Bon Kuza I Mau Kuza

BEN y MAU ka ta existi. Un kuza é bon óra ki ta kunbinu-nu, y mau óra ki ka ta kunbinu-nu. BEN y MAU é kiston di kunbinénsia egoísta y kaprixu di kabésa.

Kel ómi ki invinta kel palabra fatídiku BEN y MAU foi un Atlanti txomadu MAKARI KRONVERNKZYON, menbru ilustri di Sosiedadi Científiku AKALDAN, situadu na kontinenti sumerju di Atlántida.

Nunka kel grandi sabedor Arkáiku suspeita di danu gravisimu ki el ta kria pa humanidadi, ku inventu di es dôs palabrazinhas.

Kel sabedor Atlanti studa profundamenti tudu forsa EVOLUTIVU, INVOLUTIVU y NEUTRU DI NATURÉZA, má es grandi sabedor li ten ideia di defini kel dôs primeru ku kel térmu BEN Y MAU. Pa forsa di tipu EVOLUTIVU el txoma-s bon y pa forsa di tipu INVOLUTIVU el batiza-s ku kel térmu mau. Pa forsa neutra el ka da-s nómi.

Kel forsa li ta prócesa dentu di ómi y dentu di naturéza, si ki forsa neutra é pontu di apoiu y ekilíbriu.

Tantu sékulu dipôs di inmersão di ATLÁNTIDA ku si famozu POISEDONIS, ki Platão ta papia di el na si Repúblika, existi na sivilizasão oriental TIKLYAMISHAYANA un prisbiteru antigisimu ki komete kel gravi erru di abuza ku kel térmu BEN y MAU utilzandu-s di manera trocidu pa baza sob es un moral. Kel nómi di kel prisbiteru foi ARMANATOORA.

Ku pasa di istória através di inumeráveis sékulu, humanidadi bira viciadu ku es dôs palavrazinha y konverte-s na fundason di tudu si kódegu moral. Oji en dia un ta atxa es dôs palavrazinha li ti na sopa.

Atualmente ten txeu REFORMADOR ki kre RESTAURASON MORAL má pa desgraça di es y di es mundu aflitu li ten kabésa imbuxadu entri BEN y MAU.

Tudu moral ta fundaménta na kel palabrazinha BEN y MAU pur isu tudu REFORMADOR MORAL é di faktu un REASIONÁRIU.

Kel térmu BEN y MAU ta sirbi sénpri pa JUSTIFIKA ó KONDENA nos própiu erru.

Ken ki ta justifika ó ta kondena ka ta konprende. É inteligenti konpreende dizenvolvimentu di forsa EVOLUTIVU má ka é inteligenti justifika-s ku kel térmu BON. É inteligenti konpreende kel prósese di forsa involutivu má ta rezulta stupidu kondena-s ku kel térmu MAU.

Tudu forsa centrífuga pode bira forsa centrípeta. Tudu forsa involutivu pode transforma na EVOLUTIVU.

Dentu di infinitu prósese di enerjia en stadu EVOLUTIVU ta existi infinitu prósese di enerjia en stadu INVOLUTIVU.

Dentu di kada ser umanu ta existi diferenti tipu di enerjia ki ta EVOLUÍ, INVOLUÍ y ta transforma insesantementi.

Justifika determinadu tipu di enerjia y kondena otu, ka é konpreende. Kel vital é konpreende.

Esperiénsia di VERDADI ten sidu mutu raramenti entri humanidadi debidu pa kel faktu konkretu di imbuxamentu mental. Gentis sta imbuxadu entri kel ópostu BEN y MAU.

PSICOLOGIA REVOLUSIONÁRIU di MOVIMENTU GNÓSTIKU ta baza na studu di diferenti tipu di enerjia ki ta opera dentu di organizmu umanu y dentu di naturéza.

MOVIMENTU GNÓSTIKU ten un ÉTIKA REVOLUSIONÁRIU ki nada ka ten a ver ku moral di reasionáriu, nen tanpóku ku kel térmu konzervador y retardatariu di BEN y MAU.

Dentu di laboratóriu Psico-Fiziológiku di organizmu umanu ta existi forsa evolutivu, involutivu y neutru ki debe ser studadu y konprendedu profundamenti.

Kel térmu BEN ta inpidi KONPREENSON di enerjia EVOLUTIVU debidu pa justifikason.

Kel térmu MAU ta inpidi konpreenson di forsa INVOLUTIVU debidu pa kondenason.

Justifika ó kondena ka ta signifika konpreende. Ken ki kre kaba ku se difetu ka debe justifika-s nen kondena-s. Urgenti KONPREENDE nos erru.

Konpreende IRA na tudu nível di kabésa é fundaméntal pa ki na nos nase serenidadi y dulse.

Konpreende infinitu matiz di ganância é indispensável pa ki na nos nase filantropia y altruísmo.

Konpreende luxúria na tudu nível di kabésa é kondison indispensável pa ki na nos nase kastidadi verdadeiru.

Konpreende inveja na tudu terénu di kabésa é sufisienti pa ki nase na nos sentidu di kuoperason y delisia pa ben-estar y progresso alheiu.

Konpreende orgulho na tudu si matiz y grau é kel bazi pa ki nase na nos na forma natural y sinplis kel flor exotiku di humildadi.

