La Juventudi

Juventudi ta divide na dos períudu di sete anu kada un. Primeru períudu ta kumesa ku 21 anu di idadi y ta finí ku 28. Sigundu períudu ta kumesa ku 28 y ta termina ku 35.

Basamentus di juventudi ta atxadu na kaza, skola y rua. Juventudi levantadu riba basi di IDUKAISON FUNDAMENTAL ta rezulta di fetu EDIFIKANTI y esensialmenti DIGNIFIKANTI.

Juventudi levantadu riba alicerci falsu é pur konsekuénsia lójiku un kaminhu inganadu.

Maioria di ómis ta inprega primeru parti di vida na faze mizéra restu di el.

Jovens pur un konséitu inganadu di falsu ombridade, ta kustuma kai na brasus di prustitutas.

Esesus di juventudi é létras viradu kontra bedjés pagável ku interésus ben karu a trinta anu data.

Sin IDUKAISON FUNDAMENTAL juventudi ta rezulta un embiagués perpétuu: é fibri di iru, likór y paxon animal.

Tudu kel ki omi ten ki ser na se vida ta atxadu na stadu pusensial durante primeru trinta anus di izisténsia.

Di tudu grandi asons umanus ki nu ten kunhisimentu, tantu na épukas anterioris komu na nos, maior parti di es ta ser inisiadu antis di trinta anus.

Omi ki txiga trinta anu ta sinti as ves komu si el sai di un grandi batalha na kel ki el odja kai un monti di konpanheru un dipôs di otu.

A trinta anu ómis y mudjeris dja perde tudu se vivasidadi y se entuziazmu y si es frakasa na se primeru inprésas, es ta txina di pimizmu y es ta abandona partida.

Iluzons di madurés ta susedi iluzons di juventudi. Sin Idukaison Fundamental eransa di bedjés ta kustuma ser dizisperu.

Juventudi é fugaz. Beleza é isplendor di juventudi, ma é iluzória, ka ta dura.

Juventudi ten Djéniu vivu y Djizu débi. Rarus na vida é jovens di Djizu forti y Djéniu vivu.

Sin IDUKAISON FUNDAMENTAL jovens ta rezulta pasional, mbruskadus, brigons, mordes, konkupisentis, luxuriozus, glotons, kôdisiozus, envidozus, jelozozus, matons, ladrons, orgulhozus, pirguizozoz, etc.

Musidadi é un Sol di veraun ki sedu ta sukundi. A jovens ta inkanta malgasta valoris vital di musidadi.

Bedjus ta komete iru di splora jovens y konduzi-s pa géra.

Genti joven pode transforma y transforma Mundu si es ta orienta pa sénda di IDUKAISON FUNDAMENTAL.

Na juventudi nu sta txinu di iluzons ki só ta konduzi-nu pa dzezantu.

N’ TA aprovetxa fogu di juventudi pa rubustesi y faze se poderozu.

N’ Ta kere satisfasons, pasional a kualker prezu mésmu kantu bedjés ser totalmenti dizastrozu.

A genti joven só ta interesa ntregadu na brasus di furnikason, vinhu y prazeris di tudu ispéssi.

Ka es kre da konta jovens di ki ser sklavu di prazer é propiu di meretris ma ka di ómis verdadeiru.

Ninhun prazer ka ta dura sufisienti. Sidi di prazeris é duénsa ki más dizprisível ta faze ANIMALIS INTELECTUAL. Grandi poéta di fala spanhol Djórji Mankiki, fla:

“Kuantu sedu ta bai prazer, kumu dipôs di lembradu, ta da dôr, kumu a nos paresi kualker ténpu pasadu foi midjór”

Aristótelis ta papia sobri prazer fla: “Kantu ta trata di djulga prazer ómis nu ka ta ser djizes imparsial”.

EL ANIMAL INTELECTUAL ta goza djustifikadu prazer. Federiku el Grandi ka tevi inkonvinienti na afírma enfatikamenti: “EL PRAZER É BEN MÁS REAL DI ESI VIDA”.

