ލަ ޕަޒް

ސުލްޙަވެރިކަން އުފެދެނީ ސިކުނޑިން ނޫން. ސުލްޙަވެރިކަމަކީ ހަމަހިމޭން ހިތެއްގެ މީރުވަހެއް.

ސުލްޙަވެރިކަމަކީ ޕްރޮޖެކްޓްތަކާއި، ބައިނަލްއަޤްވާމީ ފުލުހުންނާއި، އދ. އާއި، އޯއޭއެސްއާއި، ބައިނަލްއަޤްވާމީ މުޢާހަދާތަކާއި، ނުވަތަ ސުލްޙަވެރިކަމުގެ ނަމުގައި ހަނގުރާމަ ކުރާ އަރާގަނެވޭ ސިފައިންގެ ކަމެއް ނޫނެވެ.

އަހަރެމެންނަށް ޙަޤީޤީ ސުލްޙަވެރިކަން ބޭނުންނަމަ، ހަނގުރާމައިގެ ޒަމާނުގައި ވޮޗަރެއް އުޅޭގޮތަށް އަބަދުވެސް ތައްޔާރަށް ތިބެވޭތޯ ބަލަންވާނެއެވެ. ވިސްނުން އަވަސްވެފައި ލުއިފަސޭހަވާންވާނެއެވެ. ސުލްޙަވެރިކަމަކީ ރޮމޭންޓިކް ހުވަފެނެއްގެ ނުވަތަ ރީތި ހުވަފެނެއްގެ މައްސަލައެއް ނޫނެވެ.

އަހަރެމެންނަށް ވަގުތުން ވަގުތަށް ތައްޔާރަށް އޮވެވޭނެ ގޮތެއް ނޭނގޭނަމަ، ސުލްޙަވެރިކަމަށް ގެންގޮސްދޭ މަގު ނުވާނެއެވެ. އެމަގު ދަތިވެ، ވަރަށް އުނދަގޫވެގެންގޮސް، އެންމެފަހުން ބަންދު މަގަކަށް ވެގެންދާނެއެވެ.

އިހުސާސްކުރަން ޖެހޭކަމެއް، އަވަހަށް އެނގެން ޖެހޭކަމެއް އެބައޮތެވެ. ހަމަހިމޭން ހިތުގެ އަސްލު ސުލްޙަވެރިކަމަކީ އަހަރެމެންނަށް ދެވޭނެ ގެއެއްނޫނެވެ. އަދި އެތާނގައި ރީތި އަންހެންކުއްޖަކު އަހަރެމެންނަށް އިންތިޒާރުކުރާކަށްވެސް ނުޖެހޭނެއެވެ. ސުލްޙަވެރިކަމަކީ އަމާޒެއްވެސް، ތަނެއްވެސް ނޫނެވެ.

ސުލްޙަވެރިކަން ހޯދަން މަސައްކަތްކުރުމާއި، އެއާއި ބެހޭގޮތުން ޕްރޮޖެކްޓްތައް ހެދުމާއި، ސުލްޙަވެރިކަމުގެ ނަމުގައި ހަނގުރާމަ ކުރުމާއި، އެއާއި ބެހޭގޮތުން ޕްރޮޕެގެންޑާ ކުރުމާއި، އެކަމަށް މަސައްކަތްކުރަން އޮގަނައިޒޭޝަންތައް އުފެއްދުމަކީ މުޅީންވެސް މޮޔަކަމެކެވެ. ސަބަބަކީ ސުލްޙަވެރިކަމަކީ ސިކުނޑީގެ ކަމެއްނޫނެވެ. ސުލްޙަވެރިކަމަކީ ހަމަހިމޭން ހިތެއްގެ މީރުވަހެވެ.

ސުލްޙަވެރިކަން ގަނެވިއްކައެއް ނުހެދޭނެއެވެ. އަދި އެޕޭސިފިކޭޝަން ސިސްޓަމް ނުވަތަ ޚާއްޞަ ކޮންޓްރޯލްތަކާއި، ފުލުހުންނާއި އެއްވެސް އެއްޗަކުން ހާސިލެއް ނުކުރެވޭނެއެވެ.

