Ar Gaozeadenn

Urgent eo, dic’hortoz, ne c’hell ket bezañ daleet, sellout ouzh ar brezegenn diabarzh hag al lec’h resis a-lec’h e teu anezhi.

Disput ebet, ar brezegenn diabarzh direizh eo “Abeg an Abegoù” evit kalz a stadoù psikikel dizemglev ha displijus en amzer a-vremañ hag ivez en dazont.

Evit gwir, ar gerioù goullo diziazez-se eus ur brezegenn amsklaer hag, dre vras, kement prezegenn noazus, drouk, absurd a ziskouez er bed diavaez, a zeu eus ar gomz diabarzh direizh.

Gouzout a reer ez eus e-barzh ar Gnosis pleustr esoterek an tevel diabarzh; an dra-se a zo anavezet gant hon diskibien eus an “Trede Kambr”.

N’eo ket re zrouk lavarout gant sklaerder splann e tle an tevel diabarzh talvezout da vat evit un dra resis ha termenet.

Pa vez echuet ar prosesus soñjal a-ratozh-kaer e-pad ar prederiañ diabarzh don, e tizher an tevel diabarzh; met n’eo ket an dra-se ar pezh a fell deomp displegañ er pennad-mañ.

“Goullonderiñ an empenn” pe “lakaat anezhañ e gwenn” evit tizhout da vat an tevel diabarzh, n’eo ket ivez ar pezh a glaskomp displegañ bremañ er frazoù-mañ.

Pleustriñ an tevel diabarzh a reomp anv anezhañ, ne dalv ket ivez mirout ouzh un dra bennak da vont e-barzh an empenn.

Evit gwir, emaomp o komz bremañ eus un doare tevel diabarzh disheñvel-tre. N’eo ket un dra amsklaer dre vras…

C’hoant hon eus pleustriñ an tevel diabarzh e-keñver un dra bennak a zo dija en empenn, un den, un darvoud, un afer dezhañ e-unan pe da unan all, ar pezh a zo bet kontet deomp, ar pezh a zo bet graet gant un den bennak, h.a., met hep stokout outañ gant an teod diabarzh, hep prezegenn intim…

Deskiñ tavout n’eo ket gant an teod diavaez hepken, met ivez, ouzhpenn, gant an teod kuzh, diabarzh, a zo dreistordinal, marzhus.

Kalz a dav en diavaez, met gant o zeod diabarzh e ziskroc’hennant bev o nesañ. Ar gomz diabarzh venemus ha malevolus a brodu mesk-ha-mesk diabarzh.

Ma seller ouzh ar gomz diabarzh direizh, e vo gwelet ez eo graet gant gwirionezioù hanter, pe gant gwirionezioù a zo liammet an eil re ouzh ar re all en un doare pe un doare all direizh, pe un dra bennak a zo bet ouzhpennet pe laosket a-gostez.

Siwazh, hor buhez emosionel a zo diazezet nemetken war an “em-simpateiz”.

Evit echuiñ gant kement a zismegans, ne simpateizomp nemet ouzh hor-unan, ouzh hor “Ego” ker-meurbet, ha santout a reomp antipatiezh ha memes kasañs gant ar re na simpateizont ket ouzhimp.

Re a garomp hor-unan, narcisisted omp da gant dre gant, diaes eo nac’hañ, diaes eo arguzenniñ a-enep.

Keit ha ma kendalc’himp da vezañ serret en “em-simpateiz”, kement diorren eus ar Bezañ a zeu da vezañ muioc’h eget dibosubl.

Ezhomm hon eus deskiñ gwelet savboent unan all. Urgent eo gouzout en em lakaat e plas ar re all.

“Dre-se, kement tra a fell deoc’h e vefe graet deoc’h gant an dud, grit ivez deoc’h-c’hwi dezho.” (Mateo: VII, 12)

Ar pezh a gont da vat er studiadennoù-mañ eo an doare ma vez emzalc’het an dud en diabarzh hag en un doare diwelus an eil re gant ar re all.

Siwazh, ha memes ma vezimp kourtes, memes sirius a-wezhioù, n’eus ket da douetañ e vezimp oc’h ober fall-tre an eil re d’ar re all en un doare diwelus hag en diabarzh.

Tud a seblant bezañ madelezus-tre, a sach bemdez o heñvelreizhien war-zu kuzhiadenn kuzh o-unan, evit ober gant ar re-mañ, kement a c’hoantaont. (Gwallgas, goap, flemm, h.a.)