La Busca di Siguransa

Kantu pintinhus ten midu, es ta skonde debaixu di asas amorozu di galinha pa buska siguransa.

Mininu ku midu ta kore pa buska se mai, pamodi djuntu ku el es ta kre ta siguradu.

Enton sta dimonstradu ma MIDU i buska di SIGURANSA ta atxa senpri íntimamente asosiadu.

Omi ki ten midu di ser saltadu pa bandidu ta buska siguransa na se pistola.

Pais ki ten midu di ser atakadu pa otu pais, ta kunpra kanhon, avion, naviu di géra i ta arma ezércitus i ta poi na pé di géra.

Tanti sujeitu ki ka sabe trabadja, aterorizadu antis di mizéria ta buska siguransa na delitu, i es ta vira ladron, saltanti, etc…

Tanti mudjer ki ka ten inteligênsia asustadu antis di pusiblidadi di mizéria ta konvete na prustituta.

Omi sivumus ten midu di perde se mudjer i ta buska siguransa na pistola, ta mata i dipôs é klaru ma el ta bai para na prisão.

Mudjer sivumu ta mata se rival ô se maridu i asim el ta konvete na asassina.

El ten midu di perde se maridu i kerendu asegura-l, el ta mata kel otu ô el ta rizolve asassina-l.

Kazeru ku midu di ma algen ka paga-l alugel di kesa, ta iziji kontratu, fiador, depózitu, etc., kerendu asim asegura-se i si un viúva pobri i txinu di fidju ka pode kumpri tamenti izijênsias, i si tudu kazeru di un siidadi faze mésmu kuza, finalmenti infilís ten ki bai durmi ku se fidjus na rua ô na parki di siidadi.

Tudu géra ten se orijin na midu.

Gestapus, turturas, kanpu di konsentrasaun, siberias, prisão spantozu, distêru, trabadju forsadu, fuzilamentu, etc. ten orijin na midu.

Nasons ta ataka otus nasons pamodi midu; es ta buska siguransa na violênsia, es ta kre ma matandu, invadindu, etc. es pode faze es siguradu, forti, puderozu.

Na eskritóriu di pulísia sekreta, kontra-spionaji, etc. tantu na lesti ku na oésti, ta tortura spions, ta ten midu di es, es kre faze es kunfesa ku prupozitu di atxa siguransa pa Stadu.

Tudu delitu, tudu géra, tudu krimi, ten se orijin na midu i na buska di siguransa.

Na otus ténpus tinha sinceridadi entra algen, oji midu i buska di siguransa kababa ku fragânsia maravilhozu di sinceridadi.

Amigu ta diskunfia di amigu, ten midu ma kel li ta roba-l, ta stafa-l, ta splora-l i timenti ten másima stúpidu i perverseu sima es li: “NUNKA KA DA Kosta PA BO MIOR AMIGU”. Kes HITLERIANU ta dizia ma kel MÁXIMA li era di Oru.

Ja amigu ten midu di amigu i timenti uza MÁXIMAS pa proteje-se. Ja ka ten sinceridadi entra amigus. Midu i buska di siguransa kababa ku delisiozu fragânsia di sinceridadi.

Kastru Rús na Kuba fuzila milharis di sidadaun ku midu di ma es ta kababa-l; Kastru ta buska siguransa fuzilandu. El ta kre ma asim el pode atxa Siguransa.

Stalin, kel perverseu i sanguináriu Stalin, suja Rusia ku ses purga sangrentu. Kel li era forma di buska se siguransa.

Hitler organiza Gestapu, kel terível Gestapu, pa siguransa di Stadu. Ka ten dúvida di ma el tinha midu ma es ta derrota-l i pamodi kel el funda kel sangrentu Gestapu.

Tudu amargura di es mundu ten se orijin na midu i buska di siguransa.

Mestri i mestra di skola debe inxina alunus i alunas virtudi di valor.

É lamentável ma mininus i mininas ta xeiu di temor désdi ses própiu lar.

Pa mininus i mininas es ta ameaça, es ta intimida, es ta ateroriza, es ta da di palu, etc.

É kustumi di pais di família i mestris, ateroriza mininu i joven ku prupozitu di ma el ta studa.

Pa kustumi es ta fla pa mininus i jovens ma si es ka studa es ten ki pidi limosna, vaga ku fomi na ruas, izersê trabadjus mutu umildi sima limpa sapatu, karega fardus, vende jornal, trabadja na aradu, etc. etc. etc. (Kuma si trabadju éra delitu)

Na fundu, trás di tudu kes palavra di pais i mestris, izisti midu pa fidju i buska di siguransa pa fidju.