ބައެއް ޤައުމުތަކުގައި ޤައުމީ ސިފައިން ދަނީ ރަށްތައް ސުންނާފަތިކޮށް، މީހުން މަރާ، ގޭންގުތަކެއްކަމަށް ބުނާ މީހުންނަށް ބަޑިޖަހަމުންނެވެ. އެހުރިހާކަމެއް ކުރަނީ ސުލްޙަވެރިކަން ޤާއިމުކުރުމުގެ ނަމުގައެވެ. އެފަދަ އަމަލެއްގެ ނަތީޖާއަކީ އަނިޔާވެރިކަން އިތުރުކުރުމެވެ.

އަނިޔާވެރިކަމުން އިތުރު އަނިޔާވެރިކަން އުފެދެއެވެ. ރުޅިވެރިކަމުން އިތުރު ރުޅިވެރިކަން އުފެދެއެވެ. ސުލްޙަވެރިކަން ހޯދައެއް ނުގަނެވޭނެއެވެ. ސުލްޙަވެރިކަމަކީ އަނިޔާވެރިކަމުގެ ނަތީޖާއަކަށް ވެގެންވެސް ނުވާނެއެވެ. ސުލްޙަވެރިކަން އަހަރެމެންނަށް އަންނަނީ އަހަރެމެންގެ އަމިއްލަ ނަފްސު ހަލާކުކޮށްލުމުންނެވެ. އަހަރެމެންގެ ތެރޭގައި ހަނގުރާމަ އުފައްދާ ހުރިހާ ސައިކޮލޮޖިކަލް ކަންތައްތަކެއް ނެތިކޮށްލުމުންނެވެ.

އަހަރެމެންނަށް ސުލްޙަވެރިކަން ބޭނުންނަމަ ބަލަންވާނެއެވެ. ދިރާސާކުރަންވާނެއެވެ. އަދި މުޅި މަންޒަރު ދެކެންވާނެއެވެ. އޭގެ އެންމެ ކަނެއް އެކަންޏެއް ނޫނެވެ.

ސުލްޙަވެރިކަން އަހަރެމެންގެ ތެރޭގައި އުފެދެނީ އަހަރެމެންގެ ހިތުގެ އެތެރެ ފުނޑުފުނޑުވެގެން ބަދަލުވީމައެވެ.

ކޮންޓްރޯލްތަކުގެ މައްސަލައާއި، ސުލްޙަވެރިކަމަށް މަސައްކަތްކުރާ ޖަމުޢިއްޔާތަކާއި، މައިތިރިކުރުމަކީ ވަކިވެފައިވާ ކަންތައްތަކެކެވެ. އެއީ ދިރިއުޅުމުގެ ކަނޑުގައިވާ ނުކުތާތަކެވެ. ހަޔާތުގެ މުޅި މަންޒަރުން ވަކިވެފައިވާ ބައިތަކެވެ. އެއިން އެއްވެސް އެއްޗަކަށް ސުލްޙަވެރިކަމުގެ މައްސަލަ އެއްކޮށް، މުޅީން އަދި ދާއިމީ ގޮތެއްގައި ހައްލެއް ނުކުރެވޭނެއެވެ.

އަހަރެމެން މުޅި މަންޒަރު ބަލަންވާނީ ފުރިހަމަ ސިފައެއްގައެވެ. ދުނިޔޭގެ މައްސަލައަކީ އިންސާނާގެ މައްސަލައެވެ. އިންސާނާގެ އެތެރެ ސުލްޙަވެރިނުވާނަމަ، މުޖުތަމަޢު އަދި ދުނިޔެ ހަނގުރާމައިގައި އުޅެން މަޖުބޫރުވާނެއެވެ.

