Sabedoria y Amor

Sabedoria ku Amor é dôs koluna prinsipal di kada sivilizason verdadeiru.

Na un pratu di balansa di justisa nu debe mete Sabedoria, na otu pratu nu debe mete Amor.

Sabedoria ku Amor debe ekilibradu mutuamenti. Sabedoria sen Amor é un elementu distrutivu. Amor sen Sabedoria pode leba-nu na erru “AMOR É LÉI MA AMOR KONSCIENTI”.

É prezisu studa txeu i adkiri kunhisimentu, ma é tanbê URJENTI dizenvolve na nos SER ESPIRITUAL.

Kunhisimentu sen SER ESPIRITUAL ben dizenvolvidu na un manera armoniosa drentu di nos, ta ben ser kauza di kel ki ta txoma BRIBONISMO.

SER ben dizenvolvidu drentu di nos ma sen kunhisimentu intelektual di ninhun spesi, ta da orijin pa Santu stúpidu.

Un Santu stúpidu ten SER ESPIRITUAL txeu dizenvolvidu, ma komu el ka ten kunhisimentu intelektual, el ka pode faze nada pamodi el ka sabe modi ki ta faze.

EL SANTU stúpidu ten poder di Faze ma el ka pode faze pamodi el ka sabe modi ki ta faze.

Kunhisimentu intelektual sen SER ESPIRITUAL ben dizenvolvidu ta produzi konfuzon intelektual, perversidadi, orgulhu, etc., etc.

Durante Sigundu Gera Mundial milharis di sientista dizprovidu di tudu elementu Espiritual na nomi di siénsia i di humanidadi, komete krimis spantozu ku propózitu di faze esperiénsia sientífiku.

Nu meste forma un kultura intelektual purtenti ma ekilibradu dake manera ku Verdaderu Espiritualidadi konsienti.

Nu meste un ETIKA REVOLUSIONÁRIU i un PSICOLOGIA REVOLUSIONÁRIU si é ki di verdade nu kre disolve YO pa dizenvolve SER lejitimamenti Espiritual na nos.

É lamentável ki pa falta di AMOR gentis ta utiliza INTELEKTU na manera distrutivu.

Alunus i alunas meste studa siénsia, istória, matimátika, etc., etc.

Ta meste adkiri kunhisimentu vukasional, ku propózitu di ser útil pa prúzimu.

Studa é prezisu. Akumula kunhisimentu báziku é indispensável, ma medu ka é indispensável.

Txeu gentis ta akumula kunhisimentu pa medu; es ten Medu di vida, di morti, di fomi, di mizéria, di kel ki ta fla, etc., i pa es motívu es ta studa.

Nu debe studa pa Amor pa nos similhanti ku dizeju di sirbi-s más midjor, ma nunka nu debe studa pa medu.

Na vida prátiku nu pode konproba ki tudu kes studanti ki ta studa pa medu, tardi u sedu es ta bira bribons.

Nu meste ser sinseru ku nos mésmu pa auto-obzerva i diskubri na nos mésmu tudu prusesu di medu.

Nu ka debe skese nunka na vida ki medu ten txeu fazi. Asvezes medu ta konfundi ku valor. Soldadus na kanpu di batalha ta parse mutu valorozu ma na verdadi es ta mexe i ta luta débi pa medu. Suisida tanbê ta parse a vista mutu valorozu ma na verdadi é un kóbardi ki ten medu di vida.

Tudu bribon na vida ta aparenta ser mutu valorozu ma na fundu é un kóbardi. Bribons ta kustuma utiliza profison i poder na manera distrutivu kantu es ten medu. Izénplu; Castro Rúa; na Kuba.

Ami nunka nu ta pronunsia kontra esperiénsia di vida prátiku ni kontra kultivu di inteleku, ma nu ta kondena falta di AMOR.

Kunhisimentu i esperiénsias di vida ta rizulta distrutivu kantu ta falta AMOR.

EL EGO ta kustuma atxapa esperiénsias i kunhisimentu intelektual kantu ezisti ausénsia di kel ki ta txoma AMOR.

EL EGO ta abuza di esperiénsias i di inteleku kantu el ta utiliza-s pa robustese.

Dizintegrando EGO, YO, MI MESMU, esperiénsias i Inteleku ta fika na mon di SER INTIMU i tudu abuzu ta faze enton inposível.

Tudu studanti debe orienta pa kanminu vukasional i studa mutu a fundu tudu teuria ki ta rilasiona ku si vokason.

Studa, inteleku, ka ta prejudika ninhun más nu ka debe abuza di inteleku.

Nu meste studa pa nu ka abuza di menti. Ta abuza di menti ken ki kre studa teurias di diferenti vokason, ken ki kre danha otus ku inteleku, ken ki ta izersi violénsia sobri menti alheiu, etc. etc. etc.

É prezisu studa matéria profesional i matéria spiritual pa ten un menti ekilibradu.

É URJENTI txiga na SÍNTESIS intelektual i na síntesis Espiritual si é ki di verdade nu kre un menti ekilibradu.

Mestri i Mestra di Skolas, koléjius, Universidadi, etc., debe studa a fundu nos Sicologia Revolusionáriu si é ki di verdade es kre konduzi es studanti pa kanminu di REVOLUSON FUNDAMENTAL.

É prezisu ki studantis adkiri SER ESPIRITUAL, dizenvolve na si mésmu SER VERDADEIRU, pa es sai di Skola biradu na individu responsável i ka na stúpidu BRIBONS.

Di nada ka ta sirbi Sabedoria sen Amor. Inteleku sen Amor so ta produzi Bribons.

Sabedoria na si mésmu é Sustánsia Atómiku, kapital Atómiku ki so debe ser administradu pa individu txeu di verdaderu Amor.