant ar c’horf fizikel hag en abeg da se e vezomp klañv.

Gallout a ra degouezhout ez eo fall hor darempredoù gant ar bed diavaez hag evel disoc’h hon eus dizemglevioù, kudennoù armerzhel ha sokial, hag all, hag all, hag all.

Marteze ez eo fall hon darempredoù ganeomp hon-unan hag e vefomp o c’houzañv kalz dre ziouer a sklêrijenn diabarzh.

Splann eo ma n’eo ket luget lamp hon kambr-gousket ouzh ar genrouedad tredan e vo teñvalijenn en hor gambr.

Ar re a c’houzañv abalamour da ziouer a sklêrijenn diabarzh, a rank luget o spered ouzh Kreizennoù Uhel o Bezañ.

Ezhomm hon eus didamal da sevel darempredoù reizh n’eo ket gant hor C’horf Planedel (korf fizikel) hag gant ar bed diavaez hepken, met ivez gant pep lodenn eus hor Bezañ hon-unan.

Ar re glañv pesimisted skuizh gant kement a vedisined hag a vezeien, ne fell ket dezho pareañ ken hag ar re glañv optimisted a stourm evit bevañ.

E Casino Montecarlo ez eus bet milionerien o deus kollet o fortun er c’hoari hag en em lazhet. Milionoù a vammmaouez paour a labour evit souten o bugale.

Niverus eo an danvez-aspiranted digalonekaet dre ziouer a c’halloudoù psik hag a sklêrijenn intima ha dilezet ganto al labour isoterik war o c’horf. Nebeut eo ar re a oar tennañ splet eus an trubuilhoù.

E koulz ar gourdrouz start, an trubarderezh hag ar glac’har, e ranker galv war eñvor intima an hini anezhañ e-unan.

E donder pep hini ac’hanomp emañ an TONANZIN aztek, ar STELLA MARIS, an ISIS egipsian, Doue Vamm, o c’hortoz ac’hanomp evit pareañ hor c’halon skoet.

Pa ro an den dezhañ e-unan ar stok eus an “Eñvor eus an Hini anezhañ”, e c’hoarvez e gwirionez ur c’hemm burzhudus en holl labour ar c’horf, en doare ma resev ar c’helloù ur boued disheñvel.