ސްކޫލްތަކުގެ މުދައްރިސުންނާއި، ކޮލެޖްތަކުގެ މުދައްރިސުންނާއި، ޔުނިވާސިޓީތަކުގެ މުދައްރިސުން ސުލްޙަވެރިކަމަށް މަސައްކަތްކުރަންވާނެއެވެ. އެހެންނޫނީ އެމީހުންނަށް އަނިޔާވެރިކަމާއި ހަމަނުޖެހުން ވަރަށްބޮޑަށް މުހިންމުވާނެއެވެ.

އަވަހަށް ބުނެދޭންޖެހޭކަމެއް އެބައޮތެވެ. އާ ޖީލުގެ ދަރިވަރުންނަށް ދައްކަންޖެހޭ މަގެއް އެބައޮތެވެ. އެއީ ހަމަހިމޭން ހިތެއްގެ އަސްލު ސުލްޙަވެރިކަމަށް ފުރިހަމަ ސިފައެއްގައި އަހަރެމެން ގެންގޮސްދޭނެ މަގެވެ.

ހަޤީޤީ ސުލްޙަވެރިކަމަކީ ކޮންއެއްޗެއްކަން މީހުންނަކަށް ރަނގަޅަކަށް ވިސްނައެއް ނުގަނެވޭނެއެވެ. އެމީހުން ބޭނުންވަނީ އެމީހުންގެ މަގުގައި އެހެން މީހަކު ހުރަސްނާޅާށެވެ. އެމީހުންނަށް އުނދަގޫނުކުރާށެވެ. އެމީހުންނަށް ދަތިނުކުރާށެވެ. އެމީހުން އަމިއްލައަށް ނަގާފައިވާ ޒިންމާއެއްގެ ދަށުން އެމީހުންގެ އެކުވެރިންނަށް އުނދަގޫކުރާށެވެ. ދަތިކުރާށެވެ. އަދި ދިރިއުޅުން މާޔޫސްކުރާށެވެ.

މީހުންނަކަށް ހަޤީޤީ ސުލްޙަވެރިކަމެއް ތަޖުރިބާއެއް ނުކުރެވޭނެއެވެ. އެކަމާއި ބެހޭގޮތުން އެމީހުން ދައްކާ ވާހަކަތަކަކީ މޮޔަ ވާހަކަތަކެވެ. ރޮމޭންޓިކް ޚިޔާލުތަކެވެ. ގޯސް ޚިޔާލުތަކެވެ.

ވަގުތަކަށް ސުލްޙަވެރިކަމަކީ ފުލުހުން ހުރަސްނާޅާގޮތަށް ހިތްހަމަޖެހިގެން ވައްކަންކުރެވޭނެ ގޮތެކެވެ. ކޮންޓްރެބެންޑް ކުރާ މީހުންނަށް ސުލްޙަވެރިކަމަކީ އެމީހުންގެ ކޮންޓްރެބެންޑް މުދާ އެއްވެސް ތަނަކަށް، އެއްވެސް މަނާކުރުމެއްނެތި ވެއްދޭނެ ގޮތެކެވެ. ރައްޔިތުން ބަނޑަށް ޖައްސާ މީހުންނަށް ސުލްޙަވެރިކަމަކީ ރަނގަޅު އަގެއްގައި ވިއްކާ، ސަރުކާރުގެ އޮފިޝަލް އިންސްޕެކްޓަރުން މަނާނުކުރާ ގޮތަށް މީހުންގެ ނާޖާއިޒު ފައިދާ ނެގޭނެ ގޮތެކެވެ. ޖިންސީ ގުޅުން ހިންގާ އަންހެނުންނަށް ސުލްޙަވެރިކަމަކީ އެމީހުންގެ އެނދުގައި އުފާލިބިގަނެ ހުރިހާ ފިރިހެނުންގެ މަންފާ ނަގަން ސިއްޙީ ނުވަތަ ފުލުހުންގެ އެއްވެސް ބާރަކުން އެމީހުންގެ ދިރިއުޅުމަށް އެއްވެސް އަސަރެއް ނުކުރާނެ ގޮތެކެވެ.

