La Konsiénsia

Pessoas ta atxita CONSENSA ku INTELIGÊNCIA ô ku INTELECTU, i pessoa ki é mutu inteligente ô inteletual, es ta da-l apelidu di mutu consiente.

Nu ta afirma ma CONSENSA na ómi é sen dúvida i sen medu di engana, un tipu partikular di APREENSON DI KONXIMENTU INTERIOR totalmenti independenti di kualkér atividadi mental.

Fakuldadi di CONSENSA ta permiti-nu konximentu di NOS MÉSMU.

CONSENSA ta da-nu konximentu interu di kel ki É, di undi ki sta, di kel ki dja sabe, di kel ki realmente ignora.

PSIKOLOJIA REVOLUSIONÁRIA ta inxina ma so ómi mésmu ki pode txiga na konxe si mésmu.

So nós ki pode sabe si nu sta consiente na un momentu dadu ô nón.

So un mésmu ki pode sabe di si própi konsensa i si es ta existi na un momentu dadu ô nón.

Ómi mésmu i nen ningen más ki el, pode da konta pa un instantis, pa un momentu, ma antis di kel instantis, antis di kel momentu, realmente el ka ta staba consiente, el teneba si konsensa mutu durmida, dipôs el ta skese kel esperiênsia ô el ta konserva-l komu un lembransa, komu lembransa di un forti esperiênsia.

É urjenti sabe ma CONSENSA na ANIMAL RASIONAL ka é un kuza kontínu, permanenti.

Normalmenti CONSENSA na ANIMAL INTELETUAL txomadu ómi, ta durmi fundu.

Rarus, mutu rarus é momentus na kel ki CONSENSA sta spierta; animal inteletual ta trabadja, ta diriji karu, ta kaza, ta móre, etc. ku konsensa totalmenti durmida i so na momentus mutu esepsional ki ta spierta:

Vida di ser humanu é un vida di sonhu, má el ta kre ma el sta spierta i nunka el ka ta admiti ma el sta sunha, ma el tene konsensa durmida.

Si algén txiga na spierta, el ta sinti spantosamenti envergonhadu ku si mésmu, el ta konprende di imediatu si palhaçada, si ridikuliz.

Es vida é spantosamenti ridíkulu, horrivelmenti trájiku i raramenti sublime.

Si un boksidor txiga na spierta di imediatu na plenu briga, el ta odja envergonhadu pa tudu públiku onrável i el ta fuji di kel spetákulu orrível, anti asombru di multitudis durmida i inkonsienti.

Kantu ser humanu ta admiti ma el tene CONSENSA DURMIDA, pode tene serteza ma dja kumesa spierta.

Skolas reasionáriu di Sikolojia antigadu ki ta nega esistênsia di CONSENSA i até inutilidadi di tal térmu, ta akusa stadu di sonhu más fundu. Sekuásius di kes Skolas ta durmi mutu fundu na un stadu pratikamenti infra-konsienti i inkonsienti.

Kes ki ta atxita konsensa ku funsonis Psikolójiku; pensamentus, sentimentus, impulsus motrisi i sensasonis, realmente es ta mutu inkonsienti, ta durmi fundu.

Kes ki ta admiti esistênsia di CONSENSA má ta nega di planu distintu gradus konsientivu, ta akusa falta di esperiênsia konsienti, sonhu di konsensa.

Tudu pessoa ki pa algun bês dja spierta momentaneamente, sabe mutu ben pa esperiênsia própi ma ta existi distintu gradus di konsensa observável na un mésmu.

Primeru Ténpu. Kuantu ténpu nu permanese konsienti?

Sigundu Frekuênsia. Kuantas bês nu dja spierta konsensa?

Terseru. AMPLITUDI I PENETRASON. Di ki sa konsiente?

PSIKOLOJIA REVOLUSIONÁRIA i antiga PHILOKALIA ta afirma ma através di grandi SUPER-ESFORSUS di tipu mutu spesial pode spierta konsensa i faze-l kontínu i kontrolável.

