Konprensôn Kriadora

Ser y Sabé debe stabalizadu mutuamenti pa stabelese na nos psikis flama di kunprinsón.

Kantu sabé é más grandi ki ser ta kria kunfuzón intelektual di tudu tipu.

Si ser é más grandi ki sabé pode da kazu gravis sima kel di santu stúpidu.

Na terrenu di vida prátiku ta konvíni auto-obzerva-nu ku prupozitu di auto-diskubri-nu.

É pur izatamente vida prátiku kináziu psikolójiku undi nu pode diskubri nos defeitu.

Na stadu di alerta pirsison, alerta novidadi, nu pode vifiká diritamenti ma defeitu skondedu ta sufri spuntaniamenti.

É klaru ma defeitu diskubridu debe ser trabadjadu konsienti ku prupozitu di separa-l di nos psikis.

Antis di tudu nu ka debe identifiká ku ninhun mi-defeitu si é ki na rialidadi nu ta deseja elimina-l.

Si pará riba un tábua nu ta deseja levanta es pa nu pui-l kustadu na un parede, es ka ta ser pusível si nu kontinua pará riba el.

Obviamenti nu debe kumesa pa separa tábua di sí mésmu, retira di el i dipôs ku nos mon nu levanta tábua i pui-l rekuperadu na muru.

Similamenti nu ka debe identifiká ku ninhun agregadu psíkiku si é ki na verdadi nu ta deseja separa-l di nos psikis.

Kantu un algen ta identifiká ku tal o kel mi, na fétu ta fortifika-l invés di dezintegra-l.

Supõe ki un mi kualker di luxúria ta toma konta di rólu ki nu ten na sentru intelektual pa projeta na tela di mienti sénas di lasívia i morbozidadi seksual, si nu identifiká ku kel kuadru pasionáriu indubitavelmenti kel mi luxuriozu ta fortifika tremendamenti.

Mas si nós invés di identifiká ku kel intidadi, nu separa-l di nos psikis ta konsidera-l sima un dimóniu intruzu, obviamenti ta surge na nos intimidad kunprinsón kriadora.

Posteriormi nu pode da nos luxu di julga analitikamenti kel agregadu ku prupozitu di faze-nu plenamenti konsienti di el.

Kuzé ki gravis di gentis ta konsisti pur izatamente na identifikason i es é lamentável.

Si gentis konxeba dutrina di txeu, si di verdadi intende ma nen ses própiu vida ka pertensi-s, enton es ka ta kometeba oru di identifikason.

Sénas di raiba, kuadru di zelus, etc., na terrenu di vida prátiku ta rizufra útils kantu nu sta na konstantimenti auto-obzervason psikolójiku.

Enton nu ta konproba ma nen nos pensamentu, nen nos dezéju, nen nos ason ka pertensi-nu.

Inkuestionavelmenti múltiplu mies ta intervín sima intruzu di mal augúriu pa pui na nos mienti pensamentus i na nos kurason emoson i na nos sentru motor ason di kualker klasi.

É lamentável ma nu ka ser donu di sí mésmu, ma diversu intidadi psikolójiku ta faze di nós kuzé ki ben na gana.

Dezafortunadamenti nen remotamenti nu ta suspeita di kel ki ta susede-nu i nu ta atua sima sinplis marioneti kontroladu pa filu invisíveis.

Kel ki pior di tudu es é ma invés di luta pa indepindiza-nu di tudu es tiranéliu sekretu nu ta komete oru di vigoriza-s i es ta susede kantu nu ta identifiká.

Kualker séna di rua, kualker drama familiar, kualker briga tónta entre cónjuges, ta debe indubitavelmenti a tal o kel mi, i es é algun ki djanás ka nu debe ignora.

Vida prátiku é spelu psikolójiku undi nu pode odja nu mésmu tal sima nu é.

Mas antis di tudu nu debe kunpreende nesesidadi di odja nu mésmu, nesesidadi di muda radikalmenti, só asina nu ta ten gana di obzerva nu rialmenti.

Ken ki ta kontenta ku stadu ki ta vive, tol, retardatariu, negligenti, ka ta sinti nunka dezéju di odja sí mésmu, ta kre-se dimás i di manera ninhun ka ta sta spuestu pa revize se konduita i se modu di ser.

Na forma klaru nu ta fla ma na algun kumedias, drama i trajédia di vida prátiku ta intervín vários mies ki é nesesáriu kunpreende.

Na kualker séna di zelu pasionáriu ta entra na djogu mies di luxúria, raiba, amor própiu, zelu, etc., etc., etc., ki posteriormi debe ser julgada analitikamenti, kada un pa se banda pa fin di kunpreende-s integramenti ku evidente prupozitu di dezintegra-s totalmenti.

Kunprinsón ta rizufra mutu elástiku, pur es nu prisiza afunda kada bês más profundamenti; kel ki oji nu kunpreende di un modu, manhan nu ta kunpreende midjór.

Odjada kusas di es ângulu nu pode vifiká pa sí mésmu kuntu útil ki ta rizufra diversu sirkunstánsia di vida kantu na verdadi nu ta utilizá-s sima spelu pa auto-diskubrimentu.

Na manera ninhun nu ta trata djanás di afirma ma drama, kumedias i trajédia di vida prátiku ta rizufra senpri bonitus i perfetu, tal afirmason ta ser diskabeladu.

Sinbentanti, pur absurdu ki ser diversu situason di izisténsia, ta rizufra marabilhozu sima kináziu psikolójiku.

Trabádju rilasionadu ku disoluson di diversu elementu ki ta konstitui mi mésmu, ta rizufra aspantozamenti difísil.

Entre kadensias di versu tanbê ta skonde dilítu. Entre parfumi dilisiozu di ténplus, ta skonde dilítu.

Dilítu asbês ta volta tan rifinadu ki ta kunfundi ku santidadi, i tan kruel ki ta txeu pa parse ku dulzura.

Dilítu ta bisti ku toga di juís, ku túnika di Mestre, ku rupaji di minziga, ku traji di sinhor i até ku túnika di Kristu.

Kunprinsón é fundamintal, mas na trabádju di disoluson di agregadu psíkiku, ka é tudu, sima nu ta odja na kapítulu siginti.

Ta rizufra urjenti, inadiável, faze-nu konsienti di kada Mi pa separa-l di nos Psikis, mas es ka é tudu, falta algun más, odja kapítulu disiséis.