La Intilijénsia

Nu podêmo verifica ma txeu profesoris di Storia Universal na oksidenti di mundu ta kustuma ridikuliza BUDA, Confúcio, Maomé, Hermes, Quetzacoal, Moisés, Krishna, etc.

Sen dúvida, nu podê konfirma txeu bês, sarkasmu, mófa, ironia lansa pa profesoris kontra relijions antigu, kontra deus, kontra mitulojia, etc. Tudu kel-li é propi falta di intelijénsia.

Na skólas, koléjius i universidadi, ten ki trata di téma rilijiozu, ku más respetu, ku altu sentidu di venerason, ku verdaderu intelijénsia kriadora.

Formas rilijiozas ta konserva valoris eternu i ê organizadu di akordu ku nesesidadis psikolójiku i istóriku di kada povu, di kada rasa.

Tudu relijion ten mésmu prinsípius, mésmu valoris eternu i ta diferensia sô na forma.

Ka é intelijenti ki un kriston ridikuliza relijion di Buda ô di relijion Ebraiku ô Hinduísta pamodi tudu relijion ta diskansa sobri mésmu aliserse.

Sátiras di txeu inteletual kontra relijion i ses fundadores debe a benenu MARXISTA ki na es ténpus li ta intoxika tudu mentis fraku.

Profesoris di skólas, koléjius i universidadi debe orienta ses alunus pa kunfrenti di verdaderu respetu pa nos similhanti.

É a tudu luzis perversu i indignu kel paton ki na nomi di un teoria di kualker tipu, ta ridikuliza ténplus relijion, sêtas, skólas ô sosiedadi spirital.

Na bandona klas di studu, studantis ten ki lidu ku jintis di tudu relijion, skólas, sêtas i ka é intelijenti kel ki nen sabe guarda devidu postura na un ténplu.

Na bandona klas dipôs di dés ô kinzi anu di studu, jovens i mininas ta atxa tan lentu i durmida sima otus ser umanu, tan txinu di vakuidadi i falta di intelijénsia sima primeru dia ki es entra na skóla.

É urjenti ki studantis entri otu kuza, ta dizenvolve sentru imosional pamodi tudu ka é inteletu. Ta torna nesesáriu prendi sinti armonias íntimu di vida, beleza di árvor solitáriu, kantu di pajaritu na matu, sinfonia di múzika i kores di un belu okazon.

É tanbê nesesáriu sinti i konprende profundamenti tudu kontrastis orríbli di vida, sima ê órdin sosial cruel i dizpiadadu di ésa époka ki nu sta vive, ruas txinu di máis infeliz ki ku ses fidjus diznutridu i ku fomi ta piditxa un pida di pon, kazas feiu undi ki ta vive milharis di família pobri, stradas repugnanti undi ki ta serkula milharis di karu propulsadu ku kes konbustível ki ta danifika organizmus, etc.

Studanti ki ta bandona klas ten ki enfrentá ka sô ku se propi egoísmu i ku se propi prublémas, más tanbê ku egoísmu di tudu jintis i ku mútiplus prublémas di sosiedadi umana.

Kuza más gravi di tudu é ma studanti ki ta bandona klas, mésmu tenendu preparason inteletual, ka ten intelijénsia, se konsiénsia sta durmida, sta defisienti preparadu pa luta ku vida.

Txiga óra di piskiza i diskubri kuzé ki txoma INTELIJÉNSIA. Disionáriu, ensiklupédia, ta rizulta impotenti pa defini seriu INTELIJÉNSIA,

Sen intelijénsia nunka pode ten transformason radikal nen felisidadi verdaderu i é mutu raramenti na vida atxa pesoas verdaderamenti intelijenti.

Importanti na vida ka é sô konxe palavra INTELIJÉNSIA, má sperimenta na nos mésmu se fundu signifikaçon.

Txeu é kes ki ta prezumi di intelijenti, ka ten bêbdu ki ka prezumi di intelijenti i Carlos Marx ta akredita sí mésmu dimás intelijenti, skrebe se farsa materialista ki kusta na mundu perdi di valoris eternu, fusilamentu di milharis di prisbíterus di diferenti relijions, violason di mongis, Budista, Criston, etc., destruison di txeu ténplus, tortura di milharis i milhons di pesoas, etc etc. etc.

