O Ómi Makina

ÓMI MÁKINA é mósta más infelís ki ezisti na es valli di lágrimas, má el teni, a PRETENSÃO y até a INSOLÊNCIA di AUTO-INTITULA-SE REI DI NATUREZA.

“NOCE TE IPSUN” “ÓMI KONXE BO KABEZA”. Es é un antigu MÁXIMA DI OUru skrebedu sobri muralhas inviktus di ténplu di Delfos na ANTIGA GRÉCIA.

Ómi, kel ANIMAL INTELEKTUAL pobri ki ta kualifika-se di ÓMI eradu, dja inventa milhar di máquinas konplikadus y difísil y el sabi mutu bon ma pa el podi servi di un MÁKINA, el meste timenti di longus anus di studu y aprendisagi, má kantu ki é pa el MÉSME el ta skese totalmenti di es fetu, mésmu ki el mésme ser un mákina más konplikadu ki tudu kel ki el dja inventa.

Ka ten ómi ki ka sta txêu, di ideias totalmenti falsu sobri el mésme, kel más gravi é ma el ka kre da kumesa ma realmenti el é un mákina.

A mákina humanu ka ten libertadi di moviméntus, el ta funsiona unikamenti pa múltiplus y variadus influênsias interior y txokus exterior.

Tudu moviméntus, atus, palavras, ideias, emoções, sentimentus, desejus, di mákina humanu ta provokadu pa influênsias exterior y pa múltiplas kauzas interior estranhu y difísil.

ANIMAL INTELEKTUAL é un fantotxi pobri ta papia ku memória y vitalidadi, un boneku viventi, ki teni iluson tonta di ma el podi FAZE, kantu na realidadi di verdadi el ka podi FAZE nada.

Imagina pa un momentu, karu leitor, un boneku mekaniku automatiku kontroladu pa un mekazismu konplexu.

Imagina ma kel boneku teni vida, el ta apaixona, el ta papia, el ta kaminha, el ta deseja, el ta faze guerras, etc.

Imagina ma kel boneku podi troka di donus a kada momentu. Debi imagina ma kada donu é un pessoa diferenti, el teni se propiu kritériu, se propiu forma di diverti, sinti, bivi, etc., etc., etc.

Un donu kualker krendu konsigui dinheru ta aperta sertus botao y enton boneku ta dedika-se a negosiu, un otu donu, méia hora dipos ô vários horas dipos, ta teni un ideia diferenti y ta po se boneku ta badja y ta ri, un terseru ta po-l ta briga, un kuartu ta faze-l apaixona di un mudjer, un kintu ta faze-l apaixona di un otu, un sestu ta faze-l briga ku un vizinhu y kria un problema di polísia, y un sétimu ta faze-l troka di morada.

Realmenti boneku di nos izénplu ka faze nada má el ta krê ma sin el dja faze, el teni iluson di ma el ta FAZE kantu na realidadi di verdadi el ka podi FAZE nada pamodi el ka ten SER INDIVIDUAL.

Fora di kualker dúvida tudu dja susede komu kantu ki ta txobi, kantu ki ta truona, kantu ki sol ta kenta, má boneku pobri ta krê ma el ta FAZE; el teni ILUSON tonta di ma tudu el dja faze kantu na realidadi nada el ka faze, é se respetivu donus ki dja diverti ku boneku mekaniku pobri.

Asi ki é animal inteletual pobri, karu leitor un boneku mekaniku komu di nos izénplu ilustrativu, ta krê ma el ta FAZE kantu na realidadi nada el ta FAZE é un fantotxi di karnu y osus kontroladu pa LEGIÃO DI ENTIDADI ENERGÉTICA SÚTIL ki na se konjuntu ta konstitui kel ki ta txoma EGO, N PLURALIZADU.

EVANJELIU KRISTIANU ta kualifika tudas kes entidadi DEMÓNIO y se verdaderu nomi é LEGIÃO.

Si nu fladu ma N é legião di DEMÓNIO ki ta kontrola mákina humanu, nu ka sta izajera, asi ki é.

ÓMI-MÁKINA ka ten INDIVIDUALIDADI kualker el ka ten SER, só SER VERDADERU ki ten PODER DI FAZE.

SÓ SER ki podi da-nu VERDADERA INDIVIDUALIDADI, só SER ki ta konverti-nu na ÓMIS VERDADERUS.

Ken ki di verdadi krê dexa di ser un boneku mekaniku sénplis, debi elimina kada un di kes entidadi ki na se konjuntu ta konstitui N. Kada un di kes ENTIDADI ki ta djuga ku mákina humanu. Ken ki di verdadi krê dexa di ser un boneku mekaniku sénplis, el ten ki kumesa pa admiti y konprende se propiu mekanisidadi.

Kel ki ka krê konprende ni aseita se propiu mekanisidadi, kel ki ka krê ntende koretamenti es fetu, el ka podi más muda, é un infelís, un disgrasadu, más el ta vali pendura na kópu un pedra di moinhu y atxa-se na fundu di mar.

ANIMAL INTELEKTUAL é un mákina, má un mákina mutu spesial, si es mákina txiga konprende ma é MÁKINA, si el é ben konduzidu y si as sirknstánsias ta permiti-l, el podi dexa di ser mákina y konverti na ÓMI.

Anti di tudu, é urjenti kumesa pa konprende na fundu y na tudu nível di mienti, ma nu ka ten individualidadi verdaderu, ma nu ka ten SENTRU PERMANENTI DI KONSENSA, ma na un momentu determinadu nu é un pessoa y na otu, otu; tudu ta depende di ENTIDADI ki ta kontrola situason na kualker instanti.

