Faka di Konsiénsia

Algun psicólogus ta simboliza konsiénsia sima un kutelu kapaz di sipara-nu di kel ki sta pégadu na nos y ta tira nos forsa.

Kel psicólogus ta kre ki un manera só di skapa di poder di kel ó es kel MI é observa-l kada bês ku más klaridadi ku propózitu di ntende-l pa nu torna konsienti di el.

Kel gentis ta pensa ki asina un ta sipara di kel ó es kel MI, mé ki dja é pa grosura di filu di un kutelu.

Di kel manera, es ta fla, MI siparadu pa konsiénsia, ta parse sima un planta kortadu.

Torna konsienti di kualker MI, sigundu es, signifika sipara-l di nos Psikis y kondena-l na mórti.

Sin dúvida kel konséitu, aparentimenti konvincenti, ta faja na prátika.

MI ki através di kutelu di konsiénsia dja ser kortadu di nos personalidade, jogadu di kasa sima óbidja pretu, ta kontinua na espasu psicolójiku, ta torna dimóniu tentador, ta insisti na volta pa kasa, ka ta rezigna txeu fásil, di ninhun manera ka kre kume pan amargu di dizteru, ta buska un oportunidadi y na mínimu dizkuidu di guarda ta akomoda otu bês drentu di nos psiquis.

Kel más gravi é ki drentu di MI dizteradu ta atxa-se senpri imboteladu sertu porsentajen di esénsia, di konsiénsia.

Tudu kel psicólogus ki ta pensa asina, nunka es konsigi disolvi ninhun di ses Mies, na rialidadi es frakasa.

Pa más ki ta tenta ivadi kestaun di KUNDALINI, probléma é txeu gravi.

Na rialidadi “Fiju Ingártu” ka ta progredi nunka na trabadju izotériku sobri si mésmu.

Óbviu ki “Fiju Ingártu” é tudu kel ki ta dizpreza “ISIS”, nos Divina Mái Kózmika, partikulár, individual.

ISIS é un di partis autónomu di nos propi Ser, mé derivadu, Kobri Ígniu di nos májiku podér, KUNDALINI.

Ostensivamenti “ISIS” ki ten poder absolutu pa dizintegra kualker MI; kel é irrefutável, inrrebativel, inkontrovértivel.

KUNDALINI é un palavra konpôstu: “KUNDA ta ben rikurda-nu Órganu Abominável KUNDARTIGUADOR”, “LINI é un térmu Atlanti ki signifika Fin”.

“KUNDALINI” kre fla: “Fin di órganu abominável KUNDARTIGUADOR”. Pur isu é urjenti ka konfúndi “KUNDALINI” ku “KUNDARTIGUADOR”.

Dja nu fla na un kaptulu pasadu ki Kobri Ígniu di nos májiku podér ta atxa-se enroladu três bês y mêdiu drentu di sertu Sentru Magnétiku lokalizadu na ósu Koksíjiu, bazi di spina dorsal.

Kantu Kobri ta subi, é KUNDALINI, kantu el ta dési, é órganu abominável KUNDARTIGUADOR.

Através di “TANTRISMO BRANKU” kobri ta subi vitoriozu pa kanal midular spinal, ta disperta podéris ki ta diviniza.

Através di “TANTRISMO PRETU” kobri ta prusipita di koksix pa infernus atómiku di ómi. Asina ki txeu ta torna Dimónius terrivelmenti pérversu.

Kil ki ta kometi erru di atxibui na kobri asendenti tudu karaterístika skérdus y tenebrozus di kobri disendenti, ta frakasa difinitivamenti na trabadju sobri si mésmu.

Mau kunzikénsia di “ÓRGANU ABOMINÁVEL KUNDARTIGUADOR”, só pode ser anikiladu ku “KUNDALINI”.

Ka sta di más klarifika ki kel mau kunzikénsia sta kristalizadu na MI PLURALIZADU di Psikolójia revolusionáriu.

Poder Ipnótiku di Kobri disendenti ten umanidadi sumerjídu na inkonsiénsia.

Só Kobri asendenti, pa oponénsia, pode disperta-nu; kel verdadi é un aksioma di Sabedoria Hermétiku. Agora nu ta ntende midjór sinifikason fundu di palavra sagradu “KUNDALINI”.

Vuntadi konsienti sta senpri rizintadu pa mudjer sagradu, Maria, ISIS, ki ta spata kabéza di Kobri disendenti.

N ta diklara li frankamenti y sin amabagis ki dóbi kurinti di lus, fogu vivu y astral di téra, dja ser figuradu pa kobri ku kabéza di toru, di mâtxu kabriu ó di kaxoru na Antigus Mistérius.

É dóbi Kobri di Kaduseu di Mérkuriu; é Kobri tentador di Eden; mé é tanbê sin ninhun dúvida, Kobri di Kobri di Moisés entrelasadu na “TAU”, ki ê na “LINGAM Jenerador”.

É “Mâtxu Kabriu” di Sabbat y Baphometu di Templárius Gnóstikus; HYLE di Gnostisizmu Universal; dóbi rabu di kobri ki ta forma patas di Galu Solar di ABRAXAS.

Na “LINGAM PRETU” inbutidu na “YONI” metáliku, símbolos di Deus SHIVA, Divindadi Indú, sta txabi sikrétu pa disperta y dizenvolve Kobri asendenti ó KUNDALINI, a kondison di ka derama nunka na vida “Vazu di Hermes Trimegisto”, Deus três bês grandi “IBIS DI THOTH”.

Nu papia entre linhas pa kel ki sabe ntende. Ken ki ten intindimentu ki ntende pamodi li ten sabedoria.

TANTRIS kus preto ê diferenti, es ta disperta y dizenvolve Órganu Abominável KUNDARTIGUADOR, Kobri tentador di Éden, kantu es ta kometi na ses ritu krími imperdonável di derama “Vinhu Sagradu”.