Dôr más intulerável é pruduizidu pur prulungason di prazer más intensu.

Jovens kalaveras ta abunda kumu erva mudjeradu. N’ kalavera ta djustifika senpri prazer.

Kalavera CRÓNIKU ta aborrese Kazamentu o ta pirferi adia-l. Gravi kuza é adia kazamentu ku pritestu di goza di tudu prazeris di tera.

Absurdu é kaba ku vitalidadi di juventudi y dipôs kaza, vítimas di izi stupidez é filhu.

Monti di omi ta kaza purki es sta kansadu, monti di mudjer ta kaza pur kuriozodadi y rezultadu di izi absurdus é senpri dizison.

Tudu omi sabu ta ama di verdadi y ku tudu kurason mudjer ki el skodje.

Nu debe senpri kaza na juventudi si ki di verdadi nu ka kre ten un bedjés mizerável.

Pa tudu ten ténpu na vida. Ki un joven kaza é normal, ma ki un ansianu kaza é stupidez.

Jovens debe kaza y sabe forma se lar. Nu ka debe skese ki monstru di jelozu ta destrui laris.

Salomon fla: “Jelozus é krueis kumu tunba; se brasa é brasa di fogu”.

Rasa di ANIMALIS INTELECTUALIS é jeloza kumu kachoru. Jelozus é totalmenti ANIMÁLIS.

Omi ki ta sela un mudjer ka sabe ku ken ki el ta konta. Midjór é ka sela-l pa sabe ki klas di mudjer ki nu ten.

Venenozo gritária di un mudjer jeloza ta rezulta más mortíferu ki dentis di kachoru rabiozu.

É falsu fla ki undi ten jelozus ten amor. Jelozus nunka ta nase di amor, amor y jelozus é inkonpatível. Oríjin di jelozus ta atxadu na témor.

N’ ta djustifika jelozus ku razons di monti ispéssi. N’ ta teme perde ser amadu.

Ken ki kere di Verdadi disolbe el N’ debe senpri sta dispostu pa perde kel más amadu.

Na prátika nu pode evidénsia dipôs di monti anu di obzervason, ki tudu solteron libertinu ta bira maridu jelozo.

Tudu omi sta terivelmenti furnikáriu

Omi y mudjer debe sta unidu na forma voluntáriu y pur amor, más ka pur témor y jelozus.

Anti GRANDI LÉI omi debe risponde pur se konduta y mudjer pur se di el. Maridu ka pode risponde pur konduta di mudjer ni mudjer pode risponde pur konduta di se maridu. Risponde kada ken pur se própiu konduta y disolve jelozus.

Prublema básiku di juventudi é el Kazamentu.

Joven kuketa ku vários nobu ta fika solterona “purki tantu uns komu otus ta diziluziona di el.

É nisisáriu ki jovens sabe kunserva se nobu si ki di verdadi es kre kaza.

É nisisáriu ka konfundi AMOR ku PAXON. Jovens inamuradus y mininas, ka sabe distigui entre amor y paxon.

É urjenti sabe ki PAXON é un venenu ki ta ingana ménti y kurason.

Tudu omi paxonadu y tudu mudjer paxonadu pode-ba djura mésmu ku lágrima di sangri ki es ta di verdadi inamuradus.

Dipôs di satisfetu paxon animal, kastelu di karteta ta bai pa txon.

Frakasu di tantu y tantu kazamentus ta debe a ki es kaza pur paxon animal, más ka pur AMOR.

Pasu más gravi ki nu ta da durante juventudi é Kazamentu y na Skolas, Koléjus y Unversidadis debe-ba pripara jovens y mininas pa izi inportanti pasu.

É lamentável ki monti di jovens y mininas ta kaza pur interézi ikonómiku o meras konvinénsia sosial.

Kantu Kazamentu ta realiza pur paxon animal o pur konvinénsia sosial o interézi ikonómiku, rezultadu é frakasu.

É monti di kabés ki ta frakasa na kazamentu pur inkonpatibilidadi di karakteris.