ކޮންމެ މީހަކުވެސް ސުލްޙަވެރިކަމާއި ބެހޭގޮތުން ސިކުނޑީގައި ފަންސާސްހާސް މޮޔަ ޚިޔާލުތައް ހަދައެވެ. ކޮންމެ މީހަކުވެސް އެމީހާގެ ވަށައިގެން ދޮގު ޚިޔާލުތަކާއި، ޤަބޫލުކުރުންތަކާއި، ވާހަކަތަކާއި، މޮޔަ ޚިޔާލުތަކުގެ އަނިމާ ދަމަން މަސައްކަތްކުރެއެވެ.

ކޮންމެ މީހަކުވެސް ސުލްޙަވެރިކަން ބޭނުންވަނީ އެމީހާ ބޭނުންވާގޮތަށެވެ. އެމީހާގެ ރުހުމަށެވެ. އެމީހާގެ އާދަތަކަށެވެ. ގޯސް އާދަތަކަށެވެ. ކޮންމެ މީހަކުވެސް އެމީހާގެ އަމިއްލަ ސުލްޙަވެރިކަމުގައި ދިރިއުޅުމަށްޓަކައި ހިމާޔަތްދޭ ފާރެއްގެ ތެރޭގައި އަމިއްލަ ނަފްސު ބަންދުކުރަން ބޭނުންވެއެވެ.

މީހުން ސުލްޙަވެރިކަމަށްޓަކައި ހަނގުރާމަކުރެއެވެ. އެއަށް އެދެއެވެ. އެއަށް ބޭނުންވެއެވެ. އެކަމަކު ސުލްޙަވެރިކަމަކީ ކޮންއެއްޗެއްކަން ނޭނގެއެވެ. މީހުން ބޭނުންވަނީ އެމީހުންނަށް އެއްވެސް މީހަކު އުނދަގޫ ނުކުރުމެވެ. އެމީހުންގެ ހުރިހާ ނުބައިކަންތައްތައް ވަރަށް ހިތްހަމަޖެހިގެން އަދި ފަސޭހައިން ކުރިއަށްގެންދަން ބޭނުންވެއެވެ. އެއީ އެމީހުން ސުލްޙަވެރިކަމޭ ކިޔާ އެއްޗަކީއެވެ.

މީހުން ކޮންމެ ނުބައިކަމެއް ކުރިޔަސް މުހިންމެއްނޫނެވެ. ކޮންމެ މީހަކުވެސް އެމީހާ ކުރާ ކަންތައް ރަނގަޅުކަމަށް ގަބޫލުކުރެއެވެ. މީހުންނަށް އެންމެ ނުބައި ކުށްތަކަށްވެސް ސަބަބުތައް ފެނެއެވެ. މީހާ ހިތާމަވެރިވެއްޖެނަމަ އެހިތާމަވެރިކަމުން ސަލާމަތްވާން ބޯއެވެ. އުފާވެރިވެއްޖެނަމަ އުފާވެރިކަމުން ސަލާމަތްވާން ބޯއެވެ. އެހެންވީމާ ބޯމީހާ އަބަދުވެސް ބަނގުރަލުގެ އާދަ އިންސާފުވެރިކުރެއެވެ. ހުރިހާ މީހުންވެސް އެފަދައިންނެވެ. ކޮންމެ ކުށަކަށްވެސް ސަބަބުތައް ފެންނާނެއެވެ. އެކަކުވެސް އެމީހާ ނުބައިކަމަށް ގަބޫލެއްނުކުރާނެއެވެ. ހުރިހާ އެންމެންވެސް އެމީހުން އިންސާފުވެރި އަދި ތެދުވެރިކަމަށް ބުނެއެވެ.

ވަރަށްގިނަ މީހުން ހީކުރަނީ ސުލްޙަވެރިކަމަކީ މަސައްކަތެއްނެތި ހިތްހަމަޖެހިގެން އަދި އެއްވެސް އުނދަގުލެއްނެތި ރޮމޭންޓިކް ޚިޔާލުތަކުން ފުރިފައިވާ ދުނިޔެއެއްގައި އުޅެވޭނެ ގޮތެއްކަމަށެވެ.

