La Ambison

A AMBISON ten vários kauzas y un di es é kel ki ta txoma MEDU.

Kel mininu ki ta limpa sapatu di omi riku na parki di sidadi luxuozu, el podi bira ladron si el kumessa ta sinti medu di pobresa, medu di se kabesa, medu di se futuru.

Kel modista ki ta trabadja na loja grandi di riku, el podi bira ladrona ô prustituta di noti pa dia, si el kumessa ta sinti medu di futuru, medu di vida, medu di bedjés, medu di se kabesa, etc.

Kel empregadu di mesa elegantis di restoranti di luxu ô di otel grandi, el podi bira GANSTER, un bandidu ki ta ruba banku, ô un ladron finu, si pa disgraça el kumessa ta sinti medu di se kabesa, di se pozison umildi di empregadu di mesa, di se propiu futuru, etc.

Kel insetu insignifikanti ta ambisona ser elegantis. Kel empregadu ki ta atendi klienti na balcão ku pasiénsia y ki ta mostra gravata, kamiza, sapatu, ta faze txeu reverénsia y ta sorri ku mansidun falsu, el ta ambisona más kuza porki el ten medu, txeu medu, medu di mizéria, medu di se futuru skuru, medu di bedjés, etc.

A AMBISON é polifasétiku. A AMBISON ten kara di santu y kara di diablu, kara di omi y kara di mudjer, kara di interesi y kara di dizinteresi, kara di virtuozu y kara di pidador.

Izişti AMBISON na kel ki kre kaza y na kel BEDJU SOLTERON teimosu ki ta odja kaza ku odju fedju.

Izişti AMBISON na kel ki ta deseja ku lókura infinitu “SER ALGEN”, “FIGURA”, SUBI” y izişti AMBISON na kel ki ta vira ANACORETA, ki ka ta deseja nada di es mundu, porki se uniku AMBISON é alkansa SEU, LIBERTA SE, etc.

Izişti AMBISON TERENU y AMBISON ESPIRITUAL. Asvez a AMBISON ta uza maskara di DIZINTERESI y di SAKRIFISIU.

Ken ki ka ta AMBISIONA es mundu ruin y MIZERABEL, ta AMBISIONA kel otu y ken ki ka ta AMBISIONA dinheru, ta AMBISIONA PODERES PSÍKIKU.

A MI, a MI MESMU, a MI PROPIU, ta gosta di skonde AMBISON, mete el na kantinhus más sekretu di menti y dipôs el ta fla: “MI KA TA AMBISIONA NADA”, “MI N TA AMA NHA SEMELHANTI”, “MI N TA TRABDJABA DIZINTERESADAMENTI PA BEN DI TUDU SERIS HUMANU”.

KEL PULÍTIKU SPERTU ki sabe tudu kuza, asvez ta da spantu na multidon ku se obra ki ta parse dizinteresadu, más kantu el abandona empregu, é normal ki el sai di se paizi ku alguns milhon di dólar.

A AMBISON disfrasadu ku MASKARA DI DIZINTERESI, normalmenti ta ingana jintis más spiertu.

Izişti na mundu txeu jintis ki so ta AMBISIONA ka ser AMBISIONSU.

É txeu jintis ki ta rinunsia a tudu pompa y vaidadis di mundu porki so ta AMBISIONA se propiu AUTO PERFEISON ÍNTIMU.

Kel penitenti ki ta kaminha na djuëlh dirotu pa ténplu y ki ta flagela xeiu di fé, aparentementi ka ta ambisona nada y até el ta da luxu di da sen ka raba nada di ningen, más é klaru ki el ta AMBISIONA MILAGRI, kurason, saúdi pa si kabesa ô pa algun familiar, ô tanbê, salbason eternu.

Ami n ta admira ómis y mudjeris verdaderamenti relijiozu, más n ta lamenta ma es ka ta ama se relijion ku tudu DIZINTERESI.

Relijionis santu, seitas sublimi, ordens, sosiedadi spirutual, etc. Meresi nos AMOR DIZINTERESADU.

É mutu raru atxa na es mundu algin ki ta ama se relijion, se skóla, se seita, etc. dizinteresadamenti. Kel-li é lamentabel.

Tudu mundu sta xeiu di ambisons. Hitler lansa na géra pa ambison.

Tudu géra ten se orijin na medu y na AMBISON. Tudu prubléma más gravi di vida ten se orijin na AMBISON.

Tudu mundu ta vive na luta kontra tudu mundu pa kauza di ambison, uns kontra otus y tudu kontra tudu.

Tudu algen na vida ta AMBISIONA SER ALGU y jintis di sertu idadi, mestre, pai di família, tutor, etc. ta stimula mininus, mininas, senhoritas, jovens, etc. pa sigui pa kaminhu orrendu di AMBISON.

Grandis ta fla pa alunus y alunas, bu ten ki ser algun kuza na vida, vira riku, kaza ku jintis milionáriu, ser puderozu, etc. etc.

Jerasons bedju, orível, feiu, antikwadu, kre ki jerasons novu ser tanbê ambisonsu, feiu, y orível sima es.

Kuza más gravi di tudu es-li, é ma jintis novu ta dexa “MAREA” y tanbê ta dexa konduzi pa kel kaminhu orível di AMBISON.

Mestri y mestras debe inxina pa ALUNUS y ALUNAS ki ninhun trabadju onradu ka meresi dizprézu, é absurdu odja ku dizprézu chofer di táksi, empregadu di balcão, kanponez, limpadór di sapatu, etc.

Tudu trabadju umildi é bonitu. Tudu trabadju umildi é nesesáriu na vida sosial.

Ka tudu nos nase pa injenheru, gobernadores, prezidentis, dotoris, advogadus, etc.

Na konglomeradu sosial ta meste tudu trabadju, tudu ofisiu, ninhun trabadju onradu pode nunka ser dizprezabel.

Na vida prátiku kada ser umanu ta sirbi pa algun kuza y kuza inportanti é sabe pa ki kuza kada un ta sirbi.

É deber di MESTRIS y MESTRAS diskubri VOKASON di kada studanti y orienta-l na kel sentidu-li.

Kel ki trabadja na vida di akordu ku se VOKASON, el ta trabadja ku AMOR VERDADERU y sen AMBISON.

AMOR debe ranplasa AMBISON. VOKASON é kel ki dja ta gosta di verdadi, kel profison ki ku alegria n ta dizepenha porki é kel ki n ta agrada, kel ki N TA AMA.

Na vida modernu pa disgraça jintis ta trabadja ku dizgostu y pa ambison porki es ta izersi trabadjus ki ka ta kuinsidi ku se vokason.

Kantu un ta trabadja na kel ki el ta gosta, na se vokason verdaderu, el ta faze el ku AMOR porki el ta AMA se vokason, porki se ATITUDIS pa vida é prinsipalmenti kel di se vokason.

Ese prinsipalmenti é trabadju di mestris. Sabe orienta se alunus y alunas, diskubri se aptidons, orienta-l pa kaminhu di se vokason auténtiku.