Intigrason

Un di kes desejus más grandi di psikologia é atinji INTEGRASON TOTAL.

Si MI serba INDIVIDUAL, problema di INTEGRASON PSIKOLÓJIKA ta serba rizolvidu ku más fasilidadi, má pa dizgrasa di mundu, MI ezisti dentu di kada pessoa na forma PLURALIZADA.

MI PLURALIZADU é kauza fundamental di tudu nos kontradisons íntimu.

Si nu podese odja nos na spelu di korpu interu tal komu nu é PSIKOLÓJIKAMENTI ku tudu nos kontradisons íntimu, nu ta xigaba na konkluzon penozu ma nu ka ten inda verdaderu individualidadi.

Organizmu umanu é un makina maraviozu kontroladu pa MI PLURALIZADU ki é studadu a fundu pa PSIKOLOGIA REVOLUSIONÁRIA.

N ta bai le jornal, MI INTELEKTUAL ta fla; N kre asisti festa, MI EMOUSIONAL ta sklama; a DIABU ku festa, MI DI MOVIMENTU ta grunhi, mió n ta bai pasea, MI ka kre pasea, MI di instintu di konsirvason ta grita, N ten fomi i n ta bai kumi, etc.

Kada un di kes pikinoti MIES ki ta konstitui EGU, kre manda, ser donu, sinhor.

A luz di psikologia revolusionaria nu pode konprende ma MI é lejion i ma Organizmu é un makina.

Kes pikinoti MIES ta briga entré si, ta diskuti pa supremasia, kada un kre ser xefi, donu, sinhor.

Isu ta splika stadu lamentavel di dezintegrason psikolójiku ki animal intelektual ki xamadu inkoreitamenti HOMI ta vive.

É nesesariu konprende kel ki signifika palavra DEZINTEGRASON na PSIKOLOGIA. Dezintegra é dizbarata, dispersa, dizgara, kontradize, etc.

Prinsipal kauza di DEZINTEGRASON PSIKOLÓJIKA é envidia ki ta kustuma manifesta as vezes na forma izkisitamenti sutil i delisiozu.

Envidia é polifasétiku i ezisti milhar di razon pa justifika-l. Envidia é mola sekretu di tudu makinaria sosial. A kes Inbesil ta inkanta justifika envidia.

Riku ta envidia riku i kre ser más riku. Kes pobri ta envidia kes riku i kre ser riku tanbe. Kel ki ta skrebe ta envidia kel ki ta skrebe i kre skrebe mió. Kel ki ten txeu esperiensa ta envidia kel ki ten más esperiensa i deseja ten más ki kel.

Jintis ka ta kontenta ku pon, abriggu i rifújiu. Mola sekretu di envidia pa karu di otu, pa kasa di otu, pa traji di vizinhu, pa txeu dinheru di amigu o di inimigu, etc. ta produzi desejus di midjora, adquiri kuzas i más kuzas, vistidus, trajis, virtudi, pa ka ser menus ki otus, etc. etc. etc.

Kel más tráxiku di tudu isu é ma prosesu akumulativu di esperiensias, virtudi, kuzas, dinheru, etc. ta robustese MI PLURALIZADU, ta intesifika antonsi dentu di nos mésmu kes kontradisons íntimu, kes dizgaradura spantozu, kes batalha kruel di nos interior, etc. etc. etc.

Tudu isu é dor. Nada di isu pode traze kontentu verdaderu pa korason aflitu. Tudu isu ta produzi aumentu di krueldadi na nos psiki, multiplikason di dor, diskontentamentu kada vez i más profundu.

MI PLURALIZADU ta atxa sinpre justifikativus até pa kes pior delitu i a kel prosesu di envidia, adquiri, akomula, konsigi, mésmu kantu ki serba a spensa di trabadju di otu, é xamadu evoluson, progresu, avansu, etc.

Jintis ten konsiensia durmidu i ka ta da konta ma es é envidiosu, kruel, kodisiosu, zelozu, i kantu ki pa algun motibu es ta xiga da konta di tudu isu, antonsi es ta justifika, ta kondena, ta buska izivaziva, má es ka ta konprende.

