އަނދިރިކަން

އަހަރެމެންގެ ޒަމާނުގެ އެންމެ އުނދަގޫ މައްސަލަތަކުގެ ތެރެއިން އެއް މައްސަލައަކީ ޔަގީނުންވެސް ތިއަރީތަކުގެ އޮޅުންބޮޅުން ބޮޑު ލެބޮރެޓަރީއެވެ.

ޝައްކެއްވެސް ނެތް ގޮތުގައި، މި ދުވަސްވަރު ސޫޑޯ-އެސޮޓެރިސްޓް އަދި ސޫޑޯ-އޮކަލްޓިސްޓް މަދަރުސާތައް މިތާނގަޔާއި އެތާނގަޔާއި އެހެން ހުރިހާ ތާކުވެސް ވަނީ އިންތިހާއަށް ގިނަވެފައެވެ.

ނަފްސުތަކާއި، ފޮތްތަކާއި، ތިއަރީތަކުގެ ވިޔަފާރިއަކީ ބިރުވެރި ވިޔަފާރިއެކެވެ. ވަރަށް މަދު މީހަކަށް މެނުވީ އެތައް ފުށުއަރާ ޚިޔާލުތަކެއްގެ ޖާލުގައި ހަގީގީ ސިއްރު މަގު ހޯދޭނެއެވެ.

މިހުރިހާ ކަމެއްގެ ތެރެއިންވެސް އެންމެ ނުރައްތެރި ކަމަކީ ބުއްދީގެ ގޮތުން މޮޔަވުމެވެ. ސިކުނޑިއަށް އަންނަ ކޮންމެ އެއްޗަކުންވެސް ހަމައެކަނި ބުއްދީގެ ގޮތުން ކާނާ ހޯދުމުގެ މިލާނެއް އެބަހުއްޓެވެ.

ބުއްދީގެ އެކި މަގުތަކުގައި އުޅޭ މީހުންނަކަށް ފޮތް މާރުކޭޓުތަކުގައި އާންމުކޮށް ލިބެންހުންނަ އެ ހުރިހާ ސަބްޖެކްޓިވް އަދި ޖެނެރަލް ލައިބްރަރީއަކުން ހިތްހަމައެއް ނުޖެހެއެވެ. އެހެންނަމަވެސް މިހާރު އެންމެ ބޮޑަށް ހިތްހަމަޖެހި، ހަޖަމުނުވެ ހުންނަނީ ކޮންމެ ތާކުވެސް ގަސްގަހާގެހި ފަދައިން ފެތުރިފައިވާ އަގުހެޔޮ ސޫޑޯ-އެސޮޓެރިޒަމް އަދި ސޫޑޯ-އޮކަލްޓިޒަމްއިންނެވެ.

މި ހުރިހާ ވާހަކަތަކުގެ ނަތީޖާއަކީ ބުއްދީގެ މަކަރުވެރިންނަށް ފާޅުވާ ހައިރާންކަމާއި މަގުއޮޅުމެވެ.

އަހަންނަށް އަބަދުވެސް އެކި ބާވަތުގެ ސިޓީތަކާއި ފޮތްތައް ލިބެއެވެ. ފޮނުވާ މީހުން އަބަދުވެސް އަހަރެންނާ އެ ސުކޫލަކާ ބެހޭގޮތުން ނުވަތަ އެ ފޮތަކާ ބެހޭގޮތުން ސުވާލުކުރެއެވެ. އަހަރެން ހަމައެކަނި ދޭނީ މި ޖަވާބެވެ: ތިޔަބޭފުޅާގެ ސިކުނޑި ހުސްކޮށް ބަހައްޓަވާށެވެ. އެހެން މީހުންގެ ދިރިއުޅުމާ ބެހޭގޮތުން ތިޔަބޭފުޅާގެ ސަމާލުކަމެއް ދޭކަށް ނުޖެހެއެވެ. ކިއުރިއޯސިޓީގެ ޖަނަވާރުގެ މިނަވަސް ނައްތާލައްވާށެވެ. އެހެން މީހުންގެ މަދަރުސާތަކާ ބެހޭގޮތުން ތިޔަބޭފުޅާގެ ސަމާލުކަމެއް ދޭކަށް ނުޖެހޭނެއެވެ. ސީރިއަސްވެވަޑައިގަންނަވާށެވެ. އަމިއްލަ ނަފްސު ދެނެވަޑައިގަންނަވާށެވެ. އަމިއްލަ ނަފްސު ދިރާސާކުރައްވާށެވެ. އަމިއްލަ ނަފްސަށް ބައްލަވާށެވެ.

