El Mi Psicológico

Es questão di mi mésmu, kel ki mi é, kel ki ta pensa, ta sinti y ta atua, é un kuza ki nu debe autoexplora pa nu konxe profundamente.

Tén txeu teoria bonitu ki ta atrai y ta fascina pa tudu lugár; mas ka ta serbi di nada tudu es si nu ka konxe nu mésmu.

É fasinanti studa astronomia ô distrai un poku ta le obra sériu, mas, é iróniku bira un eruditu y ka sabe nada sobri si mésmu, sobri mi é, sobri personalidade humana ki nu ten.

Kada un é txeu libri di pensa kel ki el kre y razon subetivu di animal inteletual ki ta txoma ómi di manera kestadja ta da pa tudu, el mésmu pode faze di un pulga un kabalu ki di un kabalu un pulga; tén txeu inteletual ki ta vive ta djuga ku rasionalismu. Y dipôs di tudu, kuzé?

Ser eruditu ka signifikadu ser sabedor. Ignorantés ilustradu ta abunda sima erva daninha y ka sô es ka sabe, mas tanbê, es ka sabe mèsmu ki es ka sabe.

Entende pa ignorantés ilustradu kes sabihondus ki ta kre ki es sabe y es ka konxe si mèsmu mèsmu.

Nu pode teoriza bunito sobri mi di Psikolojia, mas ka é kel dretu ki nu ta interesa na es kapitulu.

Nu meste konxe nu mésmu pa via diretu sen prosesu dipriminti di opson.

Di ninhun manera es ta ser posível si nu ka auto-observa na ason di instanti na instanti, di momentu na momentu.

Ka ta trata di odja nu através di algun teoria ô di un simples ispekulason inteletiva.

Odja nu diretamente tal y kal nu é, é kel ki é interesanti; sô asi ki nu pode atinji konximentu verdadeiru di si mèsmu.

Mésmu ki ta parse inkredítavel, nu sta kestadju ku rilason a si mèsmu.

Txeu kuza ki nu ta kre ki nu ka ten, nu ten, y txeu kuza ki nu ta kre ki nu ten, nu ka ten.

Nu forma falsu konseitu sobri si mèsmu y nu debe faze un inventáriu pa nu sabe kuzé ki ta sobra nu y kuzé ki ta falta nu.

Nu ta supõe ki nu ten tal ô kualidadis ki na rialidadi nu ka ten y txeu virtudi ki nu ten na sertéza nu ta ignora.

Nu é algen ki ta durmi, inkonsxenti y kel-li ki é gravi. Disafortunadamente nu ta pensa di si mèsmu kel más bon y nu ka suspeita mèsmu ki nu sta ta durmi.

Skrituras sagradu ta insisti na nesesidadi di akorda, mas ka ta splika sistéma pa atinji kel akorda.

Kel piór di kes kazu é ki tén txeu algen ki lê skrituras sagradu y es ka ta ntende mèsmu ki es sta ta durmi.

Mundu interu ta kre ki el konxe si mèsmu y es ka suspeita nem di lonji ki ezisti “dutorina di kes txeu”.

Rialmenti, mi psikolójiku di kada un é múltiplu, ta bira senpri sima txeu.

Ku es, nu kre fla ki nu ten txeu mi y ka un sô sima ta supõe senpri kes ignorantés ilustradu.

Nega dutorina di kes txeu é faze di tonti ku si mèsmu, purtantu, na verdade, ta serba kel máximu di kes máximus ignora kontradison íntima ki kada un di nos ten.

N ta bai lê un jornal, ta fla mi di inteletu; pa infernu ku kel leitura, ta sklama mi di movimentu; n ta prefere bai da un pasiu na bisikléta. Kuzé pasiu nem kuzé pan kenti, ta grita un terséru na diskórdia; n ta prefere kume, n ten fomi.

Si nu pode odja nu na un spelu di korpu interu, kal nu é, nu ta diskubri pa si mèsmu na forma diretu dutorina di kes txeu.

Personalidadi humana é sô un marioneti kontroladu pa filus invisível.

Mi ki oji ta djura amor eternu pa Gnosis, é más tardi dizlokadu pa otu mi ki ka ten nada a ver ku djuramentu; ntós, sujetu ta retira.

Mi ki oji ta djura amor eternu a un mudjer é más tardi dizlokadu pa otu ki ka ten nada a ver ku kel djuramentu, ntós, sujetu ta apaixona di otu y kasteel di kartás ta bai na txon. Animal inteletual ki ta txoma ómi di manera kestadja é sima un kaza txinu di txeu algen.

Ka ezisti órdin nem konkordánsia algun entri kes múltiplu mi, tudu es ta briga entri si y es ta disputa suprimasia. Kantu algun di es ta konsigi kontrola sentrus kapital di mákina órganiku, es ta sinti kel úniku, kel donu, mas, afinal, é derotadu.

Konsiderandu kuzas di kel pontu di vista, nu ta atinji konkluzon lójiku di ki mamíferu inteletual ka ten verdaderu sentidu di responsabilidadi moral.

Inkuestionavelmente, kel ki mákina ta fla ô ta faze na un momentu dadu, ta dipende izklusivamente di tipu di mi ki na kes instanti ta kontrola-l.

Es ta fla ki Jizus di Nazaréti tira di korpu di Maria Madalena séti dimóniu, séti mi, viva personifikason di kes séti pekadu kapital.

Obviamente, kada un di es séti dimóniu é txefi di lijion, purtantu nu debe afirma sima koroláriu ki Kristu íntimu pode spulsa di korpu di Madalena milharis di mi.

Refletindu tudu kes kuza nu pode inferi klaramenti ki uniku dignu ki nos ten na nos interior é ISÊNSIA, disafortunadamente, kel mèsmu sta ingarrafadu entri tudu kes múltiplu mi di Psikolojia revolusionariu.

É lamentável ki isênsia ta prosesa senpri en virtudi di si própiu ingarrafamentu.

Inkuestionavelmente, isênsia ô konsiénsia ki é kel mésmu, ta durmi profundamente.