La Bono kaj la Malbono

LA BONO kaj la MALBONO ne ekzistas. Io estas bona kiam ĝi utilas al ni, kaj malbona kiam ĝi ne utilas al ni. LA BONO kaj la MALBONO estas afero de egoismaj oportunoj kaj kapricoj de la menso.

La homo kiu inventis la fatidajn terminojn BONO kaj MALBONO estis Atlanto nomita MAKARI KRONVERNKZYON, eminenta membro de la Scienca Societo AKALDAN, situanta en la submara kontinento Atlantido.

Neniam suspektis la maljuna arkaika saĝulo la tiel gravan damaĝon kiun li kaŭzos al la homaro, per la invento de siaj du vortetoj.

La atlantidaj saĝuloj profunde studis ĉiujn EVOLUajn, INVOLUajn kaj NEŭTRAJN FORTOJN DE LA NATURO, sed al ĉi tiu maljuna saĝulo aperis la ideo difini la du unuajn per la terminoj BONO KAJ MALBONO. La fortojn de EVOLUA tipo li nomis bonaj kaj la fortojn de INVOLUA tipo li baptis per la termino malbonaj. Al la neŭtraj fortoj li ne donis nomon.

Tiuj fortoj procezas ene de la homo kaj ene de la naturo, estante la neŭtra forto la apogpunkto kaj ekvilibro.

Multajn jarcentojn post la submetiĝo de ATLANTIDO kun sia fama POISEDONIS pri kiu parolas Platono en sia Respubliko, ekzistis en la orienta civilizo TIKLYAMISHAYANA antikvega pastro kiu faris la tre gravan eraron misuzi la terminojn BONO kaj MALBONO uzante ilin mallerte por bazi sur ili moralon. La nomo de tiu pastro estis ARMANATOORA.

Kun la paso de la historio tra la sennombraj jarcentoj, la homaro difektiĝis per ĉi tiuj du vortetoj kaj konvertis ilin en la fundamenton de ĉiuj siaj moralaj kodoj. Hodiaŭ ĉi tiuj du vortetoj troviĝas eĉ en la supo.

Nuntempe estas multaj REFORMISTOJ kiuj deziras la MORALAN RESTAŭRADON sed kiuj por malfeliĉo de ili kaj de ĉi tiu afliktita mondo havas la menson enboteligita inter la BONO kaj la MALBONO.

Ĉia moralo fondiĝas sur la vortetoj BONO kaj MALBONO pro tio ĉiu MORALA REFORMISTO estas fakte REAKCIULO.

La terminoj BONO kaj MALBONO ĉiam servas por JUSTIFI aŭ KONDAMNI niajn proprajn erarojn.

Kiu pravigas aŭ kondamnas ne komprenas. Estas inteligenta kompreni la evoluon de la EVOLUAJ fortoj sed ne estas inteligenta pravigi ilin per la termino BONAJ. Estas inteligenta kompreni la procezojn de la involuaj fortoj sed rezultas stulte kondamni ilin per la termino MALBONAJ.

Ĉia centrifuga forto povas konvertiĝi en centripeta forto. Ĉia involua forto povas transformiĝi en EVOLUA.

Ene de la senfinaj procezoj de la energio en EVOLUA stato ekzistas senfinaj procezoj de energio en INVOLUA stato.

Ene de ĉiu homo ekzistas diversaj tipoj de energio kiuj EVOLUAS, INVOLUUAS kaj transformiĝas senĉese.

Pravigi difinitan tipon de energio kaj kondamni alian, ne estas kompreni. La esenca estas kompreni.

La sperto de LA VERO estis tre malofta inter la homaro pro la konkreta fakto de la mensa enboteliĝo. La homoj estas enboteligitaj inter la kontraŭoj BONO kaj MALBONO.

LA REVOLUCIA PSIKOLOGIO de la GNOSTIKA MOVADO baziĝas sur la studado de la diversaj tipoj de energio kiuj funkcias ene de la homa organismo kaj ene de la naturo.

