މެކޭނިކަލް މަޚްލޫޤުން

އަހަރެމެންގެ ދިރިއުޅުމުގެ ކޮންމެ ވަގުތެއްގައިވެސް ތަކުރާރުވުމުގެ ޤާނޫނު ހިނގަމުންދާކަން އެއްގޮތަކަށްވެސް ދެކޮޅެއް ނުހެދޭނެއެވެ.

ހަމަކަށަވަރުންވެސް އަހަރެމެންގެ ކޮންމެ ދުވަހެއްގެ ދިރިއުޅުމުގައިވެސް ކަންތައްތައް ތަކުރާރުވުމާއި، ހޭލުންތެރިކަމުގެ ޙާލަތުތަކާއި، ބަސްތަކާއި، އެދުންތަކާއި، ޚިޔާލުތަކާއި، ޤަޞްދުތައް ފަދަ ކަންތައްތައް ހިމެނެއެވެ.

އަމިއްލަ ނަފްސު ދެނެގަތުމަށް މަސައްކަތް ނުކުރާ މީހަކަށް މިގޮތަށް ކޮންމެ ދުވަހަކުވެސް ހުއްޓުމެއްނެތި ކަންތައްތައް ތަކުރާރުވާކަން ނޭނގޭކަން އެއީ ފާހަގަ ކުރެވޭނެ ކަމެކެވެ.

އަމިއްލަ ނަފްސު ދެނެގަތުމަށް އެއްވެސް ޝައުޤުވެރިކަމެއް ނެތް މީހަކު، ހަޤީޤީ ބޮޑު ބަދަލެއް ގެނައުމަށް މަސައްކަތް ކުރާކަށްވެސް ބޭނުމެއް ނުވާނެއެވެ.

އެންމެ ދެރައީ، ބައެއް މީހުން އަމިއްލަ ނަފްސަށް މަސައްކަތް ނުކޮށްވެސް ބަދަލު ގެންނަން ބޭނުންވުމެވެ.

ކޮންމެ މީހަކަށްވެސް ރޫޙާނީ އުފާވެރިކަމުގެ ހައްޤު ލިބިގެންވާކަން އަހަރެމެން ދެކޮޅެއް ނުހަދަމެވެ. ނަމަވެސް ހަމަ ޔަޤީނުންވެސް އުފާވެރިކަމަކީ، އަމިއްލަ ނަފްސަށް މަސައްކަތް ނުކޮށް ލިބޭނެ އެއްޗެއް ނޫނެވެ.

މީހަކަށް އެމީހެއްގެ ހިތަށް ބަދަލު ގެނެވޭނީ، ކޮންމެ ދުވަހަކުވެސް ދިމާވާ ކަންތައްތަކަށް އޭނާގެ ހަރަކާތްތައް ބަދަލުކުރެވިގެންނެވެ.

އަހަރެމެންގެ އަމަލުތައް ބަދަލުކުރެވޭނީ، އަމިއްލަ ނަފްސަށް ވަރަށް ބޮޑަށް މަސައްކަތް ކޮށްގެންނެވެ.

އަހަރެމެން ވިސްނާގޮތް ބަދަލުކުރަން ޖެހެއެވެ. އިހުމާލުވުން ކުޑަކޮށް، އިތުރަށް ސީރިއަސްވެ، ދިރިއުޅުމަށް ތަފާތު ނަޒަރަކުން، ހަޤީޤީ އަދި އަމަލީ މާނައިގައި ބަލަން ޖެހެއެވެ.

އަހަރެމެން މިހާރު މިތިބި ގޮތަށް، ކޮންމެ ދުވަހަކުވެސް އެއްގޮތަކަށް އުޅެމުންދާނަމަ، އަބަދުވެސް ކުރާ އެއްކަހަލަ ކުށްތައް ކުރަމުންދާނަމަ، އަބަދުވެސް އޮންނަ އިހުމާލުތަކާއެކު ކުރިއަށްދާނަމަ، ބަދަލު ގެނައުމުގެ ކޮންމެ ފުރުސަތެއްވެސް ނެތިގެންދާނެއެވެ.

އަމިއްލަ ނަފްސު ދެނެގަންނަން ބޭނުންވާނަމަ، ދިރިއުޅުމުގެ ކޮންމެ ދުވަހަކުވެސް ދިމާވާ ކަންތައްތަކަށް އަމިއްލަ އުޅުމާއިމެދު ވިސްނާ ފިކުރުކުރަން ފަށަންވާނެއެވެ.

އަހަރެމެން މިބުނަނީ، ހަމައެކަނި ކޮންމެ ދުވަހަކު އަމިއްލަ ނަފްސަށް ވިސްނާ ފިކުރުކުރަން ޖެހޭ ވާހަކައެއް ނޫނެވެ. އަހަރެމެން ބުނަން ބޭނުންވަނީ އެންމެ ފުރަތަމަ ދުވަހު ފަށަން ޖެހޭ ވާހަކައެވެ.

ކޮންމެ ކަމެއްގެވެސް ފެށުމެއް އޮންނަން ޖެހެއެވެ. އަދި ދިރިއުޅުމުގެ ކޮންމެ ދުވަހަކުވެސް އަމިއްލަ ނަފްސަށް ވިސްނާ ފިކުރުކޮށް އުޅުމަކީ ރަނގަޅު ފެށުމެކެވެ.

ކޮޓަރިތަކާއި، ގެއާއި، ކާގެއާއި، ގޭގެ ކުދިކުދި ކަންތައްތަކާއި، މަގުމަތީގައި، މަސައްކަތުގައި މިފަދަ ހުރިހާ ކަންތައްތަކަށްވެސް ހަރަކާތްތައް ހުންނަގޮތާއި، ބުނާބަސްތަކާއި، އިޙްސާސްތަކާއި، ޚިޔާލުތަކަކީ އެންމެ މުހިންމު ކަންތައްތަކެވެ.