Mudjer ki ta kaza ku un joven jelozo, irakundu, furiozu, ta bira vítima di un verdugu.

Joven ki ta kaza ku un mudjer jeloza, furioza, irakunda, é klaru ki el ten ki pasa se vida na un infernu.

Pa ki ten verdaderu amor entre dos ser, é urjenti ki ka izisti paxon animal, é indispensável disolbe N’ di jelozus, é nisisáriu dezintegra ira, é báziku un dzezinterézi a tudu prova.

N’ ta daña laris, MI MÉSMI ta destrui armonia. Si jovens y mininas studa nos IDUKAISON FUNDAMENTAL y es ta prôpon disolbe N’, é klaru a tudu lus ki es pode atxa sénda di KAZAMENTU PERFETU.

Só disolve EGU pode ten verdaderu felisidadi na laris. A jovens y mininas ki kere ser filis na kazamentu nu ta riseta studa a fundu nos IDUKAISON FUNDAMENTAL y disolbe N’.

Monti di Pais di família ta sela filhas spantozamenti y ka es kre ki es ten nobu. Semelhanti prusidi é absurdu sentu pur sentu purki mininas miziéza ten nobu y kaza.

Rezultadu di izi falta di kunprinsion é nobus sukundidu, na rua, ku perigu senpri di kai na maus di galan sedutor.

Jovens debe ten senpri libirdadi pa ten se nobu, más dibidu a ki inda es ka disolbe N’, é konvinienti ka dexa-s a so ku nobu.

Jovens y mininas debe ten libirdadi pa faze se festas na kaza. Sãs distrasons ka ta prizudika ninhun y Juventudi miziéza ten distrasons.

Kel ki ta prizudika juventudi é likór, sigarru, furnikason, órdias, libertinaji, kantinas, kabarézis, etc.

Festas di família, bailis diséntis, bon muzika, pasius pa kanpu, etc, ka pode prizudika ninhun.

Ménti ta daña amor. Monti di jovens perde oportunidadi di kontra kazamentu ku magnífikas mudjeris dibidu a se témoris ikonómikus, a lembransas di ontem a priokupasons pur manhan.

Médu a vida, a fomi, a mizéria y vanus prôjetus di ménti ta bira kauza fundamental di tudu adiamentu nupial.

Monti é jovens ki ta prôpon ka kontra núpsias até tonti ka posui ditirminadu kantidadi di dinheru, kaza propiu, kôxi últimu mudelu y mil tonteras más kumu si tudu izu foze felisidadi.

É lamentável ki izi klas di baronis perde belas oportunidadis matrimonialis pur kauza di médu a vida, a morti, a kel ki es ta fla, etc.

Semelhanti klas di ómis ta fika solterons pa tudu se vida o es ta kaza dja demais tadji, kantu dja ka es fika ténpu pa levanta un família y iduka se filhus.

Rialmenti tudu kel ki un baron miziéza pa sustenta se mudjer y se filhus é ten un prifison o un odfísi umildi, izu é tudu.

Monti di jovens ta fika solteronas pur sta skodje maridu. Mudjeris kalkuladoras, enterisadu, egoístas ta fika solteronas o ta frakasa rutundamenti na kazamentu.

É nisisáriu ki mininas kunpreende ki tudu omi ta diziluziona di mudjer enterisada, kalkuladora y egoísta.

Alguns mudjeris jovens dizijoza di piska maridu ta pinta kara na forma izajeradu, es ta depila sobrancelhas, es ta inkrespa kabélu, es ta pon pilukas y olhéras pustiça, izi mudjeris ka ta kunpreende zikolojia varonil.

Baron pur natureza ta aborrese a bonékas pintadu y ta admira beleza totalmenti natural y rizada ingénuu.

Omi ta kere odja na mudjer sinsiridadi, simplisidadi, amor verdaderu y dzezinteresadu, ingénuidad di natureza.

Mininas ki kere kaza miziéza kunpreende a fundu zikolojia di seksu maskulinu.

AMOR é SUMUM di sabiduria. Amor ta alimenta ku amor. Fogu di itirnu juventudi é amor.