Pais y Mestri

Problema más grave di EDUKASON PÚBLIKA ka é alunus nem alunas di primária, sekundária ô bakxarelatu, ma sí PADRIS y MESTRIS.

Si Padris y Mestris ka konxe ses kabésa, si es ka ten kapasidadi di intendi mininu, minina, si es ka sabe intende a fundu ses rilason ku es criaturas ki sta kumesa ta vive, si es preokupa só ku kultiva inteletu di ses idukandus, modi ki nu pode kria un klas di idukason nové?

Mininu, alunu, aluna, ta bai Skóla pa resebe orientason konsxenti, ma si Mestris, Mestras, ten kritériu apertadu, konservador, reasionáriu, atrasadu, asina ki studanti, studanti ta ser.

Idukadoris debe ri-iduka ses kabésa, konxe ses kabésa, ri-vê tudu ses kunhisimentu, intende ma nu sta ta entra na un Éra Nové.

Transformando idukadoris, ta transforma idukason públika.

IDUKA idukador é más difísil pamodi tudu kel ki lé txeu, tudu kel ki ten títlu, tudu kel ki ten ki inxina, ki ta trabadja komu mestre di Skóla, dja é modi ki el é, se menti sta garabadu na sinkuenta mil teorias ki el studa y dja ka ta muda nem ku kanhonasus.

Mestris y Mestras devia inxina KOMU PENSA, más dizgrasadamente es ta preokupa só ku inxina-s EN KI DEVE PENSA.

Padris y Mestris ta vive txinu di preokupason ekonómikus, susiais, sentimentalis, etc.

Padris y Mestris sta más okupadu ku ses própius, konflitus y penas, es ka sta di verdadi seriu interisadu na studa y rizolve problemas ki rapazes y rapazas di “NDA NOVÉ” ta levanta.

Iste tremendu dijinirason mental, moral y sosial, ma padris y Mestris sta txinu di ansiedades y preokupasons pisuais y es ten só tenpu pa pensa na aspetu ekonómiku di fidjus, na da-s un profison pa es ka more di fame y kel li é tudu.

Kontrariu di akreditason jeral, maioria di padris di família ka ama ses fidju di verdadi, si es amaba-s, es ta luta pa ben-star komun, es ta preokupa ku problemas di EDUKASON PÚBLIKA ku prúpozitu di atinji un mudansa verdaderu.

Si Padris di família amaba ses fidju di verdadi, ka ta ten gueras, ka ta destaka txeu família y nason en oposison a tutilidadi di mundu, pamodi kel li ta kria problemas, gueras, divizons piridisiáus, anbienti infernal pa nos fidjus y fidjas.

Genti ta studa, ta pripara pa ser médikus, injenherus, advogadus, etc. y en kambi es ka ta pripara pa tarefa más grave y más difísil ki é ser Padris di família.

Kel egoísmu di família, kel falta di amor pa nos similhanti, kel pólitika di izulamentu familiar, é absurdu en sinkuenta pur sentu, pamodi el ta transforma en un fator di ditriorason y konstantidi dijinirason sosial.

Progreso, Rivuluson verdaderu, é só pusível aranka kel muralhas Xinas famuzu ki ta separa-nu, ki ta izula-nu di réstu di mundu.

Tudu di nos é un SÓ FAMÍLIA y é absurdu tortura un ku kel otu, konsidera unicamente komu família kel poku pesoas ki ta kunvive ku nos, etc.

Iskluzivismu EGOÍSTA DI FAMÍLIA ta para progreso sosial ta dividi seris umanus, ta kria gueras, kastas, privilejiadus, problemas ekonómikus, etc.

Kantu ki Padris di família ama ses fidju di verdadi, ta kai fetu pó paredes, barandas abominável di izulamentu y enton família ta dexa di ser un sírkulu egoísta y absurdu.

Kaiandu muralhas egoístas di família, ten enton kunhon fraternal ku tudu otus padris y madris di família, ku Mestris y Mestras, ku tudu sosiedadi.

Rizultadu di FRATERNIDADI VERDADERU, é VERDADERU TRANSFORMASON SOSIAL, autêntiku RIVULUSON di ramu IDUKASIONAL pa un mundu midjor.

IDUKADOR debe ser más konsxenti, debe djunta Padris y Madris di família, djunta Diretiva di Padris di Família y papiá-s klaru.

É nesesáriu ma Padris di família intende ma tarefa di idukason públika ta rializa sobri bazi firme di mútua kuoperason entri Padris di Família y Mestris.

É nesesáriu fla Padris di família ma EDUKASON FUNDAMENTAL é nesesáriu pa levanta Jirasón Nové.

É indispensável fla Padris di família ma formason intelektual é nesesáriu ma ka é tudu, ta meste más algun kusa, ta meste inxina rapazes y rapazas konxe ses kabésa, konxe ses própiu erus ses própiu difetus Psikológikus.

Ten ki fla Padris di família ma fidjus debe inxenda pa AMOR y ka pa PAXON ANIMAL.

Ta rizilta cruel y dizpiadadu projeta nos dizéjus animais, nos paxons sexuais violenti, nos sentimentalismus mórbidus y emoçons bestiais en nos disendenti.

Fidjus y Fidjas é nos própiu projisons y é kriminal infeta Mundu ku projisons bestiais.

Mestris y Mestras di Skólas, Koléjus y Universidades debe djunta na salon di atos, Padris y Madris di família ku sanu prúpozitu di inxina-s kaminhu di risponsabilidadi moral pa ku ses fidju y pa ku Sosiedadi y Mundu.

IDUKADORIS ten dever di RI-IDUKA ses kabésa y orienta Padris y Madris di família.

Nu meste ama di verdadi pa transforma mundu. Nu meste djunta pa levanta entri tudu di nos, Templu maravilhozu di Éra Nové ki na es mumentus sta ta inisia entri truá augustu di pensamentu.