Amor

Djêsdi bankus di skóla mésmu alunus ten ki konprende na forma INTEGRAL kel ki ta txoma AMOR.

MEDU y DEPENDÊNSIA ta kustuma konfundi ku AMOR má es ka é AMOR.

Alunus ta depende di ses pais y profesores y é klaru ma es ta respeta-s y ta teme-s na mésmu ténpu.

Mininus y mininas, jovens y senhoritas ta depende di ses pais pa kel di visti, kumida, dinheru, albergue, etc. y a tudu lus ta rezulta klaru ma es ta sinti protejidu, es sabe ma es ta depende di ses pais y pur isu es ta respeta-s y até ta teme-s, má kel-li ka é AMOR.

Pa mostra di kel ki nu sta ta fla nu pode verifika ku interu izatidão ma tudu mininu ô menina, joven ô senhorita, ten más kunfiansa na ses amiginhus ô amiginhas di skóla, ki na ses pais mésmu.

Na verdadi mininus, mininas, jovens y senhoritas ta papia ku ses konpanheritus y konpanheritas, kusas íntimus ki nunka na vida es ta papia ku ses pais mésmu.

Kel-li sta ta dimonstra-nu ma ka ten kunfiansa verdaderu entri fidjus y pais, ma ka ten AMOR verdaderu.

Ta faze URJENTI konprende ma izisti un diferénsa radikal entri AMOR y kel ki é respetu, temor, dependénsia, medu.

É URJENTI sabe respeta nos pais y professores, má ka konfundi respetu ku AMOR.

RESPETU y AMOR debe sta INTIMAMENTE DJUNTU, más nu ka debe konfundi un ku otu.

Pais ta teme pa ses fidjus, es ta deseja pa es kel más bon un bon profison, un bon kazamentu, proteson, etc. y es ta konfundi kel temor ku AMOR verdaderu.

Ta faze nesesáriu konprende ma sen AMOR VERDADERU é inposível ki pais y professores pode guia novas jenerasons sabementi mésmu kantu ten mutu boas intensons.

Kaminhu ki ta konduzi pa ABISMO sta empidradu ku MUTU BOAS INTENSONS.

Nu ta odja kazus mundialmenti konxedu di “REBELDÊS SEN KAUZA”. É un epidemia mental ki dja propaga pa mundu interu. Multidon di “MININUS BON”, diz ki mutu amadu pa ses pais, mutu mimadu, mutu keridu, ta asalta tranzêntis indifezu, ta bati y ta viola mudjêr, ta ruba, ta pedrejadu, ta anda na pandilha ta kauza danu pa tudu parti, ta falta ku respetu ku professores y pais di família, etc. etc. etc.

“REBELDÊS SEN KAUZA” é prudutu di falta di AMOR verdaderu.

Undi ki izisti AMOR verdaderu ka pode izisti “REBELDÊS SEN KAUZA”.

Si pais di família AMASE di verdadi ses fidjus es ta sabe orienta-s inteligentimenti y enton ka ta izistiba “REBELDÊS SEN KAUZA”

Rebeldês sen kauza é prudutu di un mau orientason.

Pais di família ka ten tivi sufisienti AMOR komu pa dedika di verdadi pa orienta ses fidjus sabementi.

Pais di família modernu so ta pensa na dinheru y da fidju más y más, y karu últimu mudelu, y trajis di últimu moda, etc. má ka ta ama di verdadi ka sabe ama y pur isu “rebedês sen kauza”.

Superfisialidadi di es pôka debe a falta di AMOR VERDADERU.

Vida modernu é similhanti a un txarku sen fundura, sen profundidadi.

Na lagu profundu di vida, pode mora mutu kriaturas, mutu pexi, má txarku situadu na vera di kaminhu, sedu ta sika ku raius ardenti di sol y enton uniku ki ta keda é lodu, putridon, feiadadi.

É inposível konprende beleza di vida na tudu se isplendor, si nu ka prendi AMA.

Jentis ta konfundi respetu y temor ku kel ki ta txoma AMOR.

Nu ta respeta nos superioris y nu ta teme-s y enton nu ta kridita ma nu ta ama-s.

Mininus ta teme ses pais y professores y ta respeta-s y ta kridita enton ma nu ta ama-s.

Temi mininu látigu, férula, má klasifikason na rigañu na kasa ô na skóla, etc. y ta kridita enton ma ta ama ses pais y profesores má na realidadi so ta teme-s.

Nu ta depende di enpregu, di patron, nu ta teme di mizeria, di nu keda sen trabadju y enton nu ta kridita ma nu ta ama patron y até nu ta zela pa ses interesis, nu ta kuida ses propriedadis má kel-li ka é AMOR, kel-li é temor.