ސުލްޙަވެރިކަމާއި ބެހޭގޮތުން އެތައް މިލިއަން ގޯސް ޚިޔާލުތަކާއި ވާހަކަތައް އެބަހުއްޓެވެ. އަހަރެމެން ދިރިއުޅޭ މި ހިތާމަވެރި ދުނިޔޭގައި ކޮންމެ މީހަކުވެސް އެމީހާގެ ސުލްޙަވެރިކަން ހޯދަން ބޭނުންވެއެވެ. އެމީހާގެ އަމިއްލަ ޚިޔާލުތަކުގެ ސުލްޙަވެރިކަމެވެ. މީހުން އެމީހުންގެ ހުވަފެންތަކުގެ ސުލްޙަވެރިކަން ދުނިޔެއިން ދައްކަން ބޭނުންވެއެވެ. އެމީހުންގެ ޚާއްޞަ ސުލްޙަވެރިކަމެވެ. އެހެންނަމަވެސް އެމީހުންގެ ތެރޭގައި ހަނގުރާމަތައް އުފައްދާ ސައިކޮލޮޖިކަލް ކަންތައްތައް ބާއްވައިގެންނެވެ.

މިދުވަސްވަރަކީ ދުނިޔޭގެ އިޤްތިޞާދީ މައްސަލަތައް ގިނަ ދުވަސްވަރަކަށްވުމުން މަޝްހޫރުވާން ބޭނުންވާ ކޮންމެ މީހަކުވެސް ސުލްޙަވެރިކަން ޤާއިމުކުރާ ޖަމުޢިއްޔާތައް ހަދާ، އިޝްތިހާރުދީ އަދި ސުލްޙަވެރިކަމުގެ ޗެމްޕިއަނަކަށް ވެއެވެ. އަހަރެމެން ހަނދާން ބަހައްޓަންވާނީ ވަރަށް ގިނަ މޮޅު ސިޔާސީ މީހުން ސުލްޙަވެރިކަމަށް ނޯބެލް އިނާމު ހާސިލުކޮށްފައިވާކަމެވެ. އެމީހުންގެ އަމިއްލަ ސަބަބަކުން އެތައް ގަބުރުސްތާނެއް ހަދާފައިހުރެއެވެ. އެމީހުން ފޮރުވައިގެން އެތައް މީހުން މަރާލާނެއެވެ.

އަދި އިންސާނިއްޔަތަށް ހެޔޮއެދޭ އަސްލު މުދައްރިސުންވެސް އެބަތިއްބެވެ. އެމީހުން ދުނިޔޭގެ ކޮންމެ ތަނެއްގައި އަމިއްލަ ނަފްސު ހަލާކުކޮށްލުމުގެ އުސޫލު ދަސްކޮށްދީ އެކަމަށް ގުރުބާންވެއެވެ. އެ މުދައްރިސުންނަށް އެމީހުންގެ އަމިއްލަ ތަޖުރިބާއިން އެނގޭ އެމީހުންގެ ތެރޭގައި ގެންގުޅޭ ނުބައި ސިފަތައް ދޫކޮށްލީމާ ހިތުގެ ސުލްޙަވެރިކަން އަންނާނެކަމެވެ.

ކޮންމެ އިންސާނެއްގެ ތެރޭގައި ރުޅިވެރިކަމާއި، ދަހިވެތިކަމާއި، ހަސަދަވެރިކަމާއި، ލޯބިވެތިކަމާއި، ފައިސާހޯދުމުގެ ރޫޙާއި، މޮޔަކަމާއި، ބޮޑާކަމާއި އެފަދަ ސިފަތައް ހުރިހާ ހާލެއްގައިވެސް ހަނގުރާމަތައް އަންނާނެއެވެ.