Kuza gravi di tudu es kuza ki nu sta ta fla, é ma mininu i joven ta akompleksa, ta xeiu di temor i más tardi na vida prátika es é sujeitus xeiu di midu.

Pais di família i mestris ki ten mal góstu di asusta mininus i mininas, jovens i mininas, na forma inkonxenti es ta enkaminha es pa kanminhu di delitu, pamodi sima ja nu fla, tudu delitu ten, se orijin na midu i buska di siguransa.

Oji na dia MIDU i BUSKA DI SEGURANSA konvete planeta terra na un spantozu infernu. Tudu mundu ten midu. Tudu mundu kre siguransa.

Na otus ténpus pode viaja livrementi, gora fronteiras sta xeiu di guardas armadu, ta iziji pasaporti i sertifikadus di tudu spési pa ten direitu di pasa di un país pa otu.

Tudu es é rizultadu di midu i BUSKA DI SEGURANSA. Ta ten midu di kel ki ta viaja, ta ten midu di kel ki ta txiga i ta buska siguransa na pasaportis i papel di tudu spési.

Mestri i mestra di skola, koléjius, unversidadis debe kunprinde oror di tudu es i kuopera pa ben di mundu, sabendu eduka novas jerasons, inxinando es kanminhu di valor autentiku.

É URGENTI inxina novas jerasons pa ka ten midu i pa ka buska siguransa na nada ni na algen.

É indispensável ma tudu indívidu prende ta kunfia más na si mésmu.

MIDU i BUSKA di SEGURANSA é terível debilidadis ki konvete vida na un spantozu INFERNU.

Pa undi ki bu bai ta abunda kurajon, midrosu, fraku ki ta anda senpri na buska di SEGURANSA.

Ta ten midu di vida, ta ten midu di morti, ta ten midu di kel ki ta fla, “di diz ki se diz”, di perde puizison sosial, puizison pulítika, prestíjiu, dinheru, kesa bonitu, mudjer bonitu, bon maridu, inpregu, negósiu, monopóliu, móbis, karu, etc. etc. etc. di tudu se ten midu, ta abunda pa tudu parti kurajon, midrosu, fraku, más ningen ka kre si mésmu kurajon, tudu ta prezum di forti, valorozu, etc.

Na tudu klasis sosiais izisti milharis i milhons di interesis ki se ten midu di perde i pamodi kel tudu el mundu ta buska siguransas ki a forsa di faze kada vez más i más konpléksu, ta faze di fétu vida kada vez más konplikadu, kada vez más difísil, kada vez más amargu, kruél i dispiadadu.

Tudu murmurason, tudu kalúnia, intriga, etc., ten se orijin na midu i buska di siguransa.

Pa ka perde fortuna, puizison, poder, prestíjiu, ta propaga kalúnia, xismugrafias, ta asassina, ta paga pa es asassina na sekretu, etc.

Kes puderozu di terra ta da ti luxu di ten asassinus a soldadu i mutu ben pagadu, ku prupozitu askejanti di ilimina tudu kel ki ameasa ilimina es.

Es ta ama poder pa poder mésmu i se asegura-l a bazi di dinheru i mutu sangri.

Jornalis konstantimenti sta ta da notísias di tanti kazus di suísidiu.

Tantu ta kre ma kel ki ta suisida é valorozu más rialmenti ken ki ta suisida é un kurajon ki ten-l midu di vida i ki ta buska siguransa na brasus diskarnadu di morti.

Alguns eróis di géra foi kunxedu kuma pessoas fraku i kurajon, más kantu es odja kara a kara ku morti, ses terror foi tan spantozu, ki es vira na féra terível buskandu siguransa pa ses vida, fazendu un sforsu supremu kontra morti. Enton es deklaradu EROIS.

Midu sueli kunfundi ku valor. Ken ki ta suisida ta parsi mutu valorozu, ken ki ta karega pistola ta parsi mutu valorozu, más na rialidadi suicidas i pistolerus é mutu kurajon.

Ken ki ka ten midu di vida ka ta suisida. Ken ki ka ten midu di ningen ka ta karega pistola na sintu.

É URGENTI ma mestri i mestra di skola inxina sidadaun na forma klaru i prizizu, kel ki é VALOR di verdadi i kel ki é midu.

MIDU i BUSKA di SEGURANSA konvete mundu na un spantozu infernu.