Ivoluson, Involuson, Revoluson

Na prátika, nu pode verifica ma tantu SKOLAS MATERILISTAS ku SKOLAS ESPIRITUALISTAS sta konpletamenti engarrafadu na DOGMA di EVOLUSAUN.

Opiniõs mudernu sobri orijin di ómi y se EVOLUSAUN pasadu, na fundu é puru SOFISTERIA BARATU, ka ta rezisti un stadiu kritiku profundu.

Apézar di tudu teurias di DARWIN aseitadu kuma artigu di FÉ siegu pa CARLOS MARX y se MATERILISMU DIALÉTIKU tan ta grita, sientistas mudernu ka sabe nada sobri orijin di ómi, nada es ka ten prova, nada es ka esperimenta na forma diretu y es ka ten prova spésifiku konkretu, izatu, sobri EVOLUSAUN UMANU.

Pa kontrariu, si nu toma umanidadi istóriku, ki é di últimus binti mil ô trinta mil anu antis di Jizus Kristu, nu ta atxa prova izatu, sinal inkonfundível di un tipu superior di ómi, inkonprensível pa algen mudernu, y ku presença pode ser dimonstradu pa múltiplu testimunhu, Jeróglifu antigu, Pirâmides más antigu, monólitu ezótiku, papiro misteriozu y divérsu monumentu antigu.

Na relason ku ÓMI PRÉ-ISTÓRIKU, ku kel kriaturas strániu y misteriozu ku aspetu tan parésidu ku ANIMAL INTELEKTUAL y sinseru tan diritu, tan diferenti, tan misteriozu y ku ses os ilustri sta sukundidu profundamenti as vezes na jazidas arkaiku di períudu Glacial ô Pré-glacial, sientistas mudernu ka sabe nada na forma izatu y pa esperiência diretu.

SIÊNSIA GNÓSTIKU ta inxina ma ANIMAL RASIONAL tal kuma nu konxi-l, ka é un SER PERFEITU, inda é ka ÓMI na sentidu konpletu di palavra; natureza ta dizenvolve-l até un sertu pontu y dipôs ta bandona-l dexandu-l na konpletu libertadi pa sigui se dizenvolvimentu ô perde tudu se pusibilidadis y dizenera.

LEIS di EVOLUSAUN y di INVOLUSAUN é eixo mekániku di tudu natureza y ka ten nada a ver ku AUTOREALIZASON ÍNTIMA di SER.

Drentu di ANIMAL INTELEKTUAL ten timenti pusibilidadis ki pode ser dizenvolve ô perde, ka é un lei ma es ta dizenvolve. Mekánika EVOLUTIVA ka pode dizenvolve-s.

Dizenvolvimentu di kel pusibilidadis latenti, só é pusível na kondisons ben dfinidu y es ta iziji SUPER-ESFORSU individual timenti y un ajuda efisienti pa parti di kel MESTRI ki dja faze na pasadu kel trabadju.

Ken ki kre dizenvolve tudu se pusibilidadis latenti pa torna ómi, debe entra pa kunfortu di REVOLUSAUN DI KONSIÊNSIA.

ANIMAL INTELEKTUAL é GRAN, SEMINTI; di kel seminti pode naxi ÁRBURI DI VIDA, ÓMI VERDADERU, kel ÓMI ki staba ta buska DIOGENES ku un lámpada sinsendid pa ruas di ATENAS y a Meiu dia y ki dizgrasadu ka pode atxa.

Ka é un LEI ma es gran, ma es seminti tan spesial pode dizenvolve, kel normal, kel natural é ma se perde.

ÓMI VERDADERU é tan diritu ku ANIMAL INTELEKTUAL, kma RAIU ku nuvi.

Si gran ka more seminti ka ta jermina, é nesesáriu, é urjenti ma more EGU, EU, MI MÉSMA, pa ki naxi ÓMI.

Mestri y Mestra di Skolas, Coléjius y Universidades, debe inxina ses alunus CAMINHU di ÉTIKA REVOLUSIONÁRIU, só asina é pusível atinji mortu di EGU.

Fazendu ÊNFAZE nu pode afirma ma REVOLUSAUN DI KONSIÊNSIA ka só é raru na es mundu, mas kada bês ta torna más raru y más raru.

REVOLUSAUN DI KONSIÊNSIA ten três fatoris perfetamenti dfinidu: Priméru, More; Sigundu, Naxi; Tirséru, Sakrifisiu pa umanidadi. Ordi di fatoris ka ta altera kel produtu.

MORÍ é kiston di ÉTIKA REVOLUSIONÁRIU y DISOLUSAUN di EU PSIKOLÓJIKU.

NAXI é kiston di TRANSMUTASON SEKSUAL, es asuntu ta korresponde a SEKSUOLOGIA TRANSCENDENTAL, ken ki kre studa es tema, debe skrebe-nu y konxi nos librus Gnóstiku.

SAKRIFISIU pa umanidadi é KARIDADI UNIVERSAL KONSIENTI.

Si nu ka deseja REVOLUSAUN DI KONSIÊNSIA, si nu ka faze SUPER-ESFORSU timenti pa dizenvolve kel pusibilidadis latenti ki ta leba-nu AUTU-REALIZA2ON ÍNTIMA, é klaru ma kel pusibilidadis ka ta dizenvolve nunka.

Son mutu raru kes ki ta AUTU-REALIZA, kes ki ta salva y na kel ka izisti injustisa algun, pur ki ki pobre ANIMAL INTELEKTUAL debe ten kel ki ka deseja?

Mesa un mudansa radikal total y definitivu mas ka tudu seris kre kel mudansa, ka ta deseja-l, ka ta sabe-l y es ta fladu y ka ta ntende-l, ka ta konprende-l, ka ta interesa-s. Pur ki ki es debe ser dádus ku forsa kel ki ka kre?

Verdadi é ma antis di adquiri individu NOVAS FAKULDADIS ô NOVOS PODERES, ki ka konxi ni rremotamenti y ki inda ka ten, debe adquiri fakuldadis y poderis ki inkivokadamenti ta kri ten, mas ki na rialidadi ka ten.