Realidadi Bruta di Fetus

Prontu milions di abitantis di África, Ázia y Amérika Latina, pode muri di fomi.

Gás ki sprai ta lansa pode acaba ku Ózonu di atmosféra terestre.

Alguns sábi ta pronostika ma pa anu Dois Mil, Subsolu di nos globu terestri ta kaba.

Spésis marítimu sta ta muri pamodi kontaminason di maris, isu dja sta provadu.

Indubitablementi na pasu ki nu sta bai, pa fin di sékulu, tudu abitanti di grandi sidadi debe uza Máskaras di Oxigéniu pa difende di fumasa.

Si kontaminason kontinua na se forma alarmanti atual, antis di tenpu bai, ka ta ser pusível pa kumi pexi, es últimu ta vive na agu asé, totalmenti kontaminadu ta ser perigozu pa saúdi.

Antis di anu Dois Mil ta ser kuazi inpusível atxa un praia undi un pode banha ku agu puru.

Pamodi konsumu sen medida, y splotason di solu y di subsolu, más sedu tera ka ta pode produzi más elementus agríkola ki nesesáriu pa alimentason di gentis.

“Animal Inteletual”, ki txomadu omi sen razon, na kontamina maris ku txeu imundisia, envenena ar ku fumasa di karus y di se fábrikas y distrui Tera ku se spluzon atómiku subterráneu y abuzu di elementus prejidisiál pa kortesa terestre, é klaru ma el submete Planeta Tera, a un longu y spantoza agonia ki indubitavelmenti debe konklui ku un Grandi Katástrofi.

Difisilmenti mundu pode atxiga umbral di anu Dois Mil, ja ki “Animal Inteletual” sta distrui anbienti natural a mil por ora.

“Mamíferu Rasional”, ki txomadu omi sen razon, sta empenhadu na distrui Tera, el kre faze-l inabitável, y é óbviu ma el sta konsigui.

Na kantu di Maris, é ostenxívu ma es stadu konvertidu pa tudu nason na un spési di Grandi Basuleru.

Setenta Porsentu di tudu lixu di mundu sta bai pa kada un di maris.

Enormi kantidadi di petróliu, insetisidas di tudu klas, múltiplas substánsias kímikas, gás venenozu, gás neurotóxiku, deterjentis, etc., sta ta anikila tudu spésis viventi di Oséanu.

Pásarus marítimu y Plankton tan indispensável pa vida, sta ta ser distruidu.

Indubitablementi anikilason di Plankton Marinu é di un gravidade inkalkulável pamodi es mikro-organizmu ta produzi setenta porsentu di Oxigéniu Terestri.

Através di invistigason sientífiku, pode verifica ma dja sertu partis di Atlántiku y di Pasífiku sta kontaminadu ku rizíduus radioativus, produktu di spluzons atómiku.

Na diferenti Metrópolis di mundu y spesialmenti na Europa, agu dusi ta bebidu, ta eliminadu, ta depuradu y dipôs ta bebidu novamenti.

Na grandi sidadi “Súper-sivilizadas”, agu ki ta sirbidu na mesa ta pasa pa organizmus umanu txeu bês.

Na sidadi di Cúcuta, frontera ku Venezuela, Repúblika di Kolómbia, Sul Amérika, abitantis ta obrigadu ta bebe agus negras e imundas di riu ki ta txarria ku tudu porkarias ki ta ben di Pamplona.

Mi kre referi na forma enfátika na riu Pamplonita ki tan nefastu sta ser pa “Pérla di Norti” (Cúcuta).

Afortudadamenti ta izisti gora otu akedutu más ki ta abastesidu Sidadi, sen ki pamodi kel, dexa di bebe agus negras di riu Pamplonita.

Enormi filtru, gigantéskas mákina, substánsias kímika, ta purifika agus negras di grandi sidadi di Europa, más epidemias ta kontinua ta propaga ku es agus negras imundas ki txeu bês dja pasa pa organizmus umanu.

Famosu Bakteriólogus atxa na agu potável di grandi Kapitais, tudu klas di: vírus, kolibasilus, patógenus, bakéria di Tuberkulosis, Tifu, Viruela, Larvas, etc.

Meskis ki parse inkredíbel dentru di mésmu plantas di agu Potabilizadoras di pais Europeus, atxadu vírus di vakina di Poliomielitis.

Além di kel, disperdís di agu é espantozu: Sientistas modernu ta afirma ma pa anu 1990, umanoide rasional ta muri di sede.

Kel ki pior di tudu isu é ma reservas subterránea di agu dusi, ta atxa-se na perigu pamodi abuzu di Animal Inteletual.

Splotason sen mizerikórdia di posu di Petróliu, ta kontinua ta ser fatal. Petróliu ki ta straídu di interior di tera, ta atravessa agus subterránea y ta kontamina-s.

Komu sekuénsia di kel, Petróliu faze impotável agus subterránea di Tera durante más di un sékulu.

Obviamente komu rezultadu di tudu isu, ta muri vejetal y até múltidon di pesoas.

Nu papia gora un boku sobri ar ki tan indispensável é pa vida di kriaturas.