ހަގީގަތުގައި މުހިއްމީ އަމިއްލަ ނަފްސު ސިކުނޑީގެ ހުރިހާ ފެންވަރަކުންވެސް ފުންކޮށް ދެނެގަތުމެވެ.

އަނދިރިކަމަކީ ހޭލުންތެރިކަމެއް ނެތުމެވެ. އަލިކަމަކީ ހޭލުންތެރިކަމެވެ. އަހަރެމެން އަލިކަން އަހަރެމެންގެ އަނދިރިކަމުގެ ތެރެއަށް ވަނުމަށް ދޭންވާނެއެވެ. ހަމަ ޔަގީނުންވެސް އަލިކަމުގައި އަނދިރިކަމުގެ މައްޗަށް ގަދަވުމުގެ ބާރު އެބަހުއްޓެވެ.

ނަގަބަދުނަސީބުން މީހުން އަމިއްލަ ނަފްސު ހައްޔަރުކޮށްގެން ތިބެނީ އަމިއްލަ ސިކުނޑީގެ ވަސްގަދަ އަދި މުޑުދާރު މާހައުލުގެ ތެރޭގައެވެ. އަދި އެމީހުންގެ ލޯބިވާ އީގޯއަށް އަޅުކަން ކުރަމުންނެވެ.

އެމީހުންގެ އަމިއްލަ ދިރިއުޅުމުގެ ވެރިންނަކީ އެމީހުން ނޫންކަން ދެނެގަންނަން ބޭނުމެއް ނުވެއެވެ. ޔަގީނުންވެސް ކޮންމެ މީހަކުވެސް އެތެރެއިން އެތައް ބައެއްގެ ކޮންޓްރޯލްގެ ދަށުގައި ވެއެވެ. އަހަރެން މި އިޝާރާތްކުރަނީ އަހަރެމެންގެ އެތެރޭގައިވާ އެތައް އަހަރެމެންތަކަކަށެވެ.

ފާޅުކަން ބޮޑު ގޮތެއްގައި އެ އަހަރެމެންތަކުން ކޮންމެ އެކަކުވެސް އަހަރެމެންގެ ސިކުނޑިއަށް އަހަރެމެން ވިސްނަންޖެހޭ އެއްޗާއި އަހަރެމެންގެ ދުލުން ދައްކަންޖެހޭ ވާހަކައާއި އަހަރެމެންގެ ހިތުން އިހުސާސްކުރަންޖެހޭ އެއްޗެއް ލައްވައެވެ.

މި ހާލަތުގައި އިންސާނީ ޝަޚްސިއްޔަތަކީ މުހިއްމު މަރުކަޒީ އޯގަނިކް މެޝިން ކޮންޓްރޯލްކުރުމަށް އެދޭ، އެއްބަޔަކު އަނެއްބަޔަކުގެ މައްޗަށް ގަދަވެ ވެރިވުމަށް މަސައްކަތްކުރާ އެކި މީހުންގެ ސަރުކާރު ހިންގާ ރޮބޮޓަކަށް ވުރެ އިތުރެއް ނޫނެވެ.

ހަގީގަތުގެ ނަމުގައި އަހަރެމެން ހަމަޔަގީނުންވެސް ބުނަންވީ ހަގީގީ އިންސާނުންނޭ ހީކުރާ ނިކަމެތި ޖަނަވާރު، ވަރަށް ބޮޑަށް ހަމަހަމަވެފައިވާނޭ ހީކުރިނަމަވެސް އުޅެނީ ނަފްސާނީ ގޮތުން ފުރިހަމަ ނުތަނަވަސްކަމެއްގެ ތެރޭގައެވެ.

ބުއްދިވެރި މޭމަލް އެއްގޮތަކަށްވެސް އެއްފަރާތަކަށް ލެނބިފައި ނުހުރެއެވެ. އެހެން ވެއްޖެނަމަ ހަމަހަމަވާނެއެވެ.

ނަގަބަދުނަސީބުން ބުއްދިވެރި ޖަނަވާރަކީ އެތައް ފަރާތަކަށް ލެނބިފައިވާ އެއްޗެކެވެ. އަދި އެކަން ވަރަށް ރަނގަޅަށް ސާބިތުވެއެވެ.

އިންސާނިއްޔަތުގެ ސިފަ ލިބިފައިވާ މީހާއަށް ހަމަހަމަވެވޭނީ ކިހިނެތް ހެއްޔެވެ؟ ފުރިހަމަ ހަމަހަމަކަމެއް ވުޖޫދުވުމަށް ހޭލުންތެރިކަން ބޭނުންވެއެވެ.

