A Kundalini

Nós txiga na un pontu mutu spinhozu, N kre referi-mí na kel kuiston di Kundalini, serpenti ígniu di nos podêris májiku, sitadu na txeu testus di sabedoria oriental.

Indubitavelmenti Kundalini ten txeu dokumentason i é un kuza ki vale apena investiga.

Na testus di Alkimia Medieval, Kundalini é sinatura astral di sperma sagradu, STELLA MARIS, VERJI DI MAR, kel ki guia ku sabedoria trabadjadoris di Gran Obra.

Entre aztekas el é TONANTZIN, entre gregus CASTA DIANA, i na Ejitu é ISIS, MÃI DIVINA ki ninhun mortal ka levanta véu.

Ka ten dúvida ninhun di ma Cristianismu Esotériku nunka ka dexa di adora Mãi Divina Kundalini; óbviamenti é MARAH, ô midjor nu fla RAM-IO, MARIA.

Kel ki relijions ortodoxa ka spesifika, peloménus na kel ki ta toka na církulu exotériku ô públiku, é aspetu di ISIS na se forma individual umanu.

Ostensivelmenti, só na sigredu ki ta inxinaba inisiadus ma kel Mãi Divina li ta existi individualmenti dentu di kada ser umanu.

Ka sta di más sklaresi na forma enfátika ma Deus-Mãi, REA, CIBELES, ADONÍA ô modi ki nu kre txoma-l, é un variantis di nos própi Ser individual li i gósi.

Konkretizandu nu ta fla ma kada un di nos ten se própi Mãi Divina partikular, individual.

Ten tantu Mãi na séu kuantu kreatura ki ta existi riba fasi di téra.

Kundalini é enerjia misteriozu ki ta faze mundu existi, un aspetu di BRAHMA.

Na se aspetu psikolójiku manifestu na anatomia okulta di ser umanu, KUNDALINI sta enroladu três bês i média dentu di sertu sentru magnétiku ki sta lokalizadu na os dundersu.

Li ki el ta deskansa entumesidu sima kualker serpenti Princesa Divina.

Na sentru di kel Chakra ô stánsia li ten un triángulu fémia ô YONI undi ki sta stabilizadu un LINGAM másku.

Na es LINGAM átomiku ô májiku ki ta reprezenta puder kriador seksual di BRAHMA, ki ta enrola serpenti sublimi KUNDALINI.

Rainha ígniu na se figura di serpenti, ta disperta ku secretum secretorum di sertu artifísiu alkimista ki N inxina klaramenti na nha obra tituladu: “Mistériu di Óriu ta Floresi”.

Inkuestionavelmenti, kantu ki kel forsa divina li ta disperta, el ta subi vitoriosa pa kanal medular spinal pa dizenvolve na nos podêris ki ta diviniza.

Na se aspetu transendental divinal subliminal, serpenti sagradu ta transende pa kel meramenti fiziolójiku, anátomiku, na se stadu étniku, é sima N dja fla nos própi Ser, más derivadu.

Ka é nha prupozitu inxina na es tratadu téknika pa disperta serpenti sagradu.

Só N kre po sertu enfasi na kualidadi krú di Egu i na urjênsia interior relasionadu ku dizoluson di se divérsus elimentus dezumanu.

Menti pa si só ka pode altera radikalmenti ninhun difetu psikolójiku.

Menti pode rotula kualker difetu, pasa-l di un nível pa otu, skonde-l di si mésmu ô di otus, diskulpa-l más nunka elimina-l absolutamenti.

Konprénson é un parti fundamental, más ka é tudu, nu meste elimina.

Difetu obzervadu debe ser analizadu i konprendedu na forma íntegra antis di prosede pa se eliminason.

Nu meste di un puder superior ki menti, di un puder kapaz di dezintegra atomikamenti kualker jó-difetu ki antis nu dja deskubri i julga profundamenti.

Afortunadamenti tal puder ta subja profundamenti más la di korpu, di afetus i di menti, ben ki ten se esponentis konkretu na os di sentru dundersu, sima nu dja splika na páragrafus anterioris di prezenti kapítulu.

Dipôs di nu konprende integralmenti kualker jó-difetu, nu debe sumerji na meditason profundu, suplika, ora, pidi na nos Mãi Divina partikular individual dezintegra jó-difetu konprendedu antiór.

Es é téknika prezisu ki ta rikeridu pa eliminason di elimentus indizejável ki na nos interior nu ta karrega.

Mãi Divina Kundalini ten puder pa riduzi pa sinza kualker agregadu psíkiku subjektivu, dezumanu.

Sen es didátika, sen es prusidimentu, tudu sforsu pa dizoluson di Egu ta rezulta infutuozu, inútil, absurdu.