Mutu jentis ten medu di pensa pa si mésmu na mistérius di vida y di morti, medu di inkiri, invistiga, konprende, studa, etc. y enton ta isklama ¡N’TA AMA DEUS, Y KU KEL-LI É SUFISIENTI!

Ta kridita ma ta ama DEUS má na realidadi ka ta AMA, ta teme.

Na ténpus di géra spuza ta sinti ma ta adora se maridu más ki nunka y ta anhela ku ansiedadi infinitu se ri-tornu pa kasa, má na realidadi ka ta ama-l, so ta teme di keda sen maridu, sen proteson, etc. etc. etc.

Iskravidon psikolójiku, dependénsia, depende di algén, ka é AMOR. É unicamente TEMOR y kel-li é tudu.

Mininu na ses studus ta depende di MESTRI ô MESTRA y é klaru ma ta teme di ESPULSON, di má klasifikason, di rigañu y mutu bês ta kridita ma ta AMA-L má kel ki ta susede é ma ta teme-L.

Kantu spuza sta di partu ô na prigu di morti pa kualker duensa, spuzu ta kridita ma ta ama-l mutu más, má na realidadi kel ki ta susede é ma ta teme perdi-l, ta depende di el na mutu kusas, komu, son kumida, sexu, lava ropa, karísias, etc. y ta teme perdi-l. Kel-li ka é AMOR.

Tudu mundu ta fla ma ta adora tudu mundu má ka ten tal: É mutu rar ku nha na vida algén ki sabe AMA VERDADERAMENTE.

Si pais ta amaba di verdadi ses fidjus, si fidjus ta amaba di verdadi ses pais, si professores ta amaba di verdadi ses alunus y alunas ka ta podeba ten géra. Géras ta serba inposível na un sentu pur sentu.

Kel ki ta susede é ma jenti ka konprende kel ki é amor, y a tudu temor y a tudu iskravidon psikolójiku, y a tudu paxon, etc. ta konfundi-l ku kel ki ta txoma AMOR.

Jenti ka sabe AMA, si jenti sabe ama, vida ta serba di fetu un paraízu.

ENAMORADUS ta kridita ma sta ta ama y mutu até ta serba kapas di jura ku sangri ma sta ta ama. Más So sta APASIONADU. Satisfeitu PASION, kastelu di karta ta bin pa txon.

PASION ta kustuma ingana MENTI y KURASON. Tudu APASIONADU ta kridita ma sta ENAMORADU.

É mutu rar ku nha na vida algun pas verdaderamenti inamuradu. Ta abunda pas di APASIONADUS má é difisilísimu atxa un pas di ENAMORADUS.

Tudu artistas ta kanta pa AMOR má ka sabe ki kuza ki é AMOR y ta konfundi PASION ku AMOR.

Si ten algun kuza mutu difisil na es vida-li, é KA konfundi PASION ku AMOR.

PASION é vinenu más dilisiosu y más sutil ki pode konsibe, sénpri ta termina triunfando a prêsu di sangri.

PASION é SEXUAL sentu pur sentu, PASION é bestial má algun bês é tanbê mutu rifinadu y sutil. Sénpri ta konfundi ku AMOR.

Mestris y mestras debe inxina alunus, Joven y senhoritas, a diferensia entri AMOR y PASION. So asi ta evita más tardi mutu trajédias na vida.

Mestris y mestras sta obrigadu a forma rizponsabilidadi di alunus y alunas y pur isu debe prepara-s debidamenti pa ki es ka konberte na tráigus na vida.

É nesesáriu konprende kel ki é AMOR, kel ki ka pode misturadu ku zumbrala, paxons, violênsias, temor, apegus, dependénsia psikolójiku, etc. etc. etc.

AMOR dizgrasdamenti ka izisti na seres umanus, má tanbê ka é algun kuza ki pode ADKIRI, kunpra, kultiva komu flor di invernaderu, etc.

AMOR debe NASCE na nos y so ta NASCE kantu nu konprende a fundu kel ki é ODIO ki nu ta leba dentu, kel ki é TEMOR, LA PASION SEXUAL, medu, iskravidon psikolójiku, dependénsia, etc. etc. etc.

Nu debe konprende kel ki son es defêtus PSICOLÓJIKUS, nu debe konprende komu ta prozesa na nos ka so na nível intelektual di vida, sinó tanbê na otus níveis inkritus y diskonxedu di SUBCONSCIENTE.

Ta faze nesesáriu strai di distintu rikuêkus di munti tudu kes defêtus. So asi ta nasce na nos na forma ispontáneu y puru, kel ki ta txoma AMOR.

É inposível kere tranforma mundu sen txama di AMOR. So AMOR pode di verdadi tranforma mundu.