O Santo Graal

El Santu Grál ta brilha na noti fundu di tudu idadi. Kavalerus di Idadi Média na époka di Kruzadas buska invutilmenti Santu Grál na tera Santa más nun atxal.

Kandu Abraon Profeta staba ta volta di géra kontra reis di Sodoma i di Gomora, es ta fla ma el atxa Melkisedek Déniu di Tera. Sertamenti kel Ser Grandi li ta viveba na un fortaléza situadu izatamenti na kel lugar undi más tardi es konstrui Jeruzalen, sidadi keridu di Profetas.

Lijenda di sékulus ta fla i esu divinus i umanus sabe, ma Abraon selebra Unson Gnóstika ku kunpartimentu di pan i di vinhu na prezensa di Melkisedek.

Ka sta más di afirma ma tónki Abraon intri Melkisedek dézimus i primísias tal kumu sta skrevidu na Livru di Lei.

Abraon resebe di mon di Melkisedek Santu Grál; más tardi na ténpu kel kupa bai da na ténplu di Jeruzalen.

Ka ten dúvida ma Rainha di Saba sirbi di mediadora pa kel fetu li. El aprizenta antis di Salomaon Rei ku Santu Grál i dipôs di submétil a prubas rigorozu el fasi intri di kel jóia prisiozu.

Grandi Kabir Jizus bebe na kel kupa na serimónia sagradu di últimu janta tal kumu sta skrevidu na Kuatru Evanjélius.

José di Arimatéa txéia Cális ku sangri ki ta txoraba di feridas di Adorável na Monti di Caveiras.

Kandu Polísia Rumana invadi morada di kel Sinador siradu nun atxa kel jóia prisiozu.

Sinador Rumanu ka so skonde kel jóia txeu prisiozu, má tanbê, djuntu ku el guarda na fundu di tera lansa di Longibus ku kel senturion Rumanu feri kustadu di Sinhor.

José di Arimatéa fika trankadu na un prizon orível pa ka kre intri Santu Grál.

Kandu kel Sinador siradu sai di kázri el bai pa Roma ta transporta Santu Grál.

Kandu el txiga Roma José di Arimatéa atxa persigison di Néraon kontra Kristons i el bai pa orla di Mediterrâneu.

Un noti na sonhu un ánju aparesel i el fla: “Kel cális li ten un poder grandi pamodi na el ta atxa sangri di Ridintor di Mundu.” José di Arimatéa ta obedesé ordens di ánju enterra kel cális na un ténplu situadu na Montserrat, Katalunha, Espanha.

Ku ténpu kel cális li fika invisível djuntu ku ténplu i parti di montanha.

Santu Grál é básu di Hermes, kupa di Salomaon, urna prisiozu di tudu ténplus di mistérius.

Na Arka di aliansa nunka ta falta Santu Grál na forma di kupa ô gomor, dentu di kel ki ta atxaba depozitadu maná di dizértu.

Santu Grál ta kategoriza na forma enfátika YONI fimininu, dentu di kel kupa santu li sta néktar di inmortalidadi, Soma di místikus, bebida supremu di Deus Santu.

Kristu Vermelhu ta bebe di Santu Grál na óra supremu di Kristifikason, asina sta skrevidu na Evanjéliu di Sinhor.

Nunka ta falta Santu Grál na altar di ténplu. Obviamente Saserdoti debe bebe vinhu di lus na Kupa Santu.

Iria ser absurdu supuña un ténplu di mistérius dentu di kel ki ta falta kupa bendita di tudu idadi.

Esu ta ben rikurda Djinebra Rainha di Djinas kel ki a Lanzarote ta txoraba vinhu na kupas delícias di SUFRA i di MANTI.

Deus inumortais ta aliménta ku bebida kontinidu na Kupa Santu; kes ki ta odia Kupa Bendita, es ta blasfema kontra spíritu santu.

Súper-ómi debe aliménta ku néktar di inmortalidadi kontinidu na cális divinal di ténplu.

Transmutason di enérjia kriadora é fundaméntal kandu bu kre bebe na Básu Santu.

Kristu Vermelhu sénpri rivulusionáriu, sénpri ribéldi, sénpri eróiku, sénpri triunfanti, ta brinda pa Deus ta bebe na cális di oru.

Lvantadu ben bu kupa i kuidadu di bérte ninka un gota di vinhu prisiozu.

Rikorda ma nos léma divíza é THELEMA (vuntadi).

Di fundu di cális -símbulu figúra di órganu seksual fimininu-, ta bruda tximas ki ta brilha na rostu insendidu di Súper-Ómi.

Deus inefáveis di tudu galáxias ta bebe sénpri di bebida di inmortalidadi na cális eternu.

Friu lunar ta produzi involusons na ténpu; é nesesáriu bebe di vinhu sagradu di lus na básu santu di Alkimia.

Púrpura di reis sagradu, koroa rial i oru flámigeru é so pa Kristu Vermelhu.

Sinhor di Raiu i di Truvon ta punha na se direitu Santu Grál i ta bebe vinhu di oru pa aliménta.

Kés ki ta txora Básu di Hermes durante kópula kímika, na fetu es ta konvérte na criaturas infraumanas di sub-mundu.

Tudu kel ki nu skrebe aki ta atxa dukuméntason plenu na nha livru intituladu “Kazamentu Perfetu”.