Kualker un pode prezumi di intelijenti, difísil é serlu verdaderamenti.

Ka é adkirindu más informason di livrus, más kunsiméntus, más spiriénsias, más kuza pa deslumbra jintis, más dinheru pa kunpra juís i pulísias; etc. sima sé ta konsigi kel ki txoma INTELIJÉNSIA.

Ka é ku kel MAS, sima pode txiga tene INTELIJÉNSIA. Ta engana di planu kes ki ta suponi ma intelijénsia pode ser konkistadu ku prosesu di MAS.

É urjenti konpreende a fundu i na tudu terénus di menti subkonsienti i inkonsienti, kuzé ki é kel prosesu pernisiozu di MAS, pamodi na fundu ta inkubri mutu sekretamenti keridu EGU, E MI, MI MESMU, ki ta deseja i ta kre sénpri MAS i MAS pa ingorda i enrobustese.

Es Mefistófeles ki nu ta leba dentru, es SATÁN, es E MI, ta fla: E MI ten MAS dinheru, más beleza, más intelijénsia ki kel li, más prestíjiu, más astúsia, etc. etc. etc.

Ken ki kre di verdadi konpreende kuzé ki é INTELIJÉNSIA, debe aprendi sintilu, debe vivensialu i sperimentalu através di meditason fundu.

Tudu kel ki jintis ta akumula entri sepultura pudridu di memória infiel, informason inteletual, spiriénsias di vida, ta traduzi sénpri fatalmenti na términu di MAS i MAS. Di manera ki nunka es ka ta txiga konxe fundu signifikaçon di tudu kel ki es ta akumula.

Txeu ta le un livru i dipôs ta dipozitalu entri memória kontenti pa ten akumula más informason, má kantu ki ta txoma pa risponde pa doutrina skrebitu na livru ki es le, ta rizulta ma es ta diskonxe fundu signifikaçon di ensinansa, má E MI ta kre más i más informason, más i más livrus mésmu kantu ka ten vivensia doutrina di ninhun di elis.

Intelijénsia ka ta konsigi ku más informason di livrus, nen ku más spiriénsia, nen ku más dinheru, nen ku más prestíjiu, intelijénsia pode flurise na nos kantu nu konpreende tudu prosesu di E MI, kantu nu ta intende a fundu tudu kel automatismu psikolójiku di MAS.

É indispensável konpreende ma menti é sentru báziku di MAS. Rialmenti kel MAS li é mésmu E MI psikolójiku ki ta iziji i menti é se núkliu fundamental.

Ken ki kre ser intelijenti di verdadi, debe rizolve more ka sô na nível inteletual superfisial, más tanbê na tudu terénus subkonsientis i inkonsientis di menti.

Kantu E MI ta more, kantu E MI ta disolve totalmenti uniku kuza ki ta fika dentru di nos é SER auténtiku, SER verdaderu, intelijénsia lejítimu tan almejadu i tan difísil

Jintis ta akredita ma menti é kriadora, es sta enganadu. E MI ka é kriador i menti é núkliu báziku di E MI.

Intelijénsia é kriadora pamodi el é di SER, é un atributu di SER. Nu ka debe konfúndi menti ku INTELIJÉNSIA.

Sta enganadu di PLANU i na forma radikal kes ki ta suponi ma INTELIJÉNSIA é algun kuza ki pode ser kultivadu sima flor di invernadéru Ô algun kuza ki pode ser kunpradu sima ta kunpra títulus di nobreza ô puzindu un formidável bibliotéka.

É nesesáriu konpreende profundamenti tudu prosesus di menti, tudu reasõs, kel MAS psikolójiku ki ta akumula, etc. Sô asina ta brota na nos na forma natural i spontâniu xa má di intilijénsia ardenti.

Konformi Mefistófeles ki nu ta leba dentru ta bai disolve, fogu di intelijénsia kriadora ta bai manifesta poku poku dentru di nos, ti resplendese abrasadoramenti.

Nos verdaderu SER é AMOR i di kel AMOR ta nase auténtika i lejítimu INTELIJÉNSIA ki ka é di ténpu.