LA GNOSTIKA MOVADO havas REVOLUCIAN ETIKON kiu nenion havas komunan kun la moralo de la reakciuloj nek ankaŭ kun la konservativaj kaj malfruigaj terminoj de la BONO kaj de la MALBONO.

Ene de la Psiko-Fiziologia laboratorio de la homa organismo ekzistas evoluaj, involuaj kaj neŭtraj fortoj kiuj devas esti studitaj kaj komprenitaj profunde.

La termino BONO malhelpas la KOMPRENON de la EVOLUAJ energioj pro la pravigo.

La termino MALBONO malhelpas la komprenon de la INVOLUAJ fortoj pro la kondamno.

Pravigi aŭ kondamni ne signifas kompreni. Kiu volas fini siajn difektojn ne devas pravigi ilin nek kondamni ilin. Estas urĝe KOMPRENI niajn erarojn.

Kompreni la KOLERON en ĉiuj niveloj de la menso estas fundamenta por ke en ni naskiĝu la sereneco kaj la dolĉeco.

Kompreni la senfinajn nuancojn de la avareco estas nemalhavebla por ke en ni naskiĝu la filantropio kaj la altruismo.

Kompreni la voluptemon en ĉiuj niveloj de la menso estas nemalhavebla kondiĉo por ke en ni naskiĝu la vera ĉasteco.

Kompreni la envion en ĉiuj terenoj de la menso estas sufiĉa por ke naskiĝu en ni la sento de kunlaboro kaj la feliĉo pro la bonstato kaj la progreso aliula.

Kompreni la fierecon en ĉiuj siaj nuancoj kaj gradoj estas la bazo por ke naskiĝu en ni en natura kaj simpla maniero la ekzotika floro de la humileco.

Kompreni kio estas tiu elemento de inercio nomata pigreco, ne nur en ĝiaj groteskaj formoj sed ankaŭ en ĝiaj plej subtilaj formoj, estas nemalhavebla por ke naskiĝu en ni la sento de aktiveco.

Kompreni la diversajn formojn de la GLUTONIO kaj de la manĝemeco egalas detrui la vicojn de la instinkta centro kiel estas bankedoj, ebrieco, ĉasado, karnovorismo, timo al la morto, deziroj pluatigi la MEMON, timo al la neniigo, ktp.

La instruistoj de lernejoj, kolegioj kaj universitatoj konsilas al siaj disĉiploj kaj disĉiplinoj ke ili pliboniĝu kvazaŭ la MEMO povus pliboniĝi, ke ili akiru difinitajn virtojn kvazaŭ la MEMO povus atingi virtojn, ktp.

Estas urĝe kompreni ke la MEMO neniam pliboniĝas, ke neniam estas pli perfekta kaj ke kiu avidas virtojn plifortigas la MEMON.

LA TOTALA PERFEKTECO nur naskiĝas en ni kun la dissolvo de la MEMO. La virtoj naskiĝas en ni en natura kaj simpla maniero kiam ni komprenas niajn psikologiajn difektojn ne nur en la intelekta nivelo sed ankaŭ en ĉiuj subkonsciaj kaj nekonsciaj terenoj de la menso.

Voli pliboniĝi estas stulta, deziri la sanktecon estas envio, avidi virtojn signifas plifortigi la MEMON kun la veneno de la avideco.

Ni bezonas la totalan morton de la MEMO ne nur en la intelekta nivelo sed ankaŭ en ĉiuj anguletoj, regionoj, terenoj kaj koridoroj de la menso. Kiam, ni absolute mortis, nur restas en ni TIO kio estas PERFEKTA. TIO kio estas saturita de virtoj, TIO kio estas la ESENCO de nia INTIMA ESTO, TIO kio ne estas de la tempo.

