Cristo Íntimu

Cristu é Fogu di Fogu, Txama di Txama, Sinatura Astral di Fogu.

Na Kruz di Mártir di Kalváriu sta definidu Mistériu di Kristu ku un só palavra ki ten kuatu letra: INRI. Ignis Natura Renovatur Integram - Fogu Rinuva Insisanti Naturéza.

Advensimentu di Kristu na korason di ómi, ta transforma-nu radikalmenti.

Kristu é LOGUS SOLAR, Unidadi Múltiplu perfetu. Kristu é vida ki ta palpita na universu interu, é kel ki é, kel ki dja foi simpri i kel ki ta ser simpri.

Txeu dja fla sobri Drama Kósmiku; inkuestionavelmenti es Drama é formadu pa kuatu evangelhu.

Dja fladu ma Drama Kósmiku foi trazidu pa Elohin pa tera; Gran Sinhor di Atlántida rasta es drama na Karni ku Os.

Gran KABIR JIZUS tanbê tevi di rasta mésmu Drama Publikamenti na Tera Santu.

Mésmu si Kristu nase mil bês na Belén, di nada ka ta sirbi si el ka nase na nos korason tanbê.

Mésmu si el móre i resusita na terséru dia di entri mortus, di nada ka ta sirbi kel-li si el ka móre i resusita na nos tanbê.

Tenta diskubri naturéza i essénsia di fogu é tenta diskubri Deus, ku kenha presénsa rial dja reveladu simpri baxo aparénsia ígniu.

Sanbra ardenti (Êxodu, III, 2) i inséndiu di Sinai a riz di outorgamentu di Dekálogu (Êxodu, XIX, 18): é dôs manifestason pa kenha Deus aparese pa Muizês.

Baxo figura di un ser di Jasp i Sardóniku di kor di txama, sentadu na un Tron inkandesenti i fulguranti, San Juan ta diskrebi donu di Universu. (Apokalipsi, IV, 3,5). “Nos Deus é un Fogu Devorador”, ta skrebi San Paulu na si Epístula pa Ebreus.

Kristu íntimu, Fogu Selestiál, debe nase na nos i ta nase na rialidadi kantu nu avansa bastanti na trabadju Psikológiku.

Kristu íntimu debe ilimina di nos Naturéza Psikológika, mésmu kauzas di erru; ES KAUZA.

Ka ta ser posível disoluson di kauzas di EGU en kantu Kristu Íntimu ka nase inda na nos.

Fogu viventi i Filozofál, Kristu íntimu, é Fogu di Fogu, kel puru di kel puru.

Fogu ta envolvi-nu i ta banha-nu pa tudu parti, ta ben pa nos pa ar, pa água i pa mésmu tera ki é konservadoris i si divérsu veikulu.

Fogu Selestiál debe kristaliza na nos, é Kristu íntimu, nos Salbador interior profundu.

Sinhor Íntimu debe toma konta di tudu nos Psikis di Sinku Silindru di mákina Orgániku; di tudu nos prosesu Mental, Emosionál, Motor, Instintivu Sexuál.