O Kaminu Difísil

Indubitavelmente, esiste un ladu sukuru di nós mésmu ki nu ka konxe ô nu ka aseita; nu debe leba lus di konsiénsia pa kel ladu tenebrosu di sí mésmu.

Tudu objetivu di nos studus Gnósticos é faze ku konxementu di sí mésmu toma más konsiénsi.

Kantu ten txeu kuza na un mésmu ki ka konxedu i ka aseita, enton kes kuza la ta komplika nos vida espantosamenti i ta provoka na verdadi tudu tipu di situason ki podeba ser evitadu através di konxementu di sí.

Piór di tudu isu é ma nu ta projeta kel ladu diskonxedu i inkonsienti di sí mésmu na otus pesoa i enton nu ta odjal na elis.

Pur izenplu: nu ta odjal komu si es éra mentirozus, infiel, pukuninu, etc., en relason ku kel ki nu ta karia na nos interior.

Gnosis ta fla sobri es partikular, ma nu ta vive na un parti mutu pikininu di nós mésmu.

Signifika kel ma nos konsiénsia ta stende so pa un parti mutu riduzidu di nós mésmu.

Ideia di trabadju ezotériku Gnóstico é kel di largura klaramenti nos própiu konsiénsia.

Indubitablementi en kantu nu ka sta ben rilasionadu ku nós mésmu, tanbê nu ka ta sta ben rilasionadu ku otus i rezultadu ta ser konfliktu di tudu spésie.

É indispensável txiga ser mutu más konsienti pa ku nós mésmu através di un direta observason di sí.

Un regra Gnóstica jeral na trabadju ezotériku Gnóstico, é ma kantu nu ka ta ntende ku algun pesoa, pode ten segurança di ma es é kel kuza mésmu kontra kel ki é prisizu trabadja sobri sí mésmu.

Kel ki ta kritikadu txeu na otus é algun kuza ki ta deskansa na ladu sukuru di un mésmu i ki ka konxe, ni ka kre rikonxe.

Kantu nu sta na tal kondison, ladu sukuru di nós mésmu é mutu grandi, mas kantu lus di observason di sí ilumina kel ladu sukuru, konsiénsia ta akresenta através di konxementu di sí.

Es é Senda di Filu di Navalha, más amargu ki fígado, txeu ta inisia-l, mutu raros é kes ki ta txiga na meta.

Asi komu Lua ten un ladu okultu ki ka ta odja, un ladu diskonxedu, asi tanbê ta kontise ku Lua Psicológica ki nu ta karia na nos interior.

Obviamenti tal Lua Psicológica sta formadu pa Ego, Yo, Mi Mésmu, Sí mésmu.

Na es lua psicológica nu ta karia elementus dizumanus ki ta espanta, ki ta orroriza i ki na ninhun modu nu ta aseitaba ten.

Kruel kaminhu é es di AUTO-REALIZASON ÍNTIMA DI SER, Kuantu presipísius!, Ke pasus tan difísil!, Ke labirintus tan orrível!.

As vezes kaminhu interior dipôs di txeu volta i rivolta, subidas orripilanti i disidas peligrosíssima, ta perde na dezertus di areia, ka sabe pa undi ta sigui i ni un ráiu di lus ka ta ilumina-u.

Senda txinu di perigu pa dentru i pa fora; kaminhu di mistérius indizível, undi so ta sopra un hálitu di morti.

Na es kaminhu interior kantu un ta kre ma ta bai mutu ben, na rialidadi ta bai mutu mal.

Na es kaminhu interior kantu un ta kre ma ta bai mutu mal, ta kontise ki ta marxa mutu ben.

Na es kaminhu sikretu esiste instantis ki un ja ni sabe kuza ki é bon ni kuza ki é mal.

Kel ki normalmenti ta proibi, as vezes ta rezulta ma é justu; asi é kaminhu interior.

Tudu Código moral na kaminhu interior ta sai sobrandu; un bédju másima ô un formozu prisetu moral, na determinadu momentus pode bira un óbstákulu mutu sériu pa Auto-Realizason íntima di Ser.

Afortunadamenti Cristu Íntimu desdi mésmu fundu di nos Ser ta trabadja intensivamenti, ta sofre, ta txora, ta dizintegra elementus peligrosíssimus ki na nos interior nu ta leba.

Cristu ta nase komu un mininu na korason di ómi mas a medida ki ta elimina elementus indizexável ki nu ta leba drentu, ta ba ta krese poku a poku até bira un ómi konpletu.