ދުނިޔޭގައި ސުލްޙަވެރިކަން ހޯދާފައިވާކަމަށް ބުނާ މީހުން އަހަރެމެންނަށް އެނގެއެވެ. އެ މީހުންގެ އުޅުމާއި ޚުލްޤު އަހަރެމެން ރަނގަޅަށް ދިރާސާކޮށްފައި އެ މީހުންނަށް ސުލްޙަވެރިކަން ކުޑަކޮށްވެސް ނޭނގޭކަން އަހަރެމެންނަށް ފާހަގަ ކުރެވިއްޖެއެވެ. އަދި އެމީހުންގެ އެކަނިވެރިކަމުން ހިތްހަމަޖައްސާލައިގެން ހުންނަ އާދައެއްގެ ތެރޭގައި ނުވަތަ ޚާއްޞަ ޤަބޫލުކުރުންތަކެއްގެ ތެރޭގައި ބަންދުވެފައިވާތީ އަހަރެމެންނަށް ފާހަގަ ކުރެވިއްޖެއެވެ. އެކަމަކު އެމީހުންނަށް ހަމަހިމޭން ހިތުގެ ހަޤީޤީ ސުލްޙަވެރިކަމުގެ ތަޖުރިބާއެއް ކުޑަކޮށްވެސް ނުކުރެވޭނެއެވެ. ޙަޤީޤަތުގައި އެ މީހުން ހަދާފައިވަނީ އަމިއްލައަށް ހަދާފައިވާ ސުލްޙަވެރިކަމެވެ. އެއީ އެމީހުންގެ ނޭނގުމުގެ ސަބަބުން ހިތުގެ އަސްލު ސުލްޙަވެރިކަމާއި އެއްގޮތްކަމަށް އެމީހުން ހީކުރާ ސުލްޙަވެރިކަމެވެ.

އަހަރެމެންގެ ތަޢައްސުބުތަކާއި، ޤަބޫލުކުރުންތަކާއި، ޚިޔާލުތަކާއި، އެދުންތަކާއި، އާދަތަކުގެ ގޯސް ފާރުތަކުގެ ތެރެއިން ސުލްޙަވެރިކަން ހޯދުމަކީ މޮޔަކަމެކެވެ.

ސިކުނޑީގައި ރުޅިވެރިކަމާއި، ދެބަސްވުންތަކާއި، މައްސަލަތަކާއި، ހަނގުރާމަތައް އުފައްދާ ސައިކޮލޮޖިކަލް ކަންތައްތައް ހުރިހާ ހާލެއްގައި އަސްލު ސުލްޙަވެރިކަމެއް ނުލިބޭނެއެވެ.

އަސްލު ސުލްޙަވެރިކަން އަންނަނީ ރަނގަޅަށް ވިސްނާފައިވާ ރީތިކަމުންނެވެ.

ހަމަހިމޭން ހިތެއްގެ ރީތިކަމުން ސުލްޙަވެރިކަމުގެ މީރުވަހެއް ދުވާނެއެވެ.

އެކުވެރިކަމުގެ ރީތިކަން އިހުސާސްކުރުން މުހިންމެވެ. އަދި އަދަބުވެރިކަމުގެ ވަހަށް ލޯބިކުރުން މުހިންމެވެ.

ބަހުގެ ރީތިކަން ވިސްނުން މުހިންމެވެ. އަހަރެމެންގެ ވާހަކަތަކުގެ ތެރޭގައި ތެދުވެރިކަން ހިމެނޭންވާނެއެވެ. ތާޅަފިލި ނެތް، ހަމަނުޖެހޭ، ހުތުރު، މޮޔަ ވާހަކަތައް އަހަރެމެން ބޭނުންކޮށްގެން ނުވާނެއެވެ.

ކޮންމެ ލަފްޒަކީވެސް ސިންފޮނީއަކަށް ވާންވާނެއެވެ. ކޮންމެ ޖުމުލައެއްވެސް ރޫޙާނީ ރީތިކަމުން ފުރިގެންވާންވާނެއެވެ. ވާހަކަދައްކަން ޖެހޭތާ ވާހަކަނުދައްކާ ހުރުމަކީ ނުބައިކަމެކެވެ. އަދި ވާހަކަދައްކަން ޖެހޭތާ ވާހަކަނުދައްކާ ހުރުމަކީވެސް ނުބައިކަމެކެވެ. ކުށްވެރިވެވޭ ހިމޭންކަމެއްވެއެވެ. އަދި ނުބައި ވާހަކަތަކެއްވެއެވެ.