އެންމެ މުހިންމީ، މިހަރަކާތްތައް ބަދަލުކުރާނެ ގޮތް ދެނެގަތުމެވެ. ނަމަވެސް އަހަރެމެން ރަނގަޅު މީހުންނަށް ވެފައި، ހޭލުންތެރިކަމެއްނެތި އަދި ގޯސްކޮށް އުޅެން ނުޖެހޭނެއެވެ.

ހުރިހާ ކަމަކަށްވުރެ މުހިންމީ، އަހަރެމެންނީ މީހުން-މެޝިންކަން ވިސްނުމެވެ. އަހަރެމެންނީ ސިއްރު އެޖެންޓުން ކޮންޓްރޯލްކުރާ ސިމްޕަލް މެރިއަނެޓްތަކެކެވެ. ފޮރުވިފައިވާ “އަހަރެމެންނެވެ”.

އަހަރެމެންގެ ތެރޭގައި އެތައް ބަޔަކު ދިރިއުޅެއެވެ. އަހަރެމެން ދުވަހަކުވެސް އެއްގޮތަކަށް ނުތިބެމެވެ. ބައެއްފަހަރު އަހަރެމެންގެ ތެރޭގައި ދަހި މީހަކު ފާޅުވެއެވެ. އަނެއްފަހަރު ރުޅިގަދަ މީހެކެވެ. އެހެން ވަގުތެއްގައި މޮޅު މީހެކެވެ. އެހެން ވަގުތެއްގައި މޮޅު މީހެކެވެ. ދީލަތިވެރި މީހެކެވެ. ފަހުން ފަޟީހަތްކުރާ މީހެކެވެ. ދޮގުހަދާމީހެކެވެ.

އަހަރެމެންގެ ތެރޭގައި ހުރިހާ ބާވަތެއްގެ މީހުންވެސް އެބަތިއްބެވެ. ހުރިހާ ވައްތަރެއްގެ “އަހަރެމެން” އެބަތިއްބެވެ. އަހަރެމެންގެ ޝަޚްސިއްޔަތަކީ، ހަމައެކަނި މެރިއަނެޓެކެވެ. ވާހަކަ ދައްކާ ބޮޑުބުޅިއެކެވެ. މެކޭނިކަލް އެއްޗެކެވެ.

ދުވަހުގެ ކުޑަ ވަގުތުކޮޅަކަށް ހޭލުންތެރިކަމާއެކު އުޅެން ފަށަމާ ހިންގާށެވެ. ކުޑަ މިނެޓުކޮޅަކަށްވިޔަސް މެޝިންތަކަށްވުން ހުއްޓާލަން ޖެހެއެވެ. މިކަމުގެ ސަބަބުން އަހަރެމެންގެ ދިރިއުޅުމަށް ބޮޑު އަސަރެއް ކުރާނެއެވެ.

އަހަރެމެން އަމިއްލަ ނަފްސަށް ވިސްނާ ފިކުރުކުރާއިރު، ވަކިވަކި “އަހަރެމެން” ބޭނުންވާގޮތަށް ނުކޮށްފިއްޔާ، މެޝިންތަކަށްވުން ހުއްޓާލަން ފަށާނެކަން ޔަޤީނެވެ.

މެޝިނަކަށްވުން ހުއްޓާލަން ބޭނުންވެ، ހޭލުންތެރިކަމާއެކު އެންމެ ވަގުތުކޮޅެއް ހޭދަކޮށްފިއްޔާ، އެކަމުގެ ސަބަބުން ނަހަލާލު ޙާލަތުތަކަށް ބޮޑު ބަދަލެއް އާދެއެވެ.

ނަސީބު ދެރަކަމުން، އަހަރެމެން ކޮންމެ ދުވަހަކުވެސް އުޅެނީ މެކޭނިކަލް، އާދައިގެ، ބޭކާރު ދިރިއުޅުމެކެވެ. އަހަރެމެން ކަންތައްތައް ތަކުރާރުކުރަމެވެ. އަހަރެމެންގެ އާދަތައް ހުންނަނީ އެއްގޮތަކަށެވެ. އަހަރެމެން ދުވަހަކުވެސް އެ އާދަތައް ބަދަލުކުރާކަށް ބޭނުމެއް ނުވަމެވެ. އަހަރެމެންގެ ނިކަމެތި ދިރިއުޅުމުގެ ރޭލު ދުވާ މަގަކީ މިއީއެވެ. ނަމަވެސް އަހަރެމެންގެ ހީވަނީ އަހަރެމެންނަކީ އެންމެ މޮޅު ބައެއްހެންނެވެ…

ކޮންމެ ދިމާލަކުންވެސް “މިތޯމޭނިއާސް” ގިނައެވެ. އެމީހުންނަކީ ކަލާނގެއަށް ވެގެން އުޅޭ މީހުންނެވެ. މެކޭނިކަލް މަޚްލޫޤުންނެވެ. އާދައިގެ ގޮތަކަށް އުޅޭ މީހުންނެވެ. ބިމުގެ ކިސަޑުން އުފެދިފައިވާ ކެރެކްޓަރުތަކެވެ. ތަފާތު “އަހަރެމެން”ގެ ސަބަބުން ހަރަކާތްކުރާ ނިކަމެތި ބޮޑުބުލީތަކެވެ. މިފަދަ މީހުން އަމިއްލަ ނަފްސަށް މަސައްކަތެއް ނުކުރާނެއެވެ…