Rakskrid

RAG-GERV

GANT AR MESTR GARGHA KUICHINES

Bez’ ez eus Steredouriezh Skiantel pe Niverel hag a c’houlenn studioù hir evit he deskiñ. Drezi e vez graet rakprezegennoù war darvoudoù a bouez gant steredourien a bep mare. Tud brudet evel Hitler en Alamagn o deus implijet an anaoudegezh-se ivez, hag implijet o deus steredourien arbennikaet evit o ren en o argadoù brezel.

Ni, ar C’hnossed, en em zisparti diouzh an doare studi-se, rak drezi e vez an den ur c’hoariell hervez ar rakprezegennoù, divrec’h dirak ar sinoù a verk ar c’hornioù disheñvel hag tremen an astroù. Anaout a reomp ur steredouriezh a zesk dimp penaos mestroniañ gant ar stered ha gallout a reomp evel-se diwall ouzh an darvoudoù a c’hallfe rakprezegiñ arbennigourien ar Steredouriezh Niverel. Evit se e ranker kemmañ ar c’horfoù loarel a vez ganet ganto gant korfoù heolel pe sklêrijennet, dre implijout gwrizienn ar memes bezañs, da lavaret eo hor c’horfadenn dezhi hon-unan.

An enebour a vir ouzhimp da bignat ar ouiziegezh doueel eo hor “Yo Satánico” pe Penn lejionoù a ren hor c’horf fizikel. An doare barrek-mat da ziskar Gward an Treuzoù, evel ma vez graet anezhañ gant re an dorn kleiz, eo dre argerzh an Deroù, hag a grog evit ar c’hnossed gant mont e-barzh ar santualioù pe Lumisialoù, dre implijout kelennadurezhioù Avatar ar C’harv-dour “Samael Aun Weor” a ren hag a gas war-raok.

En amzer ma roe an Deraoueg Jezuz e gelennadurezhioù da zevoded ar c’hiz-se en doa lavaret: “Me eo an hent, me eo ar wirionez, me eo ar vuhez”. Bez’ e oa d’ar mare-se ur sorser meur anvet Simón ar Sorser, leun a c’halloudoù ha pinvidigezhioù bras, hag a zisklêrie d’e ziskibien: “Ma ‘z eo deuet Jezuz d’e dad dre e nerzhioù dezhañ e-unan, me, Simón, a zeuio ivez d’am zad dre ma nerzhioù din-me e-unan”. Ar pezh a reas a oa heuliañ an hent kleiz, en em bellaat diouzh e benn-kaezh. An dañjer-se a vez atav o c’hoantaat pa gred devoded ar c’hiz e c’hallont drezo o-unan mont dreist d’an hent.

Evit ar re a zegouezh ar ouiziegezh-se etre o daouarn evit ar wech kentañ, e roer da c’houzout e ranker c’hwec’h mizvezh studioù a-raok, en ur studiañ oberennoù Samael Aun Weor hag en ur lakaat e anaoudegezhioù da dalvezout. Goude, ma ro prouennoù e klask en em seveniñ a-zevri, hag e fell dezhañ ur vuhez uheloc’h, e vez roet dezhañ an tu da vont e-barzh al Lumisialoù dre un argerzh stummañ ispisial.