Nur komprenante profunde ĉiujn senfinajn procezojn de la evoluaj fortoj kiuj disvolviĝas ene de ni mem ĉi tie kaj nun. Nur komprenante en integra maniero la diversajn aspektojn de la INVOLUAJ fortoj kiuj procezas ene de ni mem de momento al momento, ni povas dissolvi la MEMON.

La terminoj BONO kaj MALBONO servas por JUSTIFI kaj KONDAMNI sed neniam por kompreni.

Ĉiu difekto havas multajn nuancojn, fonojn, transfonojn kaj profundecojn. Kompreni difekton en la intelekta nivelo ne signifas esti kompreninta ĝin en la diversaj subkonsciaj, nekonsciaj kaj infrakonsciaj terenoj de la menso.

Ĉiu difekto povas malaperi el la intelekta nivelo kaj daŭri en la aliaj terenoj de la menso.

La KOLERO sin vestas per la togo de la Juĝisto. Multaj avidas ne esti avaraj, estas kiuj ne avidas monon sed avidas Psikajn povojn, virtojn, amojn feliĉon ĉi tie aŭ post la morto, ktp., ktp., ktp.

Multaj viroj kaj virinoj emociiĝas kaj fasciniĝas antaŭ la personoj de seksa opono “LAŭDINE” ĉar ili amas la belecon, ilia propra subkonscio perfidas ilin, la VOLUPTEMO sin vestas per la estetika sento.

Multaj enviuloj envias la sanktulojn kaj faras pentofarojn kaj vipas sin ĉar ili deziras ankaŭ atingi esti SANKTULOJ.

Multaj enviuloj envias tiujn kiuj oferas sin por la homaro kaj tiam volante esti grandaj ankaŭ, mokas tiujn kiujn ili envias kaj lanĉas kontraŭ ili sian tutan kalumnian salivon.

Estas kiuj sentas sin fieraj pro la pozicio, la mono, la famo kaj la prestiĝo kaj estas kiuj sentas sin fieraj pri sia humila kondiĉo.

Diogeno sentis sin fiera pri la Barelo en kiu li dormis kaj kiam li alvenis al la domo de Sokrato li salutis dirante: “Paŝante vian fierecon Sokrato, paŝante vian fierecon”. “Jes, Diogeno, kun via fiereco vi paŝas mian fierecon”. Estis la respondo de Sokrato.

La vantaj virinoj krispigas siajn harojn, vestas sin kaj ornamas sin per ĉio kion ili povas por veki la envion de la aliaj virinoj, sed la VANTECO sin vestas ankaŭ per la tuniko de la humileco.

Rakontas la tradicio ke Aristipo la greka filozofo volante demonstri al la tuta mondo sian saĝon kaj sian humilecon vestis sin per tre malnova tuniko kaj plena de truoj, ekprenis en sia dekstra mano la bastonon de la Filozofio kaj foriris tra la stratoj de Ateno. Kiam Sokrato vidis lin veni, li ekkriis: “Vidiĝas via vanteco tra la truoj de via vesto, ho Aristipo”.

Multaj estas tiuj kiuj estas en la mizero pro la elemento pigreco, sed ekzistas homoj kiuj tro multe laboras por gajni la vivon sed sentas pigrecon studi kaj koni sin mem por dissolvi la MEMON.

Multaj estas tiuj kiuj forlasis la GLUTONION kaj la Manĝemecon sed malfeliĉe ili ebriiĝas kaj eliras ĉasi.

Ĉiu difekto estas multfacetita kaj disvolviĝas kaj procezas en gradativa maniero ekde la plej malalta ŝtupo de la Psikologia ŝtuparo ĝis la plej alta ŝtupo.

Ene de la bongusta kadenco de verso, ankaŭ kaŝiĝas la krimo.

La krimo ankaŭ sin vestas kiel Sankta, kiel Martiro, kiel ĉasta, kiel Apostolo, ktp.

La BONO kaj la MALBONO ne ekzistas, tiuj terminoj nur servas por serĉi evitojn kaj eviti la profundan kaj detalan studon de niaj propraj difektoj.