A Maternidadi

Vida di ser umanu ta kumesa komu un sélula sinplis sujeta, naturalmenti, pa ténpu ripidu di sélulas vivu.

Konsepsion, jestason, nasimentu, é senpri kel triu maraviozu y formidável ki vida di kalker kriatura ta kumesa ku el.

É rialmenti spantozu sabe ma nos primeru momentus di izisténsia nu ten ki vive-s na kel ki é infinitamenti pikinoti, transformadus, kada un di nos na un sélula mikroskópiku sinplis.

Nu ta kumesa ta izisti na forma di un sélula insignifikanti y nu ta termina vida vélhu, ansion y karregadu ku lenbransas.

MI é lenbransa. Tantu ansion ka ta vive nem di pertu na prezenti, tantu vélhu ta vive só ta lenbra di pasadu. Kada vélhu é só un voz y un sombra. Kada ansion é un fantasma di pasadu, lenbransa akumuladu y é kel-li ki ta kontinua na Genes di nos disendenti.

Konsepsion umanu ta kumesa ku ténpus ripidu dimás, má através di diferenti prosesu di vida es ta ben ta fika kada vez más y más lentu.

Pa tantu ledores ta konbin ta lenbra di relatividade di ténpu. Kel insetu insignifikanti ki ta vive só algun óras na un tardi di verão, ta parse ma kuazi ka ta vive, más el ta vive rialmenti tudu kel ki un ómi ta vive na oitenta anu, kel ki ta kontise é ma el ta vive ripidamenti, un ómi ta vive na oitenta anu tudu kel ki un planeta ta vive na milions di anu.

Kandu Zoospermo djunta ku óvu, jestason ta kumesa. Sélula ku kel ki vida umanu ta kumesa, ten kuarenta y oitu kromosomas.

Kromosomas ta dividi na genes, un sentena di es ultimus o algun más ta konstitui sertamenti kel ki é un Kromosoma.

Genes é mutu difísil pa studa pamodi es ta konstituidu kada un pa poku mólikula ki ta vibra ku ripidés inkonsebível.

Mundu maraviozu di Genes ta konstitui un zona intermédiu entri mundu tridimensional y mundu di kuartu dimenson.

Na Genes nu ta atxa átomos di iransa. MI PSIKOLÓGIKU di nos antepasadus, ta ben inpregnia óvu fecundadu.

Na es era di Electro-téknika y siénsia atómiku, di ninhun manera ka ta riziknu afirma ma marka eletro-magnétiku dexadu pa un antisasídu ki fla se últimu alenpu ben inprimi na Genes y kromosomas di óvu fecundadu pa un disendenti.

Kaminhu di vida sta formadu ku markas di kazku di kabalu di morti.

Duranti kursu di izisténsia, diferenti tipu di inérjia ta fluí pa organismu umanu; kada tipu di inérjia ten se propiu sistema di ason, kada tipu di inérjia ta manifesta na se ténpu y na se óra.

Pa dos mês di konsepsion nu ten funson dijistivu y pa kuatu mês di konsepsion ta entra na ason forsa motriz tan íntimamenti rilasionadu ku sistema respiratóriu y muskulár.

É maraviozu kel spetákulu sientífiku di nasé y more di tudu kuza.

Tantu sabius ta afirma ma ten íntima analojia entri nasimentu di kriatura umanu y nasimentu di mundus na spasu sideral.

Pa nove mês mininu ta nase, pa dés ta kumesa kresimentu ku tudu se metabolizmos maraviozu y disinvolvimentu simétriku y perfetu di tejidus konjuntivu.

Kandu Fontanela frontal di kel ki akaba di nase ta txiga fin na dos o três anu di idade, é sinal ma sistema sérebro-spinal fika terminadu perfetamenti.

Tantu sientistas fla ma natureza ten imajinason y ma es imajinason ta da forma viventi pa tudu kel ki é, pa tudu kel ki dja foi pa tudu kel ki ta ser.

Multidon di gentis ta ri di imajinason y alguns até ta txoma-l di “LOKA DI KAZA”.

Na volta di palavra IMAJINASON ten mutu konfuson y ten mutu ki ta konfundi IMAJINASON ku FANTASIA.

Sertus sabius ta fla ma ten dos imajinason. Pa primeru es ta txoma IMAJINASON MEKÁNIKA y pa sigundu IMAJINASON INTENSIONAL: Primeru sta konstituidu pa lixus di menti y sigundu ta korresponde pa kel más dignu y disenti ki nu ten na dentu.

Através di óbsirvason y di spiriénsia nu pode verifica ma ten tanbê un tipu di SUB-IMAJINASON MEKÁNIKA MORBOZU INFRAKONXIENTI y SUBJETIVU.

Kel tipu di SUB-IMAJINASON AUTOMÁTIKU ta funsiona pa baxo di ZONA INTELEKTUAL.

Imajis erótiku, sinema morbozu, kontus pikanti ku dobi sintidu, brinkadera morbozu, etc., ta kustuma po ta trabadja na forma inkonxienti SUB-IMAJINASON MEKÁNIKA.

