Saĝo kaj Amo

SAĜO kaj AMO estas la du ĉefaj kolonoj de ĉiu vera civilizacio.

Sur unu plado de la pesilo de justeco ni devas meti SAĜON, sur la alia plado ni devas meti AMON.

Saĝo kaj Amo devas ekvilibrigi unu la alian. Saĝo sen Amo estas detrua elemento. Amo sen Saĝo povas konduki nin al eraro “AMO ESTAS LEĜO SED KONSCIA AMO”.

Estas necese multe studi kaj akiri scion, sed estas ankaŭ URĜE evoluigi en ni la SPIRITAN ESTON.

Scio sen la spirita ESTO bone evoluigita harmonie ene de ni, fariĝas la kaŭzo de tio, kio nomiĝas FRIFONECO.

La ESTO bone evoluigita ene de ni sed sen intelektaj scioj de ia ajn speco, naskas Stultajn Sanktulojn.

Stulta Sanktulo posedas la SPIRITAN ESTON tre evoluigita, sed ĉar li ne havas intelektajn sciojn, li ne povas fari ion ajn ĉar li ne scias kiel fari.

LA STULTA SANKTULO havas la povon Fari sed li ne povas fari ĉar li ne scias kiel fari.

La intelekta scio sen la spirita ESTO bone evoluigita produktas intelektan konfuzon, perversecon, fieron, ktp., ktp.

Dum la Dua Mondmilito miloj da sciencistoj sen ĉiu spirita elemento en la nomo de la scienco kaj de la homaro, faris terurajn krimojn kun la celo fari sciencajn eksperimentojn.

Ni bezonas formi potencan intelektan kulturon sed tre ekvilibrigitan kun la vera konscia Spiriteco.

Ni bezonas REVOLUCIAN ETIKON kaj REVOLUCIAN PSIKOLOGION se ni vere volas dissolvi la MEM por evoluigi la legitime Spiritan ESTON en ni.

Estas bedaŭrinde, ke pro manko de AMO la homoj uzas la INTELEKTON detrue.

La lernantoj kaj lernantinoj bezonas studi sciencojn, historion, matematikon, ktp., ktp.

Necesas akiri la fakajn sciojn, kun la celo esti utilaj al la proksimulo.

Studi estas necese. Akumuli bazajn sciojn estas nemalhaveble, sed la timo ne estas nemalhavebla.

Multaj homoj akumulas sciojn pro timo; ili timas la vivon, la morton, la malsaton, la mizeron, la onidirojn, ktp., kaj pro tiu motivo ili studas.

Oni devas studi pro Amo al niaj similuloj kun la deziro servi ilin pli bone, sed neniam oni devas studi pro timo.

En la praktika vivo ni povis konstati, ke ĉiuj tiuj studentoj, kiuj studas pro timo, pli aŭ malpli frue fariĝas friponoj.

Ni bezonas sinceriĝi kun ni mem por aŭto-observi nin kaj malkovri en ni mem ĉiujn procezojn de la timo.

Ni ne devas forgesi neniam en la vivo, ke la timo havas multajn fazojn. Foje la timo konfuziĝas kun la braveco. La soldatoj en la batalkampo ŝajnas tre bravaj sed en realeco ili moviĝas kaj batalas pro la timo. La sinmortiginto ankaŭ ŝajnas unuavide tre brava sed en realeco li estas malkuraĝulo, kiu timas la vivon.

Ĉiu fripono en la vivo ŝajnigas esti tre brava sed en la fundo li estas malkuraĝulo. La friponoj kutime uzas la profesion kaj la povon detrue kiam ili timas. Ekzemplo; Castro Rúa; en Kubo.

Ni neniam prononcas nin kontraŭ la sperto de la praktika vivo nek kontraŭ la kultivado de la intelekto, sed ni kondamnas la mankon de AMO.

La scio kaj la spertoj de la vivo rezultas detruaj kiam mankas la AMO.

LA EGO kutime kaptas la spertojn kaj la intelektajn sciojn kiam ekzistas foresto de tio, kio nomiĝas AMO.

LA EGO misuzas la spertojn kaj la intelekton kiam ĝi uzas ilin por fortigi sin.

Disintegrante la EGON, MI, MIN MEM, la spertoj kaj la Intelekto restas en la manoj de la INTIMA ESTO kaj ĉiu misuzo fariĝas tiam neebla.

Ĉiu studento devas orientiĝi sur la faka vojo kaj studi tre profunde ĉiujn teoriojn, kiuj rilatas al sia fako.

La studado, la intelekto, ne damaĝas al iu ajn sed ni ne devas misuzi la intelekton.

Ni bezonas studi por ne misuzi la menson. Misuzas la menson tiu, kiu volas studi la teoriojn de diversaj fakoj, tiu, kiu volas damaĝi aliajn per la intelekto, tiu, kiu faras perforton sur la alies menso, ktp., ktp., ktp.

Estas necese studi la profesiajn materiojn kaj la spiritajn materiojn por havi ekvilibran menson.

Estas URĜE atingi la intelektan SINTEZON kaj la spiritan sintezon se ni vere volas ekvilibran menson.

La Instruistoj kaj Instruistinoj de Lernejoj, kolegioj, Universitatoj, ktp., devas studi profunde nian Revolucian Psikologion se ili vere volas konduki siajn studentojn sur la vojo de la FUNDAMENTA REVOLUCIO.

Estas necese, ke la studentoj akiru la SPIRITAN ESTON, evoluigu en si mem la VERAN ESTON, por ke ili eliru el la Lernejo konvertitaj en respondecajn individuojn kaj ne en stultajn FRIFONojn.

Nenio utilas la Saĝo sen Amo. La Intelekto sen Amo nur produktas Friponojn.

La Saĝo en si mem estas Atoma Substanco, Atoma kapitalo, kiun nur devas esti administrita de individuoj plenaj de vera Amo.