Konpreende kel ki é kel elementu di inércia txomadu preguisa, ka só na si forma grotesku mas tanbê na si forma más sutis, é indispensável pa ki nase na nos sentidu di atividadi.

Konpreende diversu forma di GULA y di guludiséria ta ekivale a destruí kel vísiu di sentru instintivu kuma sá̃o banketi, buratxeira, kassa, karnivorizmu, medu di mórti, dezéju di perpetua YO, temór a anikilason, etc.

Kel mestre di skóla, kuléjiu y universidadi ta akonselha se disípulu y disípula ki midjora kuma si YO pudia midjora, ki adkiri determinadu virtudi kuma si YO pudia kunsegui virtudi, etc.

É urgenti konpreende ki YO ka ta midjora jamés, ki nunka el é más perfetu y ki ken ki ta ambisiosa virtudi ta robustece YO.

PERFEISON TOTAL só ta nase na nos ku disoluson di YO. Virtudi ta nase na nos na forma natural y sinplis óra ki nu konpreende nos difetu psicológiku ka só na nível intelektual mas tanbê na tudu kel terénu subkonxienti y inkonxienti di kabésa.

Kré midjora é stupidu, deseja santidadi é inveja, ambisiosa virtudi ta signifika robustece YO ku benénu di ambison.

Nu prisiza mórti total di YO ka só na nível intelektual mas tanbê na tudu kel resés, rijon, terénu y koridor di kabésa. Óra ki nu móre absolutamenti, só ta fika na nos KEL ki é PERFETU. KEL ki sta saturadu di virtudi, KEL ki é ESÉNSIA di nos SER INTIMU, KEL ki ka é di ténpu.

Só konprendendu a fundu tudu infinitu prósese di forsa evolutivu ki ta dizenvolve dentu di nos mésmu aki y gósi. Só konprendendu na forma íntegra kel diferenti aspetu di forsa INVOLUTIVU ki ta prócesa dentu di nos mésmu di moméntu na moméntu, nu pode disolve YO.

Kel térmu BEN y MAU ta sirbi pa JUSTIFIKA y KONDENA má jamés pa konpreende.

Kada difetu ten txeu matiz, fundu, trás fundu y profundidadi. Konpreende un difetu na nível intelektual ka ta signifika abé konpreende na kel diferenti terénu subkonxienti, inkonxienti y infraconxienti di kabésa.

Kalquer difetu pode dizaparesi di nível intelektual y kontinua na kel otu terénu di kabésa.

IRA ta disfraza ku toga di Juis. Txeu ta ambisiosa pa ka ser ganânciosu, ten algen ki ka ta ambisiosa dinheru má ta ambisiosa poderi Psíkiku, virtudi, amor felixidadi aki ó dipôs di mórti, etc., etc., etc.

Txeu ómi y mudjer ta emosiona y fasina na frenti di pesoas di sexu ópostu “DIZEQUE” pamodi ta ama beleza, si própiu subkonxienti ta traí-s, LUXÚRIA ta disfraza ku sentidu stétiku.

Txeu invéz ta envidia santu y ta faze peniténsia y ta txikote-s pamodi ta deseja tanbê txiga ser SANTU.

Txeu invéz ta envidia ken ki ta sakrifika pa humanidadi y enton krendu ser grandi tanbê, ta faze skarneo di kel ki ta envidia y ta lansa kontra es tudu si baba difamatória.

Ten algen ki ta xinti orgullho pa pozison, dinheru, fama y prestíjiu y ten algen ki ta xinti orgullho di si kondison unildi.

Diógenes ta xinti orgullho di tonel ki el ta durmi y óra ki el txiga na kaza di Sócrates el kumprimenta dizendu: “Ta piza bu orgullho Sócrates, ta piza bu orgullho”. “Sin, Diógenes, ku bu orgullho bu ta piza nha orgullho”. Foi resposta di Sócrates.

Kel mudjer vanidosa ta enrola kel kabeu, ta bisti y ornanta ku tudu kel ki el pode pa despirta inveja di kel otu mudjer, má Vanidadi ta disfraza tanbê ku kel túnika di humildadi.

Ta konta tradison ki Aristipo kel filozofu gregu krendu dimonstra pa tudu mundu si sabidoria y si humildadi el bisti ku un túnika bidjisisimu y txéu di buraku, el inpunha na si mon dreitu pau di Filozofia y el bai pa rua di Atenas. Óra ki Sócrates odja-l ben, el isklima: “Bu ta odja bu vanidadi através di buraku di bu vistidura, oh Aristipo”.

Txeu é kel ki sta na mizéria debidu pa elementu preguisa, má ta existi gentes ki ta trabadja dimás pa ganha vida má ta xinti preguisa di studa y kunxe se mésmu pa disolve YO.

Sá̃o txeu kel ki abandona Gula y Guludiséria má disgrasadamente ta imburatxa y ta sai di kassa.

Kada difetu é multifasetiku y ta dizenvolve y prócesa na forma gradativa desdi kel degréu más baxu di skala Psicológiku ti kel degréu más ilevadu.

Dentu di kadénsia delisiozu di un versu, tanbê ta skonde dilítu.

Dilítu tanbê ta bisti di Santu, di Mártir, di kastu, di Apóstulu, etc.

BEN y MAU ka ta existi, kel térmu li só ta sirbi pa busca evitativa y iludi studu profundu y detalhadu di nos própiu difetu.