EDUKASON FUNDAMENTAL tene pa objetivu spierta CONSENSA. Di nada ka ta sirbi dés ô kinzi anus di studus na Skóla, na Koléjiu i na Universidadi, si kantu nu sai di aulas nu é autómatas durmido.

Ka é esajeru afirma ma através di algun grandi ESFORSU pode ANIMAL INTELETUAL ser konsiente di si mésmu tan so pa un pár di minutu.

É klaru ma na es kuza ta kustuma tene oji rarus esesons ki nu tene ki buska ku lanterna di Diójenis, kes kazus rarus sta reprezentadu pa HOMENS VERDADERU, BUDDHA, JESÚS, HERMES, QUETZACOATL, etc.

Es fundadores di RELIJIONIS posuiba CONSENSA KONTÍNUA, es foi grandi ILUMINADUS.

Normalmenti gentis KA é konsienti di si mésmu. Iluson di ser konsienti na forma kontínua, ta nase di memória i di tudu prosesus di pensamentu.

Ómi ki ta pratika un ezersísiu retropesitivu pa lembraba tudu si vida, pode na verdadi rememora, lembraba kuantas bês el kaza, kuantu fidju el djenera, ken ki foi si pais, si Mistris, etc., má es ka ta signifika spierta konsensa, es é simplismenti lembraba atus inkonsienti i es é tudu.

É nesesáriu repiti kel ki dja nu dize na kapitulus prisidenti. Ta existi kuatu stadu di CONSENSA. Es é: SONHU, stadu di VÍJILIA, AUTO-Konsensa i CONSENSA OBJETIVU.

Pobri ANIMAL INTELETUAL ekivokadamenti txomadu OMI, so ta vive na dôs di kes stadu. Un parti di si vida ta transkore na sonhu i otu na mal txomadu ESTADU DI VÍJILIA, kel ki tanbê é sonhu.

Ómi ki ta durmi i sta sunha, ta kre ma el ta spierta pa fetu di volta pa stadu di víjilia, má na realidad durante es stadu di víjilia el ta kontinua sunha.

Es semenlhanti ku amanhese, ta sukundi strelas debidu luz solar má es ta kontinua existi mésmu ki olhus físiku ka ta persibe-s.

Na vida normal kunun i korrenti ser humanu nada ka sabe di AUTO-KONSENSA i mutu menus di CONSENSA OBJETIVU.

Sinbargu gentis é orgulhosa i tudu mundu ta kre AUTO-KONSIENTE; ANIMAL INTELETUAL ta kre firmementi ma el tene konsensa di si mésmu i di nen un manera el ka ta aseita ma ta dizé-l ma é un durmido i ma el ta vive inkonsienti di si mésmu.

Ta existi momentus esepsional na kel ki ANIMAL INTELETUAL ta spierta, má kes momentus é mutu raru, pode reprezenta-s na un instantis di perigu supremu, durante un intensa emuson, na algun novu sirskunstánsia, na algun novu situason inisperadu, etc.

É verdaderamenti un dizgrasa ma pobri ANIMAL INTELETUAL ka tene ninhun domíniu sobri kes stadu fugásis di konsensa, ki ka pode evoka-s ki ka pode faze-s kontínu.

Sinbargu EDUKASON FUNDAMENTAL ta afirma ma ómi pode ALKANSA kontroli di CONSENSA i akiri AUTO-KONSENSA.

PSIKOLOJIA REVOLUSIONÁRIA tene métodus prusedimentus sientífiku pa SPERTA CONSENSA.

Si nu kre SPERTA CONSENSA nu meste kumesa pa izamina, studia i dipôs elimina tudu obstákulus ki ta aprezenta-nu na kaminhu, na es livru nu inxina kaminhu pa spierta CONSENSA kumesandu désdi mésmu bankus di Skóla.