Djargon Cientifista

Dialética lójika ta kondisionadu y kalifikadu, tanbê, pa prupozison “na” y “sôbri” ki nunka ka ta léva-nu pa spiriénsia direta di kel ki é rial.

Finóminus di natureza sta lonji di ser sima sientífikus ta odja-s.

É óbviu ma timenti ki kualkér finóminu é diskubridu, diritu-mé ta kalifika-l ô ta pô-l rótulu ku un ô otu términu difísil di jergon sientífiku.

Obviamente es términus más difísil di sientifisizmu mudérnu ta sirbi so pa tapa inoránsia.

Finóminus natural nunka na ninhun manera é sima sientifista ta odja-s.

Vida ku tudu se prusesus y finóminus ta dizenvolve di mumentu pa mumentu, di instantis pa instantis, y kantu ki menti sientifista ta para-l pa analizal, na verdadi ta mata-l.

Kualkér inferénsia tiradu di un finóminu natural kualkér, di ninhun manera é igual ku rialidadi konkréta di finóminu, dizgrasaduamenti menti di sientista alusinadu pa se própi térias ta akridita firmimenti na rializmu di se inferénsia.

Inteléktu alusinadu ka ta odja so na finóminus riflèxu di se própi konséitus, más tanbê, y kel ki é más piori ta ker na forma ditatorial faze ku finóminus ta sai izatu y absolutamente igual ku tudu es konséitus ki ta léba na inteléktu.

Finóminu di alusinason intilektual é fasinanti, ninhun di kes sientífiku burru ultramudérnu ka ta admiti rialidadi di se própi alusinason.

É óbviu ma sabixonas di es ténpus nunka ka ta admiti ma ta kalifika-s di alusinadu.

Forsa di auto-sijeston dja faze-s akridita na rialidadi di tudu es konséitus di jergon sientifista.

Obviamente menti alusinadu ta prezumi di onisienti y na forma ditatorial ta ker ku tudu prusesus di natureza ta andaba pa karil di se sabixondes.

Timenti ki un finóminu novu dja parse, ta klasifika-l, ta pô-l rótulu y ta pô-l na un ô otu lugar, komu si na verdadi dja konprende-l.

É milhar di términus ki dja inbentadu pa pô rótulu na finóminus, más nada es sudu-sapienti ka sabi sôbri rialidadi di kes.

Komu izénplu bibidu di tudu kel ki nu sta afirma na es kapítulu, nu ta sita korpu humanu.

Na nómi di verdadi nu pode afirma na forma enfátika ma es korpu físiku é absolutamenti diskonxedu pa sientífikus mudérnu.

Un afirmason di es klasi pode parse komu más insolenti antis di pontífisis di sientifisizmu mudérnu, inkustionavelmenti nu mersi di es skumunion.

Má ten base más sólidu pa faze un afirmason tan trémenbu; dizgrasaduamenti mentis alusinadu sta konvensidu di se siudo-sapiénsia, ki ni rímoti ka ta aseita rializmu brutu di se inoránsia.

Si nu flaba pa jerarka di sientifisizmu mudérnu, ma Konti di Cagliostro, pirsónajen más interesante di sékulus XVI, XVII, XVIII inda ta bibe na plenu sékulu XX, si nu flaba ma insigne Paracelso, insigne fakultativu di idadi média, inda ta izisti inda, pode ser suru ma jerarka di sientifisizmu atual ta ri di nos y nunka ka ta aseita nos afirmason.

Má é asina: Ta bibe atualmenti sôbri faz di téra auténtikus mutanti, ómis inmortal ku korpu ki data di milhar y di milion di anu pa trás.

Autor di es obra ta konxe mutanti, imbóra ka ta inora sitisizmu mudérnu, alusinason di sientifista y stadu di inoránsia di sabixondes.

Pa tudu es, nunka ka ta kai na iluson di akridita ma fanátikus di jergon sientífiku ta aseita rialidadi di nos diklarason insólitu.

Korpu di kualkér mutanti é un dizafiu franku pa jergon sientífiku di es ténpus.

Korpu di kualkér mutanti pode muda di figura y volta dipôs pa se stadu normal sen risibi ninhun danu.

Korpu di kualkér mutanti pode penetra instantaneamente na kuarta vertical y té asumi kualkér forma vijital ô animal y volta pa se stadu normal sen risibi prejuízu ninhun.

Korpu di kualkér mutanti ta dizafia violentamenti tékstus bédju di Anatomia ofisial.

Dizgrasaduamenti ninhun di es diklarason ka ta konsegui vense alusinadu di jergon sientifista.

Es sinhor, sintadu sôbri se sóliu pontifísiu, inkustionavelmenti ta odja-nu ku dizdén, talvês ku ira, y pusivelmenti té ku un poku di piedadi.

Má, verdadi é kel ki é, y rialidadi di mutanti é un dizafiu franku pa tudu téria ultramudérnu.

Autor di obra ta konxe mutanti más ka ta spéra ma ningen ta akridita-l.

Kada órgan di korpu humanu sta kontroladu pa leis y forsas ki ni rimoti ka ta konxe alusinadu di jergon sientifista.

Ilimentus di natureza é na si mésmu diskonxedu pa siénsia ofisial; más bon fórmula kímiku sta inkonplitu: H2O, dôs atomu di Idrojéniu y un di Osijéniu pa forma água, ta sai empíriku.

Si nu tenta djunta na un laburatória átomu di Osijéniu ku dôs di Idrojéniu, ka ta sai água ni nada purki es fórmula sta inkonplitu, ta falta-l ilimentu fogu, so ku es ilimentu sitadu ki pode kria água.

Intiléson pa más brilanti ki ta parse ka pode konduzi-nu nunka pa spiriénsia di kel ki é rial.

Klasifikason di sustánsias y términus más difísil ku ki ta pô rótulu na mésmu, ta sirbi so komu tapa pa tapa inoránsia.

Kel di ker ku inteléktu ma tal ô kual sustánsia ta ten determinadu nómi y karaktéristika, ta sai absurdu y insuportável.

Purki ki inteléktu ta prezumi di onisienti? Purki ki ta alusina ta akridita ma sustánsias y finóminus é sima el ta akridita ma é? Purki ki intiléson ta ker ma natureza ta ser un réplika purfetu di tudu se téria, konséitus, opignons, dógmas, pre-konséitus, pre-juzus?

Na rialidadi finóminus natural ka é sima ta akridita ma é, y substánsias y forsas di natureza di ninhun manera ka é sima inteléktu ta pensa ma é.

Konsiénsia diskiritadu ka é menti, ni memória, ni similan. So konsiénsia libertadu ki pode spirimenta pa si mésmu y na forma direta rialidadi di vida libri na se moviméntu.

Embóra nu debe afirma na forma enfátika ma iménti ki izisti drentu di nos mésmu kualkér ilimentu subijetivu, konsiénsia ta kontinua imbufetadu entránti tal ilimentu y pur issu ka ta pode goza di iluminason kontínuu y purfetu.