Super-Omi

Un Código de Anahuac dja dizê: “Deusês kria ómis di madera y dipôs di kria-s el fundi ku divinidad”; más dipôs el ta djunta: “Ka tudu ómi ta logra integra ku divinidad”.

Sin dúvida, priméru kuza ki nu meste é kria ómi antis di pode integra-l ku kel ki é rial.

Animal inteletual ki é txomadu ómi di módi kibradu nunka é ómi.

Si nu konpara ómi ku animal inteletual, nu ta pode verifica pa nos mésmu kel fétu konkrétu ma animal inteletual, mésmu si fizikalmenti el párisi ku ómi, psikolojikamenti el é absolumenti diferenti.

Desinfelismenti tudu algen ta pensa di manera eradu, ta suponé ma es é ómi, ta kalifika di tal.

Nunka nu kridita ma ómi é rei di kriasôn; animal inteletual ti data prezenti ka mostra ma el é sikéra rei di si mésmu; si el ka é rei di si prúpi prosesus, psikolójiku, si el ka pode diriji-s ku vontadi, txeu ménus el ta pode governa natureza.

Di ninhun módu nu ta pode aseita ómi biradu sklavu, inkapaz di governa si mésmu y biradu brinquedu di forsas bestial di natureza.

Ó nu é rei di universu ó nu ka é; na últimu di es kazus, sin dúvida ki ta mostra kel fétu konkretu di ka txiga inda na stadu di ómi.

Dentru di glândulas seksual di animal inteletual, sol dja depozita jérmis pa ómi.

Óbviu ki es jérmis ta pode dizenvolve ô perdi definitívamenti.

Si nu kre ki es jérmis dizenvolve, é indispensável nu koopera ku sforsu ki sol sta ta faze pa kria ómis.

Ómi lejítimu debe trabadja intensivamenti ku própózitu evidenti di elimina di si mésmu elementus indesejável ki nu ta karega dentru di nos.

Si ómi rial ka eliminaba di si mésmu es elementus, el ta frakasa lamentávelmenti; el ta bira un abortu di Madre Cósmica, un frakasu.

Ómi ki verdaderamenti trabadja sobri si mésmu ku própózitu di disperta konsiénsia, el ta pode integra ku kel ki é divinal.

Ostensivamenti, ómi solar integradu ku divinidad, el ta bira di féitu y pa direitu prúpiu SUPER-ÓMI.

Ka é txeu fásil txiga na SUPER-ÓMI. Indubitávelmenti, kaminhu ki ta konduzi pa SUPER-ÓMI sta más além di ben y di mal.

Un kuza é bon kantu el ta konvinienu y mal kantu el ka ta konvinienu. Entri kadénsias di versu, dja skonde kelitu tanbé. Tén txeu virtudi na malvadu y txeu maldadi na virtuozu.

Kaminhu ki ta konduzi pa SUPER-ÓMI é Senda di Filu di Navalha; es senda sta txêu di perigus dentru y pa fora.

Mal é perigozu, ben tanbé é perigozu; kaminhu spantozu sta más além di ben y di mal, é terivelmenti kruel.

Kualker kódi di moral ta pode para-nu na marcha pa SUPER-ÓMI. Apegôn pa tal ô kel antis, pa tal ô kel sénas ta pode para-nu na kaminhu ki ta txiga ti SUPER-ÓMI.

Regras, prusidimentus, pa más sâbi ki es é, si es sta inmersu na tal ô kel fanatizmu, na tal ô kel prikonseitu, na tal ô kel konsetu ta pode obstakuliza-nu na avansu pa SUPER-ÓMI.

SUPER-ÓMI konxe kel bon di kel mal y kel mal di kel bon; el ta kunha spada di justisa cósmica y el sta más além di ben y di mal.

SUPER-ÓMI, tan dja likida na si mésmu tudu valoris bons y maus, el bira un kuza ki ninhun algen ka ta ntende, é raiu, é xama di spiritu universal di vida ki ta resplandesé na rostu di un Moisés.

Na kada loja di kaminhu, algun anakoreta ta oferese si dádivas pa SUPER-ÓMI más es ta kontinua si kaminhu más além di boas intênsôn di anakoretas.

Kuzê ki gentis dja dizê dretu pórtiku sagradu di ténplus tén txeu beleza, más SUPER-ÓMI sta más além di dizus piadozus di gentis.

SUPER-ÓMI é raiu y si palavra é tronu ki ta dezintegra puderis di ben y di mal.

SUPER-ÓMI ta resplandesé na tinébras, más tinébras ta odja SUPER-ÓMI.

Multidons ta kalifika SUPER-ÓMI di perversu pa féitu mésmu di ma el ka ta kabe dentru di dogmas indiskutível, ni dentru di frazis piadozas, ni dentru di sana moral di ómis sériu.

Gentis ta aborese SUPER-ÓMI y ta kruxifika-l entri kriminózu pamodi es ka ta ntende-l, pamodi es ta priujdika-l, ta odja-l através di lentis psikolójiku di kuzê ki ta krê santu mésmu si é malvadu.

SUPER-ÓMI é sima skinti ki ta kai sobri perversus ô sima brilhu di algun kuza ki ka ta ntende y ki ta perde dipôs na mistériu.

SUPER-ÓMI ni é santu ni é perversu, el sta más além di santidadi y di perversidadi; más gentis ta kalifika-l di santu ô di perversu.

SUPER-ÓMI ta brilha pa un mumentu entri tinébras di es mundu y dipôs el ta dizaparesé pa sénpri.

Dentru di SUPER-ÓMI ta resplandesé abruzadoramenti Kristu Vermelhu. Kristu revolusionáriu, Sinhor di Gran Ribelión.