Al Labour Ezoterek Gnostek

Urgent eo studiañ ar Gnosis hag implijout ar mennozhioù pleustrek a roer el levr-mañ evit labourat da vat warnomp hon-unan.

Koulskoude ne c’hellfemp ket labourat warnomp hon-unan gant ar soñj da ziskar un “Me” bennak hep e vezañ sellet outañ a-raok.

Arsellout ac’hanomp hon-unan a lak ur skinad gouloù da dreuziñ en hor c’hreiz.

Pep “Me” en em ziskouez er penn en un doare, er galon en un doare all hag er reizh en un doare all c’hoazh.

Ret eo deomp arsellout ouzh ar “Me” a gavomp prizoniet d’ur mare bennak, ret eo e welet e pep hini eus an tri c’hreiz-se eus hor c’horf.

E darempred gant tud all, ma ‘z omp war evezh hag evel ur gward e-pad ur brezel, e tiskuliomp ac’hanomp hon-unan.

Ha soñj ho peus da bet eur eo bet gloazet ho vanite? Ho lorc’h? Petra eo bet ar pezh ho poa enebet ar muiañ outañ en deiz? Perak hoc’h eus bet an enebadur-se? Pezh eo e abeg kuzh? Studiadennit an dra-se, arsellit ho penn, ho kalon hag ho reizh…

Ur skol burzhudus eo ar vuhez pleustrek; en etre-darempredoù e c’hellomp dizoleiñ ar “Meoù”-se a zougomp en hor c’hreiz.

Pep enebadur, pep darvoud a c’hell hor c’has, dre an em-arsell intimañ, da zizoleiñ ur “Me”, pe e vefe ur “Me” karantez-propriañ, avañs, gwarizi, droug, lorc’h, ioulouster, diskred, kunuiñ, c’hoant-kig, hag all, hag all, hag all.

Ret eo deomp en em anaout a-raok gallout anaout ar re all. Urgent eo deskiñ gwelet sell ar re all.

Ma en em lakomp e plas ar re all, e tizoloimp e vez ar fallentezioù psikologek a rebechomp d’ar re all en hor c’hreiz e-leizh.

Ret eo karout hor nesañ, met ne c’hellfemp ket karout ar re all ma ne zeskemp ket da gentañ en em lakaat e saviad un den all el labour esoterek.

Dont a raio ar gwalañ war c’horre an douar, keit ha na vo ket bet desket ganeomp en em lakaat e plas ar re all.

Met ma n’hon eus ket ar galon d’en em welet hon-unan, penaos e c’hellfemp en em lakaat e plas ar re all?

Perak e rankfemp gwelet nemet lodenn fall an dud all?

An enebiezh mekanikel ouzh un den all a anavezomp evit ar wech kentañ a ziskouez ne ouzomp ket en em lakaat e plas hor nesañ, na garomp ket hor nesañ, hag hon eus hon skiant-vat re domm.

Plijout a ra dimp un den bennak da vat? Perak? Marteze e vez o evañ? Arsellaoump ac’hanomp hon-unan… Ha sur omp eus hor vertuz? Ha sur omp n’hor eus ket “Me” an everezh en hor c’hreiz?

Gwell e vije deomp, pa welomp un den mezv oc’h ober farsadennoù, lavarout: “Me eo hennezh, peseurt farsadennoù a ran-me ivez”.

Ur vaouez onest ha vertuzius oc’h, hag abalamour da se ne blij ket deoc’h ur vaouez zo; enebiezh a santit outi. Perak? Ha sur-tre emaoc’h ac’hanoc’h hoc’h-unan? Ha krediñ a rit n’hoc’h eus ket “Me” ar c’hoant-kig en ho kreiz? Ha soñjal a rit eo fallakr ar vaouez-se bet diskreditaet gant he lizherioù hag he loustoni? Ha sur oc’h n’eus ket loustoni ha fallentez en ho kreiz, ar pezh a welit er vaouez-se?

Gwell e vije deoc’h en em arsellout endro en ho kreiz hag, e preder don, kemer plas ar vaouez-se a gasait.

Urgent eo talvoudekaat al labour esoterek Gnostek, ret eo e gompren hag e priziañ ma fell deomp un treuzfurmadur radikal da vat.

Ret eo gouzout karout hor c’henseurted, studiañ ar Gnosis ha kas ar gelennadurezh-mañ d’an holl dud, a-hend-all e kouezhimp en egoegezh.

Ma ‘z en em roer d’al labour esoterek warnomp hon-unan, met ma ne roer ket ar gelennadurezh d’ar re all, e teu hor c’hendalc’h don da vezañ diaes-tre abalamour da vank a garantez evit hor nesañ.

“An hini a ro a resev, hag an nebeut a ro a resevo nebeutoc’h, met an hini na ro netra e vo lamet digantañ zoken ar pezh en deus”. Homañ eo al Lezenn.