ބައެއް ފަހަރު ވާހަކަދެއްކުމަކީ ކުށެކެވެ. ބައެއް ފަހަރު ވާހަކަނުދެއްކުމަކީވެސް ކުށެކެވެ. ވާހަކަދައްކަން ޖެހޭއިރު ވާހަކަދައްކާ ހިމޭނުން ހުންނަން ޖެހޭއިރު ހިމޭނުން ހުންނަންވާނެއެވެ.

ލަފްޒުތަކުން ކުޅެން ނުވާނެއެވެ. ސަބަބަކީ އެއީ ޒިންމާދާރުކަމެއް އޮތް ކަމަކަށްވާތީއެވެ.

ކޮންމެ ލަފްޒެއް ބޭރުކުރުމުގެ ކުރިން ރަނގަޅަށް ބަލަންވާނެއެވެ. ސަބަބަކީ ކޮންމެ ލަފްޒަކުންވެސް ދުނިޔޭގައި ފައިދާހުރި އަދި ފައިދާނެތް ވަރަށްގިނަ ކަންތައް އުފެދިދާނެއެވެ. ވަރަށްގިނަ ފައިދާތައް ނުވަތަ ވަރަށްގިނަ ގެއްލުންތައްވެސް އުފެދިދާނެއެވެ.

އަހަރެމެންގެ ހަރަކާތްތަކާއި، އާދަތަކާއި، ހެދުންލުމާއި، ހުރިހާ ވައްތަރެއްގެ އަމަލުތައް ސަލާމަތްކުރަންވާނެއެވެ. އަހަރެމެންގެ ހަރަކާތްތައް އަދި އަހަރެމެންގެ ހެދުމާއި މޭޒުކައިރީގައި އިށީނުން އަދި ކެއުމުގައި އުޅޭގޮތާއި، ސަލާމްބުނާ ގޮތާއި، އޮފީހުގައި އުޅޭގޮތާއި، މަގުމަތީގައި އުޅޭގޮތާއި އެފަދަ ހުރިހާ ކަމެއްވެސް ރީތިކަމާއި އެއްބައިވަންތަކަމުން ފުރިގެންވާންވާނެއެވެ.

ދީލަތިވަންތަކަމުގެ ރީތިކަން ވިސްނަން އެނގެންވާނެއެވެ. ރަނގަޅު މިޔުޒިކްގެ ރީތިކަން އިހުސާސްކުރަން އެނގެންވާނެއެވެ. އުފެއްދުންތެރި އާޓްގެ ރީތިކަމަށް ލޯބިކުރަން އެނގެންވާނެއެވެ. އަހަރެމެންގެ ވިސްނުމާއި އިހުސާސްކުރުމާއި އަމަލުކުރުމުގެ ގޮތް ރަނގަޅުކުރަން އެނގެންވާނެއެވެ.

އެންމެ މަތީ ދަރަޖައިގެ ރީތިކަން އަހަރެމެންގެ ތެރޭގައި އުފެދެނީ އަމިއްލަ ނަފްސު އެއްކޮށް މަރުވުމުންނެވެ.

އަހަރެމެންނީ ހުތުރު، ބިރުވެރި، އަދި ފޫހި މީހުންނެވެ. އެއީ އަހަރެމެންގެ ސައިކޮލޮޖިކަލް ނަފްސު ދިރިހުރިހާ ދުވަހަކުއެވެ. އެއްކޮށް ރީތިވުމަކީ އަމިއްލަ ނަފްސު ވަކިވަކިވެފައިވީހާ ހިނދަކު ނުވާނެ ކަމެކެވެ.

