Personaj Okazaĵoj

Plena intima memobservado de la Propra Memo estas neprokrastebla kiam temas pri malkovri erarajn psikologiajn statojn. Nedubeble, la internaj eraraj statoj povas esti korektitaj per ĝustaj proceduroj.

Ĉar la interna vivo estas la magneto kiu allogas la eksterajn eventojn, ni urĝe bezonas, kun maksimuma neprokrastebleco, forigi el nia psiko la erarajn psikologiajn statojn. Korekti erarajn psikologiajn statojn estas esenca kiam oni volas fundamente ŝanĝi la naturon de certaj nedezirindaj eventoj.

Ŝanĝi nian rilaton kun certaj eventoj estas ebla se ni forigas el nia interno certajn absurdajn psikologiajn statojn. Eksteraj detruaj situacioj povus fariĝi sendanĝeraj kaj eĉ konstruaj per la inteligenta korekto de la internaj eraraj statoj.

Oni povas ŝanĝi la naturon de la malagrablaj eventoj kiuj okazas al ni kiam oni purigas intime. Kiu neniam korektas la absurdajn psikologiajn statojn, kredante sin tre forta, fariĝas viktimo de la cirkonstancoj.

Ordigi nian malordan internan domon estas vivnecesa kiam oni deziras ŝanĝi la kurson de malfeliĉa ekzisto. La homoj plendas pri ĉio, suferas, ploras, protestas, volus ŝanĝi vivon, eliri el la malfeliĉo en kiu ili troviĝas, bedaŭrinde ili ne laboras pri si mem.

La homoj ne volas rimarki ke la interna vivo allogas eksterajn cirkonstancojn kaj ke se ĉi tiuj estas doloraj, tio ŝuldiĝas al la internaj absurdaj statoj. La ekstera estas nur la reflekto de la interna; kiu ŝanĝas interne, estigas novan ordon de aferoj.

La eksteraj eventoj neniam estus tiom gravaj kiom la maniero reagi al ili. Ĉu vi restis serena antaŭ la insultanto? Ĉu vi akceptis agrable la malagrablajn manifestaciojn de viaj proksimuloj? Kiel vi reagis antaŭ la malfideleco de la amato? Ĉu vi lasis vin konduki de la veneno de la ĵaluzo? Ĉu vi mortigis? Ĉu vi estas en la malliberejo?

La hospitaloj, la tombejoj aŭ panteonoj, la malliberejoj, estas plenaj de sinceraj erarintoj kiuj reagis en absurda maniero antaŭ la eksteraj eventoj. La plej bona armilo kiun homo povas uzi en la vivo estas ĝusta psikologia stato.

Oni povas senarmigi bestojn kaj malkaŝi perfidulojn per taŭgaj internaj statoj. La internaj eraraj statoj konvertas nin en senhelpajn viktimojn de la homa malboneco. Lernu alfronti la plej malagrablajn okazaĵojn de la praktika vivo kun taŭga interna sinteno…

Ne identiĝu kun iu ajn evento; memoru ke ĉio pasas; lernu vidi la vivon kiel filmon kaj vi ricevos la profitojn… Ne forgesu ke eventoj sen ajna valoro povus konduki vin al la malfeliĉo se vi ne forigas el via psiko la internajn erarajn statojn.

Ĉiu ekstera evento bezonas, nedubeble, la taŭgan bileton; tio estas, la precizan psikologian staton.