Prefásiu

Ten dôs korpu di doutrina, doutrina di ólhu y doutrina di kurason, ten konhisimentu di fora y di dentu ô introspektivu, konhisimentu intelektivu ô letivu y konhisimentu konsiénsia ô bibidu. Konhisimentu letivu ô intelektivu ta sirbi pa konvivénsia y pa nu atén nos sustentu. Konhisimentu introspektivu y konsienti ô di nos konsiénsia ta konduzi-nu na konhisimentu divinu ki é mui inportanti, pamodi ken ki konxi debe konxe si kabésa.

Sinku sentidu di fora ta permiti-nu konhisimentu ki es txoma materialista y séti di dentu ta permiti-nu konxe kel ki ta txoma ezotériku ô sukultu, es sentidu li é: vidénsia, klarividénsia, polividénsia, audison sukultu, intuison, telepátiku y lembra di bida di antis. Se órgon é: pineal, ipófizi (glándulas na sarbéu), tireóidi (manzan di kódu), kurason y plexu solar ô epigástriu (riba di bigu); pa méiu di es-li nu konxe séti (7) korpu di ómi: Fíziku, vital, astral, mental, ki ta konstitui kuatu korpu di pekadu ki é lunar protoplasmátiku y más três ki é korpu di vontadi, di alma y di spiritu, es-li ta inkrixi konhisimentu konsiénsia, es konhisimentu é bibu pamodi nu ta faze-l bibu, ta konstitui kel ki relijiozu y filózofu ta txoma alma.

Si nu midjora sentidu nu ta midjora nos konhisimentu. Nu ta midjora sentidu óra ki nu tira nos difetu, si nu é mintirozu nos sentidu é mintirozu, si nu é brikon, nos sentidu tanbé é-l.

Na es kultura li nu ten ki devolve nos difetu pa midjora nos infórmador ô sentidu. Konxe amigu kultura Gnóstika kel ki ta sinanu Edukason Fundamenta ki ta abranji desdi konsepson ti ansianidadi sublime.

JULIO MEDINA V.