La Flicidadi

Povu ta trabadja kada dia, ta luta pa sobrevive, kre existi di un manera, mas ka é filís. Kel di filisidadi é na xines - modi ki ta fladu li - más gravis é ma povu sabe ma na meiu di tantsu amargura, ta parse ma es ka ta perde speransa di atinji alegria un dia, sen sabe komu nén di ki manera.

Pobri gentis! Kantu ki es ta sufri! I, mésmu asina, es kre vive, es ta teme perde vida.

Si gentis intendia algun kuza sobri Psikolojia revolusionáriu, pusivelmenti até es ta pensaba diferenti; más na verdadi es ka sabe nada, es kre sobrevive na meiu di se desgrasa i kel é tudu.

I ta izisti momentus agradável i mutu bonitu, mas kel li ka é filisidadi; gentis ta konfunde prazer ku filisidadi.

“Pachanga”, “Parranda”, boratxera, orjia; é prazer bestial, más ka é filisidadi… Mésmu asina, ten festinhas saudável sen boratxeras, sen bestialidadis, sen álcool, etc., mas kel tanbê ka é filisidadi…

Bu é psoa amável? Komu ki bu ta sinti kantu bu ta dansa? Bu sta inamoradu? Bu ama di verdadi? Ki tal bu ta sinti ta dansa ku ser ki bu adora? Prmiti-m ki mi vira un poku cruel na es momentus pa flabu ma es tanbê ka é filisidadi.

Si bu sta dja bedju, si es prazeres ka ta atrai-u, si es sabe-u pa barata; Despensa-m si mi flabu ma bu ta ser diferente si bu staba joven i txéu di iluzon.

Di tudu manera, fladu kel ki fladu, bu dansa ô ka bu dansa, bu inamora ô ka bu inamora, bu ten ô ka bu ten kel ki ta txomadu dinheru, bu ka é filís mésmu ki bu pensa kel kontrariu.

Un ta pasa vida ta buska filisidadi pa tudu banda i ta more sen atxa-l.

Na Amérika Latina ten txeu kes ki ten speransa na ganha algun dia prémio gordu di loteria, es ta kre ma mésmu asina es ta atinji filisidadi; algun até di verdadi ta ganha-l, más ka pa es es ta atinji kel filisidadi ansiosa.

Kantu un sta mininu, ta sonha ku mudjer ideal, algun prinsesa di “Mil i Un Noti”, algun kuza strordináriu; ta ben dipôs kel realidadi kruel di feitxus: Mudjer, mininutus pikinu ki mante, problemas ekonómikus difísil, etc.

Ka ten dúvida di ma midida ki fidjus ta krexe, problemas tanbê ta krexe i até ta torna inposível…

Konformi mininu ô minina ta bai krexe, sapatinhus ta bai fika kada bês más grandi i prisus más altu, kel é klaru.

Konformi kriaturas ta krexe, roupa ta bai kusta kada bês más i más karu; ten du dinheru ka ten prubléma na kel li, mas si ka ten-l, kuza é gravi i ta sufri orrivelmenti…

Tudu kel li ta serba más ô ménus di transporta, si es taba ten un mudjer bon, más kantu pobri ómi é traidu, “kantu es ta po-l xifri”, di ki ki ta sirbi-l, enton, luta pa lá pa konsigi dinheru?

Desgrasadamente ta izisti kazu strordináriu, mudjeres maravilhoza, konpanheras di verdadi tantu na opulensia komu na desgraça, más pa koroa di kolmus enton ómi ka sabe apresia-l i até ta abandona-l pa otus mudjeres ki ta bai amarga se vida.

Txeu é donzelas ki ta sonha ku un “príncipi azul”, desafortunadamenti di verdadi, kuza ta rezulta mutu diferente i na terrenu di feitxus ta kaza pobri mudjer ku un algoz…

Maior iluzon di un mudjer é txiga ten un lar bonitu i ser mai: “santa predestinason”, enperu mésmu ki ómi rezulta-l mutu bon, kuza pur sertu mutu difísil, na fin tudu ta pasa: fidjus i fidjas ta kaza, ta bai ô ta paga mal se pais i lar ta konklui definitivamenti.

Tudial, na es mundu kruel ki nu ta vive, ka ta izisti djintis filís… Tudu kes pobri seris umanus é infeliz.

Na vida nu konxe txeu burrus kargadu di dinheru, txéu di prublémas, pleitus di tudu spési, sobrekargadu di impustus, etc. Es ka é filís.

Di ki ki ta sirbi ser riku si ka ten bon saúdi? Pobri rikus! Às bês es é más desgraçadu ki kualker mendigu.

Tudu ta pasa na es vida: ta pasa kuzas, psoas, ideias, etc. Kes ki ten dinheru ta pasa i kes ki ka ten-l tanbê ta pasa i ningen ka konxe filisidadi autentika.

Txeu ta kre skapa di ses mésmu pa meiu di droga ô álcool, más na verdadi ka só ki es ka ta konsigi tal skape, sinôn kel ki é pior, ta fika atxapadu na meiu di infernu di vísiu.

Amigus di álcool ô di marijuana ô di “L.S.D.”, etc., ta dizaparese komu pa inkantu kantu visiosu ta rezolve muda di vida.

Ta fuji di “Mi Mésmu”, di “N Mésmu”, ka ta atinji filisidadi. Interesanti ta serba “panha buru pa xifris”, observa “N”, studa-l ku propózitu di diskubri kauzas di dor.

Kantu un ta diskubri kauzas verdaderu di tantsu mizérias i amarguras, é óbiu ki algun kuza pode faze…

Si ta konsigi kaba ku “Mi Mésmu”, ku “N Boratxeras”, ku “N Vísius”, ku “N Afetus”, ki txeu dor ta kauza-m na kurason, ku nhas priokupason ki ta distrósi-m sesus i ta infirma-m, etc., etc., é klaru ki enton ta ben kel ki ka é di ténpu, kel ki sta más ale di korpu, di afetus i di menty, kel ki rialmenti é diskonxedu pa intindimentu i ki ta txomadu: FILISIDADI!

Inkuestionavelmenti, enkuantu konsiénsia kontinua abotilhadu, inxidu na meiu di “N MÉSmu”, na meiu di “N MÉSmu”, di ningen manera pode konxe filisidadi lejítimu.

Filisidadi ten un sabor ki “N MÉSmu”, “MI MÉSmu”, nunka más ka konxe.