Kel ki ta orijina ILUSON di UNIDADI y INTEGRIDADI di ANIMAL INTELEKTUAL é pa un parti sensason ki teni se KORPU FÍZIKU, pa otu parti se nomi y apelidus y pa últimu memória y sertu númeru di habitus mekaniku implantadus na el pa EDUKASON, ô atkiridu pa sénplis y tonta imitason.

ANIMAL INTELEKTUAL pobri ka ta pode dexa di SER MÁKINA, ka ta pode muda, ka ta pode atkira SER INDIVIDUAL VERDADERU y konverti na ómi lejítimu, enkuantu ki ka ten valor di ELIMINA VIA KONPREENSÃO DI FUNDU y na órdin susesivu, a kada un di kes entidadi METAFÍSIKA ki na se konjuntu ta konstitui kel ki ta txoma EGO, N, MI MÉSME.

Kada IDÉIA, kada PAIXÃO, kada vísiu, kada AFETU, kada ÓDIU, kada dezeju, etc., etc., etc. teni se korespondenti ENTIDADI y konjuntu di tudas kes ENTIDADI é N PLURALIZADU di PSICOLOGIA REVOLUCIONÁRIA.

Tudas kes ENTIDADI METAFÍSIKA, tudas kes N ki na se konjuntu ta konstitui EGO, ka ten ligason verdaderu entra ses, ka ten koordenadas di ninhun tipu. Kada un di kes ENTIDADI ta depende totalmenti di sirknstánsias, tróka di impressões, susesus, etc.

PANTALLA DI MIENTI ta tróka di kores y senas a kada instanti, tudu ta depende di ENTIDADI ki na kualker instanti ta kontrola mienti.

Pa PANTALLA di mienti ta pasa na kontínua proseson di distintu ENTIDADI ki na se konjuntu ta konstitui EGO ô N PSICOLÓJIKU.

Diverzus ENTIDADI ki ta konstitui N PLURALIZADU ta asosia, ta disosia, ta forma sertus grupus spesial di akordu ku ses afinidadis, ta rinxi entra ses, ta diskuti, ta diskonxese, etc., etc., etc.

Kada ENTIDADI di LEGIÃO txomadu N, kada N pikinoti, ta krê ser tudu, EGO TOTAL, ni remotamenti ta suspeita ma el é só un parti ínfimu.

ENTIDADI ki oji ta djura amor eternu a un mudjer, é dizlokadu más tardi pa un otu ENTIDADI ki nada el ka ten ku kel djuramentu y enton kastélu di kartaz ta bai na txon y mudjer pobri ta txora disepsionadu.

ENTIDADI ki oji ta djura fidelidadi a un kauza, é dizlokadu manhan pa un otu ENTIDADI ki nada el ka ten ku tal kauza y enton sujeitu ta retira.

ENTIDADI ki oji ta djura fidelidadi a GNOSIS, é dizlokadu manhan pa un otu ENTIDADI ki ta odia a GNOSIS.

Mestri y Méstris di Skolas, Koléjius y Universidadis, debi studa es livru di EDUKASON FUNDAMENTAL y pa humanidad teni valor di orienta alunus y alunas pa kaminhu maravisozu di REVOLUSON DI KONSENSA.

É nesesáriu ma alunus konprende nesesidadi di konxese a ses mésmus na tudu terrenus di mienti.

Ta meste un orientason inteletual más efisienti, ta meste konprende kel ki nu é y es debi kumesa desdi mésmu bankus di Skola.

Nu ka ta niga ma dinheru ta meste pa kume, paga aluguer di kaza y bisti-nu.

Nu ka ta niga ma ta meste preparason inteletual, un profison, un téknika pa ganha dinheru, má kel ka é tudu, kel é kel sekundáriu.

Kel primeru, kel fundamental é sabi ken ki nu é, ki nu é, di undi ki nu ben, pa undi ki nu bai, kual ki é objetu di nos izisténsia.

É lamentável kontinua komu bonekus automatikus, mízerus mortais, ómis-máquinas.

É urjenti dexa di ser meras máquinas, é urjenti konverti-nu na ÓMIS VERDADERUS.

Ta meste un tróka radikal y es debi kumesa presezamenti pa ELIMINASON di kada un di kes ENTIDADI ki na konjuntu ta konstitui N PLURALIZADU.

ANIMAL INTELEKTUAL pobri ka é ÓMI má el teni dentru di si na stadu latenti, tudas posibilidadis pa konverti na ÓMI.

Ka é un lei ma kes posibilidadis ta dizenvolve, kel más natural é ma ta perde.

SÓ VIA TREMENDUS SUPER-ESFORSUS ki ta pode dizenvolve tais posibilidadis humanu.

Mutu nu ten ki elimina y mutu nu ten ki atkira. Ta faze nesesáriu faze un inventáriu pa sabi kantu nu sobra y kantu nu falta.

É klaru ma N PLURALIZADU ta sai sobra, é un kusa inútil y prijudisial.

É LÓGIKU fladu ma nu ten ki dizenvolve sertus poderis, sertus fakultadis, sertus kapasidadis ki ÓMI-MÁKINA ta atribui y ta krê ten má ki na realidadi di verdadi KA TEN.

ÓMI-MÁKINA ta krê ma el teni INDIVIDUALIDADI verdaderu, KONSENSA DESPERTA, VONTADI KONSENTI, PODER DI FAZE, etc. y nada di kel el ka ten.

Si nu krê dexa di ser máquinas, si nu krê disperta KONSENSA, teni VONTADI KONSENTI verdaderu, INDIVIDUALIDADI, kapasidadi di FAZE, é urjenti kumesa pa konxese a ses mésmus y dipos disolve N PSICOLÓJIKU.

Kantu ki N PLURALIZADU ta disolve só ta keda dentru di nos SER VERDADERU.