Pa vez prest devod an hent evit ar staj amprouiñ, an amprouadenn gentañ a rank tremen drezi eo hini Gward an Treuzoù pe emgann gant e Satan dezhañ e-unan, an hini a zo bet hor rener hag hor mestr e-pad kantvedoù niverus. Soñj am eus er bloavezh 1949, ur skoliad eus Hierofant ar Misterioù Bihanañ Aun Weor d’ar c’houlz-se, hag a-c’houde ouzhpenn pevar miz a chastetez glok, a oa bet lakaet da dremem amprouadenn ar Gward d’ar 27 a viz Gouere. Emañ ar paotr nevez-se en ul lec’h digenvez. Emañ en diabarzh, met ne ouie ket. Pa c’halvas Gward an Treuzoù, ne zaleas ket hennezh da zegouezhout. Kontañ a rae ar paotr nevez-se en doa santet da gentañ ur yenijenn a varv. An amzer a oa sklaer a yae da vezañ teñvaloc’h-teñvalañ, hag o kreskiñ ivez ar yenijenn-se hag ur c’hwezh fall a rae dezhañ spontañ gant aon. C’hoant en doa da dec’hout, met nerzh Krist a oa bet dastumet en e gorf dre dreuzkemmadur alkimiek, Arkan A. Z. F., a roas kalon dezhañ da chom el lec’h dic’hoant-se. Diouzhtu e welas o tont war-zu dezhañ ul loen gant neuz ur marmouz, gloanek penn-da-benn, kerniel war e dal a lugerne hag a zonege pa veze o fiñval, fri ha genoù evel re ur vual. Hag e lavaras dezhañ: Daoust ha c’hoant ac’h eus d’am dilezel? Evel-se e pae din kement am eus graet evidout? E kemmañ a rez ouzh an den-se na anavezez ket? Hag eñ a respontas dezhañ, leun a spont, ya, e tileze anezhañ. Al loen a lammas warnañ en emzalc’h un argad. Ar paotr nevez a bedas anezhañ, met da netra ne dalvezas ar bedenn wan-se gant un den gwan ha spontet. Met dont a reas en e soñj e oa ur Chela eus ar C’hrist hag e pedas anezhañ en anv ar C’hrist, hag evel-se e reas un tamm war e giz. Bewech ma lamme warnañ e c’houlenne gwarez digant ar C’hrist hag e Vestroù karet ha lavaret a rae dezhañ: ne c’helli ket ken mont a-enep din, trec’hiñ a rin warnout, hag al loen a yeas kuit o tagañ a bep seurt. Spont ar skoliad-se a oa bras-kenañ, peogwir e oa aet an Hierofant war-zu ur gêr all, hag a c’houlenne tri devezh labour da nebeutañ a ziouer, met pa zistroas e c’houlennas digantañ hag eñ a respontas: Gwell eo deoc’h, deuet out eus amprouadenn gentañ ar Gward Treuzoù. Ar boud-se eo da Satan dezhañ e-unan, servijet ha bevet ac’h eus anezhañ e-pad kantvedoù niverus. Penaos e vevan anezhañ? a c’houlennas ar studier spontet, hag ar Mestr a respontas dezhañ, bevet e vez gant da ioulou izel, bevet e vez gant hor c’hoantoù izel, ioulou fall, fornikadur, avoultriezh, tiez puteriezh ha buhez lous. An holl draoù-se a ya d’ober marc’hadourien an templ a gomze ar C’hrist diouto, marc’hadouriezh a reont gant hor templ dezhi hon-unan. Bremañ eo da gas kuit diouzhit gant skourjez ar youl an holl varc’hadourien-se o deus daoustret Satan, bremañ eo da drec’hiñ pep hini anezho ma fell dit dieubiñ eus an droug ha kemer an hent gwenn.

Dre an oberenn-se e c’hallimp gweladenniñ an holl speredoù steredennel, en ur vont da dempl-kalon ar stered, o c’houlenn hag o labourat gant an aelez steredennel, evit na vefemp ket c’hoarielloù ar c’hudennoù, met da gentañ e rankomp kas kuit marc’hadourien hor templ dezhi hon-unan, e rankomp deskiñ penaos mestroniañ war hor aoter dezhi hon-unan. Evit se e vez devot alies da liderezhioù al Lumisialoù, eno e tesk karout ha servijout Doue dreist pep tra hag e nesañ, ober a ra anaoudegezh gant al liderezhioù-se ha goude e kompren ez eus ul liamm strizh etre an holl ditouroù eus lid ar c’hiz gant an aoter vev hag e zizolo burzhudoù disklêriet. Ar JACHIN ha BOAZ eus an aoteriou a vez goulennet evit mestroniañ e aoter ha degouezhout a ra ar mare ma tesk reiñ ar seizh pazenn a vez goulennet evit labourat en o skiant war aoter Doue vev ha dirak an doueez benniget.

Dre gelennadurezh an adsav e teskimp lazhañ ar c’havr a zo ennomp hag evel-se e savo deñved ar Oan Pask gant an amzer. Evel-se en em zieubimp eus Aotrou an Amzer evit bevañ ur vuhez didermen leun a eurvad peurbadel.