A Morte

É urjenti konprende a fundu y na tudu área di nos menti, kel ki MÓRTI é na si, só asim ki é pusível, di verdadi intende di forma integrál kel ki é inmortalidadi.

Odja korpu humanu di un ser keridu dentu di un ataúdi, ka ta signifika ma bu konprende mistériu di mórti.

Verdadi é kel ki é diskonxedu di momentu pa momentu. Verdadi sobri mórti ka pode ser un eseson.

NÔS SENPRE KER, sima é natural, un siguransa di mórti, un garantia suplementar, algun autoridad ki ta toma konta di garanti-nu un bon pusison y kualker tipu di inmortalidadi más allá di sepultura ki ta da médu.

MI MÊS ka ten txeu vontade di móre. NÔS KER kontinua. NÔS ten txeu médu di mórti.

VERDADI ka é kiston di akredita ni di duvida. Verdadi ka ten nada a ver ku kridulidadi, ni ku sitisismu. Verdadi ka é kiston di ideias, teorias, opinioens, konsetus, pre-konsetus, supostus, prekonseitus, afirmasons, negosiasons, etc. Verdadi sobri mistériu di Mórti ka é un eseson.

Verdadi sobri mistériu di mórti só pode ser konxedu através di spiriénsia direta.

É inpussível komunika spiriénsia RIÁL di mórti pa ken ki ka konxel.

Kualker poeta pode skrebe livros bonitu di AMOR, mas é inpussível komunika VERDADI sobri AMOR pa pesoas ki nunka ka spirimenta-l, di forma similhanti nu ta fla ma é inpussível komunika verdadi sobri mórti pa pesoas ki ka vivensia-l.

Ken ki kré sabe verdadi sobri mórti debe inkaga, spirimenta pa si mésmu, buska sima debe ser, só asim nu pode diskubri signifikadu profundu di mórti.

Observason y spiriénsia di txeu anus permiti-nu konprende ma pesoas ka ta interesa konprende rialmenti signifikadu profundu di mórti; pa pesoas uniku kuza ki rialmenti ta interesa é kontinua na otu vida y é só kel-li.

Txeu pesoas ta deseja kontinua através di bens material, prestíjiu, família, krensas, ideias, fijos, etc., y kantu es ta konprende ma kualker tipu di kontinuidadi Psicolójiku é vánu, pasajeru, efímeru, instável, ntão es ta sinti sen garantia, inseguru, es ta spanta, es ta hororiza, es ta enxe di tórri infínitu.

Es ka kré konprende pobri pesoas, es ka kré intende ma tudu kel ki ta kontinua ta dizenvolve na ténpu.

Es ka kré konprende pobri pesoas ma tudu kel ki ta kontinua ta kai ku ténpu.

Es ka kré konprende pobri pesoas ma tudu kel ki ta kontinua ta bira mecanicista, rotináriu, xatu.

É urjenti, é nesesáriu, é indispensável, nu toma plenamenti konsiénsia di signifikadu profundu di mórti, só asim ki ta disparse médu di dexa di izisti.

Observandu ku kuidadu humanidadi, nu pode verifica ma menti ta atxa senpre ingarrafadu na kel ki é konxedu y el kré ma kel ki é konxedu ta kontinua más allá di sepultura.

Menti ingarrafadu na kel ki é konxedu, nunka ka pode spirimenta kel diskonxedu, kel riál, kel verdaderu.

Só kibra garrafa di ténpu através di meditason koreta, nu pode spirimenta kel ETERNU, kel ATEMPORÁL, kel RIÁL.

Kes ki ta deseja kontinua ten médu di mórti y ses krensas y teorias só ta sirbi pa ses narkótiku.

Mórti na si ka ten nada di aterrador, é un kuza mutu bunitu, sublimi, inefável, mas menti ingarrafadu: na kel konxedu, só ta move dentu di sírkulu visiozu ki ta bai di kridulidadi pa sitisismu.

Kantu nu toma rialmenti plenamenti konsiénsia di signifikadu profundu y di fundu di mórti, nu ta diskubri ntão pa si mésmu através di spiriénsia direta, ma Vida y Mórti ta konstitui un tudu íntegru, uni-total.

Mórti é depózitu di Vida. Kaminhu di Vida sta formadu ku pegadas di kazkus di mórti.

Vida é Enerjia determinadu y determinador. Dexdi nasimentu té mórti ta flui dentu di organizmu humanu diferenti tipu di enerjia.

Uniku tipu di enerjia ki organizmu humanu ka pode rezisti, é RAIU DI MÓRTI. Kel raiu-li ten un voltaji elétriku altu dimás. Organizmu humanu ka pode rezisti semelhanti voltaji.

Sima un raiu pode despidaça un árvore, sima tanbê raiu di mórti kantu el ta flui pa organizmu humanu, el ta destrui-l inevitavelmente.

Raiu di mórti ta konekta fenómenu mórti, ku fenómenu nasimentu.

Raiu di mórti ta orijina tenisons elétrika mutu íntimus y serku nota xave ki ten poder, determinanti di konbina genes dentu di óvu fecundadu.

Raiu di mórti ta riduzi organizmu humanu pa ses elementus fundamental.

EGO, NÔS enerjétiku, ta kontinua na nos disendenti dizgrasadu.

Kel ki é Verdadi sobri mórti, kel ki é intervalu entri mórti y konseison é un kuza ki ka pertense a ténpu y ki só através di siénsia di meditason nu pode spirimenta.

Mestris y Mestras di Skolas, Koléjius y Universidadi, debe inxina ses alunus y alunas, kaminhu ki ta kunzi pa spiriénsia di kel RIÁL, di kel VERDADERU.