އަހަރެމެންނަށް ސުލްޙަވެރިކަން ބޭނުންނަމަ އަމިއްލަ ނަފްސު ވިއްސިވިހާރުވެގެންދާނެއެވެ. އޭރުން އަހަރެމެންގެ އެތެރެ ރީތިވާނެއެވެ. އެ ރީތިކަމުގެ ތެރެއިން ލޯބި އުފެދޭނެއެވެ. އަދި ހިތުގެ އަސްލު ސުލްޙަވެރިކަން ލިބޭނެއެވެ.

އުފެއްދުންތެރި ސުލްޙަވެރިކަމުން އަމިއްލަ ނަފްސުގެ ތެރޭގައި އަމުރުވެރިކަން ގެނެސްދެއެވެ. އޮޅުންބޮޅުންތައް ނެތިކޮށްލާ ރަނގަޅު އުފާވެރިކަމުން އަހަރެމެން ފުރާލައެވެ.

ސިކުނޑިއަކަށް އަސްލު ސުލްޙަވެރިކަމަކީ ކޮންއެއްޗެއްކަން ނުވިސްނޭނެކަން އެނގެންވާނެއެވެ. މަސައްކަތުން ނުވަތަ ސުލްޙަވެރިކަމަށް އިޝްތިހާރު ދިނުމަށް ޚާއްޞަ ޖަމުޢިއްޔާއަކަށް ނިސްބަތްވާތީއަކީ ހަމަހިމޭން ހިތެއްގެ ސުލްޙަވެރިކަން އަހަރެމެންނަށް ލިބޭނެ ކަމެއް ނޫނެވެ.

އަހަރެމެންގެ ސިކުނޑިއާއި ހިތުގައި ކުށެއްނެތްކަން އަލުން ހޯދުމުން ސުލްޙަވެރިކަން އަހަރެމެންނަށް ލިބޭނެއެވެ. ރީތި ކުދިކުދިންނެކޭ އެއްފަދައިން ރީތި ހުރިހާ ކަންތައްތަކަށް އަދި ހުތުރު ހުރިހާ ކަންތައްތަކަށްވެސް އިހުސާސްކުރަން ފަސޭހަވާ ހިނދުގައެވެ. ހެޔޮ ހުރިހާ ކަންތައްތަކަށް އަދި ނުބައި ހުރިހާ ކަންތައްތަކަށްވެސް އިހުސާސްކުރަން ފަސޭހަވާ ހިނދުގައެވެ. މީރު ހުރިހާ ކަންތައްތަކަށް އަދި ހިތި ހުރިހާ ކަންތައްތަކަށްވެސް އިހުސާސްކުރަން ފަސޭހަވާ ހިނދުގައެވެ.

ސިކުނޑިންވެސް އަދި ހިތުންވެސް ގެއްލިފައިވާ ކުޑަކުޑަ ދުވަސްވަރު އަލުން ހޯދަންވާނެއެވެ.

ސުލްޙަވެރިކަމަކީ ވަރަށްބޮޑު، ފުޅާ އަދި ނިމުމެއްނެތް އެއްޗެކެވެ. އެއީ ސިކުނޑިން އުފައްދާފައިވާ އެއްޗެއްނޫނެވެ. އެއީ ކަމެއް ހިތަށްއެރުމުން އުފައްދާ އެއްޗެއް ނުވަތަ ޚިޔާލަކުން އުފައްދާ އެއްޗެއް ނޫނެވެ. ސުލްޙަވެރިކަމަކީ އެޓޮމިކް މާއްދާއެކެވެ. އެއީ ހެޔޮކަމާއި ނުބައިކަމުގެ ފުރަޔަށްވުރެ މާ މައްޗަށްވާ މާއްދާއެކެވެ. އެއީ އެއްވެސް އަޚްލާޤިއްޔާތަކަށްވުރެ މައްޗަށްވާ މާއްދާއެކެވެ. އެ މާއްދާ އުފެދިގެން އަންނަނީ މުޠުލަޤު އެތެރެއިންނެވެ.