Ku kada aspirason y inalason, pulmons ta toma metadi litru di ar, o seja, uns dozi metrus kubikus pa dia, multiplika kel kantidadi pa Kuatru Mil Quinhentus Milions di abitanti ki Tera ten y enton nu ta ten kantidadi exatu di oxigéniu ki diariamente humanidadi interu ta konsumi, sen konta ku kel ki ta konsumidu pa tudu otus kriaturas animal ki ta poboa fás di Tera.

Tudualidadi di Oxigéniu ki nu ta inala, ta atxa-se na atmosfera y ta debe-se a Plankton ki gora nu sta ta distrui ku kontaminason y tanbê a atividade fotosintétiku di vejetais.

Desgrasiadamenti reservas di oxigéniu dja sta ta kaba.

Mamíferu Rasional ki txomadu omi sen razon, através di se inumerável indústrias sta ta diminui na forma kontínua kantidadi di radiason solar, tan nesesáriu e indispensável pa fotosíntesi, y é pamodi kel ki kantidadi di Oxigéniu ki ta produzidu atualmenti pa plantas, é gora txeu más puku ki na sékulu pasadu.

Kel ki más gravi di tudu es trajédia mundial é ma “Animal Inteletual”, ta kontinua ta kontamina maris, ta distrui Plankton y ta kaba ku vejetason.

“Animal Rasional”, ta prosigui ta distrui lamentávelmenti se fontis di Oxigéniu.

“Smog”, ki “Humanoide Rasional” sta ta spulsa konstantementi pa ar; além di mata, ta pone na perigu vida di Planeta Tera.

“Smog”, ka so ta anikila reservas di Oxigéniu, más sin, tanbê, sta ta mata gentis.

“Smog”, ta orijina stranju y perigozu duénsas inpusível di kura, isu dja sta provadu.

“Smog”, ta inpede entrada di lus solar y di raius ultravioletas, orijinadu pamodi kel, gravis dizórdins na atmosfera.

Ta ben un era di alterasons klimátika, glasiasons, avansu di jelus polaris pa Ekuador, siklonis spantozus, terramotus, etc.

Pamodi ka uzu, sin abuzu di inérjia elétrika na anu Dois Mil, ta ten más kalor na alguns rejions di Planeta Tera y es ta koadjuva na prosesu di Revoluson di Eixus di Tera.

Dja prontu pulus ta fika konstituidu na Ekuador di Tera, y es últimu ta konverte na Pulus.

Dixjelus di Pulus ten kumessa y un nóbu Dilúviu Universal prisididu pa fogu ta avizinha.

Na prósimu désinius, ta multiplika “Diósidu di Karbonu”, enton es elementu kímiku ta forma un grosu kama na atmosfera di Tera.

Tal filtru o kama, ta absorve lamentávelmenti radiason térmica y ta atua komu un invernaderu di fatalidadis.

Klima di tera ta faze más kenti na txeu lugaris y kalor ta faze fundi jelu di Pulus, ta subi pamodi tal motibu nível di oseanus skandalozamenti.

Situason é gravíssimu, solu fértil sta ta dizaparese y diariamente ta nase duzentus mil pesoas ki meste alimentu.

Katástrofi mundial di Fomi ki ta avizinha, ta ser sertamenti pavorozu; isu dja sta na porta.

Atualmenti sta ta muri kuarenta milions di pesoas anuamenti pamodi fomi, pamodi falta di kumida.

Kriminal industrializason di florestas y splotason dispididu di Minas y Petróliu sta ta dexa Tera konvertidu na un desertu.

Si ben ki é sertu, ki inérjia nuklear é mortal pa humanidadi, ka é ménus sertu ma atualmenti ta izisti tanbê, “Raius di Morte”, “Bombas Mikrobiana” y txeu otu elementus terivelmenti destrutivu, malínu; invintadu pa sientistas.

Indubitablementi pa konsigui inérjia nuklear, ta rikere di grandi kantidadi di kalor difísil di kontrola y ki na kualker momentu pode orijina un katástrofi.

Pa logra inérjia nuklear, ta rikere di enormi kantidadi di minerais radioativus, di kel ki so ta aproveitadu trinta porsentu, isu ta faze ki subsolu terestre ta kaba rapidamenti.

Disperdís atómiku ki ta fika na subsolu ta rizlta espantozamenti perigozu. Ka ta izisti lugar sigur pa disperdís atómiku.

Si gás di un basuleru atómiku txiga di skapa, mas si so é un mínima porson, ta muri milions di pesoas.

Kontaminason di alimentus y agus ta traze alterasons jenétiku y monstros umanu: kriaturas ki ta nase deformadu y monstruozu.

Antis di anu 1999, ta ten un gravi asidenti nuklear ki ta kauza verdaderu spantu.

Sertamenti humanidadi ka sabe vive, el dezenjera espantozamenti y frankamenti el prisipita pa abismu.

Kel ki más gravi di tudu es keston, é ma fatoris di tal dezolason, kual ki é: fomis, gueras, distruson di Planeta ki nu ta vive, etc., sta dentru di nós mésmu, nu ta karega-s na nos interior, na nos Psikis.