Evezhier hag Evezhiet

Anat eo splann ha n’eo ket diaes kompren pa grog unan bennak da sellet outañ e-unan da vat, o soñjal n’eo ket Unan met Lies, e krog da labourat da vat war kement a zoug ennañ.

Un harz eo, ur stankell, ur skoilh, evit al labour Emzistagadur Don, an diforc’hioù psikologel da-heul : Mojennoù (Delir bras, en em gemer evit un Doue), Ene-zeuelezh (Kredenn en ur ME Padus; azeulerezh a bep seurt Alter-Ego), Paranoia (Savoir-faire, Emrenerezh, lorc’h, en em gemer evit dispell, lorc’h mistik, den ha ne oar ket gwelet savpoent an den all).

Pa gendalc’her gant ar gendrec’h diniver oc’h en em soñjal Unan, oc’h en em soñjal perc’henn war ur ME padus, ez eo muioc’h eget dibosubl al labour sirius warnañ e-unan. An hini a soñj bepred ez eo Unan, ne vo biken gouest da zispartiañ diouzh e elfennoù dizereat dezhañ e-unan. Betek e vo soñjet gant pep soñj, santimant, c’hoant, from, youl, teneridigezh, h.a., h.a., h.a., ez int fonksionelismoù disheñvel, digemm, eus e natur dezhañ e-unan, ha betek en em ziskuliañ a raio dirak ar re all, o lavarout ez eo dizingal e ziforc’hioù personel dre hêrezh…

An hini a zegemer Doare-kelenn ar Megoù Lies, a gompren dre arselladur e klot pep c’hoant, soñj, ober, youl, h.a., gant ur ME all disheñvel, distag… Bep atletour Emzistagadur don a labour da vat ennañ e-unan hag a glask argas eus e psikee an elfennoù dizereat a zoug ennañ…

Ma krog unan da vat ha gant gwirionez da arsellet en diabarzh, e tizho da vezañ rannet e daou : Arseller hag Arsellet. Ma ne vije ket graet an disparti-se, anat eo ne rafemp biken ur pazenn war-raok e Hent burzhudus an Emouiziegezh. Penaos e c’hellfemp arsellet ouzhimp hon-unan ma rafemp ar fazi da chom hep en em zispartiañ etre Arseller hag Arsellet ?

Ma ne vez ket graet an disparti-se, anat eo ne rafemp biken ur pazenn war-raok e hent an Emouiziegezh. Dinamme, pa ne c’hoarvez ket an disparti-se, e kendalc’himp da vezañ darempredet gant holl ardivinkoù ar ME Liesekaet… An hini a zo darempredet gant ardivinkoù disheñvel ar ME Liesekaet, a zo bepred o vezañ gwalc’het gant an degouezhioù.

Penaos e c’hellfe kemm an degouezhioù an hini na anavez ket e-unan ? Penaos e c’hellfe anavezout e-unan an hini n’eo ket bet arsellet en diabarzh biskoazh ? Penaos e c’hellfe unan bennak en em arsellet e-unan ma ne rann ket anezhañ e-unan en Arseller hag Arsellet da gentañ ?

Bremaik, den ebet ne c’hell kregiñ da gemm penn-da-benn keit ha n’eo ket gouest da lavarout : “Ar c’hoant-se a zo ur ME loenel a rankan argas”; “ar soñj egoist-se a zo ur ME all a vez o jahinañ ac’hanon hag a rankan divodañ”; “ar santimant-se a ziframm ma c’halon a zo ur ME deuet a-ziabarzh a rankan distruj en un dra poultrennek kosmek”; h.a., h.a., h.a. Naturiel eo, dibosubl eo kement-mañ evit an hini n’eo ket bet rannet biskoazh etre Arseller hag Arsellet.

An hini a gemer holl e ardivinkoù psikologel evel fonksionelismoù ur ME Uniek, Hiniennel ha Padus, a zo ken darempredet gant e holl fazioù, a zo ken stag outo, ken en deus kollet evit ar memes abeg ar galloud da zispartiañ anezho diouzh e psikee. Anat eo, tud evel-se ne c’hellont biken kemm penn-da-benn, tud gwallc’het d’an toull-bac’h eo.