Es Droga

Dizdobramentu psikolójiku di ómi ta permiti-nu mostra realisadu krú di un nível más altu na kada un di nós.

Kantu un algen podi verifica pa sí mésmu na forma direta fetu konkrétu di dois ómi na un mésmu, kel más baxu na nível normal komún y korrenti, kel más altu na un oitava más elevadu, nton tudu ta muda y nu ta buska na es kazu atua na vida di akordu ku prinsípiu fundamental ki ta leba na fundu di se SER.

Tánbê ki ten un vida sterna, así tanbê ten un vida interna.

Ómi steriór ka é tudu, dizdobramentu psikolójiku ta inxina-nu realidadi di ómi interior.

Ómi steriór ten se módu di ser, é un kuza ku múltiprus atitudi y rison típiku na vida, un maríon ki ta móvêdu pa filus invisível.

Ómi interior é SER auténtiku, é ta prosesadu na otus leis diferente txeu, nunka é ka ta pode ser kunvêrtidu na róbu.

Ómi steriór ka ta da puntada sen didal, ta sinti ma pâga-l más, ta kunpadesi di sí mésmu, ta auto-konsidera dimas, si é soldadu ta aspira pa ser jeneral, si é trabadjador di un fábrica ta prutesta kantu es ka ta subi-l di postu, ta kre ma se méritu ser devidamenti rikonxedu, etc.

Ningén ka ta pode txiga na nasimentu SIGUNDU, renase komu ta fla Evanjéliu di Sinhor, enkuantu kontinua ta vive ku sikolojia di ómi inferior komún y korrenti.

Kantu un rikonxe se própi nadedi y mizéria interior, kantu ten valor di rivisa se vida, indubitavelmenti ta ben sabe pa sí mésmu ma di ninhun manera ka ten méritu di ninhun spési.

“Agradisidu é kes pobres di spiritu pamodi es ta risebe reinu di séus”.

Pobres di spiritu ô indíjenti di spiritu, é rialmenti kes ki ta rikonxe se própi nadedi, dizivergonsa y mizéria interior. Kel klas di seres inkustionávelmenti ta risebe iluminason.

“Más fasil pasa un kamelu pa buraku di un agulha, ki un riku entra na reinu di séus”.

É ostenxivel ma menriki rikisidu pa txeu méritu, kundekórason y medalla, distingidu virtudi sosial y kunplikadu tiória akadémiku, ka é pobre di spiritu y pa es ka ta pode nunka entra na reinu di séus.

Pa entra na Reinu ta bira inpostergável tesoru di fé. Enkuantu ka ten produzi na kada un di nós dizdobramentu psikolójiku, FÉ ta rizulta algen más ki inposível.

FÉ é kunhisimentu puru, sabedoria spirimental direta.

FÉ foi senpri kunfundidu ku ban kreensas, kes Gnóstiku nu ka debe kai nunka na tan grave erru.

FÉ é spiriénsia direta di kel rial; vivénsia magnífiku di ómi interior; kunhison divinal auténtiku.

Ómi interior, kantu é konxe pa spiriénsia místiku direta se própi mundus internu, é ostenxivel ma é konxe tanbê kes mundus internu di tudu pesoas ki ta povua fazi di tera.

Ningén ka ta pode konxe kes mundus internu di planéta Tera, di sistema solar y di galásia undi nu ta vive, si antis ka konxe se própi mundus internu. Es é sinilar ku suisida ki ta skapa di vida pa porta falsu.

Kes stra perseson di drogaditu ten se raiz partikular na abominável órgan KUNDARTIGUADOR (kobras ki ta tenta di Éden).

Konsiénsia imbuxadu entre kes múltiprus elementu ki ta konstitui Egu ta prosesadu en virtudi di se própi imbuxamentu.

Konsiénsia eguíku ta deveni nton, na stadu kumatozu, ku alusinason hipnótiku txeu sinilar ku kes di kualker sujeitu ki sta ta atxa pa baxo influénsia di tal ô kual droga.

Nu pode plantea es kuestion na kel siguiinti forma: alusinason di konsiénsia eguíku é igual ku kes alusinason provokadu pa kes drogas.

Obviamente es dois tipu di alusinason ten se kauzas orijinal na abominável órgan KUNDARTIGUADOR. (Ben odja kapítulu XVI di prezenti livru).

Indubitabelmenti kes droga ta anikila kes raio alfa, nton inkustionávelmenti ta ben perdi ligason intrínseku entre menti y serébru; es di fetu ta rizulta frakasu total.

Drogaditu ta kunvêrti vísiu na rilijion y dizviadu ta pensa spirimenta kel rial pa baxo influénsia di kes drogas, ignora ma kes stra-perseson produzi pa marihuana, L.S.D., morfina, kes fungu alusinanti, kokaina, heroina, hashis, pilula trankilizanti na esésu, anfitaminas, barbitúrikus, etc., etc., etc., é meru alusinason ilaboradu pa abominável órgan KUNDARTIGUADOR.

Kes drogaditu involuindo, dijenerandu na ténpu, ta sumerji fin pa forma difinitiva drentu di kes mundus infiernu.