Analizi di fundu dja leba-nu pa konkluzon lójiku ma sonhus erótiku y poluson noturnu ta debe pa SUB-IMAJINASON MEKÁNIKA.

KASTIDADE ABSOLUTU ta rezulta inposível mintris ki SUB-IMAJINASON MEKÁNIKA izisti.

É totalmenti klaru ma IMAJINASON KONXIENTI é radikalmenti diferenti di kel ki ta txoma IMAJINASON MEKÁNIKA, SUBJETIVU, INFRAKONXIENTI. SUBCONXIENTI.

Kalker riprizentason pode ser pirsebidu na forma AUTO INALTEKEDOR y dignifikanti, má SUB-IMAJINASON di tipu mekániku, infrakonxienti, subkonxienti, inkonxienti pode traí-nu ta funsiona otomatikamenti ku matiz y imajis sensual, pasionáriu, sumerjidus.

Si nu kre KASTIDADE ÍNTEGRU, uni-total, di fundu, nu meste vigilaba na só IMAJINASON KONXIENTI, má tanbê IMAJINASON MEKÁNIKA y SUB-IMAJINASON INKONXIENTI, AUTOMÁTIKU, SUBCONXIENTI, SUMERJIDU.

Nu ka debe skiisi nunka di íntima rilason ki izisti entri SEXU y IMAJINASON.

Através di meditason di fundu nu debe transforma tudu tipu di imajinason mekániku y tudu forma di SUB-IMAJINASON e INFRA-IMAJINASON AUTOMÁTIKU, na IMAJINASON KONXIENTI, ojetivu.

IMAJINASON OJETIVU é en si mésmu esensialmenti kriador, sen el invintor ka ta pode kria tilifon, rádiu, avion, etc.

IMAJINASON di MULER na stadu di prenes é fundamental pa dizinvolvimentu di fetu. Sta dimonstradu ma kada mai pode ku se IMAJINASON altera psikis di fetu.

É urjenti ki mudjer na stadu di prenes kontinpla belu kuadrus, paisajis sublimi, y obi múzika klásiku y palavras armoniozu, asina el pode opera sobri psikis di kriatura ki el ta leba na se dentrus armoniozamenti.

Mudjer na stadu di prenes ka debe bebi alkol, nem fuma, nem kontinpla kel feiu, kel dizagradável pamodi tudu es é piridísial pa dizinvolvimentu armoniozu di kriatura.

Nu ten ki sabe diskulpa tudu kaprixus y iris di mudjer prendadu.

Tantu ómi intoleranti y ki falta konprension verdaderu, ta zanga y ta injuria mudjer na stadu di prenes. Amarguras di es-li, afliçons kauzadu pa maridu ki falta kualidadi, ta ripirkuti sobri fetu na stadu di jestason, na só físika má psíkikamenti tanbê.

Tenenti na konta poder di imajinason kriador, é lójiku afirma ma mudjer na stadu di prenes, ka debe kontinpla kel feiu, kel dizagradável, kel inarmóniku, kel ki ta da noju, etc.

Txiga óra ki governus debe priokupa pa rizolve grandi prublémas rilasionadu ku maternidadi.

Ta rezulta inkongruenti ki na un sidadji ki ta gabá di kriston y dimokrátiku, ka ta sabe rispeta y vinera sintidu rilijiozu di maternidadi. É monstruozu odja milharis di mudjer na stadu di prenes sen ninhun amparu, bandonadus di maridu y di sidadji, ta pidi un bókadu di pon o un inpregu y ta izersé txeu vezis trabadjus material rudis, pa pode sobrivivi ku kriatura ki es ta leba entri se bariga.

Es stadus infraumanus di sidadji atual, es krueldadi y falta di risponsabilidad di governantis y di povus sta indika-nu ku tudu klaridadi ma inda dimokrasia ka izisti.

Óspitalis ku ses salas di maternidadi inda ka rizolve prubléma, pamodi na diz óspitalis só pode txiga mudjeris óra ki partu sta txiga pertu dja.

Ta meste ku urjénsia láris koletivu, verdaderu sidadis jardim dotadu di salon y rizidénsia pa mudjeris na stadu di gravidez póbri di solenidadi, klínikas y kintal pa fijus di es-li.

Es láris koletivu é alojamentu pa mudjeris póbri di solenidadi na stadu di gravidez, txéiu di tudu klas di kumodidadi, floris, múzika, armonía, beléza, etc., ta rizoslvê totalmenti grandi prubléma di maternidadi.

Nu debe konprende ma sidadji umanu é un grandi família y ma ka izisti prubléma alénu pamodi tudu prubléma na un o otu forma ta afeta na dentu di se rispetivu sírkulu tudu menbrus di sidadji. É absurdu diskrimina mudjeris prendadus pamodi fetu di ser póbri di solenidadi. É kriminozu subestima-s, dizpriza-s o arrinkona-s na un azilu di indijentis.

Na es sidadji ki nu ta vive ka pode ten fijus y intiadus, pamodi tudu nu é umanu y nu ten mésmus direitu.

Nu meste kria dimokrasia verdaderu, si é ki di verdadi nu ka kre ser tragadu pa Kumunismu.