Envidia é difísil di diskubri debidu a fetu konkretu di ma munti umanu é envidiosu. Strutura di munti ta baza na envidia i na aquisison.

Envidia ta kumesa desdi bankus di skóla. Nu ta envidia midjor inteligénsia di nos kondisípulus, kes midjor kalifikasons, kes midjor trajis, kes midjor vistidus, kes midjor sapatus, midjor bisikleta, kes patinás bunitu, kel bóla bunita, etc. etc.

Kes mestre i mestras ki xamadu pa forma personalidade di alunus i alunas, debe konprende kel ki é kes infinitu prosesus di envidia i stabelese dentu di PSIKIS di ses studantis simentu adekuadu pa konprensón.

Munti, envidiosu pa natureza, so ta pensa en funson di MAS. “MI pode splika mió, MI ten más kunhisimentu, MI é más intelijenti, MI ten más virtudi, más santifikasons, más perfison, más evoluson, etc.”

Tudu funsionalismu di munti ta baza na MAS. EL MAS é intimu mola sekretu di envidia.

EL MAS é prosesu konparativu di munti. Tudu prosesu konparativu é ABUMINABEL. Izénplu: N é más intelijenti ki bo. Fulanu di tal é más virtuozu ki bo. Fulana di tal é mió ki bo, más sâbi, más bondozu, más bunita, etc. etc.

EL MAS ta kria tenpu. EL MI PLURALIZADU prisiza tenpu pa ser mió ki vizinhu, pa dimustra pa família ma é txeu jéniu i ki pode, pa xiga ser algén na vida, pa dimustra pa ses inimigus, o kes ki ta envidia, ma é más intelijenti, más puderozu, más forti, etc.

Kel pensa konparativu ta baza na envidia i ta produzi kel ki xamadu diskontentamentu, dizasosiegu, amargura.

Dizgrasadamente jintis ta bai di un opostu pa otu opostu, di un stremu pa otu, ka ta sâbi minha pa sentru. Txeu ta luta kontra diskontentamentu, envidia, kodisia, zelo, má luta kontra diskontentamentu ka ta traze nunka verdaderu kontentu di korason.

É urjenti konprende ma verdaderu kontentu di korason trankilu, ka ta kunpra ni ta bende i so ta nase na nos ku intera naturalidadi i na forma spontánea kantu nu ten konprendedu a fundu kes kauza mésmu di diskontentamentu; zelo, envidia, kodisia, etc. etc.

Kelis ki kre konsigi dinheru, magnífika pozison sosial, virtudi, satisfason di tudu spési, etc. ku prupozitu di atinji verdaderu kontentamentu, sta totalmenti inkoretu pamodi tudu isu ta baza na envidia i kaninhu di envidia ka pode nunka konduzi-nu pa portu di korason trankilu i kontenti.

Munti imbutilhadu na MI PLURALIZADU ta faze di envidia un virtudi i até ta da luxu di pone-l nómi delisiozu. Progresu, evoluson spirital, anhelo di superason, luta pa dignifikason, etc. etc. etc.

Tudu isu ta produzi dezintegrason, íntimus kontradisons, lutas sekretu, problema di difísil rizuluson, etc.

É difísil atxa na vida algén ki serba verdaderamenti INTEGRU na sentidu más konpletu di palavra.

Ta rizlta totalmenti inposivel logra INTEGRASON TOTAL enkuantu ki ezisti dentu di nos mésmu MI PLURALIZADU.

É urjenti konprende ma dentu di kada pessoa ezisti tres fator básiku, Primeru: Personalidadi. Sigundu: MI PLURALIZADU. Terseru: Material psikiku, é dizê, A ESENSIA MÉSMA DI PESSOA.

MI PLURALIZADU ta malgasta tolamente material psicolójiku na spluzons átomikus di envidia, zelo, kodisia, etc. etc. É nesesariu dizolve MI pluralizadu, ku prupozitu di akomula dentu, material psikiku pa stabelese na nos interior un sentru permanenti di konsiensia.

Ken ki ka posse un sentru permanenti di konsiensia, ka pode ser íntegru.

So sentru permanenti di konsiensia ta da-nu verdaderu individualidadi.

So sentru permanenti di konsiensia ta faze-nu íntegru.