Indivíduu Intigru

IDUKASON FUNDAMENTAL na se verdaderu sentidu é kunprindeson profundu di ken ki nu é; dentu di kada individu ta atxa tudu leis di natureza.

Ken ki kre kunxe tudu maravilhas di natureza, debe studial drentu di si kabesa.

Falsu idukason ta purta ku rikexe intelektu so, y kel-li kualker un pode faze. É óbviu ma ku dinheru, kualker un pode da se luxu di kunpra livros.

Nu ka sta kontra kultura intelektual, nu ta purta ku kel afán dizorganizadu di akumula mentalmenti.

Falsu idukason intelektual ta oferese so fuji fuji finu pa fuji di bo kabesa.

Kada ómi eruditu, kada viciosu intelektual, ta ten senpri fuji fuji maravilhosu ki ta permiti-l fuji di si kabesa.

Di INTELEKTUALISMU sen ESPIRITUALIDADI ta sai LADRONS y es ta leba humanidadi pa KAOS y pa DESTRUISON.

Téknika nunka pode kapasita-nu pa kunxe nu mésmu na forma INTEGRA UNÍ-TOTAL.

Pais di família ta manda se fidjus pa Skóla, pa Koléjiu, pa Universidadi, pa Politékniku, etc., pa prendi algun téknika, pa ten algun profison, pa pode finalmenti ganha vida.

É óbviu ma nu meste sabe algun téknika, ten un profison, ma kel-li é sukundáriu, kel ki é primáriu, kel ki é fundamental, é kunxe nu mésmu, sabe ken ki nu é, di undi ki nu ben, pa undi ki nu sta bai, kual ki é objetu di nos izisténsia.

Na vida ten di tudu, alegria, tristeza, amor, paixon, gós, dor, beleza, fiedadji, etc. y kantu nu sabe vive-l ku intensidadi, kantu nu kunprende-l na tudu NÍVEIS di menti, nu ta atxa nos lugar na Sosiedadi, nu ta kria nos propi téknika, nos forma partikular di vive, sinti y pensa, ma kel kontráriu é falsu sentu pursentu, téknika pa si só, nunka pode orijina kunprindeson di fundu, kunprindeson verdaderu.

Idukason atual dja da un frakasu rotundu pamodi i ta da EXAJERADU importánsia pa téknika, pa profison y é óbviu ma kantu i ta sublinha téknika, i ta konverte ómi na autómatu mekaniku, i ta destrui se midjór pusibilidadis.

Kultiva kapasidadi y efisiénsia sen kunprindeson di vida, sen kunximentu di si mésmu, sen un persepson diretamenti di prosesu di MI MÉSME, sen un studu ku kuidadu di nos propi modu di pensa, sinti, deseja y atua, ta sirbi so pa aumenta nos propi krueldadi, nos propi egoísmu, kel fatoris Psikolójiku ki ta produzi géra, fome, mizéria, dor.

Dizenvolvimentu isklusivu di téknika dja produzi Mekánikus, Siéntifikus, téknikus, físikus atómikus, vivisétoris di pobre animal, inventor di armas distrutivas, etc., etc., etc.

Tudu kes profisional, tudu kes inventor di Bonbas Atómikus y Bonbas di Idrojéniu, tudu kes vivisétoris ki ta atormenta kreaturas di natureza, tudu kes ladron, uniku kuza pa kel ki es ta sirbi, é pa géra y pa destruison.

Nada es ta sabe tudu kes ladron, nada es ta intende di prosesu total di vida na tudu se infinitu manifestason.

Progresu teknolójiku jeral, sistémas di transportis, mákinas kontadoras, iluminação elétriku, elevador drentu di edifísius, serebrus eletrónikus di tudu spésie, etc., ta rezolve milhar di prublémas ki ta prosesa na nível superfisial di izisténsia, ma i ta introduzi na individu y na sosiedadi, monti di prublémas más largu y profundu.

Vive isklusivamenti na NÍVEL SUPERFISIAL sen ten en konta distintu terénus y rijions más profundu di menti, signifika di fetu atrai sobri nós y sobri nos fidjus, mizéria, xoru y dizisperason.

Maior nesesidadi, prubléma más urjenti di kada INDIVÍDUU, di kada persona, é kunprende vida na se forma INTEGRAL, UNITOTAL, pamodi só asina ki nu sta na kondisons di pode rezolve satisfatóriamenti tudu nos íntimus prublémas partikular.

Kunximentu tékniku pa si só ka pode rezolve nunka tudu nos prublémas Psikolójiku, tudu nos profundu konpléksus.

Si nu kre ser OMIN di verdadi, 1NDIVÍDUUS ÍNTEGRUS nu debe AUTO-EXPLORA NOS MESMU PSIKOLÓJIKAMENTI, kunxe nu profundamente na tudu territórius di pensamentu, pamodi a TEKNOLOJIA fora di tudu duvida, ta konverte na un instrumentu distrutivu, kantu nu ka KUNPRENDE di VERDADI tudu prosesu total di izisténsia, kantu nu ka kunxe nu mesmu na forma INTEGRA.

Si ANIMAL INTELECTUAL amaba di VERDADI, si i kunxe si mésmu, si i dja kunprende prosesu total di vida nunka i kometeba KRIMI di FRAKSIONA ÁTOMU.

Nos progresu tékniku é fantástiku ma i logra so aumenta nos poder agresivu pa destrui nu un ku kel otu y pa tudu lugar ta reina teror, fome, ignoránsia y duénsas.

Ninhun profison, ninhun téknika pode da-nu nunka kel ki ta txoma PLENITUD, FELISIDADI VERDADERU.

Kada un na vida ta sufri ku intensidadi na se ofísiu, na se profison, na se tren di vida rutináriu y kuzas y okupasons ta konverte na instrumentus di envídia, murmurasons, ódio, amargura.

Mundu di médikus, mundu di artistas, di inženherus, di advogadus, etc., kada un di kes mundu, sta txinu di dor, murmurasons, kunpeténsia, envídia, etc.

Sen kunprindeson di nos mésmu mera okupason, ofísiu o profison, ta leba-nu pa dor y buska di fuji fuji. Algun ta buska fuji fuji atraves di álkol kantina, taberna, kabaré, otus kre fuji atraves di drogas, morfina, kokaína, marijuana y otus pa meiu di luxúria y diženerason seksual, etc., etc.

Kantu i kre riduzi tudu VIDA a un téknika, a un profison, a un sistema pa ganha dinheru y más dinheru, rezultadu é aburesimentu, fastídiu y buska di fuji fuji.

Nu debe konverte na INDIVÍDUUS ÍNTEGRUS, konpletu y kel só é pusível kunxendu nu mesmu y dizolvendu YO PSIKOLÓJIKU.

IDUKASON FUNDAMENTAL na mésmu tenpu ki i ta stimula aprendižaji di un téknika pa ganha vida, debe realiza algun kuza di maior importánsia, debe djuda ómi, a sprimenta, a sinti na tudu se aspetus y na tudu territórius di menti, prosesu di izisténsia.

Si algun ten algun kuza pa fla ki i fla-l y kel di fla-l é mutu interesanti pamodi asina kada un ta kria pa si mésmu se propi stilu, ma i ta aprende stilus stranhus sen ten sprimentadu diretamenti pa sí mesmu vida na se forma INTEGRA; ta kondus so pa superfisialidadi.