ހަމައެކަނި އަހަރެމެންގެ އަމިއްލަ ނަފްސުގެ މައްޗަށް ފުރިހަމަ މެދުތެރެއަކުން، ކަނަކަނުން ނޫން ގޮތަކަށް، އަމާޒުކުރެވިފައިވާ ހޭލުންތެރިކަމުގެ އަލީގައި، އިހުސާސްތަކުގެ ތަފާތުތަކާއި، ނަފްސާނީ ފުށުއެރުންތައް ނިމުމަކަށް ގެނެސް އަދި އަހަރެމެންގެ ތެރޭގައި ހަގީގީ އެތެރޭގެ ހަމަހަމަކަން ގާއިމުކުރެވޭނެއެވެ.

އަހަރެމެންގެ އެތެރޭގައި ގެންގުޅޭ އެ ހުރިހާ އަހަރެމެންތަކެއް ވިރުވައިލައިފިނަމަ، ހޭލުންތެރިކަން އަންނާނެއެވެ. އަދި އެއާއެކު އަހަރެމެންގެ އަމިއްލަ ނަފްސުގެ ހަގީގީ ހަމަހަމަކަން އަންނާނެއެވެ.

ނަގަބަދުނަސީބުން މީހުން އެމީހުން ދިރިއުޅޭ ހޭލުންތެރިކަމެއް ނެތްކަން ދެނެގަންނަން ބޭނުމެއް ނުވެއެވެ. އެމީހުން ތިބެނީ ފުން ނިންޖެއްގައެވެ.

މީހުން ހޭލާ ތިއްބާނަމަ ކޮންމެ މީހަކަށްވެސް އޭނާގެ އަވައްޓެރިން އޭނާގެ އަމިއްލަ ނަފްސުގެ ތެރެއިން އިހުސާސްކުރެވޭނެއެވެ.

މީހުން ހޭލާ ތިއްބާނަމަ އަހަރެމެންގެ އަވައްޓެރިންނަށް އެމީހުންގެ އެތެރެއިން އަހަރެމެން އިހުސާސްކުރެވޭނެއެވެ.

އޭރުން ޔަގީނުންވެސް ހަނގުރާމަތައް ނުހިނގާނެއެވެ. އަދި މުޅި ދުނިޔެ ހަގީގަތުގައި ސުވަރުގެއަކަށް ވާނެއެވެ.

ހޭލުންތެރިކަމުގެ އަލި، އަހަރެމެންނަށް ހަގީގީ ނަފްސާނީ ހަމަހަމަކަން ދީ އަހަރެމެންގެ ކޮންމެ ކަމެއްވެސް އެކަމެއްގެ ހައްގު މަގާމުގައި ބަހައްޓާނެއެވެ. އަދި ކުރިން އަހަރެމެންނާ އަމިއްލައަށް ޖެހުނު ކޮންމެ ކަމެއްވެސް އެކަމެއްގެ ހައްގު މަގާމުގައި ބަހައްޓާނެއެވެ.

އެހާ ގިނަ ބަޔަކު ހޭލުންތެރިކަމެއްނެތި ތިބޭތީ، އަލިކަމާއި ހޭލުންތެރިކަމާ ދެމެދު ވާ ގުޅުންވެސް ހޯދާކަށް ނުކުޅަދާނެވެ.

ޝައްކެއްވެސްނެތް ގޮތުގައި އަލިކަމާއި ހޭލުންތެރިކަމަކީ އެއްކަމެއްގެ ދެ ސިފައެވެ. އަލިކަމެއް ވާތަނެއްގައި ހޭލުންތެރިކަން ވެސް ވާނެއެވެ.

ހޭލުންތެރިކަމެއް ނެތުމަކީ އަނދިރިކަމެވެ. އަދި އެއަނދިރިކަން އޮތީ އަހަރެމެންގެ އެތެރޭގައެވެ.

ހަމައެކަނި ނަފްސާނީ އޮޓޯ އޮބްޒަވޭޝަން މެދުވެރިކޮށްގެން އަހަރެމެންގެ އަމިއްލަ އަނދިރިކަމުގެ ތެރެއަށް އަލިކަން ވަނުމަށް އަހަރެމެން ފުރުސަތު ދެނީއެވެ.

“އަލިކަން އަނދިރިކަމުގެ ތެރެއަށް އައެވެ. އެހެންނަމަވެސް އަނދިރިކަމަކަށް އެއަލިކަމެއް ވިސްނައެއް ނުގަނެވުނެވެ.”